16/01/2026
2025 عام بدأنا فيه بحماس وطموح وأهداف أكبر من أي سنة من قبل
دخلناها بطاقة ورغبة بالانجاز وبنينا آمال كبيرة من بدايتها
بدأناها بكورس ال Medical Electronic اللي كان بداية رائعة ومبهرة ووجودكم فيه وتفاعلكم معنا كان السبب الرئيسي لنجاحه و اللي تبعناه مباشرة بال Field trip بمستشفى الاردن اللي كانت نقل نوعية ورؤية عملية واضحة للمجال اللي داخلين فيه
وهون قررنا نعلي ال level ...
من بداية 2025 خططنا نكون جزء من ال Mediverse وكان هدف وطموح مهم بالنسبة إلنا والحمدلله قدرنا نحققه وكانت فعالية أقل ما يقال عنها مبهرة وحضوركم وتفاعلكم فيها كان إله طابع مختلف تماما نقلها من فعالية عادية لفعالية مستواها عالمي
من بعدها كان أجمل وألطف يوم بألسنة ال IEEE day اليوم اللي كله فعاليات وتفاعل ومشاركات مستحيل تنسى وحضور رائع ومتفاعل
من بعدها كان عندنا كورس ال Biomedical Instrumentation واللي غير نظرتنا للمهندس الطبي وتعرفنا فيه على مجالاته الواسعة جدا و صار عندنا رؤية مستقبلية واضحة لسوق العمل
بهاي السنة كان هدفنا نوصللكم رؤيتنا ونقلل الحيز بينكم وبين سوق العمل والخبرات اللي فيه ونتمنى انه نكون حققنا أهدافنا
كانت سنة مليئة بالانجازات والإبداع والناس الرائعة اللي اشتغلنا معها ف شكراً لكل حدا كان معنا بهذا المشوار وشارك معنا بزرع هاي الانجازات بتاريخ ال EMBS وترقبو منا بالسنة الجديدة أشياء أقوى و اكثر إبداع طبعاً بوجودكم كجزء منا رح نحقق اللي بنطمح له
