21/03/2026
នៅក្នុងដំណើរជីវិត ការរៀនសូត្រមិនដែលបញ្ចប់ត្រឹមសាលារៀន ឬអាយុនោះទេ មេរៀនដ៏ធំបំផុតមួយដែលយើងគួរចងចាំគឺ " #ការដាក់ខ្លួន" និង " #ការបើកចិត្ត"។
🚫 កុំធ្វើជាមនុស្សទឹកពេញកែវ
នៅពេលយើងគិតថាខ្លួនឯងចេះអស់ហើយ ខ្លាំងហើយ ឬលែងត្រូវការស្ដាប់អ្នកដទៃ នោះហើយជាចំណុចចាប់ផ្ដើមនៃភាពទាល់ច្រក ទឹកដែលពេញកែវ មិនអាចទទួលទឹកថ្មីបានទៀតទេ បើទោះជាទឹកនោះថ្លាឈ្វេង ឬមានតម្លៃយ៉ាងណាក៏ដោយ វានឹងហៀរចោលឥតប្រយោជន៍ ។
✨មនុស្សដែលដេកត្រាំក្នុងមោទនភាពឯង នឹងបាត់បង់ឱកាសរីកចម្រើន។
✅ ចូរធ្វើជាមនុស្សទឹកកន្លះកែវ
ការរក្សាចន្លោះទំនេរក្នុងចិត្ត គឺដើម្បីទទួលយកចំណេះដឹង បទពិសោធន៍ និងមតិរិះគន់ក្នុងន័យស្ថាបនា មនុស្សទឹកកន្លះកែវ គឺជាមនុស្សដែលស្រេកឃ្លានការអភិវឌ្ឍខ្លួនជានិច្ច គេដឹងថាពិភពលោកនេះធំធេង ហើយអ្វីដែលគេចេះ គឺគ្រាន់តែជាតំណក់ទឹកមួយតំណក់ក្នុងមហាសមុទ្រប៉ុណ្ណោះ។
😅ចូររស់នៅដោយមានមហិច្ឆតាចង់ចេះចង់ដឹង ប៉ុន្តែត្រូវដើរដោយភាពបន្ទាបខ្លួន ព្រោះថា... "អ្នកដែលគិតថាខ្លួនឯងនៅខ្វះ គឺជាអ្នកដែលនឹងទទួលបានលើសគេ។
