Ибрагим уулу Ысмайыл атындагы орто мектебинин расмий баракчасы

#ноокатрайондукбилимберүүбөлүмү #мыктыагай
Илим жана билим багытындагы кезектеги ийгилик

Ош мамлекеттик университетинин ректору, профессор К.Г. Кожобеков жана ЮФОК жетекчиси М.К. Сейдалиева тарабынан Самиев Нурмырза агайыбыз атайын сертификат менен сыйланды.

Бул сыйлык Кыргыз Республикасынын илимине эмгек сиңирген ишмер, философия илимдеринин доктору, профессор, КР УИАнын академиги Осмон Асанкулович Тогусаковдун жаркын элесине арналган «Заманбап чакырыктардын контекстиндеги социалдык-гуманитардык илимдердин актуалдуу маселелери» аттуу эл аралык илимий-практикалык конференцияга активдүү катышкандыгы үчүн берилди.

Иш-чарага бир катар эл аралык жогорку окуу жайлары жана илимий борборлор өнөктөштүк кылып, заманбап илимдин орчундуу маселелери талкууланды.

#ноокатрайондукбилимберүүбөлүмү #мыктыокуучу
📚 Мыкты окуучуларды колдоо
Мыкты окуган окуучуларды колдоо жана шыктандыруу максатында Ноокат районунун тургуну, демөөрчү Айбек Тажибаев Нажимидинович тарабынан 2025–2026-окуу жылынын 3-чейрегинин жыйынтыгы боюнча эң жакшы окуган 68 окуучуга атайын стипендия берилди.

Бул демилге окуучулардын билимге болгон кызыгуусун арттырып, алардын жаңы бийиктиктерди багындыруусуна чоң түрткү болот. Мындай колдоо башка окуучулар үчүн да мыкты мотивация болуп, билимге болгон жоопкерчиликтүү мамилени калыптандырууга жардам берет. Белгилей кетсек, бул стипендия салтка айланып, мындан ары да эң алдыңкы окуучуларга берилип турмакчы.

Демөөрчү Айбек Тажибаевге терең ыраазычылык билдиребиз. Окуучуларыбыздын келечеги кең, окууларында ийгиликтер көп болсун!

#ноокатрайондукбилимберүүбөлүмү #мыктыокуучу
Биздин мектептин сыймыгы Полотов Бекжанды ИКО олимпиадасында математика предмети боюнча көрсөткөн жогорку ийгилиги менен чын дилибизден куттуктайбыз!

Бекжанга келечекте дагы чоң жетишкендиктерди, илимдин татаал ашууларын багындыруусун жана кең келечек каалайбыз. Ата-энесине жана даярдаган мугалимдерине терең ыраазычылык билдиребиз

#ноокатрайондукбилимберүүбөлүмү #акилбирстисактайлы
Биздин окуучубуз Айбекова Айданек республикалык деңгээлде өзгөчөлөндү! 🏆

Кыргыз Республикасынын Билим берүү жана илим министрлиги тарабынан уюштурулган «Ак илбирсти коргойбуз» аттуу республикалык сынакка катышып, «Көркөм сүрөт искусствосу — Ак илбирс — кыргыз тоолорунун руху» номинациясы боюнча активдүү катышкандыгы үчүн ГРАМОТА менен сыйланды.

Айданектин ийгилиги менен куттуктайбыз! Чыгармачылык шыгың оркундай берсин, мындан да бийиктиктерди багындырышыңа тилектешпиз! 🎉👏

#ноокатрайондукбилимберүүбөлүмү #акилбирстисактайлы
Кыргыз Республикасынын Билим берүү жана илим министрлигинин алдындагы Республикалык экология, жерин таануу жана туризм боюнча балдар-өспүрүмдөр борбору тарабынан өткөрүлгөн «Ак илбирсти коргойбуз» аттуу республикалык сынагынын жыйынтыгы чыкты.

Аталган сынакка окуучуларды даярдоого кошкон салымы, экологиялык тарбия берүүдө көрсөткөн демилгеси жана жоопкерчиликтүү эмгеги үчүн Салиев Нурмырза Ыраазычылык кат менен сыйланды.

Нурмырза мырзаны бул ийгилиги менен чын дилибизден куттуктайбыз! Сиздин талыкпаган эмгегиңиз келечек муундарга үлгү. Ишиңизге ийгилик, чыгармачылык албан жетишкендиктерди каалайбыз! 💐👏

🎊 СҮЙҮНЧҮ! БИЛИМДЕГИ ИЙГИЛИК! 🎊

Ысмайыл мектебинин сыймыктуу окуучуларын жана мугалимдерин кезектеги чоң жеңиши менен куттуктайбыз!

КРнын Эмгек сиңирген мугалимдери К. Матисаев жана Ж. Молдобаев тарабынан уюштурулган республикалык деңгээлдеги «Билим менен бийиктикке» олимпиадасынын 1-туру аяктап, биздин мектептин окуучулары өзгөчө билим деңгээлин көрсөтүп, 2-турга жолдомо алышты.

6-класс: Мамытжанова Таслима, Абдирашитова Салиха.

7-класс: Абдыганиева Арууке, Абдрашитова Фатима, Абдиназарова Асема, Бурканова Уулкан, Шермаматов Исламидин, Алиева Хадича.

8-класс: Кудайбердиев Жусуп, Пазылова Самила, Айбекова Айданек.

9-класс: Раимбердиев Нурислам, Мөнөкбаева Сумая, Токтосунов Ясин, Алимжанова Бурулай, Тажимахаматова Айжан, Сагынбекова Аймира, Абдималиков Байэл.

10-класс: Акбарова Амина, Малашова Бегимай.

Бул ийгилик — талыкпаган эмгектин жана билимге болгон умтулуунун натыйжасы. Окуучуларыбыздын кийинки турда да ийгиликтерди багындырып, мектебибиздин атын бийик чыгарышына тилектешпиз!

Жарыя!!!
Ибрагим уулу Ысмайыл атындагы орто мектебинин 9-10-11-класстарынын окуучуларын “ЖРТге кантип даярданам?” аттуу семинарга чакырабыз!!!
📌Спикерлер:
Мамажакыпова Акмарал
Уринбоева Айданек
Казакстандан сырдуу конок
🗓️: шейшемби, 14-октябрь
🕔: 9:00
Толук маалымат алуу үчүн: +996 507 11 32 19

Ибрагим уулу Ысмайыл атындагы орто мектебинин мугалимдер жамааты менен
Жогорку Кеңештин депутаты Рустамбек уулу Советбек агабыз жолугушуу өткөрдү.
Мугалимдердин иштерине чыгармачылык ийгиликтерди каалоо менен бирге мектебибиздин кадырлуу башталгыч класс мугалими Гадаева Баарикан эже " Мыйзам чыгаруу ишин өнүктүрүүгө кошкон салымы үчүн " Жогорку Кеңештин медалы менен сыйланды .
Депутатыбыздын ишине ийгиликтерди, үй- бүлөсүнө бактылуулукту каалайбыз!

" Алтын -Казык доор өзгөрткөн билим."
Ибрагим уулу Ысмайыл атындагы орто мектебинин англис тили мугалими Ырыспай кызы Галыя эжекебизге Алтын - Казык ноутбугу берилди.
Чыгармачылык изденүү менен балдарга татыктуу билим берет деген ишеничтебиз.