Баткен мамлекеттик университетинин Көп тармактуу колледжи

Көп тармактуу колледжинин директору Шерали Курбанович студенттер күнүнө карата мыкты жетишкендиктери жана колледждин иштерине активдүү катышкандыгы үчүн колледждин эң алдыңкы 10 студентине “Жылдын мыкты студенти-2024” наамын ардак грамотасы менен тапшырды.

БатМУнун Көп тармактуу колледжи 17-ноябрь Студенттер күнү майрамын 15-ноябрда өткөрүштү. Майрамдык кече оюн-зоок программалары баалуу белектер менен коштолуп, колледждин мыкты студенттерине наамдар ыйгарылды. Иш-чарада колледждин директору Шерали Курбанович студенттерге куттуктоо сөзүн айтты.
Адамга берилген өмүрдө – жаштык курактын кайталангыс орду бар. Ал эми студенттик күндөрүң келечек турмушуңун пайдубалын түптөй турган кез. Айрыкча, бүгүнкү күндүн шартында жөндөмүңө жараша кесип тандап, анын өтөөсүнө чыгуу үчүн татыктуу билим алуу шарт деп баса белгиледи. Майрамыңар кут болсун СТУДЕНТ!

17-ноябрь Эл аралык студенттер күнүнө карата окуудагы мыкты жетишкендиги жана коомдук иштерге активдүү катышкандыгы үчүн БатМУнун Көп тармактуу колледжинин студенттери Маликова Айнагүл жана Акынбеквна жана Абдушүкүров Бексултан Жолдошбекович Баткен мамлекеттик университетинин ректору Айдарбек Токторович Гыязовдун “АРДАК ГРАМОТА”сы менен сыйланды.

Көп тармактуу колледжинин жалпы студенттерине Баткен шаардык ички иштер бөлүмүнүн жашы жете элек иштери боюнча аймактык тескөөчүлөрү менен биргеликте Баткен облустук үй-бүлөлүк дарыгерлер борборунун жугуштуу оорулар жана гинекология бөлүмүнүн дарыгерлери студенттерге зордук зомбулук, кылмыштуулуктун алдын алуу жана жугуштуу оорулар боюнча маалымат беришип, кеп кеңеш беришти.

Баткен облусунун түзүлгөндүгүнүн 25 жылдык маарекесин белгилөөдө активдүү катышкандыгы үчүн КРнын Президентинин Баткен облусундагы ыйгарым укуктуу өкүлү Абдикарим Алимбаев, облус активи катышкан жыйында борбордук стадиондо БАТМУнун Көп тармактуу колледжининин студенттери менен массалык иш чараларды чагылдыруу жаатында активдүү катышкан биздин директорубуз Шерали Курбанович өкүлдүн “Ардак грамотасы” менен сыйланды.

Кара-Кыргыз автономдуу облусунун 100 жылдыгына, Баткен облусунун жана Баткен шаарынын түзүлгөндүгүнүн 25 жылдыгына арналган маарекенин көркүн ачкан биздин, БатМУнун Көп тармактуу колледжинин жалпы жамааты жана студенттери активдүү катышышты.

Бүгүн Көп тармактуу колледжинин директору Шерали Курбанович 1-октябрь Эл аралык карылар күнүнө карата улгайган профессордук-окутуучулар курамынын жана башка кызматкерлин куттуктады. Аларга куттуктоо сөзүн айтып, жалпы жамааттын атынан уюшулган белектерин тапшырды. Карылар күнүн белгилөөнүн максаты – дүйнө коомчулугунун улгайган адамдардын көйгөйлөрүнө жана алар муктаж болгон нерселерге көңүлүн бурдуруу, карыялардын коомчулукка керек экендигин түшүндүрүү аркылуу аларга колдоо көрсөтөөрүн айтып өттү.

Кыргыз Республикасынын Эмгек, социалдык камсыздоо жана миграция министрлиги тарабынан региондордо эмгек рыногу боюнча изилдөө жүргүзүлүүдө .Сурамжылоо юридикалык жана жеке жактардын, дыйкан-фермердик чарбалардын, билим берүү мекемелеринин жетекчилери жана жаштардын арасында учурдагы жумушчу күчүнө болгон талапка ылайык баалоо болуп саналат.. Сурамжылоону “Эрфольг Консалт” компаниясынын өкүлү Бактыбекова Сара Бактыбековна жүргүздү.

28.09.2024-жылга Көп тармактуу колледжинин жалпы кызматкерлери ишембилик өткөрүүдө. Кыргыз Республикасынын Президентинин Баткен облусундагы
ыйгарым укуктуу өкүлүнүн 2024-жылдын 6-апрелиндеги “Баткен облусунун
түзүлгөндүгүнүн 25 жылдыгын өткөрүүгө даярдыктарды көрүү жөнүндөгү”
№82-б буйругуна ылайык, 2024-жылдын 28-сентябрь жана 5-октябрь
ишемби күндөрү Баткен облусунун аймагында айлана-чөйрөнү тазалоо
багытында массалык ишембиликке Көп тармактуу колледжинин жалпы жамааты чыгышты.