01/04/2019
КЫРГЫЗ РЕСПУБЛИКАСЫНЫН
БИЛИМ БЕРҮҮ ЖАНА ИЛИМ МИНИСТРЛИГИ
Ош мамлекеттик университети
Эл аралык мамилелер факультети
Чыгыш таануу кафедрасы
Жаш чыгыш таануучулар клубу
723500. Ош шаары, Ленин көч., 331
тел: (+996 3222) 22273, факс: (3222) 20997
[email protected]
№___ «____»____________2019-ж. Ош шаары
МААЛЫМАТ КАТ
“КРнын Тышкы Иштер Министрлигинин түзүлгөндүгүнүн 75 жылдыгына” жана “ОшМУнун 80 жылдыгына” карата ОшМУнун эл аралык мамилелер факультетинин “Чыгыш таануу” кафедрасынын алдында уюшулган “Жаш чыгыш таануучулар” клубунун демилгеси жана уюштуруусу менен “Чыгыш өлкөлөрүнүн тарыхый, этно-маданий, социалдык-экономикалык жана саясий байланыштары” деген темада студенттердин, магистранттардын жана жаш Окумуштуулардын I Аймактык илимий-теориялык төгөрөк столу өтөт.
Төгөрөк стол 2019-жылдын 27-апрелинде өтөт.
Өтүүчү жери: 723500,Ош шаары, Ы.Монуев көчөсү, 48А.
Төгөрөк столдун жумушчу тили: кыргыз, орус, англис.
Төгөрөк столго катышуу үчүн катышуучу илимий макаласынын электрондук вариантын жана өзү жөнүндө төмөнкүдөй маалыматтарды толтуруп жөнөтүүсү зарыл.
1. Ф.А.А.
2. Илимий даражасы, наамы.
3. Иштеген жери, кызматы.
4. Илимий докладынын аталышы.
5. Почталык жана электрондук дареги, телефону.
Төгөрөк столго катышуу үчүн илимий макалаларды төмөнкүдөй тартипте даярдап, көрсөтүлгөн дарекке жөнөтүүсү зарыл:
Макаланын көлөмү 5 беттен кем эмес болуп, текст солдон 2,5 см, оңдон, жогорудан жана төмөндөн 2 см талаа менен Word редакторунда, абзац стандартка ылайык, 12-өлчөмүндөгү Тамга-Кит программасында (кыргыз тилиндеги макалалар үчүн), Times New Roman шрифтинде (орус тилиндеги макалалар үчүн), 1,5 сап аралык интервал менен терилүүсү зарыл.
Макалада эң жогорку саптын сол жагында УДК, андан кийинки саптын оң жагында автордун (авторлордун) аты-жөнү, иштеген, окуган жери, электрондук дареги көрсөтүлөт (макаланын темасы жана авторлор тууралуу маалыматтар англис тилинде да берилүүсү керек), андан кийинки сапта макаланын темасы берилет.
Макаланын аннотациясы кыргыз, орус, англис тилдеринде 600 белгиден туруп, бир абзацтан ашпоосу зарыл. Макаланын ачкыч сөздөрү кыргыз, орус, англис тилдеринде 6 – 10 сөз болууга тийиш.
Шилтемелер чарчы кашаа түрүндө көрсөтүлөт.
Пайдаланылган адабияттардын тизмеси макаланын аягында алфавит тартибинде тизмеленип берилет.
Макаланын автору (авторлору) жөнүндөгү кыскача маалыматтар (студенттер үчүн курсу, тайпасы, факультети, окуу жайы, телефон номери жана илимий жетекчисинин аты-жөнү) башка баракка көрсөтүлөт.
Конференциянын жыйынтыгында илимий макалалардын топтому ОшМУнун жарчысынын атайын чыгарылышына жарык көрөт.
Макаланын ар бети үчүн авторлор 100 сомдон төлөөсү зарыл.
Төгөрөк столго катышуу үчүн макалалар 2019-жылдын 22-апрелине чейин электрондук варианты менен кошо төмөнкү дарек боюнча кабыл алынат:
723500, Ош шаары, Ы.Монуев көчөсү, 48А, 410-кабинет.
Телефон номери: 0551 02 53 02
Электрондук почта: [email protected].
Төгөрөк столдун уюштуруучулары жана жооптуулар:
ОшМУнун эл аралык мамилелер факультетинин “Чыгыш таануу” кафедрасынын алдындагы “Жаш чыгыш таануучулар” клубу.
