ウェブサイトとは何ですか？

https://htetwailinn2261996.wixsite.com/htetwailinn/blog

Htet's New Journey, 神奈川県足柄下君箱根町, 湯本 202番地の2 アーラ箱根湯本 220, Hakone-machi Ashigarashimo-gun (2026)

Q: 住所は？

神奈川県 足柄下君 箱根町, 湯本 202番地の2 アーラ箱根湯本 220

19/08/2026

🇯🇵🇯🇵 အလုပ်ဝင်ပြီး ဒါလေးလုပ်ပေးမိတာ အားလုံးက လူရင်းတွေလိုခံစားချက်မျိုးဖြစ်စေသွားတာ🎁🎁🎁

အချိန်ပိုင်း အလုပ်စဝင်တော့ ဆိုင်ရဲ့ မီးဖိုချောင်ထဲက ရေခဲသေတ္တာ ပေါ်မှာ မုန့်ထုပ်လေးတွေ တွေ့တွေ့နေတာ အစက အလုပ်ကအဖွဲ့တွေ စားဖို့ သူဌေးက ဝယ်ပေးထားတယ်ထင်တာ။ အဲလိုမဟုတ်ပဲ အချိန်ပိုင်းသမားအဖွဲ့တွေထဲက တစ်ယောက်ယောက်က အခြားမြို့တစ်မြို့အလည်သွားရင် လက်ဆောင်အနေနဲ့ ဝယ်လာတဲ့မုန့်လေးတွေ ချပေးထားပြီး။ အခြားအချိန်ပိုင်းဝင်တဲ့သူတွေလည်း စားရအောင် တင်ပေးထားတာတဲ့။ အဲကြောင့် သူဌေးက မုန့်အသစ်ပြောင်းရင် ဒါက ဘယ်သူဝယ်လာပေးတာ ပြီးဘယ်မြို့မှာရတာနဲ့ပြောပြောနေတာ။
ပိတ်ရက်ရှည် တစ်ရက်ကျ သူဌေးဆီ ပြောပြီး Hakone ဘက် ကောင်မလေးဆီ အလည်သွားဦးမယ်လို့ပြောတော့ ဘယ်လောက်ကြာမှာလဲ နဲ့မေးပြီး အလုပ်ပြန်ခါနီးကျ မကြားတကြားလေး လက်ဆောင်တွေဘာတွေဝယ်မနေနဲ့နော်နဲ့ လှမ်းနောက်လိုက်တာ။ကြားတော့ကြားတယ် ပြန်ရင်း လှမ်းပြောတာဆိုတော့ ဘာမှတော့ပြန်မပြောလိုက်ပါဘူး။နောက်ရက် Hakone သွားပြီး ဟိုရောက်တော့ သူဌေးက လက်ဆောင်တွေဘာတွေဝယ်မနေနဲ့ နောက်နေတာလို့ပြောတာ။ ကောင်မလေးကလည်း Hakone က မုန့် လက်ဆောင်ဝယ်သွားလိုက်လေတဲ့။ အစက ဝယ်မနေပါနဲ့ပြောနေတာ သူက ဝယ်သွားပါ ဆိုပြီး ပြောတာနဲ့ အပြန်ကျ ဝယ်သွားလိုက်တာ။
ပြန်ရောက်ပြီး နောက်ရက်အလုပ်ဝင်တော့ သူဌေးဆီ မုန့်လက်ဆောင်လေးပေးတော့ သူဌေးမျက်နှာက အံ့သြတဲ့ပုံရော သဘောကျတဲ့ပုံရော ဖြစ်နေတာသတိထားမိတယ်။ အဲတစ်နေ့လုံးလက်ဆောင်ဝယ်လာတဲ့အကြောင်းပဲပြောပြောနေတာ။ ပြီး အချိန်ပိုင်း နောက်တစ်ယောက်နဲ့ချိန်းပြီဆို သူက ဝယ်လာတဲ့လက်ဆောင်ကို အခြားအချိန်ပိုင်းသမားကို ကိုယ်တိုင်ပြောပြီး ပေးခိုင်းတာ ဘယ်သွားဖြစ်လို့ အပြန်ဝယ်လာတာလို့ပြောခိုင်းတာ။
အဲဒီနောက်ပိုင်းတွေ သူဌေးပုံစံကလည်း ကိုယ့်ကို သူ့လူရင်း ပုံစံမျိုးဆက်ဆံလာတာလေးတွေသတိထားမိလာတယ်။ ကိုယ်က တစ်နေရာရာသွားလို့ လက်ဆောင်ဝယ်တယ်ဆို အဲလူတွေကို ကိုယ်က စိတ်ထဲရှိလို့တာ ဒါမျိုးစဥ်းစားပြီး ဝယ်ခဲ့မှာလေ။ ကိုယ်က ဝယ်ပြီးပေးရင်ပဲ ဖြစ်ဖြစ် သူများကဝယ်ပြီးပေးရင်ပဲဖြစ်ဖြစ် ပေါ့။ သူဌေးလည်း သြော် သူကတော့ ငါတို့ စိတ်ထဲမှာ ရှိသားပဲလို့မြင်သွားပြီး ပိုပြီးတော့ ရင်နှီးသွားတာမျိုးလည်း ဖြစ်လောက်မယ်။

15/08/2026

🇯🇵 🇯🇵 သူဌေးက ပြောစေချင် ကိုယ်ကမပြောချင်နဲ့ ခက်တော့ခက်နေပြီ😅😎
ဒီနေ့အလုပ်မှာ သူဌေးနဲ့ မနက်ပိုင်းနှစ်ယောက်ဆင်းပြီး နေ့ခင်း ၂ နာရီလောက်ကျ အချိန်ပိုင်း နောက်တစ်ယောက် ချိန်းတာ ကိုယ့်နေရာ အခြားတစ်ယောက် ဝင်ပြီး ကိုယ်က ပြန်ရတာပေါ့။ ဝင်တဲ့တစ်ယောက်က ဂျပန်မလေး အလုပ်ဝင်ဝင်ချင်း တစ်ခါပဲ အလုပ်အကြောင်းလေးတွေ ရှင်းပြရင်း တစ်ရက်တော့ဆုံဖူးတယ်။ နောက်ပိုင်းတွေက သူဌေးနဲ့ နှစ်ယောက်ပဲ အခြားအချိန်ပိုင်းသမားတွေနဲ့ အဝင်အထွက်လောက်လေး ကြုံမှဆုံရတာ။
အဲဒါဒီနေ့ ဂျပန်မလေးက အလုပ်ရောက်ရောက်ခြင်း သူဌေးဆီအရင်လာနှုတ်ဆက်ပြီး အပေါ်ထပ်မှာလုပ်စရာရှိတာ လုပ်ဖို့တက်သွားတယ်။ အဲချိန် သူဌေးက "ထက်" ဒီနေ့ သူ ဆံပင်အရောင် အသစ်ချိန်းလာတယ်။ အဲဒါ အဲအရောင်နဲ့ လိုက်တယ် ကြည့်လို့ကောင်းတယ်လို့ သူဆင်းလာရင် ပြောလိုက်ဦးတဲ့။ ကိုယ်ကလည်း အရင်နေ့က သူဘာအရောင် ရှိမှန်းလည်းမသိ တစ်ရက်လောက်ပဲ ဆုံထားဖူးတော့ သေချာလည်း မရင်းနှီးတော့ ငါပြောလို့အဆင်မပြေဘူးလို့ သူဌေးပြန်ပြောလိုက်တာ။
သူဌေးက အဲလို စကားလေးတွေ လုပ်ဖော်ကိုင်ဖက်တွေ ပြောပေးရတယ်ပေါ့ ပိုပြီးလည်း ရင်နှီးတယ်။ "ထက်" က အဲလိုပြောတဲ့အကျင့် မရှိဘူးလားတဲ့။ အဲလိုတော့လည်းမဟုတ်ပါဘူး လို့။ သိပ်မရင်းနှီးရင် ပြောမထွက် ဘူး လို့ ပြန်ပြောနေတုန်း ။ ဂျပန်မလေးက အောက်ထပ်ဆင်း လာတော့ ကိုယ်က အထွက် သူကအဝင် ပြုံးပြပြီးပဲ ထွက်မလို့လုပ်တာ။ သူဌေးက လှမ်းခေါ်ပြီး "ထက်" ပြောစရာ ရှိတယ်ဆို ပြောလိုက်လေတဲ့။ လှည့်ကြည့်လိုက်ပြီး ပြောဖို့တော့လုပ်သေးတယ်။ ပြောလို့ အဆင်မပြေဘူး ဆိုပြီး သူဌေးကို ခေါင်းခါပြပြီး အပေါ်တက်သွားလိုက်တယ်။ သူဌေးက ဂျပန်မလေးနဲ့ စကားပြောရင်း ရီပြီး ကျန်ခဲ့တယ်။ 😅
အပေါ်ဆုံးထပ်မှာ အဝတ်အစားလဲပြီး နေ့လည်စာ ဒုတိယထပ်မှာ စားနေတုန်း သူဌေးက လာနှုတ်ဆက်တယ်။ သူနေ့ခင်းပိုင်းနားမှာမလို့ လာနှုတ်ဆက်တာလို့ ပြောပြီး ပြန်သွားတယ်။ စားနေရင်းနဲ့မှ ငါကတော့ မရင်းနှီးလို့ဆိုပေမယ့် သူဌေး ကိုယ်တိုင်ပြောနေမှ ဒီလိုကြီးလုပ်နေလို့မကောင်းပါဘူးလို့။ သူတို့ ဂျပန်လူမျိုးတွေကြားမှာဒါတွေက အမြဲထမင်းစားရေသောက်ပြောနေတာလို့။ ကိုယ်တောင်ပထမဆုံး ရောက်တဲ့နေ့က ဂျပန်စကားလေး နှစ်ကြောင်းပြည့်အောင်တောင်မပြောရသေးဘူး အချိန်ပိုင်း အခြားဂျပန်မလေးတစ်ယောက်က တော်လိုက်တာနဲ့ လုပ်နေတာလို့။😅
ထမင်းစားပြီး ပြန်ဖို့အောက်ထပ်ဆင်းတော့ ပုံမှန်ဆို အပေါက်ဝကနေပဲ နှုတ်ဆက်ပြီး ပြန်တာ ဒီနေ့ကျ ခဏ ပြန်ဝင်ပြီး ဆံပင်အရောင်နဲ့ ကြည့်ကောင်းတယ်လို့ဝင်ပြော ပြီး ပြန်လာခဲ့လိုက်တယ်။ သူလည်း ရီပြီးကျန်ခဲ့တယ်။ ခုဏက သူဌေးက ပြောထားလို့နေမှာလို့ တွေးမိသေးတယ်။ အဲရက်ပြီး အလုပ်က နောက်ရက်တွေ ပြန်မဝင်ရဘူး နောက် သုံးရက် လေးရက် နေမှပြန်ဝင်ရတယ်။
အလုပ်နောက်တစ်ခေါက်ပြန်ဝင်တော့ သူဌေးက အလုပ်လုပ်နေရင်း လာပြောတယ်။ ဟိုနေ့က ထမင်းစားပြီး ဆံပင်ကိစ္စ ပြန်လာပြောသွားတယ်ဆိုတဲ့။ ဟုတ်တယ်လို့။ "ထက်" တို့ဆီမှာ အဲလိုတွေမပြောကြဘူးလားတဲ့။ ပြောပါတယ်လို့။ ဒါမယ့် အမြဲ ပြောနေတာမျိုးတော့မဟုတ်ဘူးလို့။ ပြီး လူတိုင်းမဟုတ်ပေမယ့် ကောင်မလေးရှိတဲ့သူက ကိုယ့်ကောင်မလေးမဟုတ်ပဲ အခြားကောင်မလေး အလှအပ နဲ့ ပတ်သတ်တာတွေ ချီးကျူးစကားပြောတာတွေမလုပ်ကြဘူး အခြား တော်တာ နဲ့ပတ်သတ်ပြီး ချီးကျူးတာမျိုးတွေတော့ရှိတာပေါ့လို့ ဒါတောင် ကောင်မလေးသိလို့မရဘူးလို့ပဲ နောက်လိုက်တယ်။😅 သူဌေးကတော့ အဲလိုလေးတွေ ချီးကျူးစရာရှိရင် ပြောပေးရတယ်နဲ့ သင်ပေးရင်း ပြန်လာပြီး ပြောသွားတာ ကောင်းတယ်နဲ့ လက်မတစ်ထောင်ထောင်နဲ့ ပြုံးပြုံးကြီး ဖြစ်လို့ သူ့စကားနားထောင်လို့လားတော့မသိဘူး။😅

15/08/2026

🇯🇵 တစ်ခါတစ်လေလည်း ကိုယ်မှကိုယ် ဖြစ်တဲ့အလုပ်လေးလည်းတွေ့ဦးမှပဲ😅💪💪

ဂျပန်မှာ ဒုတိယအကြိမ်အလုပ်ရှာရင် ပထမရှာတုန်းကအတွေ့အကြုံနဲ့ ပိုလွယ်မယ်ထင်တာ။ ရှာရတာ ဆက်သွယ်ရတာ စကားပြောရတာတွေကအရင်ထက် အများကြီးလွယ်သွားပေမယ့်။ ပြသနာက ကိုယ်လုပ်နိုင်တဲ့ချိန်နဲ့ ဝင်နိုင်တဲ့ရက် နဲ့ကိုက်တဲ့အလုပ်ရဖို့ ညှိရတာခက်တာ။
နောက်အလုပ်တစ်ခုကို ၇ လပိုင်းကနေစရှာ ခု ၈ လပိုင်း ၁၄ ရက်ထိ ဒီကြားထဲ စားသောက်ဆိုင်တွေလျှောက်တယ် ကိုယ်အားတဲ့ ရက်နဲ့အချိန်ပြောလိုက်ရင် အင်တာဗျူးမခေါ်တော့ဘူး။ တစ်ချို့ဆိုင်တွေ Message ပို့တယ် ဖုန်းဆက်တယ် ပြန်မဖြေဘူး မကိုင်ဘူး။ Conveni ဆိုပိုဆိုး ကျောင်းကအသိကောင်မလေး အလုပ်မှာရှိလို့ မိတ်ဆက်ပေးတာကို အချိန်အဆင်မပြေလို့ မရဘူး။ အခြား ကိုယ့်ဘာသာလျှောက်တဲ့ Conveniတွေလည်း မနည်းဘူး။ Hotel တွေကျ အချိန် က မနက် ၉ နာရီကနေ အနည်းဆုံး ၂ နာရီလောက်ထိလုပ်နိုင်တဲ့သူလိုချင်တာ။ ကျောင်းက ၁ နာရီ စတက်ရတော့ ဘယ်လိုမှမပြေဘူး။ Sat Sun လုပ်နိုင်ပါတယ်။ အဲနှစ်ရက် ပဲဆင်းရင်ရောမရဘူးလား နဲ့ ကိုယ့်မှာပြန်ညှိလည်း မခေါ်ဘူး။ အပြင် ကြေညာကပ်တာတွေ့လို့ လျှောက်တာလည်းမရဘူး။ ဟိုဟာမရ ဒီဟာမရနဲ့ ကြာနေတော့ လူက နည်းနည်း စိတ်ရှုပ်နေပြီး နေကွာ တအားကြီး ညှိမနေတော့ဘူးလို့။ ပေါ့ပေါ့ပါးပါးပဲ လျှောက်စရာရှိတာ နေ့တိုင်းလျှောက်သွားမယ်။ သူတို့ကိုက်ရင်ခေါ်လိမ့်မယ် မကိုက်ရင်ထပ်ရှာမယ်ဆိုပြီး ဆုံးဖြတ်လိုက်တာ။
မကြာဘူး Hotel တစ်ခုက Message ပို့လာတယ်။ သူတို့ Zoom နဲ့ အင်တာဗျူးချင်လို့ ရက်သုံးရက်နဲ့ အချိန်တွေပို့လာတယ် ဘယ်ရက် အားလည်း ရွေးပြီး ပြန်ပို့ခိုင်းတယ်။ ၁၅ မိနစ်လောက်ပဲ ကြာပါမယ်တဲ့။ ဒီအလုပ်ကျ လူက ဘယ်လိုဖြစ်သွားလည်းမသိဘူး ရချင်ရမရနေဆိုပြီး စိတ်ကဆုံးဖြတ်ထားလို့လားမသိဘူး Zoom နဲ့ ဖြေချင်စိတ်မရှိတာနဲ့ ငါဘက်က Zoom နဲ့ ဖြေလို့အဆင်မပြေဘူး လူတွေ့ အင်တာဗျုး ဖြေလို့ရမလား ဒါမှမဟုတ် တစ်ခြား တစ်နည်းနည်းနဲ့ ရဦးမလားပြန်ပို့လိုက်တယ်။😅😅 (📌စိတ်ထဲတော့ ငြင်းပြီလို့ထင်နေတာ) စာပြန်ပို့တယ်ဗျာ လူတွေ့အင်တာဗျူး မဖြေပဲ ဖုန်းနဲ့ ခဏလောက်ဗျူးပါမယ် တဲ့ အားတဲ့အချိန်လေး တွေ ပို့ပေးထားပါတဲ့။ ပြန်ပို့လာတယ်။ အဲဒါ အားတဲ့အချိန် တွေပို့ပေးလိုက်တာ။ နောက်ရက် ချက်ခြင်း ဖုန်းဆက်လာတယ်။
ဖုန်းကိုင်လိုက်ပြီး သူအချက်အလက်တွေ နည်းနည်းမေးပြီး အချိန်ဘယ်လောက်လုပ်နိုင်လဲ ဘယ်နှစ်ရက်ဆင်းနိုင်လဲ မေးတော့ အရင်အလုပ်တွေလို ကိုယ်က အောက်ကနေ ညှိမနေဘူး တစ်ပတ်ကို ၁၀ နာရီကနေ ၁၃ နာရီလောက် လုပ်ရတယ်။ ဘယ်ရက် ဘယ်ရက် ကတော့ ကျောင်း ရှိတယ် အဲဒီရက်တွေဆို ၁၂:၃၀ ထိ လုပ်နိုင်တယ် ဒါလေးပဲ ပြောလိုက်တယ်။ ဘယ်တော့အလုပ်စဝင်နိုင်လဲ မေးတယ်။ အမှန်က ဒီတစ်ပတ်ထဲ တန်းဝင်လို့ရတယ် အခြားလုပ်စရာရှိနေတာနဲ့ ။ နောက်တစ်ပတ် ဗုဒ္ဓဟူးမှ စဝင်လို့ရမှာလို့ ပြောလိုက်တာ။ တနင်္လာ နေ့ကျရင် Mail ပို့ပြီး အကြောင်းပြန်ပေးပါမယ်တဲ့။ ကိုယ်လည်း အဆင်ပြေပါတယ်လို့ ပြန်ပြောပြီး ဖုန်းချလိုက်တယ်။
ဖုန်းချပြီးမကြာဘူး Message တစ်ခါထပ်ပို့တယ်။ နောက်တစ်ပတ်က ဘယ်ရက်တွေဝင်နိုင်လဲတဲ့ Wed / Thu / Sat သုံးရက်ဝင်နိုင်တယ်လို့အကြောင်းပြန်လိုက်တာ။ ကောင်းပါပြီတဲ့ အချိန်ဇယားညှိကြည့်ပြီး အဆင်ပြေရင် အကြောင်းကြားပါမယ်တဲ့။ အမှန်က ကိုယ်ကအလုပ် တအား လိုချင်နေတာ အောက်ကနေမညှိချင်တော့လို့ အဲလိုတွေတာပြောတာ ငြင်းမလားမသိဘူးနဲ့စိုးရိန်နေတာ။ နောက်ရက် တနင်္လါနေ့တောင်မရောက်လိုက်ဘူး ကြာသပတေးက စာပို့လာတယ် စောစောမဆက်သွယ်မိတာ တောင်းပန်ပါတယ်တဲ့ နောက်တစ်ပတ် Wed နေ့ 9:30 Hotel ကို လာခဲ့ပေးပါတဲ့။ 😆အမှန်က လူအသည်းအသန်လိုနေလို့ပဲ ကိုယ်မှကိုယ်ဖြစ်နေတာလား ။ အဲအလုပ်က ပင်ပန်းလို့ တော်ရုံလူ မမြဲတာလား ဒါမှမဟုတ် Hotel က တစ်ခုခုများ ရှိမလားတော့ အလုပ်စဝင်မှ သိမှာပဲ။ အခုတော့ အသည်းအသန် လိုက်ညှိတဲ့အလုပ်တွေက မရပဲ ဘာမှထွေထွေထူးထူး မပြောရတဲ့အလုပ်က တန်းခန့်လိုက်တာပဲ။

ကိုယ်ကလည်း အလုပ်တာ တအားလိုချင်ပြီးရှေ့မှာ ကိုယ့်ဘက်ကပဲ လိုက်ညှိနေရတာ ကြာတော့ နေပါစေ မရလည်း ထပ်ရှာမယ် ဆိုပြီး ဆုံးဖြတ်ထားတော့ အကြောက်အလန့်ရှိမနေတာလည်းပါမယ်။ Wed နေ့ အလုပ်သွားဆင်းမှ ဘာလို့ကိုယ်မှကိုယ်ဖြစ်နေလည်း အကြောင်းအရင်းမှန်ကိုသိရတော့မယ်။ အဲဒီခါကျမှ ထပ်ပြောပြမယ်။😅

(📌စာဖတ်နေတဲ့သူတွေရော အလုပ်နဲ့ပတ်သတ်တဲ့အတွေ့အကြုံတွေ မန့်ပေးခဲ့ကြဦး)

13/08/2026

🇯🇵 ဂျပန်မှာ မိတ်ဆွေကောင်းလည်းရှာပါ တစ်ယောက်တည်းရပ်တည်နိုင်အောင်လည်းကြိုးစားပါ💪💪

ဂျပန်ရောက်ရောက်ချင်းမှာ ကိုယ်တိုင်မလုပ်တတ်တဲ့အရာတွေ မသိတဲ့အရာတွေ နားမလည်တဲ့အရာတွေအတွက် မိတ်ဆွေကောင်းတွေရှိထားမယ်ဆို လွယ်လွယ်ကူကူနဲ့ အခက်အခဲမရှိကျော်ဖြတ်နိုင်ပါမယ်။ အဲဒါနဲ့တစ်ဆက်တည်းမှာ ပြသနာက တစ်ခုခုဆို ကိုယ်တိုင်မလုပ်တတ်ပဲ အကူအညီပါမှ အဆင်ပြေမယ်ဆိုတဲ့ ပုံစံမျိုးဖြစ်လာရင်တော့လည်း ရေရှည်မှာ ရပ်တည်ဖို့အဆင်မပြေဖြစ်ပါမယ်။
အဲလိုပြောလို့ တစ်လွဲတွေးပြီး ဘာနေနေကိုယ်တိုင်လုပ်မယ်ကွာလို့ တွေးရင်လည်း အလုံးစုံံမမှန်ပါဘူးဗျ။ တတ်သိနားလည်တဲ့ မိတ်ဆွေကောင်းတွေရဲ့ လမ်းညွှန်မှုနဲ့ဆို လွယ်လွယ်ကူကူပြီးမြောက်သွားမယ့် အရာမျိုးတွေလည်းအများကြီးမလို့ပါဗျ။
ရောက်ရောက်ချင်းမှာ ကျွန်တော်နဲ့အတူ ဒီနှစ်မှရောက်တဲ့ သူငယ်ချင်းအဖွဲ့တွေက အဆောင်မှာ စီနီယာတွေ နဲ့အတူနေကြရတော့ ကျောင်းနဲ့ပတ်သတ်ပြီး တစ်ခုခုဆို စီနီယာတွေဆီက အရင်ဆုံး သူတို့ရှေ့နှစ်က ဘယ်လိုကြုံရလဲဆိုတာတွေ ကြိုကြို သိရတော့ ကိစ္စတွေကို ဖြေရှင်းရတာ အခြား စီနီယာတွေနဲ့အတူမနေရတဲ့ မြန်မာအဖွဲ့တွေထက် ပိုအဆင်ပြေတယ်။ ဥပမာ Sim Card ဆို ကိုယ့်ဘာသာလုပ်တာ ပိုအဆင်ပြေတယ် မြန်တယ် ကျောင်းကဆို သူ့အလှည့်နဲ့သူ စောင့်ရတာကြာတယ်။ ပြီး ပိုက်ဆံပိုကျတယ် မေးလာခဲ့ရင် ကိုယ့်ဘာသာ လုပ်မယ်ပဲ ပြောလိုက် စသဖြင့် ရှင်းပြပြီး လိုအပ်ရင် သူတို့ လိုက်လုပ်ပေးတယ်။
ရောက်ရောက်ချင်း စက်ဘီးဝယ်တော့လည်း အဲလိုပဲ အဆောင်က စီနီယာက လိုက်ပြီးအပြီးအစီး လိုက်လုပ်ပေးတယ်။ ပြီးအလုပ်နဲ့ပတ်သတ်ပြီး လည်း အဲလိုပဲ ဘယ်လိုတွေရှာလို့ရတယ်။ အလုပ်တွေက စလျှောက်ရင် ဘယ်လိုရှိတယ်။ သူတို့တုန်းကလည်း ဘယ်လောက်ကြာတယ်။ စသဖြင့်အတွေ့အကြုံတွေမျှဝေပေးတော့ ကိုယ်တကယ်ကြုံလာတဲ့ခါကျလည်း ဒါတွေကသိထားပြီးသားပုံစံမျိုးဖြစ်နေတော့ အရမ်းကြီးစိုးရိန်စရာမရှိပြန်ဘူး။
အဲတော့ မိတ်ဆွေကောင်းတွေရှိတဲ့အတွက် နားမလည်တဲ့အရာ မသိတဲ့အရာတွေမှာ သူတို့အကူအညီနဲ့ ပိုလွယ် ပိုအဆင်ပြေသွားတယ်။ ဒီမှာအရေးကြီးတဲ့အရာလာပြီ။
ကိုယ်တိုင်လုပ်တတ်အောင် မကြိုးစားတော့ပဲ တစ်ခုခုဖြစ်တိုင်းလိုက်လုပ်ပေးပါဦးပဲလုပ်နေရင်တော့ နောက်ပိုင်း တစ်ယောက်တည်း ကိုယ့်ဘာသာရပ်တည်ဖို့ ခက်လာလိမ့်မယ်။
အဲတော့ဘာပြန်လုပ်ရမလဲဆို ဥပမာ Sim card ကို ကိုယ့်တုန်းက စီနီယာတွေကလိုက်လုပ်ပေးသလို အခြားကိုယ့်သူငယ်ချင်းဖြစ်ဖြစ် တစ်ယောက်ယောက် Sim card လုပ်ချင်တဲ့ခါမျိုးတွေ စက်ဘီးဝယ်ချင်တဲ့အခါမျိုးတွေဆို ကိုယ်ကလိုက်လုပ်ပြီး ဝယ်ပေးတာမျိုး အဖော်လိုက်ပေးတာမျိုး စသဖြင့်ကိုယ်တိုင် လုပ်တတ်အောင် ပြန်လုပ်ကြည့်တာမျိုးတွေလုပ်ရတယ်။
အလုပ်နဲ့ ပတ်သတ်လည်းအဲလိုပဲ မိတ်ဆက်ပေးလို့အလုပ်တန်းရတာလည်း ကောင်းသလို ကိုယ်တိုင်ရှာပြီး ကိုယ့်ဘာသာ အလုပ်ရအောင်လုပ်ထားတဲ့သူက အလုပ်နှစ်ခုလုပ်ချင်လို့ပဲဖြစ်ဖြစ် တစ်ခုအဆင်မပြေလို့ တစ်ခုပြောင်းချင်ရင်ပဲ ဖြစ်ဖြစ် ကိုယ်တိုင်ရှာနိုင်ပါတယ်ဆိုတဲ့ ယုံကြည်မှုမျိုးက အလိုလိုရှိပြီးသားဖြစ်သွားရော။
အဲဒါကြောင့် ဂျပန်မှာ မိတ်ဆွေကောင်းလည်း ရှာပါ ကိုယ်တိုင်လုပ်တတ်အောင်လည်း ကြိုးစားပါ။ နောက်ပိုင်းဆို တစ်ခုခုလုပ်စရာရှိပြီဆို ကိုယ်တိုင်အချက်အလက်တွေလည်းရှာတယ် စီနီယာတွေ ကိုယ့်ထက် ကျွမ်းကျင်တဲ့သူတွေလည်းမေးတယ်။ ဒါမယ့်လုပ်ပြီဆို ကိုယ်တိုင်ပဲ ရအောင် ကြိုးစားလုပ်လိုက်တယ်။ နောက်ပိုင်းတွေ တစ်ယောက်တည်းရပ်တည်ရတဲ့အခါမျိုးတွေကျ အဆင်ပြေပြီးသားလည်း ဖြစ်တာပေါ့။💪💪💪🇯🇵🇯🇵🇯🇵

📌မိတ်ဆွေကောင်းတွေရှိပြီလား တစ်ခုခုဆို ကိုယ်တိုင်လုပ်ရဲပြီလား ဖြေပေးခဲ့ကြဦး😅

13/08/2026

Kyoto နေပြီး ဒီနေရာမရောက်ဖူးရင်နစ်နာပါတယ်။😄🇯🇵🇯🇵
ဘယ်နေရာလဲ သိတဲ့သူ မန့်ခဲ့ဦး😁👎

11/08/2026

🇯🇵🇯🇵 မြန်မာလူမျိုးတွေက ရေနေ့တိုင်းချိုးလားတဲ့😅😅

Ramen ဆိုင် အင်တာဗျူးသွားဖြေတော့ မြန်မာလူမျိုးတွေက ရေနေ့တိုင်းချိုးလားတဲ့ ထည့်မေးတာ အစကကြောင်သွားသေးတယ်။ ဘာလို့လဲပေါ့။ နောက်မှ ဆိုင်မှာ မြန်မာလူမျိုး ပထမဆုံး စခန့်ဖူးတာရော။ ပြီး ဆိုင်က နှစ်ထပ် ကျဥ်းကျဥ်းလေးဆိုတော့ ဧည့်သည်တွေကို အစားအသောက်ချပေးတဲ့ခါတွေမှာ ပူးကပ်နေတော့ တစ်ကိုယ်ရည်သန့်ရှင်းရေးနဲ့ ချွေးနံ့တွေမထွက်ဖို့ကအရေးကြီးတာကို ဒါကြောင့်ဒီမေးခွန်းထည့်မေးတာ။
ကိုယ်ကလည်း ဘယ်ရမလဲ ပြန်ချေလိုက်တယ်လေ။ 😎😅ဆိုင်က အလုပ်အင်္ကျီ ရယ် Apron ဦးထုပ်ရယ် ငှားပေးတယ်။ အသစ်တွေတော့မဟုတ်ဘူး ရှေ့လူတွေ ဝတ်ပြီးသား ထွက်ရင် ပြန်အပ်ပေးရတာတွေ လျှော်ထားပြီး ပြန်ထုတ်ပေးတာ။ ရတယ် ငါ့ဘာသာ အသစ်တွေဝယ်ထားတယ်လို့ အင်္ကျီ နှစ်ထည် / Apron ၃ ထည် နဲ့ ဦးထုပ် တစ်လုံး အသစ်ဝယ်ထားပြီးပြီ ကိုယ့်ပစ္စည်းကိုသုံးရလား မေးလိုက်ပြီး။ တစ်ချိန်ဝင်ရင် Apron တစ်ထည်လဲ ပြီး သုံးလိုက်တယ်။ ငါလည်း သန့်သန့်ရှင်းရှင်းနဲ့ အသန့်ကြိုက်ပါတယ်ပေါ့။😅😅
အင်တာဗျူး တစ်ခါပဲ အမေးခံလိုက်ရတယ် အဲဒီနောက်ပိုင်း တစ်ကိုယ်ရည်သန့်ရှင်းရေးနဲ့ပတ်သတ်ပြီး ဆိုင်ရှင်က ထပ်ပြောတာလည်းမရှိတော့ဘူး။ တစ်ခါတစ်လေ ကိုယ်ကတောင် ဆိုင်မှာ မလုပ်ခိုင်းပဲ ညစ်ပတ်နေတဲ့နေရာတွေရှိရင် ကိုယ့်ဘာသာ သန့်ရှင်းရေး လုပ်ပေးလိုက်တယ်။
ကြာလို့နောက်ပိုင်း ထပ်သိရတာတော့ ရှေ့အချိန်ပိုင်း သမားတွေမှာ အဲလို ချွေးနံ့ပြင်းလို့ အလုပ်လုပ်လို့အဆင်မပြေခဲ့တာမျိုးတွေလည်း ကြုံခဲ့တယ်လို့တော့ ပြောတာပဲ။ အဲဒါကြောင့် အင်တာဗျူးမှာ ဒါတွေထည့်မေးတာကိုလို့။
အလုပ်မှာက ပထမဆုံးမြန်မာလူမျိုးစခန့်တာဆိုတော့ ပုံရိပ်ကတော်တော်အရေးကြီးတယ်။ ကိုယ်ကစပြီး တစ်လွဲလုပ်မိရင် မြန်မာလူမျိုးဆို အဆင်မပြေဘူးဆိုတဲ့ အမြင်မျိုးအမြင်ခံရရင် နောက်ထပ်မြန်မာ ထပ်ခန့်ဖို့တော်တော်စဥ်းစားသွားမှာ။ အဲကြောင့် ပုံရိပ်ကို လုံးဝအကျခံလို့တော့မရဘူး။ မြန်မာဆို အဆင်ပြေတယ် အလုပ်ကြိုးစားတယ် တစ်ကိုယ်ရည်သန့်ရှင်းမှုရှိတယ် တော်တယ် ထက်တယ် စသဖြင့်မြင်သွားရင် နောက်လူတွေလည်း အလုပ်အကိုင်အခွင့်အလမ်းက မခက်ခဲတော့တာပေါ့။ အဲတော့ လက်ရှိကိုယ်လုပ်နေတဲ့အလုပ်တွေမှာ အတတ်နိုင်ဆုံး အကောင်းဆုံး ကြိုးစားကြပါ။💪💪💪🙏🙏🙏

11/08/2026

🇯🇵🇯🇵 အလုပ်ရှင်သူဌေးကောင်းတိုင်းလည်း ကံကောင်းတာမဟုတ်ပြန်ဘူးနော်😅🤔

ဟိုနေ့က အလုပ်ရှင်သူဌေးက အလုပ်လုပ်ရင်းစာသင်ပေးတဲ့အကြောင်းလေး ရေးတင်တော့ အများစုက ကံကောင်းလိုက်တာနဲ့ မန့်တာလေးတွေတွေ့တော့ ဒီလိုအခြေအနေမျိုးကတန်းရောက်တာမျိုးတော့မဟုတ်ဘူး။

သူဌေးက သဘောကောင်းတာတော့ ဟုတ်ရင်ဟုတ်လိမ့်မယ်။

ဒါမယ့် အခွင့်အရေးတစ်ချို့ပေးဖို့အတွက်ကျ သူပေးမယ့်လူရဲ့အခြေအနေကို စောင့်ကြည့်ဦးမှာပဲ။

ဒီလိုပြောတော့ မင်းက မင်းတော်လို့ရတာလို့ပြောချင်တာလားလို့ မေးစရာရှိမယ်။ ဟုတ်ပါတယ် ကျွန်တော်တော်လို့ပါ 😅😅😅 စတာပါ။

ပြောချင်တာက ကံကောင်းလို့ ဆိုင်ရှင်ကောင်း သူဌေးကောင်းနဲ့တွေ့တယ် ဒါမယ့် ဒီလို အခွင့်အရေးမျိုးတွေက သူ့ဘာသာ စလုပ်ကတည်းက တန်း ရတာမျိုးမဟုတ်ဘူးဆိုတာသိစေချင်တာပါ။

ဘာလို့ဆို ဆိုင်ရှင်ဆီက တစ်ခါတစ်လေ ပြန်ကြားရတာတွေက ရှေ့အချိန်ပိုင်းသမားတွေမှာ အဆင်မပြေတာတွေ ကြားရတတ်တယ်။ တစ်ချို့ဆို ၄ ရက်လောက်ပဲ အလုပ်ခန့်ပြီး သူဖြုတ်လိုက်တယ်ဆိုတာတွေ။ ပြီး ဘယ်လူမျိုးဆို လုံးဝအဆင်မပြေပါဘူးဆိုပြီး သတ်မှတ်လိုက်တဲ့အထိ သူသဘောမကျတဲ့ထိတောင်ရှိတယ်။

အဲကြောင့် ဆိုင်ရှင်သဘောကောင်းတယ်ဆိုပေမယ့် ရောက်ကတည်းက ဒီအခွင့်အရေးတွေတန်းရတာမျိုးမဟုတ်ပဲ ကိုယ်ရဲ့ ဆိုင်အပေါ်ထားတဲ့စိတ် လုပ်ပုံကိုင်ပုံ စိတ်နေစိတ်ထား စတာတွေက တော်တော်လေးအရေးပါမယ်။ ဒါမယ့် တစ်ချို့ ကိုယ့်ဘက်ကအားလုံး အဆင်ပြေပေမယ့် အဆင်မပြေတဲ့ဆိုင်ရှင်မျိုးတွေနဲ့ ကြုံရတဲ့သူတွေလည်း အများကြီးရှိမှာပဲ။

အလုပ်တာဝန်တွေနဲ့ ပတ်သတ်ပြီး အလေးထားတာ မမေ့မလျော့ သေချာလုပ်ပေးတာ။ ပြီး သူ့ပြောစကားကို နားထောင်တာမျိုးတွေကလည်း ပိုပြီးတော့ သဘောကျစေတယ်။ အလုပ်စဝင်တုန်းက နှုတ်ခမ်းမွှေးတွေ ရိတ်ပြီးအလုပ်ဆင်းပေမယ့် နှာခေါင်းမွှေးလေးတွေကမရှင်းမိဘူး။ မီးဖိုချောင်ထဲ လုပ်နေရင်း အနီးကပ်ဖြစ်သွားတဲ့ချိန် မြင်တော့ နှုတ်ခေါင်းမွှေးရှည်တာက ဧည့်သည်တွေ နဲ့ အဆင်မပြေဘူးနဲ့ပြောတာ။ အကြာကြီး ပြောတာတောင်မဟုတ်ဘူး မြင်တဲ့ခဏမှာ နှာခေါင်းလေးထိုးပြပြီး မရဘူး ဆိုပြီး လက်ဟန်လေးနဲ့လုပ်ပြရုံပဲ။ကိုယ်ကတော့ မှတ်ထားပြီး နောက်ရက်သွားတော့ ချက်ခြင်းသတိထားပြီး ရှင်းသွားတာ။ရှင်းထားတာလည်း တွေ့တော့ သဘောတွေကျပြီး လက်မတစ်ထောင်ထောင်နဲ့။ အဓိကက ရိတ်တယ်ဆိုတာထက် သူ့စကားကို အလေးထားပါ့ပဲ ဆိုတဲ့ခံစားချက်ဖြစ်စေတာက ကိုယ့်ကို ပိုသဘောကျစေတာလို့ထင်တာပဲ။

အဲဒါကြောင့် ကံကောင်းတာလည်း ပါသလို ဆိုင်ရှင်ကောင်းဆီမှာ ကိုယ်ကကောင်းကောင်း အလုပ်လုပ်ပြနိုင်လို့ အဆင်ပြေသွားတယ်ဆို ပိုမှန်တယ်ပြောရမှာပေါ့။ ဆိုင်ရှင်ကောင်းခြင်း မကောင်းခြင်းကတော့ ကိုယ့်ကံပေါ့။ ဒါမယ့် ဘယ်ဆိုင်နေနေ သေချာတာတစ်ခုက ကိုယ်ကောင်းအောင် လုပ်လို့ရတယ်ဆိုတာတော့ မမေ့ပါနဲ့။ 💪💪💪💪💪အားလုံးအဆင်ပြေကြပါစေ🙏

09/08/2026

🇯🇵 အလုပ်ကတော့ တစ်ခုပဲ လစာက သုံးအိတ်တောင်......😎💴💴😅

၇ လပိုင်းက နွေရာသီပိတ်ရက်ရှည်ရှိလို့ အလုပ်မှာ ပုံမှန်ထက်အချိန်ပိုရတော့ လစာထုတ်ရင် ပုံမှန်လတွေထက်များမယ်ပေါ့။ တကယ် လစာထုတ်တော့ ကိုယ်ထင်ထားသလောက်မရဘူး ဖြစ်နေတာ။ ဘာတွေမှားနေလဲနဲ့ အချိန်စာရွက်ကို Chat GPT မှာ နာရီတွေတွက်ကြည့်ခိုင်းတော့လည်း ကိုယ်ဆင်းထားတဲ့အချိန်က လစာ စာရွက်ထဲက အချိန်ထက်ပိုများနေတာပါလို့ ဘာမှားနေလဲမသိဘူးလို့။ အဲဒါနဲ့ ဆိုင်ရှင်ဆီ ချက်ခြင်း လစာစာရွက်ပုံ နဲ့ အချိန်မှားနေတယ်ထင်တယ်ဆိုပြီး Message ပို့ပေးလိုက်တာ သူပြန်စစ်ပေးမယ်ဆိုပြီး စာပြန်တယ်။ အဲဒါပြီးနောက်ရက် အလုပ်သွားဆင်းတော့ သူစစ်ကြည့်ပြီး ပြန်ပြောပေးမယ်နော်တဲ့ ။ အဲရက်အလုပ်ဆင်းပြီး အိမ်ပြန် နောက်ရက် ရောက်လို့ နောက်တစ်ချိန်ဝင်မှ ဆိုင်ရှင်က ဘယ်လိုဖြစ်လဲ ရှင်းပြတော့တယ်။
အလုပ်ဆင်းချိန်တွေ စက်ကတွက်ရင် ၀၀ / ၁၅ / ၃၀ / ၄၅ အဲဒီ မိနစ်တွေမှာပဲ အချိန်တွက်တာတဲ့။ ဥပမာ ၆:၃၀ မှာ အလုပ်ဝင်ရမှာက ကိုယ်ကစောရောက်လို့ ၆:၂၅ မှာဝင်လည်း ၅ မိနစ်စာမတွက်ဘူး ၆:၃၀ မှာတွက်တာ အလုပ်ချိန်က။ အလုပ်သိမ်းလို့ ကိုယ်က ၁၁:၅၅ ပြီးလို့ ၁၂:၀၀ မထိုးခင် အချိန်နှိပ်ပြီး ထွက်လိုက်မိရင် ၁၁:၄၅ လို့ပဲ ကိုယ့်ရဲ့အချိန်ထည့်တွက်တော့မှာ တဲ့ အဲတော့ အလုပ်တက် အလုပ်ဆင်း ကို အဲအချက်လေးသတိထားပြီး လုပ်ပေးပါတဲ့။ ပြီး ၇ လပိုင်း အလုပ်ချိန်မှာ ကိုယ့်အချိန်တွေက ၁၁:၅၉ / ၁၂:၂၈ / ၁:၅၈ နဲ့ အဲလိုပုံစံတွေအများကြီး ကိုယ်ကလည်း မသိဘူးလေ အလုပ်ရောက်လို့စရင် အချိန်နှိပ်တယ်။ အလုပ်ပြီးတာနဲ့ အချိန်တန်းနှိပ်တယ် အဲလို လည်း မသိတော့။😅
ဆိုင်ရှင်က အချိန်တွေ အကုန်ပြန်တွက်ပြီး လစာတွေ ပြန်တွက်ပေးရင်းနဲ့ စာအိတ်က ၃ အိတ်ဖြစ်ကုန်ရော။ အရင်ပုံမှန် တွက်တဲ့အတိုင်း ရမယ့်လစာ စာအိတ်။ အချိန်ပိုတာ လိုတာတွေ အတွက် တွက်ပြီး ပြန်ပေးတဲ့ စာအိတ်က နှစ်အိတ်နဲ့ သုံးအိတ်ဖြစ်ကုန်ရော။ ပြီးတော့ပြောသေးတယ် နောက်အလုပ်ပြီးတိုင်း အချိန်တန်းမနှိပ်နဲ့ လိုသေးရင် သူ့အချိန်တွေကိုက်အောင် စောင့်ပြီးမှ နှိပ်တဲ့။😅 ပြီး နောက်လတွေလည်း အဲလို ချိန်ပြီးနှိပ်တာကို အချိန်တွက်ကြည့်လို့ အရမ်း ကွာနေသေးရင် လာပြောတဲ့။ တော်သေးတယ် ဆိုင်ရှင်က ပြန်ကြည့်ပြီး ပြန်စီစဥ်ပေးလို့ မဟုတ်ရင် အလုပ်လုပ်ပြီး လုပ်သလောက်မရလိုက်ပဲနေဦးမှာ ဒီလို ဆိုင်ရှင်မျိုးနဲ့ ဆုံရတာလည်း ကံကောင်းခြင်းတစ်မျိုးပါပဲ။ 😅🙏

08/08/2026

ပထမဆုံးအလုပ်ဆင်းတဲ့ရက်မှာတင် မြင်မြင်ချင်း ဆိုင်ရှင်က ပြုံးပြုံးကြီးဖြစ်သွားတဲ့အကွက်😅🇯🇵

ဂျပန်မှာ Ramen ဆိုင် အင်တာဗျူးအောင်တော့ ဆိုင်ရှင်ကဖုန်းလှမ်းဆက်တာ သောကြာနေ့စဆင်းရမယ်။ အဝတ်အစားက အပေါ်အောက် အနက်ရောင် ဖြစ်ရင်ရပြီတဲ့။ အဲဒါနဲ့ ဘောင်းဘီအနက်က ရှိတယ်။ အင်္ကျီအနက်မရှိတာနဲ့ သူငယ်ချင်းနဲ့ ဆိုင်တစ်ဆိုင်မှာ သွားပြီး အနက်ရောင် အင်္ကျီတွေ ပတ်ရှာတာ တစ်ထည်ပဲ ကြိုက်တာတွေ့ နှစ်ထည်လောက်လိုချင်တာ နောက်တစ်ထည်လောက် ရှာပါဦးဆိုတော့ လိုက်ရှာရင်း နည်းနည်းကြာတော့ အင်္ကျီတန်းတစ်ခုမှာ I ❤ Ramen ဆိုပြီး စာသားနဲ့ အင်္ကျီတွေ့ရော နှစ်ယောက်လုံး တစ်ယောက်မျက်နှာတစ်ယောက် ပြုံးပြုံးကြီး ကြည့်ပြီး ပထမဆုံးရက်တာ ဒီ အင်္ကျီ ဝတ်ပြီး အလုပ်သွားရင် ဆိုင်ရှင် သဘောကျပြီလို့ ပြောရင်း ရီနေကြတာ။ ပြီးတော့ကျ နည်းနည်း Over များဖြစ်နေမလား လို့သူငယ်ချင်းပြောတော့ မဖြစ်ဘူး ကိုထက် ဝယ်လိုက်တဲ့။ အဲဒါ စမ်းဝတ်ကြည့်တော့ Size ကသေးနေတာနဲ့ မယူတော့ပါဘူးလို့။ ပြီးတော့မှ ဒီလိုလုပ်မယ်လို့ ဒီ I ❤ Ramen စာသားနဲ့ အင်္ကျီပဲ Size ကြီးတာ ရှာကြည့်လို့တွေ့ရင် ပထမဆုံးအလုပ်ရက် ကံတရားက ဒါကိုဝတ်စေချင်လို့ပဲလို့ ရှာကြည့်မယ်ဆိုပြီး နှစ်ယောက် ထပ်ရှာတာ မကြာဘူး I ❤ Ramen စာသားနဲ့ Size ကြီးတစ်ထည် ထပ်တွေ့တာနဲ့ နှစ်ခါစဥ်းစားမနေတော့ဘူး။ နှစ်ယောက်လုံး ပြုံးပြုံးကြီးကြည့်ပြီး တစ်ယောက်နဲ့ တစ်ယောက် ခေါင်းပဲ ညိတ်ပြပြီး ငွေရှင်းပြီးထွက်လာခဲ့လိုက်တော့တယ်။
သောကြာနေ့ ကျောင်းလည်းဆင်းတော့ အလုပ်တန်းဝင်ရတာ။ ကျောင်းအဝတ်အစားနဲ့ အလုပ်ရောက်တော့ ဂျပန်လူမျိုး အချိန်ပိုင်းကျောင်းသူတစ်ယောက်နဲ့ အရင်ဆုံတာ ပြီးတော့ ဆိုင်ရှင်ဆီသွားပြီး ဒီနေ့လုပ်ရမှာတွေ ဂျပန်မလေးက မေးပြီး ဆိုင်ရှင်က သူ့ကို လုပ်ရမှာတွေသင်ပေးလိုက်ဆိုပြီး ပြောလိုက်တာ။ ဂျပန်မလေးက အဝတ်အစားလဲမယ့်နေရာလိုက်ပြပြီး။ ဝတ်ရမယ့်အဝတ်အစားတွေ ထုတ်ပေးတာ။ ရတယ် ငါ့မှာပါတယ်လို့ ပြောပြီး I ❤ Ramen အင်္ကျီ ထုတ်ဝတ်ပြီး ဂျပန်မလေးက ကြည့်ပြီး ပြုံးစိစိနဲ့တော့လုပ်နေတာ😅 ဘာမှတော့မပြောဘူး အပေါ်ထပ်မှာ လိုအပ်တာတွေသင်ပေးပြီး အောက်ဆင်းမယ်ဆိုပြီး ဆိုင်ရှင်သူဌေးဆီသွားကြတာ။ အောက်ဆင်းဆင်း ချင်း ဆိုင်ရှင်က မြင်တာနဲ့ တန်းပြုံးတော့တာပဲ စာသားကြည့်ပြီး 😅😅အောက်က တွေ့တဲ့ ဧည့်သည်တွေကလည်း စာသားထိုးပြပြီး လက်မတွေထောင်နဲ့ သူတို့ကပါ သဘောကျ နေတော့တာ။ ဧည့်သည်တွေပါ သဘောကျတော့ ဆိုင်ရှင်က ပိုပိုပြီး သဘောကျပြန်ရောနဲ့ ပထမဆုံးနေ့မှာ I ❤ Ramen အင်္ကျီ အစွမ်းနဲ့ အဆင်ပြေနေတာ။😁ဘာပဲပြောပြော ပထမဆုံး ဘာမှမလုပ်ရသေးဘူး မြင်တာနဲ့တင် သဘောကျစရာလေးတွေ့ပြီး ပြုံးနေကြတော့ လူက ပထမဆုံးရက် မလို့ စိတ်ဖိစီးနေတာလေး နည်းနည်း သက်သာသွားတာပေါ့😂😂😂
ပြန်ရောက်တော့ သူငယ်ချင်းကို ပြန်ကြွားတော့ အဆင်ပြေခဲ့တယ် ငါတို့အကွက်ထိရောက်တယ်ပြောရမယ် ဆိုင်ရှင်မြင်မြင်ချင်း ဘာမှမလုပ်ရသေးဘူး သဘောကျနေတာလို့။ အဲဒါနဲ့ သူငယ်ချင်းက ကျွန်တော်လည်း ဘာအလုပ်ရမယ် မသိသေးဘူး ရတာနဲ့ အဲဒါနဲ့ ပတ်သတ်တဲ့ အင်္ကျီ ဝယ်ပြီး ပထမဆုံးနေ့ သွားမယ်နဲ့ပြောနေတာ သူလည်း အလုပ်ရတော့ Hotel မှာ အထက်အောက် Hotel က အကုန် အဝတ်အစားထုတ်ပေးတာနဲ့တိုးပြီး ဘာအကွက်မှမသုံးလိုက်ရဘူး😅😅😅😅

08/08/2026

ထိုင်းကနေ ဂျပန်ဗီဇာလျှောက်ရင် ထိုင်းဗီဇာသက်တမ်း ဘယ်လောက်ကျန်ရမလဲ🇹🇭🇯🇵🇹🇭🇯🇵
COE ရလို့ ထိုင်းမှာ ဂျပန်ဗီဇာလျှောက်ရင် Visa ရုံးဘက်ကတော့ ဘယ်နှစ်လကျန်ရမယ်လို့ပြောတာမျိုးတော့မရှိဘူး ကျွန်တော် Visa မလျှောက်ခင် ရုံးဘက်ကို ဆက်သွယ်ကြည့်တော့ ထိုင်း Visa က ဂျပန် Visa အတွက် စပြီးလျှောက်တဲ့ချိန်ကနေ Visa ရသည်အထိ သက်တမ်းကျန်ဖို့လိုပါမယ်လို့ပါ ပြောပါတယ် ။ သုံးလ ကျန်ရမယ် ၆လ ကျန်ရမယ် စသဖြင့် ပြောတာမျိုးမရှိပါဘူး။ ကျွန်တော် ဂျပန် Visa လျှောက်တော့ ထိုင်း Visa က ၃ ပတ် ကျန်ပါတယ်ဗျ။ Visa လျှောက်တာလည်း အဆင်ပြေပါတယ်။ ကြာချိန်က ၁ ပတ်ပဲ ကြာပါတယ်ဗျ။
ဒါဆိုVisa ရုံးနဲ့ပတ်သတ်ပြီး ဘယ်လိုဆိုတာ အကြမ်းမျဥ်းနားလည်လောက်ပါပြီ။ နောက်ထည့်စဥ်းစားရမယ့်အချက်တစ်ခုကို ပြောပေးပါမယ်ဗျ။ ဂျပန် Visa လျှောက်ဖို့ ထိုင်း Visa သက်တမ်း ကျန်တယ် ဆိုပေမယ့် ကိုယ်က ဂျပန် ဘက်က ခေါ်တဲ့ချိန်ထိ သက်တမ်းကျန်သေးလားလည်း ထည့်တွက်ရပါမယ်။ ကျွန်တော့်တုန်းက ထိုင်း Visa က ၃လပိုင်း ၃၁ မှာ ကုန်မယ်။ ဂျပန်ဘက်က ကျောင်းက ၄ လပိုင်း ၈ ရက်နေ့မှစပြီး ခေါ်ပါတယ်ဗျ။ ဒါဆို ဘယ်လိုပုံစံမျိုးတွေဖြေရှင်းမလဲဆိုတာ ကြိုတွေးပြီး စီစဥ်ထားဖို့လိုပါမယ်ဗျ။ ကျွန်တော့်တုန်းကတော့ ကိုယ့်အစီအစဥ်နဲ့ကို ကြိုထွက်လိုက်ပြီး ကျောင်းကခေါ်တဲ့ရက်မှ သွားလိုက်ပါတယ်။

📌အခြားမေးစရာရှိခဲ့ရင်လည်း Comment မှာ မေးပေးပါဗျ။ ကျွန်တော်သိတဲ့အပိုင်းတွေဆို ပြန်ဖြေပေးပါမယ်ဗျ။ နောက်တစ်ခုက ကျွန်တော်က ကိုယ်တိုင်ကြုံခဲ့တာပဲ ပြောတာဖြစ်တဲ့အတွက် လက်ရှိပြောင်းလဲတာမျိုးရှိမရှိဆိုတာလည်း ထပ်ပြီး စုံစမ်း စေချင်ပါတယ်ဗျ။💪💪💪🇯🇵🇹🇭🇯🇵🇹🇭🇯🇵🇹🇭🇯🇵🇹🇭🇯🇵

အားလုံးအဆင်ပြေပါစေဗျ။💪💪💪💪💪💪

Htet's New Journey

19/08/2026

15/08/2026

15/08/2026

13/08/2026

13/08/2026

11/08/2026

11/08/2026

09/08/2026

08/08/2026

08/08/2026

住所

電話番号

ウェブサイト

アラート

その学校に問い合わせをする

ショートカット

共有する

カテゴリー

掲載情報の削除リクエスト