Нарын облустук С.Орозбаков атындагы китепкана

17/09/2026

📚 Кесиптик билимди өркүндөтүү — өнүгүүгө карай кадам!

Музей кызматкерлеринин жана китепкана кызматкерлеринин кесиптик билимдерин өркүндөтүү максатында уюштурулган окуу курстарына облустук жана шаардык китепкананын кызматкерлери активдүү катышып, тиешелүү сертификаттарга ээ болушту.

Окуу алкагында «Artificial Intelligence and Digital Literacy» жана «Digital Marketing» багыттары боюнча жаңы билимдерди жана заманбап санариптик ыкмаларды өздөштүрүштү.

Бүгүнкү күндө китепкана тармагында санариптик технологияларды, жасалма интеллектти жана заманбап маалыматтык ресурстарды натыйжалуу колдонуу өзгөчө мааниге ээ. Алынган билимдер кызматкерлердин кесиптик мүмкүнчүлүктөрүн кеңейтүүгө жана окурмандарга көрсөтүлүүчү кызматтардын сапатын жогорулатууга өбөлгө түзөт.

🤝 Бул маанилүү окуу мүмкүнчүлүгүн түзүп, кесиптик өнүгүүгө колдоо көрсөткөн К. Мамбеталиев атындагы тарыхый-этнографиялык музейдин уюштуруучуларына жана Борбордук Азия университетинин (University of Central Asia)Кесиптик жана үзгүлтүксүз билим берүү мектебинин окутуучуларына жана уюштуруучуларына терең ыраазычылык билдиребиз!

Жаңы билим — жаңы мүмкүнчүлүк!
📖💻🤖 Заманбап китепкана — билим, технология жана өнүгүү мейкиндиги!

#СОрозбаковАтындагыКитепкана
#Нарын
#КесиптикӨнүгүү
#СанариптикСабаттуулук
#ЖасалмаИнтеллект


#КитепканаЖанаСанариптештирүү

17/09/2026

Ж. Баласагын атындагы Кыргыз улуттук университетинин С. Нааматов атындагы Нарын аймактык көп тармактуу институтунун «Чет тилдер жана компьютердик системаларды программалоо» колледжинин ПД-26 тобунун студенттери Нарын облустук С. Орозбаков атындагы китепканага экскурсияга келишти.

Экскурсиянын жүрүшүндө студенттер китепкананын негизги бөлүмдөрүнүн ишмердүүлүгү менен жакындан таанышышты. Атап айтканда:
Америка борбору менен таанышып, студенттер үчүн түзүлгөн заманбап мүмкүнчүлүктөргө өзгөчө кызыгуу жаралды. Борбордун ишмердүүлүгү, чет тилдерди үйрөнүүгө, маалымат алууга, билим деңгээлин жогорулатууга жана жаңы мүмкүнчүлүктөрдү издөөгө багытталган ресурстар тууралуу маалымат алышты.
📖 Укук жана экономика залында — укуктук, экономикалык жана кесиптик багыттагы адабияттар менен таанышып, керектүү маалыматтарды алуу мүмкүнчүлүктөрү тууралуу маалымат алышты.

👧🧑 Балдар жана өспүрүмдөрдү тейлөө залында — жаш окурмандар үчүн түзүлгөн шарттар, китеп фонду жана балдар менен өспүрүмдөргө багытталган маданий-агартуу иш-чаралар тууралуу маалымат алышты.

📚 Чоңдор залында — окурмандарды тейлөө, китеп фондун пайдалануу жана жаңы адабияттар менен таанышуу мүмкүнчүлүктөрү көрсөтүлдү.

Ошондой эле студенттерге китепканага келип түшкөн жаңы китептер жана заманбап адабияттар тууралуу маалымат берилип, китепкананын билим алууда, өз алдынча изденүүдө жана кесиптик өнүгүүдө маанилүү ролу белгиленди.

🤝 Мындай жолугушуулар жаштарды китеп окууга тартууга, китепкананын мүмкүнчүлүктөрүн кеңири таанытууга жана билимге болгон кызыгуусун арттырууга өбөлгө түзөт.

Китепканага келиңиздер — жаңы билим, жаңы маалымат жана жаңы мүмкүнчүлүктөр сиздерди күтөт! 📚✨

10/09/2026

🏃‍♀️🌿 **«СЕРГЕК ЖАШООГО КАДАМ» — ЖАКШЫ САЛТ УЛАНУУДА!**

Ден соолук — эң чоң байлык! Ал эми сергек жашоо — күн сайын өзүбүз үчүн жасаган эң жакшы кадамыбыз. 💚

Нарын облустук С. Орозбаков атындагы китепканасы «Сергек жашоого кадам» акциясы өзүнүн жакшы жөрөлгөсүн улантып, М.Рыскулов атындагы Нарын облустук академиялык - музыкалык драма театрына өткөрүлүп берилди. 🎭🤝

Акциянын жүрүшүндө китепкананын кызматкерлери менен бирге таңкы көнүгүүлөргө активдүү катышып, сергек жашоону колдогон Нарын шаарынын тургундарына өзгөчө ыраазычылык билдирилди. 🌞🏃‍♀️

📚 Активдүү катышуучуларга китепкананын атынан ЫРААЗЫЧЫЛЫК КАТ жана китеп белекке берилди.

Анткени биз үчүн китеп — руханий азык болсо, дене тарбия — ден соолуктун булагы. 📖❤️

Бүгүнкү чакан кадам — эртеңки сергек жашоого чоң кадам!

🌿 "Сергек дене — сергек ой!"
📚 **Китеп менен рухуңду, көнүгүү менен денеңди чыңда!**

Эми эстафета М.Рыскулов атындагы Нарын облустук академиялык - музыкалык драма театрында! 🎭🔥
Жакшы демилге дагы канча адамды сергек жашоого шыктандырат экен?

#СергекЖашоогоКадам
#НарынОблустукКитепканасы
#СергекЖашоо
#ДенСоолукЭңЧоңБайлык
#КитепЖанаДенСоолук
#Нарын

09/09/2026

08/09/2026

Заманыбыздын залкар жазуучусу Ч.Айтматовдун туулган кунунун 100 жылдыгын утурлай " АЙТМАТОВДУ ОКУЙБУЗ" акциясынын алкагында жазуучунун улуу чыгармалары, адамдык асыл сапаттары тууралуу "ЖАРЫГЫ ТИЙГЕН КЫРГЫЗГА, ТААЗИМ КЫЛ УЛУУ ЧЫНГЫЗГА" аталыштагы онлайн баяндаманы окурмандарга сунуштайбыз.

08/09/2026

«Кызык экен, окуп кой...» 📚✨

📖Китеп - бул жөн гана барактардын жыйындысы эмес, бул сиздин жаңы ойлоруңуздун башталышы. Социалдык тармактардагы чексиз лентаны барактаганча, биздин китепканага баш багыңыз, текчеде сизди жаңы кызыктуу китептер күтүп турат. Бизге келип, жагымдуу шартта китеп окуп, эс алыңыз!

08/09/2026

🏃‍♀️‍➡️"СЕРГЕК ЖАШООГО КАДАМ" акциясы Нарын облустук С.Орозбаков атындагы китепканасынын кызматкерлери тарабынан улантылууда. 📍СМАРТ ПАРК 06:30

07/09/2026

КИТЕП - БИЛИМДИН ТҮБӨЛҮКТҮҮ БУЛАГЫ!

📍 Ак-Талаа районунун Тоголок Молдо айыл аймагына караштуу Кара-Ой айылындагы китепканага өмүрүн агартуучулукка арнаган Чүкүнө Соодонбекованын ысымын ыйгарууга багытталган олуттуу жана маанилүү иш-чара болуп өттү.

Иш-чарага С. Орозбаков атындагы Нарын облустук китепканасынын өкүлдөрү, райондук мамлекеттик администрация башчысынын орун басары Каныбек Эсеналиев, Тоголок Молдо айыл өкмөтүнүн башчысы жана жергиликтүү кеңештин депутаттары жана маданият кызматкерлери катышты.

✨ Өмүрүн китепке арнаган инсан
Чүкүнай Соодонбекова 22 жыл бою китепканачы болуп эмгектенип, 11 баланы тарбиялап өстүргөн. Ал балдарына дайыма "Китеп ыйык" деп айтып, аларды кичинекей кезинен китеп окууга, классиктердин чыгармаларын таанууга үндөп келген. Бүгүнкү күндө анын балдары апасынын эмгегинин аркасында коомдо адептүүлүк, жоопкерчилик, бооркерлик сыяктуу түбөлүктүү баалуулуктарды калыптандырганын сыймыктануу менен белгилешти.

💡 Айылдык китепканалардын мааниси
Бүгүнкү күндө дүйнө жүзүндө өнүккөн өлкөлөрдө санариптештирүү канчалык өнүкпөсүн, студенттер менен жаштар убактысынын көбүн китепканаларда өткөрүшөт.
Айылдык китепканалар - жөн гана китеп сакталган жай эмес, ал окуучулардын билим алып, социалдашуусуна, инсан болуп калыптануусуна кызмат кылган бирден-бир агартуу борбору!

🤝 Колдоо жана келечекке болгон кадам
Жергиликтүү бийлик өкүлдөрү айылдык китепканаларды колдоо - артыкчылыктуу багыт экенин баса белгилешти. Жаштарды китеп окууга тартуу - жалгыз гана китепканачылардын эмес, бүтүндөй коомдун, жергиликтүү бийликтин жана ата-энелердин биргелешкен милдети.

Билимге умтулган муунду тарбиялоодо эмгеги сиңген китепканачыларыбызга таазим! 🙌✨

#АкТалаа #КараОй #Китепкана #ЧүкүнөСоодонбекова #Билим #КитепОкуу #Маданият #Нарын

07/09/2026

"Сергек жашоого кадам"акциясы Нарын облустук С.Орозбаков атындагы китепканасынын кызматкерлери тарабынан улантылууда.

05/09/2026

05.09.26 Таңкы гимнастика Нарын облустук С.Орозбаков атындагы китепканасынын кызматкерлери шаар тургундары менен биргеликте уланууда.