21/04/2026
🍀Монгол хүүхдийн ордон маань “Хаврын баяр 2026”үйл ажиллагаандаа монгол гэрээ барин эх орныхоо өнгө төрх, соёлын уур амьсгалд нэг өнгө төрх нэмж, авьяаслаг сурагчид маань ч тайзнаа дуу бүжгээ толилуулан нэгэн дүр зургийг нэмж амжилттай оролцлоо👬👭
Ордоны маань хүүхдүүд тайзан дээр гарч, сэтгэл догдлон, багахан айдас дунд ч өөрсдийн сурсан бүхнээ зоригтойгоор илэрхийлж чадсан нь бидний хувьд хамгийн үнэ цэнтэй мөч байлаа. Тэдний минь инээмсэглэл, хичээл зүтгэл, бахархал дүүрэн харц нь монгол хэл, соёлын маань үргэлжлэл болж байгааг илтгэж байсныг дурдахад сайхан байна💞
Мөн манай гэрээр зочилсон олон хүмүүсийн халуун дулаан уур амьсгал эдгээр өдрүүдийг улам онцгой болгож, бидний хийж буй ажлын утга учрыг дахин мэдрүүлэх шиг боллоо.
Энэхүү дурсамж дүүрэн өдрийг хамтдаа бүтээлцсэн хүүхдүүд, багш нар, эцэг эхчүүд болон хүрэлцэн ирсэн бүх зочдодоо, зохион байгуулагчдадаа чин сэтгэлийн талархал илэрхийлье🫡
Үргэлж биднийг дэмжин ажилладаг, хаа холоос ч гэсэн зорин ирж сэтгэл гарган хамтдаа зүтгэдэг эцэг эхчүүддээ дахин талархал илэрхийлэхийг хүсч байна. Та бүхний минь энэ их хичээл зүтгэл ирээдүйн МОНГОЛ хүүхдүүдийн маань гарааны цэг юм шүү🥰
Мөн хүүхдийн бэсрэг наадамд өөрийн хурд хүч, авхаалж самбаагаа сорьж оролцсон мундаг сурагчид олон байсан бөгөөд үүнээс “Хүчит бөхийн төрөл”-д бахдам амжилт үзүүлсэн ах, дүү Э. Энхмөнх (шөвгөрсөн бөх), Э. Энхмэнд (түрүү бөх) нартаа халуун баяр хүргэж цаашдын амжилт бүр нь өөдөө байхыг хүсэн ерөөе✨🍀
Монгол хүүхдийн ордон маань цаашид ч эх хэл, соёлоо тээж, холбож, түгээн дэлгэрүүлэх үйлсэд хичээнгүйлэн хамтдаа урагшлах болно🤍
