Кыргыз филологиясы жана журналистика факультети

Куттуктайбыз!

Ош мамлекеттик педагогикалык университетинде педагогика илимдеринин кандидаты, профессор С.М.Мадраимовдун 75 жылдык мааракесине арналган "ЖАҢЫ МААЛЫМАТТЫК ТЕХНОЛОГИЯЛАР МЕЗГИЛИНДЕГИ СТУДЕНТТИК ИЛИМДИН ӨНҮГҮШҮ" аттуу студенттердин аймактык илимий-практикалык конференциясында ОшМУнун кыргыз филологиясы жана журналистика факультетинин студенттери Бактияр кызы Асел атайын сертификат жана Исхак Эгемназаров 2-даражадагы диплом, 2 миң сом акчалай сыйлык менен сыйланды. Эске салсак бул конференцияга ОшМУнун атынан ушул эки гана студентибиздин катышкандыгы чоң сыймык!

📍 ЭСКЕРҮҮ

БҮГҮН факультетибизде коомдук ишмер, филология илимдеринин кандидаты, доцент маркум агайыбыз АСАМИДИН АТТОКУРОВДУ эскерүү-кечеси болуп өттү.

АГАЙДЫН мыкты адам, мыкты жетекчи, мыкты тилчи, мыкты коомдук ишмер, мыкты уюштуруучу болгондугун коллективи, достору, шакирттери эскеришти.

Агайыбыздын үй-бүлөсү кышкы сессиянын жыйынтыгы менен рейтингде биринчиликке чыккан алдыңкы студенттерге АСАМИДИН АТТОКУРОВ атындагы СТИПЕНДИЯ тапшырышты.

🇰🇬АГАЙЫБЫЗ 75 ЖАШТА🇰🇬

2022-жылдын 11-апрелинде куттуу окуу жайыбызда көрүнүктүү- тилчи, филология илимдеринин кандидаты, профессор Нуруев Тыныбек Эркебаевич менен жолугушуу- кечеси болуп өттү.

Кечеде агайдын бейнесине сүртүмдөр айтылып, кыргыз тил илиминин өнүгүшүнө салым кошкондугу, окутуучу, кафедра башчысы, декан болуп турган мезгилинде факультеттин түптөлүшүнө кошкон салымы айтылды.

Жыл жыйынтыгы-2021

Мыктылар сыйланды.

Куттуу окуу жайыбыздын кадырын бийик көтөргөн мыктыларыбыз!!!

Ош мамлекеттик университетинин кыргыз филологиясы жана журналистика факультетинин кыргыз тили жана адабияты адистигинде окуган биздин мыктыларыбыз, КЛ(б)-1-18 тайпасынын студенттери:

Бактыбек кызы Айзат
Балтабаева Аваскан
Маматова Дилфузахан
Токторали кызы Бермет

ички мобилдүүлүк боюнча Кыргызстандын бермети болгон кереметтүү Ысык-Көл жергесиндеги Касым Тыныстанов атындагы Ысык-Көл мамлекеттик университетинде окуп жатышат.

Окуу менен гана чектелбестен, өздөрүнүн демилгеси менен К.Сактановдун "Маркумдар үнү" чыгармасынын негизинде китеп сынагын уюштурушуп, жогорку деңгээлде өткөрүштү.

Студенттерибиздин демилгесин колдоп, моралдык, материалдык жактан колдоо көрсөткөн ЫМУнун жалпы жамаатына ыраазычылык билдиребиз.

Кыргыз филологиясы жана журналистика факультетинде 2021 - жылдын 20 - декабрь күнү факультеттик деңгээлде "ОРАТОР" дебаттык оюну болуп өттү. Дебаттык оюндун жеңүүчүлөрү дипломдор менен сыйланышты. Ошондой эле факультеттин 1 айлык "БАШАТ" дебаттык курсун аяктаган төмөнкү 7 студентке сертификат тапшырылды:
1. Асылбек кызы Айзирек
2. Бердибаева Жасмина
3. Мыктыбек кызы Гүлнура
4. Номанов Өмүрбек
5. Нурсовет кызы Бегимай
6. Тагайбек уулу Байболот
7. Тойчубек уулу Олжобай
"БАШАТ" дебаттык курсунун тренери Сезим Сагынбековага, бүгүнкү дебаттык оюнду уюштуруп берген уюштуруучуларга, дебаттык оюнга калыстык кылып берген Жолдошбай уулу Сыймык мырзага жана Сайпидинова Улуш айымга терең ыраазычылык билдиребиз!

Мобилдүүлүк-байланыштын дагы бир өзгөчө ыкмасы демекчи,окуу менен чет жерде жүргөн студенттерибиз менен ал-акыбал сурашпай койбойбуз.Алар менен тыгыз кабарда болуп, сүйлөшүп турабыз,анда алар:«Биз Ош мамлекеттик университетинин кыргыз филологиясы жана журналистика факультетин 4-курсунун студенттерибиз. Учурда сырткы мобилдүүлүк боюнча Түркиянын Сивас шаарындагы Сивас Жумхуриет университетинде билим алып жатабыз. Көптөгөн студенттердин ар тараптуу өнүгүүсүнө колдоо көрсөтүп жаткан куттуу окуу жайыбыздын ардактуу мугалимдерине терең ыраазычылык билдиребиз»,-дейт биздин ардактуу студенттерибиз.

Аларга чын ден соолук каалоо менен бирге,окууларына ар дайым ийгиликтерди тилеп өтмөкчүбүз.

🎓🎓Кубанычтуу кабар🎓🎓

2021-жылдын 14-декабрь күнү Ош мамлекеттик университетинин кыргыз филологиясы жана журналистика факультетинин журналистика адистигинде окуган ЖК(б)-1-18 тайпасынын сыймыктуу студенти Абиев Кадырбек Асилбекович Президенттик "Үмүт" стипендиясына татыктуу болду.

Сыйлыкты Кыргыз Республикасынын Президенти Садыр Нуркожоевич Жапаров тапшырды.

Кадырбек мырза, алган сыйлыгыңыз кут болсун.

Кыргыз элине талыкпай кызмат кылган чыгаан журналист болушуңузду каалайбыз.









kadyrbek5