20/07/2022
📚 ဂျပန်ဘာသာစကားစတင်ပေါ်ပေါက်လာပုံ📚
ဂျပန်အခေါ် (နိဟွန်း)ဟာဆိုရင် ဂျပန်နိုင်ငံလို့ အဓိပ္ပာယ်ရပြီးတော့ ဂျပန်ဘာသာစကားကို Nihongo (日本語)(နိဟွန်ဂေါ့) လို့ ခေါ်ကြပါတယ်။ ဂျပန်ဘာသာစကား(နိဟွန်း-ဂေါ့ Nihon-go (သို့) နစ်ပွန်ဂေါ့ Nippon-go )သည် အရှေ့အာရှရှိ ကျွန်းနိုင်ငံတစ်နိုင်ငံဖြစ်သည့် ဂျပန်နိုင်ငံတွင် ရေးသားပြောဆို အသုံးပြုသောဘာသာစကားတစ်ခုပဲ ဖြစ်ပါတယ်။ (go) ဂေါ့ ၏ အဓိပ္ပာယ်မှာဘာသာစကားဖြစ်ပါတယ်။ တစ်ခါတရံမှာတော့ (နိဟွန်း)အစား(နိပွန်) ဆိုသည့် စကားလုံးနှင့် (နိပွန်ဂေါ့)ဆိုသည့် စကားလုံးတို့ကို အသုံးပြုကြပြီးတော့
(နိပွန်)လို့သုံးတာက မျိုးချစ်စိတ်ပိုရှိတယ်လို့ မှတ်ယူထားကြပါတယ်။
ဂျပန်ဘာသာစကားဟာ ဘာသာဗေဒပညာရှင်များအကြား အငြင်းပွားဖွယ်ရာတစ်ခုဖြစ်ခဲ့ပါတယ်။ တူညီသော ဘာသာစကားမိသားစုမှ ဆင်းသက်လာတဲ့ Turkish, Mongolian, Manchu, Korean နှင့် Japan ဘာသာစကားတို့၏ မူလရင်းမြစ်ပါ (Ural-Altaic) အော်တာအစ်ဘာသာစကားဖြစ်သည်ဟု သီအိုရီအရ သိရှိရပါတယ်။ ဒီထဲမှာမှ ကိုရီးယားနဲ့ဂျပန်ကို အများဆုံးနှိုင်းယှဉ်လေ့ရှိကြပါတယ်။ ဘာလို့လဲဆိုတော့ ဘာသာစကားနှစ်ခုလုံးပါ စာကြောင်းတည်ဆောက်ပုံတွေ၊ ဂုဏ်သိက္ခာရှိစွာ ပြောဆိုမှုကိုကျယ်ကျယ်ပြန့်ပြန့် အသုံးပြုခြင်းသည့်
အရေးပါသော အဓိကလက္ခဏာများကို ဘာသာစကားနှစ်ခုလုံးမှာ ဖော်ပြသောကြောင့် ကိုရီးယားကို ဂျပန်နှင့် နှိုင်းယှဉ်လေ့ရှိပါတယ်။ သို့သော် ဂျပန် အသံထွက်ဟာ ကိုရီးယားနှင့် သိသိသာသာ ကွဲပြားပါတယ်။
ဂျပန်ဘာသာစကားရဲ့ အရေးအသားစနစ်က အနည်းငယ်ရှုပ်တွေးပြီးတော့ သူ့မှာဆိုရင် Hiragana, Katakana နဲ့တရုတ်စာလုံးပေါင်း Kanji ဆိုပြီးတော့ (၃)မျိုးရှိပါတယ်။
အေဒီ ၆ ရာစုကနေ ၉ ရာစုလောက် အဓိကတရုတ်စာလုံးပေါင်းတွေဖြစ်တဲ့ Kanji Character တွေဟာဘာသာစကားဖွံ့ဖြိုးတိုးတက်ဖို့အတွက် အရေးအပါဆုံးဖြစ်ခဲ့ပါတယ်။ တစ်နည်းအားဖြင့် ဂျပန်ဘာသာစကားဟာလည်း တရုတ်ဘာသာစကားကနေ ဆင်းသက်လာတာဖြစ်ပါတယ်။ ၁၂ ရာစုလောက်ရောက်တဲ့အခါမှာ Hiragana နဲ့ Katakana ဆိုတဲ့ သင်ရိုးညွှန်းတမ်းအရေးအသား (၂)မျိုးကို Kanji ကနေ ခွဲထွက်ပြီး ဖန်တီးလာနိုင်ခဲ့ပြီးတော့ ဂျပန်မိခင်ဘာသာ စကားရေးတဲ့အခါမှာ ဒီ(၂)မျိုးကိုပဲ သုံးပြီးရေးလာကြပါတယ်။ ဒီနေ့ခေတ်မှာတော့ Hiragana, Katakana, Kanji (၃)မျိုးလုံးကို အသုံးပြုပြီးရေးလာကြပါပြီ။
၁၈ ရာစု အလယ်နားလောက်မှာ ဂျပန်လူမျိုးတွေဟာ Garaigo (နိုင်ငံခြားဘာသာ မွေးစားစကား)ကို အမြောက်အမြား လက်ခံလာကြပြီး သုံးလာကြပြီဖြစ်ပါတယ်။ ဥပမာအားဖြင့် teburu (Table, စားပွဲ)၊ biru (Beer, ဘီယာ)၊
gurasu (Glass, ဖန်)၊ aisu (Ice, ရေခဲ)၊takushi (taxi) နှင့် hoteru (hotel)စသည် တို့ပဲဖြစ်ပါတယ်။
ဂျပန်ဘာသာစကားတွင် သရအက္ခရာ (၅)မျိုး (a,i,u,e,o ) ရှိပြီး တစ်မျိုးစီတွင် အတိုအရှည်မတူသည့် အသံနှစ်မျိုးရှိသည်။ သရအက္ခရာ၏ အသံအတို၊ အရှည်ကို ပြောင်းလဲခြင်းဖြင့် စကားလုံး၏ အဓိပ္ပာယ်အားပြောင်းလဲစေနိုင်ပါတယ်။ ဥပမာ-ojisan (おじさん, ဦးလေး) နဲ့ ojiisan (おじいさん, အဘိုး)။ ထို့အပြင် အင်္ဂလိပ်ဘာသာရှိ L နှင့်တူသည့် အသံထွက်တစ်မျိုးရှိသည့်အပြင် ယင်းသည် အင်္ဂလိပ်အက္ခရာ R အသံထွက်နှင့် တူနေပြန်သည်။ ထို့ကြောင့် ယင်းစကားလုံးအသံထွက်သည် ဂျပန်လူမျိုးအများစုအား အင်္ဂလိပ်ဘာသာစကားလေ့လာရာတွင် L နဲ့ R အသံထွက်ခက်ခဲစေသည့်အကြောင်းအချက်တစ်ခုဖြစ်သည်။ ထို့ပြင် ပုံမှန်အားဖြင့် အင်္ဂလိပ်ဘာသာတွင် မရှိသော အသံထွက်တစ်ခုဖြစ်သည့် Tsu (つ) ဆိုသည့် စကားသည် ဂျပန်ဘာသာတွင်သာရှိသည်။
ဂျပန်ဘာသာစကားတွင် ကြိယာသည် ဝါကျတစ်ခု၏နောက်ဆုံးတွင်သာရှိပြီး ကတ္တား (ပြုလုပ်သူ) သည် အစတွင်ရှိသည်ကို တွေ့ ရပါတယ်။ မြန်မာစာလိုပင် ပြုလုပ်သူ - ပြုလုပ်ခံရသူ - ကြိယာ (S-O-V) ပုံစံသွားတာဖြစ်ပါတယ်။ များစွာသော ဝါကျများတွင် ကတ္တားမရှိချေ။ နားထောင်သူသည် ဝါကျတွင် ပါဝင်သည့် ကြိယာပုံစံနှင့် စကားအရှေ့အနောက် အစီအစဉ်ကို စဉ်းစားသုံးသပ်ကာ မည့်သည်အရာသည် ကတ္တား(ပြုလုပ်သူ) ဖြစ်တယ်ဆိုတာကို ခန့်မှန်းနိုင်ပါတယ်။
🗾 ဂျပန်ဘာသာစကားအပေါ် နိုင်ငံတကာလူမျိုးတို့၏စိတ်ဝင်စားမှု👬👭
ဂျပန်ဘာသာစကားကို နိုင်ငံတကာမှ အခြားလူမျိုးများစိတ်ဝင်စားလာမှုမှာ ၁၉ ရာစုမှ စတင်ခဲ့ခြင်းဖြစ်သည်။ ဂျပန်၏စီးပွားရေးအရှိန်အဟုန်နှင့် ရေပန်းစားလာခဲ့တဲ့ (Anime နှင့်ဗီဒီယိုဂိမ်း) တွေဟာ ၁၉၉၀ ပြည့်နှစ်နောက်ပိုင်းမှာ ပိုမိုပျံ့နှံ့လာခဲ့ပါတယ်။
၂၀၁၅ ခုနှစ်တွင် ကမ္ဘာအနှံ့လူပေါင်း ၃ ဒဿမ ၆ သန်းကျော်သည် ဂျပန်ဘာသာ စကားကို စတင်လေ့လာခဲ့ကြပြီးအဓိကအားဖြင့် အရှေ့နှင့်အရှေ့တောင်အာရှတို့တွင် လေ့လာသူပိုမိုများပြားခဲ့ပါတယ်။
တရုတ်လူမျိုး တစ်သန်းနီးပါး၊ အင်ဒိုနီးရှား ၇၄၅ဝဝဝ၊ တောင်ကိုရီးယား ၅၅၆,၀၀၀နှင့် ဩစတြေးလျ ၃၅၇,ဝဝဝခန့်တို့ပါ ဂျပန်ဘာသာကို စတင်လေ့လာမှုတွေ ပြုလုပ်လာခဲ့
ကြပါတယ်။
၂ဝ၁၂ ခုနှစ်နှင့် ၂၀၁၅ ခုနှစ်အကြားတွင် လေ့လာသူတွေ သိသိသာသာ များပြားလာခဲ့ပါတယ်။ ဂျပန်အစိုးရဟာ နိုင်ငံတကာမှာ ဂျပန်ဘာသာကို ဒုတိယဘာသာစကားအနေနဲ့ သင်ယူသူများအတွက် ဂျပန်စကားပြောနှင့် နားလည်မှုကို နားလည်ရန်၊ တိုင်းတာရန် စံချိန်စံညွန်းမီစမ်းသပ်မှုများကို ပြုလုပ်ပေးလျက်ရှိပါတယ်။ အထင်ရှားဆုံးမှာ စာမေးပွဲ (၅)ဆင့် (N1, N2, N3, N4, N5) ပါဝင်သည့် ဂျပန်စာကျွမ်းကျင်မှုစာမေးပွဲ (JLPT) ဖြစ်သည်။ JLPT ကို တစ်နှစ်လျှင် နှစ်ကြိမ် နိုင်ငံတကာမှာ ကျင်းပပေးလေ့ရှိပါတယ်။
crd👉 #ဂျပန် #ဂျပန်ဘာသာစကား
