دورات تأسيس ودروس خصوصية

السلام عليكم💚
يعطيكم العافية
قربت العطلة الصيفية وفي اطفال😍 عالسنة الجديدة رح يدخلو روضة
انا صراحة كل عطلة بعمل فعالية العطلة الماضية كانت دورة تاسيس لغة انجليزية ودورة تأسيس لغة عربية وكان جو دراسة بدراسة........
بس هاي العطلة حبيت اغير وحبيت افتح مجال للاطفال اللي لسا ما دخلو روضة وداخلين على شي جديد لسا مش عارفين اشي
جو مشاركة وتعليم وفي اطفال هاي الأجواء جديدة وغريبة عليهم
تدريب عضلات ايديهم الدقيقة وقدراتهم الجسدية والعقلية ولياقتهم البدنية ونشاطهم والتعبير عن كل شي بشكل صحيح المشاركة والاختلاط مع اطفال تانيين تنمية مواهبهم وبالاضافة لهيك إدخال تعليم شفوي بمفردات انجليزية ولغة عربية سليمة هدول الأشياء اللي بدي اركز واطور منهم بهاد النادي الصيفي اللطيف لحتى يكونو جاهزين قبل دخول الروضة
طيب كييف؟؟؟
تعالو احكيلكم شوي عن فكرة هاد النادي👇🏻
1. نشاطات جسدية وعقلية بتساعد بتقوية وتنشيط العضلات الدقيقة والذاكرة مثل(الرياضة الصباحية، العاب الذكاء، المسابقات الحركية، العاب الذاكرة).

2. النشاطات الترفيهية اللي بتساعد الطفل على المشاركة وتنمية فكرة العمل الجماعي وتقبل الاطفال الآخرين مثل (الرسم ، تلوين اشكال من الجبس باستخدام الوان الاكريلك التشاركية مع المجموعة،نشاط انجاز المهمة في الوقت المحدد بالتعاون مع مجموعة).

3. نشاط وقت القصة اللي بنمّي ذكائهم ولغة الحوار السليمة عندهم بشكل رهيب والبحث عن الحلول البديلة للمشكلات في القصة وإبداء الرأي وتقبل الرأي الاخر وتقبل الاختلافات بين كل فرد والآخر(وقت القصة ممتع جداً رح ينمي عندهم كتير شغلات).
4. وقت وجبة الفطور الصحية اللي اكيد ضرورية جداً لانو من دونها اكيد رح يكون في خلل بنشاط الطفل النمائي (الجسدي والعقلي) توزيع حلوى صحية عالاطفال.

5. وقت حر للعب مع مراقبة سلوك كل طفل و وضعه مع ما يناسبه وما يختاره للعب.

طبعا كل الأنشطة اللي فوق☝🏻رح يكون معها مفردات جديدة عليهم باللغتين العربية والإنجليزية اللي رح يحفظوها وما رح ينسوها ابدا لأنها مرتبطة بنشاط معين بدماغهم
بالاضافة لنشاط الاعداد اكيييد ما نسيته 👍🏻
اللي بتحب باب التسجيل رح يكون مفتوح من اول شهر 6
النادي ببدأ بعد اسبوع من عطلة المدارس مدة النادي شهرين ايام الدوام رح تكون 3 ايام بالأسبوع (السبت، الاحد، الاثنين)
وقت الدوام رح يكون من الساعة 9 إلى الساعة 12
مافي مواصلات
عند التسجيل يتم طلب بيانات كل طفل كاملة من رقم الام ورقم اخر للتواصل، مكان السكن، اسم الطفل كاملاُ كما هو مذكور بدفتر العائلة.
قيمة الاشتراك 25 دينار يتم دفعها خلال الأسبوع الأول من التسجيل.
ملاحظة: الألوان والمستلزمات والالعاب وكل ما يحتاجه الطفل طول فترة التسجيل رح يكون متوفر غير مطلوب منهم اي شيء.
فقط كل طفل وجبته الخاصة تكون معو.
ياريت الاطفال يكونو من المنطقة وما حولها
اي استفسار انا جاهزة لاستقبال اسألتكم❤️
الموقع:
عوجان _حي الظاهرية_بجانب مركز نوفل للتموين .