Krou Yeung School

សាលារៀនគ្រូយើង នឹងរៀបចំដំណើរទស្សនកិច្ចសិក្សារយៈពេល១២ថ្ងៃ សម្រាប់សិស្សគ្រូយើង ទៅកាន់សាលារៀនដៃគូ Bishop Druitt College (BDC) នៅរដ្ឋ New South Wales ប្រទេសអូស្ត្រាលី។ កម្មវិធីនេះ មានគោលបំណងជួយឱ្យសិស្សទទួលបានបទពិសោធន៍សិក្សាកម្រិតអន្តរជាតិ និងត្រៀមខ្លួនសម្រាប់ការសិក្សានៅក្រៅប្រទេសនាថ្ងៃអនាគត។ សិស្សានុសិស្សនឹងចូលរៀនក្នុងថ្នាក់ជាមួយសិស្សអូស្ត្រាលី រយៈពេលមួយសប្តាហ៍ ដើម្បីបង្កើនចំណេះដឹង និងការសិក្សាកម្រិតអន្តរជាតិ។ ក្រៅពីនេះ កូនៗនឹងមានឱកាសធ្វើដំណើរកម្សាន្តទៅកាន់តំបន់ទេសចរណ៍ល្បីៗនៅទីក្រុងស៊ីដនី។ ការជួបជាមួយសហគមន៍ខ្មែរ ក៏នឹងជួយសិស្សឱ្យទទួលបានបទពិសោធន៍ជាក់ស្តែងអំពីវប្បធម៌ និងជីវិតប្រចាំថ្ងៃនៅអូស្ត្រាលីថែមទៀត។ សាលាទទួលចុះឈ្មោះសិស្សសាលារៀនគ្រូយើងទាំងបីសាខា ចាប់ពីថ្ងៃនេះតទៅ។ ចេញដំណើរនៅថ្ងៃទី១៧ ខែសីហា ឆ្នាំ២០២៦ ខាងមុខនេះ។ ផុតកំណត់ទទួលពាក្យ ថ្ងៃទី៧ ខែមិថុនា ឆ្នាំ២០២៦។ សូមអរគុណ។

-----------------
ព័ត៌មានបន្ថែមសូមទាក់ទង៖
ភ្នំពេញ: https://t.me/KYSPP_Admin
រតនគិរី: https://t.me/KYSRTK_Admin
ស្ទឹងត្រែង: https://t.me/KYSSTG_Admin
លេខទូរសព្ទៈ 092 888 378 / 093 836 839

សាលារៀនគ្រូយើង សាខាខេត្តស្ទឹងត្រែង នឹងរៀបចំការប្រឡងតេស្តសមត្ថភាពភាសាអង់គ្លេស តាមស្តង់ដាខេមប៊្រីដ ចក្រភពអង់គ្លេស នៅថ្ងៃទី២៥ ខែកក្កដា ឆ្នាំ២០២៦។ ការប្រឡងនេះផ្តោតលើជំនាញសំខាន់ៗរួមមាន ការអាន ការសរសេរ ការស្តាប់ និងការនិយាយ។ ការធ្វើតេស្តនេះ រៀបចំសម្រាប់សិស្សថ្នាក់ទី៦ និងទី៩ ដើម្បីវាស់វែងកម្រិត សមត្ថភាព និងជួយពង្រឹងជំនាញបន្ថែមសម្រាប់ឆ្នាំបន្ទាប់។ ការប្រឡងធ្វើឡើងមួយឆ្នាំម្តង ក្រោមកិច្ចសហការរវាងសាលារៀនគ្រូយើង និង SpringBoard4Education ដែលសញ្ញាបត្រ ទទួលស្គាល់ជាសកល។ វាជាឱកាសដ៏មានតម្លៃសម្រាប់សិស្ស ក្នុងការបង្ហាញសមត្ថភាព និងទទួលបានបទពិសោធន៍អន្តរជាតិ។ សិស្សដែលមានចំណាប់អារម្មណ៍ អាចដាក់ពាក្យប្រឡងនៅរដ្ឋបាលសាលារៀនគ្រូយើង សាខាខេត្តស្ទឹងត្រែង ឱ្យបានមុនថ្ងៃទី៣០ ខែឧសភា ឆ្នាំ២០២៦។ សម្រាប់ព័ត៌មានបន្ថែម សូមទាក់ទងមកលេខ ០១១ ៨១៧ ៩៨២។ សូមអរគុណ។

នៅសប្តាហ៍នេះ កូនៗថ្នាក់ទី២ នៃសាលារៀនគ្រូយើងសាខាភ្នំពេញ បានធ្វើដំណើរកម្សាន្តទៅកាន់ CoCo Farm។ កូនៗបានទស្សនាសួនសត្វ និងស្វែងយល់អំពីជីវិតសត្វជាច្រើនប្រភេទ។ ក្រៅពីនេះ កូនៗក៏បានជិះកង់ និងជិះខ្សែរ៉តយ៉ាងសប្បាយរីករាយ។ កូនៗបានលេងកម្សាន្តជាមួយឧបករណ៍ផ្សេងៗ ដែលជួយបង្កើនសមត្ថភាពរាងកាយ និងការច្នៃប្រឌិត។ ដំណើរកម្សាន្តនេះ ក៏បានផ្តល់ឱកាសឱ្យកូនៗស្វែងយល់ពីធម្មជាតិ និងបរិស្ថានជុំវិញខ្លួនថែមទៀត។ នេះជាដំណើរកម្សាន្តមួយ ដែលជួយកូនៗឱ្យបានសម្រាកលំហែ មុនពេលប្រឡងបញ្ចប់ត្រីមាសទី៣ ឆ្នាំសិក្សា ២០២៥-២០២៦។ សាលារៀនគ្រូយើងសង្ឃឹមថា កូនៗនឹងរក្សាបទពិសោធន៍ល្អៗនេះ ជាកម្លាំងចិត្តសម្រាប់ការសិក្សាបន្តទៀត។

"គ្រូយើងកសាងទម្លាប់ និងអត្តចរិតល្អ!"
"Krou Yeung Builds Good Habits & Personalities!"
------------------
សាលារៀនគ្រូយើង បន្តចុះឈ្មោះកូនៗចូលរៀន
សម្រាប់ត្រីមាសទី៣ ចាប់ពីថ្នាក់មត្តេយ្យ ដល់
ថ្នាក់ទី១២ ចំណេះទូទៅ ភាសាខ្មែរ-អង់គ្លេស។
ព័ត៌មានបន្ថែមសូមទាក់ទងតាមតេឡេក្រាម៖
ភ្នំពេញ: https://t.me/KYSPP_Admin
រតនគិរី: https://t.me/KYSRTK_Admin
ស្ទឹងត្រែង: https://t.me/KYSSTG_Admin
ឆាណែលគ្រូយើងៈ https://t.me/krouyeungschool
គេហទំព័រគ្រូយើងៈ www.krouyeung.org
លេខទូរសព្ទៈ 092 888 378 / 093 836 839

សាលារៀនគ្រូយើង សាខាខេត្តរតនគិរី នឹងរៀបចំការប្រឡងតេស្តសមត្ថភាពភាសាអង់គ្លេស តាមស្តង់ដាខេមប៊្រីដ ចក្រភពអង់គ្លេស ចាប់ពីថ្ងៃទី២៧ ដល់ថ្ងៃទី២៩ ខែកក្កដា ឆ្នាំ២០២៦។ ការប្រឡងនេះផ្តោតលើជំនាញសំខាន់ៗ រួមមាន ការអាន ការសរសេរ ការស្តាប់ និងការនិយាយ។ ការធ្វើតេស្តនេះ រៀបចំសម្រាប់សិស្សថ្នាក់ទី៦ និងទី៩ ដើម្បីវាស់វែងកម្រិតសមត្ថភាព និងជួយពង្រឹងជំនាញបន្ថែមសម្រាប់ឆ្នាំបន្ទាប់។ ការប្រឡងធ្វើឡើងមួយឆ្នាំម្តង ក្រោមកិច្ចសហការរវាងសាលារៀនគ្រូយើង និង SpringBoard4Education ដែលសញ្ញាបត្រ ទទួលស្គាល់ជាសកល។ វាជាឱកាសដ៏មានតម្លៃសម្រាប់សិស្ស ក្នុងការបង្ហាញ សមត្ថភាព និងទទួលបានបទពិសោធន៍អន្តរជាតិ។ សិស្សដែលមានចំណាប់អារម្មណ៍ អាចដាក់ពាក្យប្រឡងនៅរដ្ឋបាលសាលារៀនគ្រូយើង សាខាខេត្តរតនគិរី ឱ្យបានមុនថ្ងៃទី៣១ ខែឧសភា ឆ្នាំ២០២៦។ សម្រាប់ព័ត៌មានបន្ថែម សូមទាក់ទងមកលេខ ០១២ ៦៧ ៨០ ១៨ ឬ ០៨៨ ៤៩៦ ២២៧៨។ សូមអរគុណ។

ជារៀងរាល់ឆ្នាំ សាលារៀនគ្រូយើងបានចូលរួមក្នុងការរៃអង្គាសថវិកា ដើម្បីគាំទ្រដល់មន្ទីរពេទ្យកុមារអង្គរ។ នៅឆ្នាំនេះ យើងបន្តចូលរួមក្នុងសកម្មភាពដ៏មានតម្លៃនេះ ដើម្បីជួយទ្រទ្រង់សេវាសុខភាពប្រកបដោយគុណភាព និងក្តីមេត្តាករុណាដល់កុមារកម្ពុជា។ មាតាបិតា សិស្សានុសិស្ស លោកគ្រូអ្នកគ្រូ និងសាធារណជនទូទៅ អាចចូលរួមបរិច្ចាគថវិកាជាមួយសាលារៀនគ្រូយើង តាមរយៈ QR Code ខាងក្រោម។ ការចូលរួមរបស់លោកអ្នកគឺជាការរួមចំណែកផ្តល់ក្តីសង្ឃឹម និងស្នាមញញឹមសម្រាប់កុមារកម្ពុជា។ សូមថ្លែងអំណរគុណយ៉ាងជ្រាលជ្រៅ ចំពោះទឹកចិត្តសប្បុរសរបស់លោក លោកស្រី នាងកញ្ញា និងសិស្សានុសិស្សទាំងអស់។

ព័ត៌មានបន្ថែមសូមទាក់ទង៖
ភ្នំពេញ: https://t.me/KYSPP_Admin
រតនគិរី: https://t.me/KYSRTK_Admin
ស្ទឹងត្រែង: https://t.me/KYSSTG_Admin
ឆាណែលគ្រូយើងៈ https://t.me/krouyeungschool
គេហទំព័រគ្រូយើងៈ www.krouyeung.org
លេខទូរសព្ទៈ 092 888 378 / 093 836 839

ឱកាសដ៏មានតម្លៃសម្រាប់សិស្សបានមកដល់ហើយ!

សាលារៀនគ្រូយើងសាខាស្ទឹងត្រែង សូមប្រកាសជ្រើសរើសសិស្ស ចូលរួមកម្មវិធីផ្លាស់ប្តូរការសិក្សានៅប្រទេសអូស្ត្រាលី។ កម្មវិធីនេះមានរយៈពេល ២ខែ ចាប់ពីខែកក្កដា ដល់ខែកញ្ញា ឆ្នាំ២០២៦ នៅសាលាដៃគូ Toowoomba Anglican School (TAS) ទីក្រុងប៊្រីសបែន រដ្ឋឃ្វីនស្លែន។ សិស្សនឹងទទួលបានអាហារូបករណ៍លើថ្លៃសិក្សា អាហារ និងការស្នាក់នៅ ព្រមទាំងឱកាសពង្រឹងសមត្ថភាពភាសាអង់គ្លេស និងការផ្លាស់ប្តូរវប្បធម៌ទៅវិញទៅមក។

លក្ខខណ្ឌនៃការជ្រើសរើស៖ ជាសិស្សថ្នាក់ទី៩ ដល់ទី១១ ក្នុងឆ្នាំសិក្សា ២០២៥-២០២៦ នៃសាលារៀនគ្រូយើងសាខាខេត្តស្ទឹងត្រែង មានសមត្ថភាពភាសាអង់គ្លេសល្អ និងលទ្ធផលសិក្សានិទ្ទេស A, B ឬ C។

ឈប់ទទួលពាក្យ៖ ថ្ងៃទី៣១ ខែឧសភា ឆ្នាំ២០២៦។ សម្រាប់ប្អូនៗដែលមានចំណាប់អារម្មណ៍ សូមមកដាក់ពាក្យ នៅការិយាល័យរដ្ឋបាលសាលារៀនគ្រូយើងសាខាខេត្តស្ទឹងត្រែង។

ព័ត៌មានបន្ថែម៖ អ៊ីមែល៖ [email protected] ឬតេឡេក្រាម៖ 078 75 14 82

នៅថ្ងៃសៅរ៍នេះ លោកគ្រូអ្នកគ្រូថ្នាក់បឋម នៃសាលារៀនគ្រូយើងសាខាភ្នំពេញ បានចូលរួមវគ្គបណ្តុះបណ្តាលពង្រឹងសមត្ថភាពបន្ថែម។ ការបណ្តុះបណ្តាលនេះ ផ្តោតលើការកែលម្អវិធីសាស្ត្របង្រៀនភាសាខ្មែរ និងអង់គ្លេសឱ្យកាន់តែមានប្រសិទ្ធភាពខ្ពស់។ គោលបំណងសំខាន់គឺពង្រឹងសមត្ថភាពលោកគ្រូអ្នកគ្រូ ក្នុងការប្រើប្រាស់វិធីសាស្ត្រថ្មីៗ ដើម្បីបង្រៀនមុខវិជ្ជាគណិតវិទ្យា វិទ្យាសាស្ត្រ និងសិក្សាសង្គម។ វគ្គនេះក៏ជួយធានាថាសិស្សានុសិស្សទទួលបានការអប់រំប្រកបដោយគុណភាព និងស្របនឹងស្តង់ដាសកលដែរ។ ការបណ្តុះបណ្តាលនេះ រៀបចំដោយក្រុមការងារធានាស្តង់ដា និងគុណភាពអប់រំ (SQA) ដែលមានបទពិសោធន៍ នៅសាលារៀនគ្រូយើង។ យើងសង្ឃឹមថា វគ្គនេះនឹងជួយបង្កើនសមត្ថភាពបង្រៀន និងលទ្ធផលសិក្សារបស់សិស្សានុសិស្សឱ្យកាន់តែល្អប្រសើរ។

ក្នុងនាមជាឪពុកម្តាយ តើអ្នកមានពេលសម្រាប់អានសៀវភៅ ឬនិទានរឿងជាមួយកូនៗនាចុងសប្តាហ៍ទេ?