𝐉𝐔𝐒𝐓𝐈𝐍𝐄 𝐁𝐈𝐍 𝐎𝐑𝐄𝐍𝐆𝐄

10/12/2025

10/11/2025

Uliza kiatu

02/11/2025

𝐌𝐁𝐔𝐙𝐈 𝐊𝐀𝐉𝐀 𝐊𝐈𝐀𝐌𝐁𝐎𝐍𝐈, 𝐒𝐈𝐉𝐔𝐈 𝐍𝐈𝐅𝐀𝐍𝐘𝐄 𝐍𝐈𝐍𝐈

Ilipofika jioni, ijapo si mfugaji,
Nilitembea uani, niyateke yangu maji,
Kasikika sikioni, memera kwa mfereji,
Mbuzi kaja kiamboni, sijui nifanye nini.

Nilitazama pembeni, sikuona mchungaji,
Nilienda malishoni, wachungaji kuwahoji,
Nikafika kijijini, kuuliza wafugaji
Mbuzi kaja kiamboni, sijui nifanye nini

Majibu yao kinywani, waniona mkosaji,
Akili yangu kichwani, wanivisha uchinjaji,
Nikarudi zangu ndani, nikaanze ufugaji
Mbuzi kaja kiamboni, sijui nifanye nini

Mbuzi mpenda majani, kakimu lake hitaji,
Kaniona mhisani, ua lime- mfariji,
Apendeza k**a nini, mnyama mtafunaji
Mbuzi kaja kiamboni, sijui nifanye nini

Zimetimu ishirini, sijamuona mwenyeji,
Asubuhi na jioni, nimekuwa mfugaji,
Humpa yake majani, hata kumnywesha maji,
Mbuzi kaja kiamboni, sijui nifanye nini,

Ama niende sokoni, au niwe mfugaji,
Yote yapo mawazoni, pamwe na kuwa mlaji,
Naomba mniauni, ninyi nyote wajuaji
Mbuzi kaja kiamboni, sijui nifanye nini

𝐌𝐓𝐔𝐍𝐙𝐈 :𝐉𝐔𝐒𝐓𝐈𝐍𝐄 𝐍. 𝐎𝐑𝐄𝐍𝐆𝐄
𝐋𝐀𝐊𝐀𝐁𝐔: 𝐒𝐔𝐋𝐓𝐀𝐍 𝐌𝐀𝐀𝐌𝐔𝐌𝐈

21/01/2024

𝐒𝐇𝐀𝐈𝐑𝐈: 021/366
𝐊𝐔𝐍𝐀 𝐘𝐀 𝐊𝐔𝐁𝐀𝐊𝐈 𝐒𝐈𝐑𝐈, 𝐊𝐖𝐀 𝐖𝐀𝐓𝐔 𝐘𝐀𝐒𝐈𝐓𝐎𝐊𝐄𝐄,
Ndoa yako na lolote, katika hiyo akidi,
Usitoe kwa yeyote, huwezi jua hasidi,
Abadani usiote, tajiumiza zaidi,
Kuna ya kubaki siri, kwa watu yasitokee,

Pili hali ya kifedha, huwasumbua watu,
Ingawaje una kadha, yanatayo k**a kutu,
Matatizo ama fedha, kwao usiambe katu,
Kuna ya kubaki siri, kwa watu yasitokee,

Shida za kifamilia, pia ziwe siri yako,
Mtu aweza tumia, hilo kuleta anguko,
Kwa asilimia mia, yaweke moyoni mwako,
Kuna ya kubaki siri, kwa watu yasitokee,

Hata zile zako ndoto, na yote maazimio,
Ama yawe ya kipato, au ya mafanikio,
Kinyume chake majuto, usemapo kwa mwenzio,
Kuna ya kubaki siri, kwa watu yasitokee,

Ukitoa msaada, tena kwa zako hisani,
Usichapishe jalida, ukaona burudani,
Kwako isiwe ni mada, ijiandike usoni,
Kuna ya kubaki siri, kwa watu yasitokee,
Kuna ya kubaki siri, kwa watu yasitokee,

Siri zako binafsi, usimtolee mtu,
Usiwe tena mwepesi, huenda ni mtukutu,
Igeuke iwe kesi, wakuite paka mwitu,
Kuna ya kubaki siri, kwa watu yasitokee,

Hata kesho utendalo, usiseme àsilani,
Lilo hilo usemalo, ni silaha mkononi,
Atakumaliza nalo, kabla uwe mwanzoni,
Kuna ya kubaki siri, kwa watu yasitokee,

𝑀𝑡𝑢𝑛𝑧𝑖: 𝐉𝐔𝐒𝐓𝐈𝐍𝐄 𝐍. 𝐎𝐑𝐄𝐍𝐆𝐄
𝐿𝑎𝑘à𝑏𝑢 : 𝐒𝐔𝐋𝐓𝐀𝐍 𝐌𝐀𝐀𝐌𝐔𝐌𝐈
𝑇𝑎𝑟𝑒ℎ𝑒: 21 𝐉𝐀𝐍 2024
𝐊𝐈𝐒𝐈𝐈, 𝐊𝐄𝐍𝐘𝐀

20/01/2024

𝐒𝐇𝐀𝐈𝐑𝐈: 020/366
𝐔𝐅𝐈𝐂𝐇𝐀𝐂𝐇𝐎 𝐌𝐎𝐘𝐎𝐍𝐈, 𝐇𝐔𝐓𝐎𝐊𝐄𝐀 𝐊𝐖𝐄𝐍𝐘𝐄 𝐌𝐀𝐂𝐇𝐎
Haufichi asilani, moyoni ulichonacho,
Upendo ukipendeni, usoni kuna pekecho,
Hata iwe ni huzuni, kamwe hauna kificho,
Ufichacho moyoni, hutokea kwenye macho

Hata wivu ndani ndani, hutokea kwenye macho,
Haufichiki usoni, huwa k**a mchakacho,
Huisika hadharani, bila ya hata mficho
Ufichacho moyoni, hutokea kwenye macho

Chochote kilo moyoni, uso ung'aa kwacho,
Hasa furaha ya ndani, haina hata maficho,
Macho husema cha ndani, hata kile wafichacho,
Ufichacho moyoni, hutokea kwenye macho

Kamwe kilicho moyoni, usoni huna kificho,
Wasalitika machoni, nacho kile ufichacho,
Hayajui asilani, macho haya ya kificho,
Ufichacho moyoni, hutokea kwenye macho

𝐌𝐓𝐔𝐍𝐙𝐈: 𝐉𝐔𝐒𝐓𝐈𝐍𝐄 𝐍. 𝐎𝐑𝐄𝐍𝐆𝐄
𝐋𝐀𝐊𝐀𝐁𝐔: 𝐒𝐔𝐋𝐓𝐀𝐍 𝐌𝐀𝐀𝐌𝐔𝐌𝐈
𝐓𝐀𝐑𝐄𝐇𝐄: 20 𝐉𝐀𝐍 2024
𝐊𝐈𝐒𝐈𝐈, 𝐊𝐄𝐍𝐘𝐀

19/01/2024

𝐒𝐇𝐀𝐈𝐑𝐈: 019/366
Mola nipe utulivu, wa moyo na akilini
Wala usinipe wivu, vidonda viwe moyoni,
Niepushie uvivu, nikaze buti kazini,

Mola nipe na upendo, ulojazwa na amani,
Hekima iwe mtindo, siku zote za usoni
Unijaze uzalendo, wasije kunilaani,

Mola nipe siha nzuri, magonjwa kuniepusha,
Usinipe ya hatari, mwilini yaje nitisha,
Tena unipe dinari, darahimu za kutosha,

Mola nipe ari pia, ya kulifanya lolote,
Kwa asilimia mia, nikikabili chochote,
Nipe nguvu za bondia, asinishinde yeyote,

Mola nipe kila kitu, kizuri kinachojenga,
Kisichoumiza mtu,tupigane kwa mapanga
Nijazie hata utu, busara ipatefunga
_____________ _ __ _________
𝐉𝐔𝐒𝐓𝐈𝐍𝐄 𝐍 𝐎𝐑𝐄𝐍𝐆𝐄
𝐒𝐔𝐋𝐓𝐀𝐍 𝐌𝐀𝐀𝐌𝐔𝐌𝐈
19/ 𝐉𝐀𝐍/2024

13/11/2023

𝗨𝗦𝗜𝗢𝗚𝗢𝗣𝗘 𝗞𝗨𝗦𝗘𝗠𝗪𝗔
Usiogope kusemwa, mwanangu ninakuasa
Kwani unaposemwa, hatuazo zawanasa
Tena unapoandamwa, kwako huwa ni darasa
Darasa la uelewa, kuyaelewa maisha

Watu wengi wameshindwa, kuvionesha vipaji
Kwa uoga ulopandwa, kuogopa wasemaji
Hata kazi wameshindwa, sababu ya wajuaji
Wanaogopa kusemwa, kwa hofu wajikunyata

Wote walofanikiwa, kusemwa ni kawaida
Waona washangiliwa, waoneshwapo husda
𝗞𝗶taka kufanikiwa, maneno yasiwe shida
Kayatume kukweya, yawe ngazi ya msingi

Mawe unorushwa mti, ni mti wenye matunda
Husemwa hata maiti, hata lile hajatenda
Kaburini kwa shuruti, hawasemi kwenye sanda
Usiogope kusemwa, hofu ukajijengea

𝗝𝗨𝗦𝗧𝗜𝗡𝗘 𝗡. 𝗢𝗥𝗘𝗡𝗚𝗘
𝗦𝗨𝗟𝗧𝗔𝗡 𝗠𝗔𝗔𝗠𝗨𝗠𝗜
𝗦𝗨𝗟𝗧𝗔𝗡 𝗪𝗔 𝗕𝗔𝗥A
+254704562124
𝗞𝗶𝘀𝗶𝗶, 𝗞𝗲𝗻𝘆𝗮

22/10/2023

Shairi tamu

Nimekukosa mwandani, moyoni sina utulivu,
Nakutaka kwangu ndani, ewe wangu msikivu,
Tunavyopendana hani, wao wamepata wivu
Rudi nyumbani mpenzi, nikuole nituliye

22/10/2023

SHAIRI LI NJIANI:
AFADHALI MSITUNI, KULIKO KELELE ZENU✓