មន្ទីរអប់រំ យុវជន និងកីឡាខេត្តបាត់ដំបង

ព្រឹកថ្ងៃទី១១ ខែមិថុនា ឆ្នាំ២០២៦សកម្មភាពសិស្សថ្នាក់ទី៦ក ចុះសិក្សាស្រាវជ្រាវក្នុងសហគមន៍ ប្រធានបទស្ដីពីពី(ការសន្សំប្រាក់) សិស្សបឋមសិក្សាបាយដំរាំកើត ស្រុកបាណន់

នៅរសៀលថ្ងៃសៅរ៍ ១៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែមិថុនា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានអញ្ជើញចូលរួមសំណេះសំណាលដោយផ្ទាល់ជាមួយក្មួយៗសិស្សានុសិស្សកំពុងសិក្សានៅក្នុងថ្នាក់ ដោយក្នុងន័យនេះ សូមកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់នាយកសាលា លោកគ្រូ អ្នកគ្រូ ដែលបានយកចិត្តទុកដាក់ក្នុងការរៀននិងបង្រៀន ព្រមទាំងលើកទឹកចិត្តឱ្យបន្តខិតខំប្រឹងប្រែងបន្តទៀត ក៏ដូចជារៀបចំបរិស្ថានសាលារៀនឱ្យមានភាពបៃតង ស្រស់បំព្រង និងមានសណ្តាប់ធ្នាប់ល្អ៕

នៅព្រឹកថ្ងៃសៅរ៍ ១៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែមិថុនា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានអញ្ជើញចូលរួមជាអធិបតីដ៏ខ្ពង់ខ្ពស់ ក្នុងពិធីសំណេះសំណាលជាមួយបុគ្គលិកអប់រំ គរុនិស្សិត និងបាឋកថាគន្លឹះ ស្តីពី “កំណែទម្រង់គ្រូបង្រៀនក្នុងបរិវត្តកម្មឌីជីថលឆ្ពោះទៅកម្ពុជាឆ្នាំ២០៥០” នៅសាលមហោស្រពស្ទឹងសង្កែ ខេត្តបាត់ដំបង។ ពិធីនេះ មានការអញ្ជើញចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា តំណាងក្រុមប្រឹក្សាខេត្ត អភិបាលរងនៃគណៈអភិបាលខេត្តបាត់ដំបង ឯកឧត្តមបណ្ឌិតនាយកវិទ្យាស្ថានគរុកោសល្យបាត់ដំបង ឯកឧត្តមសាកលវិទ្យាធិការ សាកលវិទ្យាល័យជាតិបាត់ដំបង គណៈគ្រប់គ្រង និងបុគ្គលិកអប់រំ នៃវិទ្យាស្ថានគរុកោលស្យបាត់ដំបប្រធានមន្ទីរមុខងារសាធារណៈ ប្រធានមន្ទីរអ.យ.ក ប្រធានការិយាល័យអប់រំ យុវជន និងកីឡានៃរដ្ឋបាលក្រុង ស្រុកទាំង១៤ បុគ្គលិកអប់រំគ្រប់លំដាប់ថ្នាក់ នៃអនុវិទ្យាល័យអនុវត្តន៍ និងសាលាបឋមសិក្សាអនុវត្តន៍ គ្រូបង្រៀនគ្រប់កម្រិត គរុនិស្សិត សិក្ខាកាមវគ្គបណ្តុះបណ្តាលវិជ្ជាជីវៈជាប្រចាំ សរុបចំនួនប្រមាណ ១៥៦៥នាក់។

នៅព្រឹកថ្ងៃសៅរ៍ ១៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែមិថុនា ឆ្នាំ២០២៦ ក្រុមភ្លេងកាយរឹទ្ធិខេត្តបាត់ដំបង ចេញដំណើរទៅចូលរួមប្រកួតភ្លេងកាយរឹទ្ធិជាតិលើកទី៣ ក្រោមប្រធានបទ "ភ្លេងកាយរឹទ្ធិ ដើម្បីសន្តិភាព និងការអភិវឌ្ឍ" ដែលប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែមិថុនា ឆ្នាំ២០២៦ នៅពហុកីឡដ្ឋានជាតិអូឡាំពិក រាជធានីភ្នំពេញ។

នៅរសៀលថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែមិថុនា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា និងជាប្រធានក្រុមប្រឹក្សាភិបាលនៃសាកលវិទ្យាល័យជាតិបាត់ដំបង បានអញ្ជើញចូលរួមជាអធិបតី និងជាវាគ្មិនកិត្តិយស ក្នុងកម្មវិធីបាឋកថាស្តីពី “កំណែទម្រង់ឧត្តមសិក្សា”និង“ប្រគល់ប័ណ្ណសរសើរជូនដល់មន្រ្តីរាជការ បុគ្គលិកនៃសាកលវិទ្យាល័យជាតិបាត់ដំបង” ដោយមានការចូលរួមពីថ្នាក់ដឹកនាំក្រសួងអប់រំ និងថ្នាក់ដឹកនាំខេត្តបាត់ដំបង មន្រ្តីអប់រំ បុគ្គលិក សមណនិស្សិត និងនិស្សិតនៃសាកលវិទ្យាល័យជាតិបាត់ដំបងប្រមាណ៤៥០រូប។

នៅព្រឹកថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែមិថុនា ឆ្នាំ២០២៦ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា ជុំវិញខេត្តបាត់ដំបង និងខេត្តប៉ៃលិន។

នៅរសៀលថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ លោកស្រី មាសភិរុណ និងលោក ម៉ៅ សុបុណ្ណា អនុប្រធានមន្ទីរអប់រំ យុវជន និងកីឡាខេត្តបាត់ដំបង បានអញ្ជើញចូលរួមក្នុងកិច្ចប្រជុំណែនាំ ការចុះត្រួតពិនិត្យដំណើរការប្រឡងសញ្ញាបត្រមធ្យមសិក្សាបឋមភូមិ (ប្រឡងដោយឡែកពីការប្រឡងថ្នាក់ជាតិ) នៅតាមគ្រឹះស្ថានមធ្យមសិក្សាឯកជន សម្រាប់ឆ្នាំសិក្សា២០២៥-២០២៦ នៅសាលប្រជុំ"ឃ"មន្ទីរអប់រំ។

ការិយាល័យអប់រំកុមារតូចនៃមន្ទីរអប់រំ យុវជន និងកីឡាខេត្ត បាត់ដំបង បានសហការជាមួយការិយាល័យអប់រំ យុវជន និងកីឡានៃរដ្ឋបាលក្រុង ស្រុកទាំង១៤ បើកវគ្គប៉នជូនថ្នាក់ដឹកនាំការិយាល័យ និងមន្រ្តីជំនាញអប់រំកុមារតូចទាំង១៤ក្រុង ស្រុក នាយក នាយិកា និងគ្រូមត្តេយ្យសិក្សារដ្ឋ ស្ដីពី«ការរៀបចំធ្វើបច្ចុប្បន្នភាពកម្មវិធីសិក្សាលម្អិតមត្តេយ្យសិក្សារដ្ឋប្រចាំឆ្នាំ» ដែលមានរយៈចំនួន០២ថ្ងៃ ដោយគិតចាប់ពីថ្ងៃព្រហស្បតិ៍ ដល់សុក្រ​ ១១រោច ដល់១២រោច ខែជេស្ឋ ឆ្នាំមមី​ អដ្ឋស័ក ព.ស ២៥៧០ ត្រូវនឹងថ្ងៃទី១១ ដល់១២ ខែមិថុនា​ ឆ្នាំ២០២៦ នៅការិយាល័យអប់រំ យុវជន និងកីឡានៃរដ្ឋបាលស្រុកសំឡូត ក្រោមអធិបតីភាព របស់លោកស្រី មាស ភិរុណ អនុប្រធានមន្ទីរអប់រំ យុវជន និងកីឡាខេត្តបាត់ដំបង៕

ការិយាល័យអប់រំកុមារតូចនៃមន្ទីរអប់រំ យុវជន និងកីឡាខេត្ត បាត់ដំបង បានសហការជាមួយអង្គការប្រតិបត្តិការកុមារកម្ពុជា(OEC) បើកវគ្គបំប៉នជូនគ្រូមត្តេយ្យសិក្សាសហគមន៍ និងគ្រូមត្តេយ្យសិក្សារដ្ឋ ស្ដីពី«ការរៀបចំបរិស្ថានថ្នាក់រៀន ការងារគ្រប់គ្រងរដ្ឋបាលថ្នាក់ និងបច្ចេកទេសបង្រៀន និងរៀន» ដែលមានរយៈចំនួន០៣ថ្ងៃ ដោយគិតចាប់ពីថ្ងៃចន្ទ ដល់ពុធ​ ៨រោច ដល់១០រោច ខែជេស្ឋ ឆ្នាំមមី​ អដ្ឋស័ក ព.ស ២៥៧០ ត្រូវនឹងថ្ងៃទី០៨ ដល់១០ ខែមិថុនា​ ឆ្នាំ២០២៦ ក្រោមអធិបតីភាព របស់លោក សេង រ៉ាស៊ីន ប្រធានការិយាល័យអប់រំកុមារតូច៕

នៅព្រឹកថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦ លោក ម៉ៅ សុបុណ្ណា អនុប្រធានមន្ទីរអប់រំ យុវជន និងកីឡាខេត្តបាត់ដំបង បានអញ្ជើញចូលរួមក្នុងកិច្ចប្រជុំណែនាំបច្ចេកទេស រៀបចំការប្រឡងសញ្ញាបត្រមធ្យមសិក្សាបឋមភូមិ (ថ្នាក់ទី៩) សម្រាប់ឆ្នាំសិក្សា២០២៥-២០២៦ តាមប្រតិទិនប្រឡងរៀងៗខ្លួន (ប្រឡងដោយស្បែកការប្រឡងថ្នាក់ជាតិ) នៅសាលប្រជុំ"ឃ"មន្ទីរអប់រំ។