ЦКП работников образования и науки

Ат-Башы районунда Билим жана илим кызматкерлеринин кесиптик бирлик комитетинин кезексиз пленуму өттү. Иш-чарага Борбордук комитетинин төрагасы Саламат Боёнов катышты.

Пленумдун алкагында кесиптик бирлик тарабынан аткарылган иштер боюнча баяндама жасалып, акыркы мезгилдеги жетишкендиктер, социалдык-укуктук багыттагы аракеттер жана алдыдагы милдеттер кеңири талкууланды.

Жыйындын жүрүшүндө буга чейин райондук кесиптик бирлик комитетинин төрагасы болуп иштеп келген Рамис Абдырашитов башка ишке өткөндүгүнө байланыштуу өз каалоосу менен кызматтан кеткендиги расмий жарыяланды. Анын кесиптик бирликтеги эмгегине жогору баа берилип, ыраазычылык билдирилди.

Пленумдун чечими менен Ат-Башы райондук кесиптик бирлик комитетинин төрагалыгына Кадыров Абдыманап шайланды.

Кыргыз Республикасынын Билим жана илим кызматкерлеринин кесиптик бирлигинин Борбордук комитети тарабынан Баткен шаары жана Баткен районунун билим берүү мекемелеринин жетекчилери, ошондой эле кесиптик бирлик төрагалары үчүн семинар уюштурулду.

Иш-чарага Борбордук комитеттин төрагасынын орун басары А.О. Кудайкулов, башкы укук инспектору А.К. Канатбеков, Баткен облусундагы өкүлү З.Н. Бөтөков, ошондой эле райондук жана шаардык билим берүү бөлүмдөрүнүн башчылары, мектеп жана бала бакча жетекчилери катышты.

Семинарда эмгек келишимдерине байланышкан укуктук жөнгө салуу жана практикалык аспектилер боюнча түшүндүрмөлөр берилип, негизги маселелер талкууланды.

Сүлүктү шаардык кесиптик бирлик комитетинде кезектеги конференция өткөрүлдү.

Иш-чарага Кыргыз Республикасынын Билим жана илим кызматкерлеринин кесиптик бирлигинин Борбордук комитетинин төрагасынын орун басары А.О. Кудайкулов, Борбордук комитеттин башкы укук инспектору А.К. Канатбеков, ошондой эле Сүлүктү шаардык билим берүү бөлүмүнүн өкүлдөрү катышты.

Конференциянын жүрүшүндө уюштуруу маселелери каралып, Сүлүктү шаардык кесиптик бирлик комитетинин төрагасы болуп Абдибахапов Асылбек Бердымуратович шайланды.

Жыйындын соңунда укуктук багытта эмгек мыйзамдары, кызматкерлердин укуктары жана социалдык колдоо маселелери боюнча суроо-жооп уюштурулуп, катышуучуларга кеңири түшүндүрмөлөр берилди.

Лейлек районундук кесиптик бирлик комитетинде эмгек мыйзамдары боюнча семинар-кеңешме өткөрүлдү

2026-жылдын 24-апрелинде Лейлек районундагы билим берүү мекемелеринин жетекчилери жана баштапкы кесиптик бирлик уюмдарынын төрагалары үчүн эмгек мыйзамдары боюнча семинар-кеңешме өткөрүлдү.

Иш-чарага Кыргыз Республикасынын Билим жана илим кызматкерлеринин кесиптик бирлигинин Борбордук комитетинин төрагасынын орун басары А. О. Кудайкулов, башкы укук инспектору А. К. Канатбеков, Баткен облусундагы өкүлү З. Н. Бөтөков, ошондой эле Лейлек райондук комитетинин төрагасы А. Т. Бердиев, Раззаков шаарындагы билим берүү мекемелеринин директорлору жана кесиптик бирлик уюмдарынын төрагалары катышты.

Семинардын алкагында эмгек мыйзамдарын колдонуу боюнча кеңири түшүндүрмөлөр берилди. Ошондой эле кызматкерлердин укуктарын коргоо маселелери талкууланып, катышуучулардын суроолоруна жооптор берилип, практикалык жардамдар көрсөтүлдү.

Алай районуна караштуу Сары-Таш айылындагы №39 Келдибай Эсенов атындагы орто мектепте жана “Алтын Бешик” мектепке чейинки билим берүү уюмунда кесиптик бирлик мүчөлөрү менен жолугушуу өттү.

Иш-чарага Алай райондук кесиптик бирлик комитетинин төрагасы Бурканбай уулу Алымбек, Борбордук комитеттин төрагасынын орун басары А. Кудайкулов жана Ош облусу боюнча өкүлү А. Саттаров катышты.

Жолугушууда эмгек мыйзамдарынын аткарылышы, кызматкерлердин укуктарын коргоо маселелери талкууланды. Катышуучулардын суроолоруна жооп берилип, кесиптик бирлик ишин өнүктүрүү боюнча сунуштар айтылды.

Алай райондук кесиптик бирлик комитетинде мектеп директорлору, бала бакча жетекчилери жана кесиптик бирлик мүчөлөрү үчүн кеңешме-семинар өттү.

Иш-чарага Борбордук комитеттин төрагасынын орун басары А. Кудайкулов катышып, эмгек мыйзамдары, кызматкерлердин укуктарын коргоо жана кесиптик бирликтин ролу тууралуу маалымат берди.

Жолугушууда катышуучулардын суроолоруна жооп берилип, билим берүү тармагындагы актуалдуу көйгөйлөр жана аларды чечүү жолдору талкууланды.

Чоң-Алай райондук кесиптик бирлик комитетинде мектеп директорлору, бала бакча жетекчилери жана баштапкы кесиптик бирлик уюмдарынын төрага, төрайымдары үчүн укуктук кеңешме-семинар өткөрүлдү.

Иш-чарага Кыргыз Республикасынын билим жана илим кызматкерлеринин кесиптик бирлигинин Борбордук комитетинин төрагасынын орун басары А. Кудайкулов катышты.

Семинарда эмгек мыйзамдарынын аткарылышы, кызматкерлердин укуктарын коргоо жана жамааттык келишимдерди ишке ашыруу маселелери талкууланды.

Чоң-Алай районундагы педагогдор арасында уюштурулган спорттук спартакиада мугалимдердин ынтымагын чыңдоого, сергек жашоо образын жайылтууга жана ден соолукту бекемдөөгө багытталды.
Иш-чарага Кыргыз Республикасынын билим жана илим кызматкерлеринин кесиптик бирлигинин Борбордук комитетинин төрагасынын орун басары А. Кудайкулов, Борбордук комитетинин Ош облусу боюнча өкүлү А.Э. Саттаров катышты.

Жыйынтыгында мыкты көрсөткүчкө жетишкен катышуучулар райондук комитет тарабынан акчалай сыйлыктар жана медалдар менен сыйланышты.

Бишкек шаарында «Чоңдорго билим – жаңы мүмкүнчүлүктөр» фестивалы өткөрүлдү.
Иш-чарага КР Билим берүү жана илим кызматкерлеринин кесиптик бирлигинин Борбордук комитетинин төрагасынын орун басары Айбек Кудайкулов катышуучуларды куттуктап, билим берүү тармагындагы адистерди социалдык-укуктук жактан колдоо маселелерине токтолду.
Фестивалдын жүрүшүндө тажрыйба алмашуу, жаңы демилгелерди талкуулоо жана чоңдорго билим берүүнү өнүктүрүү багытындагы сунуштарга токтолду. Иш-чаранын соңунда КР Билим берүү жана илим кызматкерлеринин кесиптик бирлигинин Борбордук комитетинин төрагасы Саламат Боёновдун атынан билим берүү мекемелеринин кызматташкан өкүлдөрүнө сыйлыктар тапшырылды.

Кыргыз Республикасынын агартуу министрлигине караштуу кесиптик лицейлер арасында өткөн «WorldSkills Kyrgyzstan» III Улуттук чемпионатынын жеңүүчүлөрдү сыйлоо аземи өткөрүлдү.

Иш-чарага КРнын Агартуу министринин биринчи орун басары Мухтарбек Баймурзаев, КРнын Илим, жогорку билим берүү жана инновациялар министри Гүлзат Исаматова, КР Билим берүү жана илим кызматкерлеринин кесиптик бирлигинин Борбордук комитетинин төрагасынын орун басары Айбек Кудайкулов, ошондой эле «WorldSkills Kyrgyzstan» коомдук фондунун негиздөөчүсү Куван Жусуев катышты.

«WorldSkills Kyrgyzstan III Улуттук чемпионаты»нын жеңүүчүлөрүнүн устат-окутуучуларына Кыргыз Республикасынын билим берүү жана илим кызматкерлеринин кесиптик бирлигинин Борбордук комитети тарабынан Кызыл гвоздика эс алуу борборуна 12 даана төрт күндүк эс алуу жолдомосу ыйгарылды.

Кыргыз Республикасынын Билим жана илим кызматкерлеринин кесиптик бирлигинин Борбордук Комитетинин төрагасы С.А.Боёновдун демилгеси менен Ош мамлекеттик университетинин базасында Кара- Суу райондук билим берүү мекемелеринин жетекчилери, баштапкы кесиптик бирлик уюмдарынын төрага, төрайымдарына семинар- кеңешме өткөрүлдү. Семинардын жыйынтыгында райондук билим берүү бөлүмүнүн башчысы Эмилбек уулу Талантбек Саламат Акылбековичке жана ОшМУнун ректоратына ыраазычылык кат тапшырды.