15/02/2025
Reality na hinaharap ng ilang mga tumatandang Pinay entertainer sa ngayon
Nitong mga nagdaang taon, dumarami ang mga nagtatanong na mga kababayan natin dito sa MALAGO about financial support, and most of them ay mga kababayan nating Pinay na tumatanda na dito sa Japan.
Makikita nyo sa record ng Japan Immigration, na ang pinakamaraming kababayan natin dito ay mga Japanse Spouse Visa holder, at marami din sa kanila ang nakakuha ng Permanent Visa, and after that ay nakipag-hiwalay at naninirahang mag-isa dito sa Japan sa ngayon.
Most of them ay nakapasok ng Japan during bubble economy period, at kung nasa 20's sila during that time, sila ay nasa 50's and 60's na sa ngayon. At kung ganito na ang age ninyo, I think you know already kung gaano kahirap mag-trabaho to make a living in Japan.
Since noong kabataan nila ay nag-tatrabaho sa mga club, marami ang nalulong sa alak, at ngayong pagtanda nila, dito na lumalabas ang epekto din nito at marami ang nagkakasakit. Ilan sa kanila ay hindi talaga makapag work ng matagal kahit na gustuhin nila.
The sad thing here is marami din ang hindi nakapag-ipon at hindi pinag-handaan ang pagtanda nila dito sa Japan. Maraming pera noong kabataan nila, nakabili ng ilang ari-arian sa Pinas, merong mga nauwi sa wala, at mas pinili nilang manirahan na lang dito sa Japan.
Ilan sa kanila ay hindi din nakapag-contribute sa kanilang mga pension (nenkin), meron man ay maliit lamang ang binayaran kung kayat ang nakukuha nilang pension monthly sa ngayon ay sobrang liit din.
Ang ilan sa kanila ay may mga asawang Japanese din, na matatanda na rin. Meron mga time na pareho silang may sakit, at talagang kinukulang ang natatanggap nilang pension lamang monthly.
Ang Seikatsu Hogo na pwedeng matakbuhan ay hindi naman ganun laging maasahan. Hindi pantay-pantay ang pagpapatakbo nito sa bawat local municipality, kung kayat talagang marami din sa kanila ang gipit na sa pamumuhay. Alam din nilang huli na ang lahat, na sana ay maibalik nila ang time noong kabataan nila para mapaghandaan ang pagtanda nila sa ngayon.
Yan ang mapait na kalagayan sa ngayon ng ilang mga kababayan nating Pinay entertainer dati na tumatanda na dito sa Japan. Kung kayo ang nasa kalagayan nila, ano ang gagawin ninyo? Ano din ang maibibigay mong payo para sa kanila?
Hearing their story, sana maging aral din ito sa ating lahat. Na paghandaan din natin yong pagtanda dito sa Japan, lalo na kung mag-isa kayong mamumuhay dito.
