Нарын шаары
#18 "Ак Дил" мектепке чейинки билим берүү уюму
27/05/2026
🌙 Урматтуу ата-энелер, сүйүктүү бөбөктөр жана кесиптештер!
Сиздерди ыйык Курман айт майрамыңыздар менен чын жүрөктөн куттуктайбыз! 🤲
Ар бир үйгө бакыт, ынтымак, береке жана тынчтык келсин. Балдарыбыз аман болуп, күлкүсү ар дайым жаңырып турсун!!!
Курман айт — мээримдүүлүктүн, кайрымдуулуктун жана биримдиктин майрамы. Жакшы тилектерибиз кабыл болуп, ар бир үйдө кубаныч өкүм сүрсүн!
Айт майрамыңыздар кут болсун! 🌸
🌿 Бүгүн бакчабызга Нарын облустук усулдук борбордун жетекчиси Гульайым Темгиловна Анарбекова келип, мекемебиздин ишмердүүлүгү менен жакындан таанышып чыкты.
Иш сапардын жүрүшүндө тарбия берүү процессине, балдардын өнүгүүсүнө түзүлгөн шарттарга жана логопед адисинин иш алып баруу багыттарына өзгөчө көңүл бурулду. Ошондой эле логопеддик иштердин башаты, балдардын сүйлөө жөндөмүн өнүктүрүүдөгү усулдар жана жүргүзүлүп жаткан иштер тууралуу маалымат берилди.
Мындай жолугушуулар тажрыйба алмашууга, билим берүү сапатын жогорулатууга жана келечектеги ийгиликтерге чоң дем берет. 🌸
#Нарыншаарыбалабакча18
“ ТАЖРЫЙБА АЛМАШУУ - ИЙГИЛИККЕ АЧЫЛГАН ЖОЛ!"
Ж.Баласагын атындагы КУУнун Нарын аймактык филиалынын педагогикалык кадрлардын билимин жогорулатуу борборунан келген Нарын облусунун бала бакча тарбиячыларына бакчанын тарбиячысы Бакирдинова Кундуз Даярдоочу"Б" тайпасынын тарбиялануучуларына "Жөнөкөй математикалык түшүнүктөрдү калыптандыруу" сабагынан "Курт - кумурскалар дүйнөсү. Кумурска." аталышында ачык сабак өтүп берди.
🐜🐜🐜 Тарбиялануучулар кумурскалар тууралуу кызыктуу маалыматтарды угуп, алардын эмгекчилдиги, ынтымагы жана тынымсыз аракеттенүүсү жөнүндө билишти. Балдар жаратылыштагы ар бир жандыкка аяр мамиле кылуу керектигин түшүнүштү. 🌿
Кичинекей кумурска — чоң эмгектин үлгүсү!
Биздин бөбөктөр да эмгекчил, ынтымактуу жана табиятты сүйгөн болуп өсүшсүн! ✨🐜
#Нарыншаарыбалабакча18
2025-2026-окуу жылын жыйынтыктоочу ачык сабактарынын бири:
Ортоңку "Б" тайпасы
Сабак: Ийлеп чаптоо ( ЖМТК, көркөм өнөр)
Тема: Айланкөчөк
Тарбиячы: Дамирбекова Нургүл
Жардамчы тарбиячы: Асанбек кызы Кундуз
#Нарыншаарыбалабакча18
#Ачыксабактаржумалыгы
Нарын шаарынын мэри Жылдызбек Беккелдиев бакчабызда келип, толук кандуу бакчанын ишмердүүлүгү менен таанышып, бакчада жогорку деңгээлде иштер жүргүзүлүп жаткандыгын баса белгиледи.
Бакчадагы кызматкерлердин ишмердүүлүгү, окуу тарбия иштери, улуттук нарктуулуктун сакталышы, тамак аш коопсуздугун сактоо, жашылдандыруу, көрктөндүрүү иштеринин аткарылышы менен жакындан таанышып, жылуу пикирин билдирди.
Ошондой эле бакчадагы жетишпей жаткан айрым тартыштыктарды жөнгө салып, акча маселесин чечип берди.
Мындай жолугушуулар келечек муунга болгон камкордукту арттырып, жалпы жамаатка дем-күч берет.
| Monday | 08:00 - 18:00 |
| Tuesday | 08:00 - 18:00 |
| Wednesday | 08:00 - 18:00 |
| Thursday | 08:00 - 18:00 |
| Friday | 08:00 - 18:00 |