Чоң-Алай райондук балдардын чыгармачылык борбору

01/06/2026

Бүгүн 1-июнь "Балдарды коргоо" күнүнө карата жана Балдардын чыгармачылык борборунун жылдык жыйынтыктоочу "Чыгармачыл бала өлкөнүн келечеги" аталышындагы отчёттук концерттик кечебиз болуп өттү. Кечеде таланттуу окуучуларыбыздын өнөрлөрүнө күбө болуп, майрамдык куттуктоолор айтылды. Жыйынтыгында 2025-2026- окуу жылында ийрим сабактарына, борбордо өткөрүлгөн сынактарга активдүү катышкан окуучуларга Ардак грамоталар тапшырылды. Майрамдык кечеге келген ийрим окуучуларына таттуулар таратылды.

#Ийрим #РУМЦЭВ #Балажан #БЧБ

24/05/2026

Кыргыз Республикасынын Президентинин 2023-жылдын 29-декабрындагы ПК №369 "Ак илбирсти Кыргыз Республикасынын улуттук символу деп таануу" жөнүндө жана "Улуттук дем-дүйнөлүк бийиктик" уңгужолу Жарлыктарын колдоо жана ишке ашыруу максатында өткөрүлгөн "Ак илбирс-Чоң-Алайдын символу:театр дүйнөсү экологиялык тарбиядан глобалдык ой жүгүртүүгө" аттуу облустук семинар өткөрүлдү.
Семинардын жүрүшүндө ийримдер жарманкеси, усулдук окуулар, мастер-класстар, сахналык көрүнүштөр жана Мамаражапова Марзихан Курсановнанын "Ак илбирстин арманы" спектакли, концерттик программа менен жыйынтыкталды.
Семинарда алдыңкы чыгармачыл мугалимдердин эмгектери бааланып, ОБЧБнын, РБББнын, профсоюздун Ардак грамоталары менен сыйланды. Семинарга ОБЧБнын директору Муратов Абдыкерим Аттокурович жана райондордогу балдардын чыгармачылык борборлорунун директорлору, чыгармачыл мугалимдер, Рай админстрация, Чоң-Алай айыл өкмөтүнүн орун басары, музей башчылар жана РБББнын кызматкерлери катышты.

#Семинар
#РУМЦЭВ
#Ийрим
#Ийгилик
#РДЮЦЭКТ

20/05/2026

Балдарга кошумча билим берүү борборлор арасында өткөрүлгөн "Жан дүйнөмдүн кесиби-2026" жылдын мыкты ийрим мугалими сынагынын облустук турунда Чоң-Алай райондук балдардын чыгармачылык борборунун "Компилятор" ийриминин мугалими Шарипова Айдана Кожалиевна 2-орунга ээ болду. Сынактын облустук туру жободо көрсөтүлгөн 4 тапшырманын негизинде жогорку деңгээлде өткөрүлдү. 2-орунга ээ болгонду үчүн ОБЧБнын 2-даражадагы Диплому жана Ардак грамотасы, ошондой эле баалуу белеги менен сыйланды. Эжекеге ийгиликтерди каалайбыз!

#Ийгилик
#Сынак
#БЧБ
#ЖылдынМыктыИйримМугалими
#Румцэв

20/05/2026

Ош облустук "Манас жаштары" уюмунун түзүлгөндүгүнүн 30 жылдыгына жана Кыргыз Республикасынфн Президентинин "Улуттук дем-дүйнөлүк бийиктик" уңгужолу Жарлыгын колдоо максатында өткөрүлгөн "Мыкты Манас жаштары уюму-2026" сынагынын облустук туру өткөрүлдү. Облустук турга райондук турдан Гран приге ээ болгон Ж.Бөкөнбаев атындагы жалпы билим берүү мектеби мекемесинин "Манас жаштары" уюмунун лидер окуучулары катышып, уюмдун Президенти 2-орунга ээ болуп, жалпы лидер окуучулар активдүү катышышты. "Манас жаштары" уюмунун жетектеп барган Өмүрбек кызы Дарья Ош облустук балдардын чыгармачылык борборунун Ардак грамотасы менен сыйланып, баалуу белектерге ээ болушту. Окуучулардын мыкты деңгээлде даярдаган Дарья Өмүрбековнага жана мектеп администрациясына ыраазычылык билдиребиз! Ийгиликтериңиздер кут болсун!

#МЖУ
#Румцев
#БЧБ
#Ийгилик
#Балажан

20/05/2026

Ош облустук балдардын чыгармачылык борбору жана Ош облустук ЖКККБ тарабынан уюштурулган облустук "Жол кыймылынынжаш тескөөчүлөрү-2026" сынагы өткөрүлдү. Сынакка Балдардын чыгармачылык борборунун "Жаш инспектор" ийриминин окуучулары жогорку деңгээлде катышып, мфкты көрсөткүч көрсөтүштү жана ОБЧБнын Диплому, баалуу белектери менен сыйланды. Ийрим окуучуларга жана даярдаган мугалими Маматкадырова Акмарал эжекеге ийгилик каалайбыз!
#БЧБ
#Балажан
#Румцев
#Ийгилик

10/05/2026

Кыргыз Республикасынын Агартуу министрлиги жана "Алтын түйүн" улуттук инженердик-техникалык академиясы тарабынан өткөрүлгөн "Биз 21-кылымдын интеллектуалдарыбыз" форумунун облустук туру Ош шаарында Ош облустук балдардын чыгармачылык борбору тарабынан Ош технологиялык университетинде уюштурулуп өткөрүлдү. Форумдун облустук туруна Чоң-Алай райондук балдардын чыгармачылык борборунун техникалык чыгармачылык багытындагы ийримдеринин райондук турунда 1-орунга ээ болгон окуучулары катышышты. Форум 3 жаш курактан 8 номинация боюнча өткөрүлдү. Санариптик дизайн аталмасы боюнча "Компилятор" ийриминин окуучусу 1-орунга ээ болуп, республикалык турга Абдилазизова Рабия жолдомо алды. IT аталмасы боюнча 3-орунга Замирбек уулу Мустафа, архитектуралык чечимдер аталмасы боюнча Жумабаев Байгазы активдүү катышуучу болду. "Техно-Ой" ийриминин окуучусу Робототехника аталмасы боюнча Найманкулов Айтеңир 3-орунга, экологияны коргоо, электр энергиясын үнөмдөө аталмасы боюнча Турганбаев Кудайбак активдүү катышуучу, "Жаш канат" ийриминин окуучусу экологияны коргоо, электр энерниясын үнөмдөө аталмасы боюнча кенже курактан 3-орунга Махаммаджанов Аббас, робототехника жана учкучсуз учак жасоо аталмасы боюнча 3-орунга Убайдиллаев Нурислам, инженердик жана механикалык чечимдер аталмасы боюнча "Робототехника" ийриминин окуучусу Эшбаев Имомидин 3-орунга ээ болду. Жогорудагы байгелүү орунга ээ болгон окуучулар ОБЧБнын жана ОшТУнун Дипломдору менен сыйланышты. Даярдаган окуучусу 1-орунга ээ болгондугу үчүн Шарипова Айдана Кожалиевна Ош билим берүү институтунун Ардак грамотасы менен сыйланды. Алдыңкы орундарга ээ болгон жана окуучуларды жетектеп барган мцгалимдерге ыраазычылык билдиребиз! Жаш ойлоп табуучу окуучуларыбызга ийгиликтерди каалайбыз! Азаматсыздар чыгармачылык мугалимдерибиз жана окуучуларыбыз!

#Ийгилик
#Ойлоптубуучу
#БЧБ
#Алтынтүйүн

30/04/2026

2025-2026- окуу жылынын экинчи жарым жылдыгы үчүн "Күү жаңырыгы" жана "Ай шоола" бий ийриминин окуучулары тарабынан даярдалган кече болуп өттү. Кечеде таланттуу окуучулардын өнөрлөрүнө күбө болдук. 1-2-3-окуу жылындагы ийрим окуучуларынын ата-энелери да келип конок болушту. Таланттуу окуучуларга жана даярдаган мугалимдерге ийгилик каалайбыз!


#бий
#комуз
#кече
#Балажан

26/03/2026

Кыргыз Республикасынын Президентинин "Кыргыз жараны", "Улуттук дем-дүйнөлүк бийиктик" уңгужолу Жарлыктарын ишке ашыруу максатында өткөрүлгөн "Мен Кыргызстандык экениме сыймыктанам" аталышындагы аймактар аралык сынагынын облустук туру өткөрүлдү. Сынактын облустук туруна райондук турда жеңүүчү деп табылган 1-орунга ээ болгон 9 катышуучусу катышып, байгелүү алдыңкы орундарга ээ болуп келишти. Атап айтсак 7-11 жаш курактан улуттук аспапта ойноо боюнча "Күү жаңырыгы" ийриминин окуучулары Абылкасымова Раяна активдүү катышуучу, 12-14 жаш курак боюнча Шамаматова Алия, 3-орунга Адылжанов Амантур, 7-11 жаш курактан бий боюнча "Ай шоола" бий ийриминин окуучусу Бабаравшанова Аяна, 15-17 жаш курактан 3-орунга Нажимидин Кармышов атындагы жалпы билим берүү мектеби мекемесинин окуучусу Орозалиева Альбина жана 12-14 жаш курак боюнча 1-орунга Бурканова Айша, ыр багыты боюнча 7-11 жаш курактан Ленин атындагы жалпы билим берүү мектеби мекемесинин окуучусу Мырзамидинова Адеми активдүү катышуучу, 12-14 жаш курактан Көк-Суу жалпы билим берүү мектеби мекемесинин окуучусу Базарбаева Сумая активдүү катышуучу, 15-17 жаш курак боюнча Ак-Суу орто мектеби мекемесинин окуучусу Дүйшөбаева Курманжан 2-орунга ээ болушту. Жеңүүчү окуучуларыбызды жана даярдаган мугалимдерин куттуктайбыз! Окуучулардын ийгиликтеринде чек болбосун!
_____________________
#Балажан
#Ийгилик

#Ийрим
#Чыгармачылык

26/03/2026

03/03/2026

КРнын Президентинин "Улуттук дем-дүйнөлүк бийиктик" уңгужолу Жарлыгын ишке ашыруу максатында, Ош облустук балдардын чыгармачылык борбору тарабынан уюштурулган облустук "Апакеме белек" сынагы өткөрүлүп, жыйынтыгында райондук турда мыкты деп тандалган Эсенкелди уулу Максатбек атындагы жалпы билим берүү мектеби мекемесинин базасында уюштурулган Балдардын чыгармачылык борборунун "Чебер колдор" ийриминин окуучусу Абдикаримов Тимур жана апасы Ибраимова Жумагүл катышып, байгелүү 1-орунга ээ болушту.
Сынактын облустук туру Ош шаарында 3 тапшырма менен 3-март күнү өткөрүлдү. Жыйынтыгында ОБЧБнын 1-даражадагы Диплому жана белек менен сыйланышты. Сынакка даярдаган ийрим мугалими Апсалам кызы Атиргүл эжекени ийгилиги менен куттуктайбыз! Ийримдин ийгилиги мол болсун!
___________________________________________________________________

#ОБЧБ
#Ийгилик

#Сынак
#БЧБ