Тарых жана социалдык иштер факультети

Июнь, 2026-жыл. «КМШнын ЭҢ МЫКТЫ СТУДЕНТИ» ЭЛ АРАЛЫК СЫНАГЫНЫН ЖЕҢҮҮЧҮСҮ АНЫКТАЛДЫ.

«ЖАҢА КАЗАКСТАН» Республикалык инновациялык илимий-изилдөө борбору жана «ПАРАСАТ» Улуттук билим берүү жана инновация борбору тарабынан Астана шаарында уюштурулган «КМШнын ЭҢ МЫКТЫ СТУДЕНТИ» аттуу эл аралык сынакта ОшМУнун тарых-юридика институтунун тарых бөлүмүн студенти Дастан кызы Сезимгүл байге ээси болду. Сынактын жыйынтыгы боюнча Дастан кызы Сезимгүлгө төмөнкү сыйлыктар тапшырылды:
1. «КМШнын ЭҢ МЫКТЫ СТУДЕНТИ» статуэткасы
2. Төш белги
3. №023 күбөлүк
4. Диплом
Ошондой эле, студентти сынакка даярдаган илимий жетекчиси, т.и.к., доцент Чыныкеева Гулназ Эргешалиевнага билим берүү жана илим тармагын өнүктүрүүгө кошкон салымы үчүн «ЖАҢА КАЗАКСТАН» Республикалык инновациялык борборунун Ыраазычылык каты ыйгарылды.
Дастан кызы Сезимгүлдү жана илимий жетекчисин бул жогорку жетишкендиктери менен чын жүрөктөн куттуктайбыз жана келечекте дагы чоң ийгиликтерди жаратууга тилектешпиз!

🎓 Билим чекти билбейт!
ОшМУнун Тарых-юридика институтунда конокто болгон студенттерибиздин мобилдүүлүк мөөнөтү ийгиликтүү аяктады!
2025-2026-окуу жылынын жазгы семестринде Казакстандагы Актөбө аймактык университетинен келген Куан Адилбек Есбатырулы жана К.Тыныстанов атындагы Ысык-Көл мамлекеттик университетинен келген Мусаева Аделя Дүйшөнбековна бизде тарых багыты боюнча билим алышты.
Бардык сынактарды ийгиликтүү тапшырып, тийиштүү кредиттерин топтоо менен өздөрүнүн сертификаттарына жана транскриптерине ээ болушту.
Студенттерибизге ак жол каалайбыз! ОшМУнун эшиги сиздер үчүн ар дайым ачык!

29.05.1026. күнү Жусуп Баласагын атындагы Кыргыз Улуттук университетинин Кызыл-Кыя шаарындагы технология экономика жана укук институтунун студенттерине Ош мамлекеттик университетинин Тарых-юридика институтунун мугалимдери:
1. Т.и.д,, доцент Сатыбалдиева Чыныхан Топчубаевна тарабынан "Улуттук дем-дүйнөлүк бийиктик аттуу " Унгужолу жөнүндө;
2.Т.и.к., доцент Султанова Макбурат Шакировна тарабынан “ Кыргыздардын революцияга чейинки мектеп-медреселеринин балдарды тарбиялоодогу ролу” жөнүндө;
3. Ага окутуучу Тилекова Уулкан Кушубаковна тарабынан «Кыргыздардын салттуу маданияты» аттуу темасында таасирдүү лекция окуп келишти.

Тарых бөлүмүнүн студенттери арасында волейбол мелдеши өттү.
2026-жылдын 26-майында жалпы тарых жана тарыхты окутуунун усулу кафедрасы тарабынан студенттердин ден соолугун чыңдоо, спортко болгон кызыгуусун арттыруу жана курстар аралык ынтымакты бекемдөө максатында волейбол боюнча спорттук мелдеш уюштурулду.
Спорттук иш-чарага тарых бөлүмүнүн курстар ортосундагы курама командалары катышып, кызыктуу жана курч мүнөздөгү оюн көрсөтүштү. Ар бир команда жогорку деңгээлдеги даярдыгын жана биримдигин далилдей алды.
Мелдештин жыйынтыгында өзгөчөлөнгөн командалар жана мыкты оюнчулар кафедра тарабынан сыйланышты. Бул сыяктуу иш-чаралар студенттердин сергек жашоо образын калыптандыруу менен бирге, алардын ички биримдигин чыңдоого чоң өбөлгө түзөт.
Кафедра жетекчилиги катышуучуларга ыраазычылык билдирип, окууларына жана спорт жаатындагы иштерине ийгиликтерди каалайт!

Кара-Кулжада тарыхчылардын облустук семинары өттү
2026-жылдын 25-майында Ош облусунун Кара-Кулжа районунда "Тарыхы болбой эл болбойт, тамыры болбой жер болбойт" аттуу облустук семинар болуп өттү. Иш чара Ош билим берүү институтунун иш планына ылайык, тарых, адам жана коом бөлүмүнүн жетекчиси Э.М. Ураимованын демилгеси менен уюштурулду.
Семинарга тарых-юридика институтунун «Жалпы тарых жана тарыхты окутуунун усулу» кафедрасынын башчысы, доцент Гүлзада Жумашова катышып, 12 жылдык билим берүү боюнча мастер-класс өтүп берди. Жыйындын алкагында мектептердеги тарых сабагынын деңгээли, өсүп келе жаткан муунду тарбиялоо маселелери жана жогорку окуу жайларында заман талабына шайкеш кадрларды даярдоо багыттары талкууланып, мугалимдерге практикалык усулдук жардамдар берилди.

Тарых-юридика институтунун Кыргызстан тарыхы жана археология, этнология кафедрасынын башчысы Шаанов Т.М. жана доценттер Смадияров С.А, Жаркынбаев Т.Ж, Алишер кызы С. Ош шаарындагы №52 Кыргыз Түрк достугу мектебинде тарых адистиги боюнча конок лекцияларды окуп, кесипке багыттоо иш чарасын жүргүзүп келишти. Мектеп жамааты менен жолугушуп тыгыз байланышта иш алып баруу багытындагы иштер пландаштырылды.

Ички мобилдүүлүк программасынын алкагында тарых-юридика институтунун жалпы тарых жана ТОУкафедра башчысы, т.и.к., доцент Жумашова Гүлзада Султановна, Кыргызстан тарыхы, археология, этнология кафедрасынын улук окутуучусу Алтымышева Венера Карыбековна 2026-жылдын 22-май күнү Ж.Баласагын атындагы КУУнун М.М. Тайиров атындагы Кызыл-Кыя гуманитардык-педагогикалык институтунун гуманитардык факультетинин социалдык-экономикалык билим берүү багытынын тарых профилинин студенттерине конок лекция өтүп келди.

2026-жылдын 11-12-13-май күндөрү Ош мамлекеттик университетинин Тарых жана юридика институтунун доценти, тарых илимдеринин кандидаты Чыныкеева Г.Э. Түркмөнстандын Ашхабад шаарында өткөн “Түркмөнстандын тышкы саясаты жана дипломатиясы: тынчтык, коопсуздук жана туруктуу өнүгүү үчүн өнөктөштүк” аттуу эл аралык илимий-практикалык конференцияга катышып, илимий баяндама жасады. Аталган конференция Түркмөнстандын Тышкы иштер министрлигине караштуу Эл аралык мамилелер институту тарабынан уюштурулуп, ага бир катар өлкөлөрдөн келген окумуштуулар, дипломаттар жана жаш изилдөөчүлөр катышты.
Конференциянын алкагында доцент Чыныкеева Г.Э. эл аралык кызматташтык, аймактык коопсуздук жана туруктуу өнүгүү маселелерине арналган баяндамасы менен чыгып, Кыргызстан менен Түркмөнстандын ортосундагы тарыхый, илимий жана билим берүү тармагындагы байланыштарды чыңдоого өз салымын кошту.
Мындан тышкары, “Эл аралык мамилелер: тынчтык диалогунун маданияты” аттуу III Эл аралык сынакка Чыныкеева Г.Э. студенттик команданын супервайзери катары жетекчилик кылып, команда жогорку жыйынтыктарды көрсөттү. Сынактын жыйынтыгында төмөнкү студенттер байгелүү орундарга ээ болушту:
Кубанычов Эмир — I орун;
Алтынбек кызы Жанылай — II орун;
Жумакеева Нуриза — III орун.
Бул жетишкендиктер Ош мамлекеттик университетинин эл аралык деңгээлдеги илимий жана билим берүү ишмердүүлүгүнүн өсүп жаткандыгын, ошондой эле студенттердин эл аралык аянтчаларда атаандаштыкка жөндөмдүүлүгүн айгинелейт.
Иш-чаранын жыйынтыгында катышуучуларга сертификаттар жана сыйлыктар тапшырылып, эл аралык илимий байланыштарды мындан ары да өнүктүрүү боюнча макулдашуулар белгиленди.

Тарых-юридика институтунун Кыргызстан тарыхы жана археология, этнология кафедрасынын башчысы Шаанов Т.М. жана Эрмекбай уулу У. Алай районунда кесипке багыттоо иш чарасын жүргүзүп келди. Тарыхчылар менен жолугушуп тыгыз байланышта иш алып баруу багытындагы иштер пландаштырылууда.

20.04. 2025. Тарых-юридика институтунда Кыргыз Республикасынын Президенти С.Н. Жапаровдун 2024-жылдын 18декабрындагы (ПЖ) № 369 жарлыгы "Улуттук дем - дүйнөлүк бийиктик" уңгужолу, маданий карым-катнаштар жана Кыргыз АССРинин түзүлгөнүнүн 100 жылдыгына карата “Аталар мурасы” темалары боюнча менен илимий жумалыктын ачылуу аземи ( илимий конференция) өткөрүлдү.
Бул илимий жумалыкты Курбанбаева Н. Н.- Илим жана инновация бөлүмүнүн башчысы, ф.- м.и.к. доцент.
Бул илимий жумалыкты ОшМУнун тарых - юридика институтунун директору, ю.и.д., профессор Кулдышева Гулсара Кенжээвна ачып берди. Андан тышкары университетибиздин илим жана инновация бөлүмүнүн башчысы, ф.- м.и.к. доцент Курбанбаева Нуржамал Нажимидиновна институттун окумуштуу- профессордук курамын жана студенттерди кызуу куттуктап, илимий жумалыкта өтүүлүүчү илимий –иш чараларга ийгилик каалады.

Бул илимий жумалыкта белгилүү окумуштуулар учур талабына ылайык мыкты денгээлдеги илимий баяндамаларды жасашты.
1. Смадияров Сыдык Акунович - Тарых-юридика институту, т.и.к., доцент;
Тема: “Автономиялык облустан республикага карай”.
2. Дастанбек Разак уулу - Илим жана инновация бөлүмүнүн жетектөөчү илимий кызматкери, PdD доктор (тарых багыты);
Тема: Кыргыз-түрк тарыхый-маданий байланыштары.
3. Жусубалиев Али Бурканович - ОшМУнун теология факультетинин доценти, теология илимдеринин доктору (PhD);
Тема: Диний баалуулуктар менен улуттук баалуулуктардын байланыштары.
4.Жолдошов Максатбек Арзимаматович - Тарых-юридика институту ю.и.к., улук окутуучу;
Тема: Адат укугу жана анын учурдагы коомдогу орду.

Андан тышкары төмөнкү активдүү студенттердин илимий баяндамалары да угулуп, конференциянын жыйынтыгында сертификаттар менен сыйланды
1. Тошпулатова Гулнур – юриспруденция адистигинин Ю(к)-1-3- 2025 агымынын студенти;
Тема: Кыргыз мамлекеттүүлүгүн түптөгөн тарыхый инсандар.
2. Алмазбек уулу Мыктыбек – тарых адистигинин И(б)-1-2024- тайпасынын студенти;
Тема: Кыргыздардын салттуу куралы – айбалта.
3. Мусаева Аделя – тарых адистигинин И(б)-2-2024- тайпасынын студенти;