كلية الحصن الجامعية

كلية الحصن الجامعية اكبر تجمع لطلاب كلية الحصن الجامعية

أنشئت كلية الحصن الجامعية عام 1981 ضمن المشروع التربوي الثاني الذي أنجزته وزارة التربية والتعليم بتمويل من البنك الدولي بطاقة استيعابية تصل إلى (120) طالبا وطالبة في السنة باسم كلية الحصن للمهن الهندسية، حيث كان الهدف من إنشاء الكلية إعداد التقنيين المتخصصين في مجال الصناعات الكيميائية والغذائية والنسيجية، وفي عام 1985 أصبحت الكلية تعمل تحت مظلة وزارة التعليم لعالي لتعمل على تحقيق متطلبات معايير الاعتماد الخاص لكافة التخصصات والبرامج التي تقدمها، وفي عام 1997 أصبحت الكلية إحدى كليات جامعة البلقاء التطبيقية حيث تم تغيير اسم الكلية ليصبح كلية الحصن الجامعية

الطاقة الاستيعابية:

وتضم الكلية 140 عضو هيئة تدريس منهم 75 من حملة الدكتوراه و 48 من حملة الماجستير و9 من حملة الدكتوراه المعارين من وزارة التعليم العالي و 13 من حملة لبكالوريوس و45 فنيا و 65 إداريا. ويبلغ عدد طلبة الكلية للعام الجامعي 2010/2011 (5800 ) طالبا وطالبة منهم (4000 ) في مرحلة البكالوريوس و1800 في مرحلة الدبلوم.

23/09/2026

في الثالث والعشرون من أيلول ، الحزن بيبدأ يتركز و بزيد و خاصة بالليل ، وبتبدأ مرحلة الندم ؛ سواء على فعل شيء او عدم فعل شي ، ندم على حكي انحكى او صمت بوقت كان لازم تحكي فيه ، ندم على المشاعر وشوية اشياء ثانيه كان من باب أولى انه اقدمها او امنعها .

بالثالث والعشرون من أيلول ، ببدأ مشوارك مع مقاومة رغباتك و بترجف ايدك بدها تكتب رساله او ترن تلفون انت عارف انه غلط الي رح يصير بس اوهامك بتحكي انهم كمان مثلك ولازم حد يتنازل ، هه ، وبتمشي مع اوهامك و بتتنازل عن الفقرة المهمه الي انحكتلك و تقبل فيها و بترن او تبعث رساله ، بس لا الخط بلقط ولا الرساله بتوصل ، او بتوصل بس…!!

بالثالث والعشرون من أيلول، ببدأ تنميل بكافة جسمك ورغبتك باستكمال هاليوم ميته ، بس بتتمنى ما ينزل الليل و يطول النهار و تظل قاعد و ساكن مطرحك مصاب بالجفاف والخواء …

بالثالث والعشرون من ايلول ، عيونك بتوجعك ، قلبك بدق ، في شي بصدرك بنغزك ، بطنك بمغصك ، راسك رح يتفجر ، ايدك مرتخيه ، بدنك خامل جداً ، و حزيين ، شغلك الشاغل تعمل سيناريوهات مختلفه لنهايه تختلف ، شو فيها مثلا لو صار كذا !!!! او حتى ما صار هالشي من البدايه ما انت كنت لحالك مبسوووط ومرتاح و مافي شي بوجعك واكبر هم الك هو شو تتغدى اليوم !! سيناريوهات مختلفه وكلها بتفاصيل لطيفه و موزونه و بنهايات افلام الستينات ، بس الحقيقه الوحيده بكل هالسيناريوهات انهم انت غلطان سواء غلط بالامل او بالثقة او ربما بالايمان ..

بالثالث والعشرون من أيلول و بعد وقت رح تصير ذكرى بس فيها غصة ، ذكرى بس فيها حزن خفي ، بس فيها دفى ، بس فيها حنين ، بس فيها شوق كثير لناس صدقاً بحاجة دقيقتين لتتذكر تفاصيل عنهم ، وبصير تسأل حالك معقول بعدك بتحنلهم !!
بعد وقت ببدا ايلول يأخذ منحنى أخر ، بس بظل الثالث والعشرون من ايلول اله طعم غريب …

المصادر :
"أنا خوفي يا حبي لتكون بعدك حبي !! و متهيألي نسيتك وانت مخبى بقلبي "

السلام عليكممطلوب فيديوهات ل الكلية ، صور، تفاصيل صغيرة بتهم كل واحد فيكم ، يلي عنده يبعثلنا عالصفحه🫶🏻مع بالغ التحية
23/09/2026

السلام عليكم
مطلوب فيديوهات ل الكلية ، صور، تفاصيل صغيرة بتهم كل واحد فيكم ، يلي عنده يبعثلنا عالصفحه🫶🏻
مع بالغ التحية

18/09/2026

مساء الثامن عشر من أيلول ،
ريحة المطر بكل مكان ،وهذا الشي بذكرني بشوي اشياء وتفاصيل صغيره ، امبارح كنت احكي عنها مثل شنتة الملابس الشتوية اول ما تفتحها وريحة عطر ممزوج بريحة برد و زمن ، بحب هالريحة كثير ، اول بلوزه بتطلع من الشنتة هي اغلى بلوزه على قلبك غالباً لانك كنت متردد تحطها بالشنته ، بأول شتوة دايماً الجو بكون مُربك ، انه رومنسي كثير وحزين كثير وحلو بنفس الوقت، بتشعر في شي بشد على قلبك، مش عارف شو هو، الاشخاص الي بحبو الصيف الان بمزاج اكثر من سيء والاشخاص الي بحبو المطر بمزاج اكثر من عالي ، حتى بتلاقيهم نزلوا مع الشنتة الشتويه شوية اغاني ما بتنسمع الا بالشتى ، ثالث احلى شي بأول شتوة صوت المطر بيضرب ع وراق الشجر الاصفر و ع شبابيك الحنين، و بقلبي ، شو ثاني احلى شي ؟! المطر نفسه كيف ممكن شي بسيط مثل هيك ينعش روحي و ذاكرتي ويرجعك وكأنه بعدك هون ، شو اول احلى شي بأول شتوة ؟! وجهك ، الي بينزل مع كل حبة مطر ويبوس شجر الياسمين ، وبتفوح ريحتك ..

مساء الثامن عشر من ايلول،
"لم يحن الوقت للنسيان" هاي بداية نص حاب اكتبه بس ما والف معي ، ما والف بمعنى لم يأتي على خاطري ، و ع سيرة الخاطر ! بكل ما تمطر الدنيا بتخطري على بالي ، بقعد وبصفن بكثير اشياء ما تغيرت ، بدك احكي بالتفصيل ؟! ما كل التفاصيل معروفه ، حتى المشهد النهائي ل ثلاثين ايلول معروف ، والبطل و البطلة اختاروا نهايات تقليدية معروفة ، ليش يا ترى ما حان وقت النسيان ؟!

مساء الثامن عشر من ايلول،
هذا النص قديم بس محتاج اعيده الان عادي ؟! .
أنتِ اول غيمة تَمرُّ في أيلول ، فكيف لي أن أخذَ موعداً مع غيمة ، أنتِ أول الخريف و الشجرة الخضراء الوحيدة الصامدة ؛عيناكِ ، فالكل يَرحلون يتساقطون يتخاذلون ، و الكُل بلا ميعاد ، و أنتِ الموعد و الصدفة ، رجع أيلول .. و أنتِ اول الغيمِ و أول الخريف و الاوجاع و الأحزان ، رجع أيلول و أنتِ البعيدة و أنا الحزين الوحيد على رصيف انتظارك ، رجع ايلول ..

مساء الثامن عشر من أيلول،
تخيلي وجهك غيمة و تمطرين ؟! ترى كم ياسمينه ستنبت على كتفي ؟!

17/09/2026

اليوم السابع عشر من ايلول، وها أنا بالمحاولة الالف لقطع يد الحنين التي تحاولُ أن تسرق لي قلبي! و تُعيدني لكِ، أعدُّ محاولاتي كما أعُد سنين الغياب، فلا انا من الذين فلحوا بالمحاولة، ولا انا من الذين عادوا! و قلبي مخازن ذكريات وحنين و أمل أن اصحو يوماً على وجهك يقول لي لقد تأخرت بالنوم!

اليوم السابع عشر من أيلول، وها انا انتظرُ كالعادة أن لا تأتي على بالي اليوم، وأن ابدأ يومي بنسيانٍ حقيقي وفنجان قهوه بلا وجهك! وهذا ليس انتقاص لحضورك، فحضورك حق واجب أسعى له، ولكن وبعد مرور هذا العمر لم يعد لي طاقة على شوقٍ صباحي يحمله لي فنجاناً من القهوة بوجه!
اليوم السابع عشر من أيلول، ولا ازال على وعد بأن نلتقي بهذا اليوم تحديداً، ألبسُ نفس اللون الذي طلبته ورسالة كنتُ قد كتبتها لك تحتوي روحاً على الورقِ ،ولكن وللسنة العاشرة أسال بأي عامٍ كنتِ تقصدين اللقاء؟! اراقب الوقت و عقرب الساعة يقرصُ لي قلبي، تُرى لما تأخرتِ.

"موعدنا بكرة! وشو تأخر بكرة قولك مش جايي حبيبي؟! عم شوفك بالساعه بتكات الساعه من المدى جايي حبيبي"

16/09/2026

بالسادس عشر من أيلول،
في فرق بين انك تعطي مساحة لشيء عشان يكبر بقربك ، وبين تعطيه مساحة عشان يطير ، المساحة النمو هي مساحة مبنية على الأمان والثقة ، اما مساحة الطيران هي مبنية على خذلان معين ،و عتم داخلي ، لشخص بلا اجنحة ومكسور الحلم .. وفي فرق كمان بين انك تتخلى عن الأشياء ، و بين انك تتركها تمضي بسلام ، بين انك تخذلها بمنتصف الطريق ، وبدون كتف و بدون متكئ ، تتركهم والحلم بعده بأوجه ، تتركهم فجأة بمنتصف الليل بعد ما وضبوا لبس بكرا الي رح يشوفوك فيه عشان تشربوا قهوة الصبح ، البلوزة الخضرا الي بتحب وعقد اللولو المقلد ،وشال بألالوان التراب السبع، تتركهم فجأة بدون أي مقدمات وبدون تحديد أسباب ، تارك باب اللوم مفتوح ع أخطاء ما ارتكبوها بس غالباً بتوهموها عشان يكون في سبب لكل الي صار.

على سيرة المساحات ،المساحات ومفهوم هاي المساحات متباينه ومتناقضة، عمرها العلاقة ماكانت مرتبطه بوحدة قياس ، وغالباً بتكون وحدات القياس هي مادة للسخرية، بيني وبينك مثلا الاف الكيلو مترات وبشم الان ريحة عطرك وشاعر بدفء عيونك وهمه بيطلعوا علي ، دايما كنت اقلك اكثر شي ساخر بالعالم انه انا وانتي بتجمعنا كل ضمائر اللغة و نجتمع بحضن النون بكل كلامنا ، وما بتجمعنا قطعة بلاط ٦٠*٦٠ ! و دايما كنتي تحكيلي انه المشكلة بالبليط .

15/09/2026

بالعامية وقبل النوم شو قالت الست اعظم من ؛
وهاتلي قلب لا داب ولا حب ولا انجرح ولا شاف حرمان ؟

15/09/2026

خلينا نكون صريحين مرة، ورح أبدأ انا لاثبت لك حسن نيتي ، انا وبالرغم من كل سنين الانقطاع والظروف الي مرت فيها علاقتنا ، والأيام الي حسيت فيها اني بكرهك ، و الأيام الي كان بقتلني فيها الحنين ، والأيام الي مرت مثل وجهك، والأيام الي كنت اوعد حالي فيها انه بكرا اليوم المقرر للنسيان ، وبايام النسيان كمان ، كنت اشتقلك ، و كنت اكتبلك رسايل يومية ، رسايل فيها عتب و أحيانا رسايل فيها مسبات و أحيانا ثانية رسايل كلها حنين ما أنا الي بقتلني الحنين ، بتذكر؟!

اليوم الخامس عشر من أيلول لـ المرة الثانية عشر ؟ و مثل كل مرة بكل أيلول بقلك أنه هذا اخر أيلول رح ارجع فيه لحضن عيونك واحضن ريحتك الي بجيوب ذاكرتي، أخر أيلول بذبل فيه قلبي وبسقي وجودك فيه بدموع روحي. أخر أيلول رح احنلك، اخر أيلول رح يذكرني فيك ، أخر أيلول بوقف فيه على شبابيك بيتنا استنى تمر صدفة مستحيلة .. أخر أيلول..

اليوم الخامس عشر من أيلول ، وبكل صراحة تجنبت انه اسمع أي مقطع لفيروز اليوم ، حاولت بكل جهدي مااسمع شي منها، كان بدي يمر اليوم عادي، كان نفسي يمر مثل ما مرت كل الأيام بتموز وبتشرين وبكانون ، يمر بحنين طبيعي مش شرط حنين جياش مش شرط بحنين بجرني الك غصب يجرني الك بطلوع الروح ، صدقاً ما كنت محتاج يكون تواجدك بهاي الكثافة بذاكرتي، تفاصيلك، ريحتك، صوتك، وكل شي مرينا فيه من حب وسلام،

التفاصيل سكاكين الذاكرة، والقلب مافيه مطرح لوجع جديد

"متل السَّهم الرَّاجع من سفر الزّمان
قطعتْ الشّوارع ما ضحكلي إنسان
كلّ صحابي كبروا وتغيّر اللّي كان
صاروا العمر الماضي صاروا دِهَب النّسيان"

Address

Irbid
صب50

Website

Alerts

Be the first to know and let us send you an email when كلية الحصن الجامعية posts news and promotions. Your email address will not be used for any other purpose, and you can unsubscribe at any time.

Contact The School

Send a message to كلية الحصن الجامعية:

Shortcuts

Share

Category