Samistor

16/01/2022

كيف تصلح أي عطل بنجاح...
مشاهدة قيمة ان شاء الله🤲

من خلال الفيديو نستعرض مبادىء حل المشاكل و الأعطال في حياتنا اليومية و المهنية

24/10/2021

https://www.youtube.com/watch?v=gJpIuCVNefo

It's a 360 degree top view of Samra Electric station in Jordan at sunsetSamra Electric Power station is the largest power plant in Jordan, which producing 1....

08/07/2021

انت كهربجي؟؟ احذر منهم!!!😱
لو انت بتشتغل بمجال الكهرباء احتمال تصادف أشخاص من هذا النوع!!!
هذول الأشخاص هم خطر بحد ذاتهم⚠⚠
تابع الفيديو و احكيلنا مين منهم؟؟🤔🤔

في هذا الفيديو نستعرض أبرز السلوكيات الخاطئة لدى بعض الأشخاص اتجاه السلامة الكهربائية،و الذين قد يكونوا حولك،فاحذر منهم!!كما يتم استعراض تأثير التدريب على تغ...

07/07/2021

أسعد الله مساؤكم..
إذا كنت مهتما بحضور ورشة مجانية لأبرز المواضيع في مجال السلامة الكهربائية..يرجى الدخول إلى الرابط و اختيار الموضوع المفضل لديك ليتم تنسيق ورشة فيما بعد لأكثر المواضيع طلبا
https://docs.google.com/forms/d/e/1FAIpQLSeWFcaDacLlnkFaPhwftQzx_gW0JufI-ELIQ19RCrIdEucYQQ/viewform?usp=sf_link
دمتم سالمين

استطلاع لعقد ورشة مجانية بأحد مواضيع السلامة الكهربائية

04/07/2021

لسعة باب السيارة...المعنى الحرفي للصعقة الكهربائية المصغرة 😁😁
عادة بتصير بالأجواء الباردة الجافة نتيجة تشكل شحنات سكونية على الشخص...فبمجرد ما يطلع من السيارة و بعدها يحاول يلمس الباب بصير تجاذب نتيجة اختلاف الشحنات والنتيجة (صعقة )
والحل؟؟
أبسطها المس اي جزء معدني من السيارة اثناء الخروج مباشرة..وما تترك فترة لحتى تسمح بتفريغ الشحنات المتراكمة مباشرة و بتمنع حدوث الصعقة

30/06/2021

من الأخطر على الإنسان؟؟🤔🤔
الجهد أم التيار؟
الفولت أم الأمبير؟؟

26/06/2021

سؤال اليوم؟؟🧐🧐⚠
اذا في شخص تعرض لصعقة كهربائية في البيت..رح يفصل القاطع؟؟🤔🤔
سيدي العزيز اسمحلي اوخذ من وقتك دقيقتين ولك الفائدة ان شاء الله
زي ما بتعرف اي بيت فيه لوحة قواطع كهربائية...وكل قاطع مخصص لحماية منطقة بالبيت...غرفة حمام مطبخ و هكذا.... حلو الكلام،،طيب!!
القاطع مصمم انو يفصل اذا ارتفع التيار عن حد معين لحتى يعزل ارتفاع التيار عن التفشي في الشبكة و ارتفاع التيار ناتج عن حدوث عطل في المعدة او تشغيل احمال زيادة عن القيمة المصممة لها القاطع
لحد الان الأمور طيبة
افرض انو صار في مشكلة بكيزر البيت و انهار العزل داخله مما ادى لحدوث توصيل كهربائي مع المي...و لا قدر الله دخل شخص ليتوضى...بمجرد ما لمس الماء هون رح يتعرض لصعقة كهربائية نتيجة مرور تيار كهربائي داخل جسم الانسان من الخط الحامي مرورا بالجسم باتجاه الأرض
في هذه الحالة... رح تحكيلي القاطع رح ينزل..وانا بحكيلك القاطع من هون ل100 سنة ما رح ينزل لأنه لسه ما تحسس ارتفاع التيار للحد اللي يخليه يفصل عليه...اذا في الحالة هاي القاطع مش وسيلة حماية!!!!!
طيب يا سامي خلصنا احكيلنا شو الحل؟؟
في الوضع الطبيعي التيار الداخل في سلك الحامي(line) لازم يساوي التيار الراجع في خط البارد(neutral) لكن اذا صار في تيار تسرب ارضي من خلال اي اشي موصل زي جسم الانسان..خلينا نوخذ مثال
السخان الكهربائي(الكيزر) بستهلك تيار مقداره 5 امبير يعني الخط الحامي داخل فيه 5 امبير و الخط الراجع المفروض يرجع فيه 5 امبير برضه...اذا في شخص لامس الخط الحامي من خلال لمس مباشر او من خلال المي نتيجة حدوث مشكلة بالسخان وملامس الأرض ايضا هون الحامي 5 امبير بس الراجع 4.5 امبير و ال0.5 امبير مر داخل الجسم...هاي ال0.5 امبير اسمحلي اقولك ممكن تدمر جسم الانسان
شو الحل؟؟
في قاطع اسمه (GFCI breaker) اختصارا لground fault circuit interrupter او ما يسمى ايضا بearth leakage و ممكن تلاقي اسماء ثانية مشابهة اله.... وظيفته الاساسية انو يقيس الفرق دائما بين تيار الحامي و الراجع...اول ما (يشم) ريحة فرق بينهم...مباشرة بفصل و بعزل التيار عن المنطقة
الفرق اللي بفصل عنده من5 ملي امبير لحد 30 ملي امبير باختلاف نوعية هاي الاجهزة و زمن الفصل تقريبا 25ملي ثانية(لاحظ سرعة الفصل)
بالتالي هذا الجهاز رح يحمي الانسان من اثر الصعقة الكهربائية عند قيمة قليلة جدا و بزمن فصل ضئيل جدا
متى لازم استخدمه؟
في البيوت اللي ما فيها شبكة تأريض يعني الأباريز و النقاط اللي مش واصلها تأريض(أرضي) زي البيوت القديمة...و اكثر المناطق خطورة مثل الحمامات/المطبخ او المناطق اللي فيها استخدام للماء
يعني ممكن أركبه في لوحة القواطع الموجودة في البيت و احمي المنطقة اللي بدي اياها و متوفر في محلات اللوازم الكهربائية

دمتم سالمين

تابعونا للمزيد من المواضيع المتعلقة بالسلامة الكهربائية
فيسبوك:https://www.facebook.com/samistor2018
يوتيوب :https://www.youtube.com/channel/UCNW8zjGWc09wLItufm_kAaQ
لينكدان:https://www.linkedin.com/in/sami-abusharar-518a20159/

23/06/2021

بعض الأشخاص يطلب منه طبيعة عمل بالقرب من خطوط الجهد (الضغط) العالي...كاستخدام معدات ثقيلة او آليات رفع
لكن السؤال الأهم،ما هي المسافة الآمنة الواجب اتباعها للابتعاد عن خطورة الجهد العالي؟؟
تابعوا هذا الفيديو لتعم الفائدة ان شاء الله

من خلال الفيديو..نستعرض ما هي المسافات المقررة للعمل بالقرب من خطوط الجهد العالي الحية و أبرز الاجراءات الواجب اتباعها لحماية الموظفين و العاملين من المخاطر ...

23/06/2021

واحدة من أكثر المعدات الكهربائية استخداما في حياتنا اليومية...الوصلات الكهربائية
أتوقع ما في بيت مافيه وصلة كهربائية لأنو أحمالنا كثيرة فبنضطر نستخدمها..ولكن!!!
بدنا ننتبه لنقطة مهمة..الوصلة الكهربائية الها قيم اسمية مثل الجهد الكهربائي و التيار الكهربائي و عادة هاي القيم بتلاقيها خلف الوصلة الكهربائية فمثلا الجهد 230 فولت و التيار 13 أمبير
النقطة المهمة اللي بدنا نحكي عنها هي انو نسبة لا يستهان بها من الحرائق المنزلية سببها الوصلات الكهربائية...بمعنى؟؟؟
لما اجي أحمل عالوصلة احمال كثيرة أكبر من قدرتها،بالحالة هاي انا وصلت لمرحلة تسمى ب(Overload) يعني تحميل زائد و هاي انعكاسها سيدي العزيز على زيادة حرارة في أسلاك الوصلة الكهربائية
يعني ممكن الوصلة ترتفع حرارتها تدريجيا و يبلش(يسيح) عزل أسلاك الوصلة و تخيل انو لسه قاطع الغرفة ما معه خبر...يعني لسه القاطع ما شم ريحة ارتفاع تيار لحتى يفصل بناءا عليه....فالوصلة رح ترتفع حرارتها لحتى يصير حريق لا سمح الله.
لما بدي استخدم الوصلة الكهربائية بدي اعرف شو الاحمال اللي رح اشبكها عليها و بدي اتأكد انو ما في ارتخاء بأي (فيش) مشبوك عالوصلة و اعرف انو هاي الوصلة بتلائم الأحمال
نقطة اضافية...هل تعلم أنه يمنع استخدام الوصلة الكهربائية كأداة توصيل دائمة أكثر من 3أشهر...غير هيك لازم اشبك الحمل بأي (ابريز socket) مباشرة
اخواني.لكي لاا نطيل عليكم
اذا بدك تعرف أهمية الموضوع...اسأل اي شخص خسر بيته بسبب حريق بسبب وصلة..شاحن..اي اشي كهربائي كان يفكره اشي بسيط و لكن عواااااااقبه كانت وخيمة
دمتم سالمين
انشرها لتعم الفائدة

22/06/2021

ما هي المسافة المقررة للعمل بجانب خطوط الضغط او الجهد العالي؟؟؟

21/05/2021

الاردن..ومن مدة طويلة Blackout

13/05/2021

كل عام وانتم بألف خير و تقبل الله الطاعات منا ومنكم جميعا