Doctor's Aid

Dear doctors 👨‍⚕️👩‍⚕️
..
We are all 🤦🏻‍♂️

السلام عليكم

دورة ل Doctor 2018 👩‍⚕️ 👨‍⚕️

كل عام وأنتم بألف خير

مع ختام عيد الفطر نفتح لكم الباب للتسجيل في دورة التقوية المستمرة على طول الفصل الصيفي لشرح مادة ال بشكل مبسّطٍ واضعين في الاعتبار أسئلة السنوات وموفّرين ملخّصًا أسبوعيا يغطّي المادّة المطلوبة.

تكون الدورة على شكل محاضرتين أسبوعيا في يومين يحدّدان بحسب الطّلاب المسجّلين في الشعبة.

تبدأ الدورة بمحاضرة #مجانيّة يوم الثلاثاء القادم الموافق 11/6/2019 من الساعة الرابعة وحتى السادسة مساء.

يلقي دوراتنا أطباء متميزين وطلبة طب متفوقين في سنواتهم السريرية.

تكلفة الدورة ٢٥٠ دينار تشمل شرح محاضرات المادة كاملة .

استبيان طلب الملخص الأسبوعي قريبًا…

كل ٢ يسجلان معًا يحصلان على خصم ٢٠٪؜ أي ما يعادل ٢٠٠ دينار للواحد

المقاعد محدودة والأولوية لمن يسجل أولاً

للتسجيل ولمزيدٍ من التفاصيل:
https://forms.gle/ShhLDkQe2NncqTd27

فريق Doctor’s Aid

أعاده الله علينا وعليكم باليمن والبركات
كل عامٍ وأنتم بخير

🤦🏻‍♂️💁🏻‍♂️

استكمالاً لمنشور البارحة جِئناكم اليوم بتجربة فريدة من عالم الأسنان الجميل مع الدكتور مراد توبه Murad Toubeh

نترككم مع قلمه:

بسم الله الرحمن الرحيم
أنا مراد توبه-طبيب أسنان تخرجت من الجامعة الأردنية العام الماضي سنة 2018
وكشخص تخرج من التخصص بعد 5 سنوات دراسية كان لزاما أو من اللائق أن أشارك هذه التجربة مع من سيخوض هذه التجربة أو سيفكر في خوضها

طب الأسنان عبارة عن 5 سنوات دراسية بواقع 195 ساعة معتمدة. طب الأسنان تخصص جميل ونوعا ما ممتع " مش بسنتيه الأولى 😜" للي بحبه وفعلا حاب يدخله عن رغبة.

السنوات الثلاث الأولى الأساسية عبارة عن مواد علوم ومتطلبات في السنة الأولى ومن ثم في السنة الثانية تتلخص في مواد الطب البشري بكافة أشكالها مع التطرق قليلا فيما يخص طب الأسنان وعلاقته بالطب العام، وفي السنة الثالثة يصبح الأمر وتصبح المواد خليط ما بين طب الأسنان والطب العام حيث يبدأ الطالب بالعمل والاطلاع على عمل طب الأسنان على الأسنان التدريبية

السنتان السريريتان " الرابعة والخامسة" تعتبر طبيب أسنان ممارس مع إشراف من قبل الأخصائي المشرف عليك حيث يكون هنالك متطلبات يجب على الطالب إنجازها لإكمال متطلبات النجاح..

يمكن أولها الواحد يشوف الأمر صعب وطويل وشو الواحد بده يلحق ع كل هدول.. لكن حاب احكي شغلة من شخص خلص ال 5 سنوات هدول بالإضافة انه كان فاعل في العمل الطلابي بشتى أنواعه والحمد لله
هذا التخصص بحتاج منك أول شي صبر.. تاني شي تنظيم وقت.. تالت شي تحديد أولويات
إذا الواحد قدر يحصل هدول التلات شغلات ف هو هيك عرف أساس وأصل طب الأسنان..

صح في هاد التخصص راح تتعرض لضغط نفسي وجسدي وكلي وخاصة انه بالمرحلة السريرية انت مطالب بانك تدبر المرضى وتشتغل بإيدك.. لكن بالنهاية راح تكتشف انك طلعت من هاي الكلية مؤهل كليا لسوق العمل شو ما كان..

خريجو الجامعة الأردنية فعليا مشهود الهم بالكفاءة العالية في تطبيق المهنة بكل سهولة لانه قعد سنتين في دراسته يشتغل ويطبق ويفهم ويعرف ويحاول ويغلط ويصحح ويعمل كل شي تقريبا..

بالنهاية ما بحكي الحياة وردية بهاد التخصص.. فيه تعب زيه زي غيره من أمور الحياة بدها تعب.. واللي بصبر بنول.. واللي بكون حرك وشاطر وفهمان مش بس دراسيا وكمان اجتماعيا بقدر يحصل اللي بده اياه ويطلع بفايدة لنفسه من كل النواحي

تخصص حلو ولطيف " متل ما قلت يمكن مش أولها 😜" بس راح تلاحظ الفرق وراح تشوف هاد الكلام ع أرض الواقع بس تصير فعلا تطبق المهنة سواء بالسنوات السريرية أو بعد التخرج

كل التوفيق للجميع ومزيدا من التقدم والازدهار في حياتكم

----------

تابعونا لتطلعوا على برامجنا الجديدة في القادم من الأيام
دمتم بخير
فريق Doctor's Aid

مع أولى برامجنا ... تجاربٌ سابقة لأناس مبدعين
نبدأ هذه التجارب مع الدكتور قصي مسعد Qusai Masad

نترككم مع قلمه:

بسم الله الرحمن الرحيم
قصي محمد مسعد
يوم الثلاثاء بقدر أحكي إني خريج بعد برائة الذمة 😅
مثل أغلب الطلاب لم يكن دخول الطب بسبب رغبة أو حب أو الحكي هاد، كل ما هناك إنه المعدل كان يسمح لي، بالإضافة لكون الطب تخصص مضمون مستقبلاً وفخم اجتماعيا وفيه فلوس عالمدى البعيد 😅

الطب في الجامعة الأردنية عبارة عن 6 سنوات طوال بمعدل 256 ساعة. يُقسم إلى مرحلة البيسك خلال ٣ سنوات الأولى و مرحلة ال clinical ل ٣ سنوات أيضا.

بداية مع مرحلة البيسك واللي هي نوعا ما المرحلة المملة في حياة طالب الطب، التعلم نظري فقط والتطبيق العملي نوعا ما محدود، الطلاب ببدو يبنوا أساس قوي عشان يساعدهم في المراحل القادمة.
أما مرحلة الكلينيكال فهي نوعا ما ممتعة أكثر من البيسك، ببدا الطالب يحتك ويتعامل مع المرضى ويطبق العلم الي رح يكتسبه خلال هاي المرحلة و بتبدا معالم مستقبله تتضح نوعا ما وببدا يوجه حاله للمجال الي ناوي يكمل فيه مستقبله.
دفعة الطب في الجامعة الأردنية عبارة عن ٦٠٠ واحد كانوا الأوائل على صفوفهم في المدرسة حشروهم وجمعوهم مع بعض على اختلاف ثقافاتهم وتوجهاتهم وتفكيرهم وهذا الإشي رح تلاحظه خلال سنوات الطب ويعتبر من الأشياء الي بتميز كليتنا، حاول تنسجم معهم و اعرف كيف تتعامل مع مختلف توجهات المجتمع المحيط بك.

رح تسمعوا كثير الطب تخصص متعب ومش حلو و رح تعيف حالك منه والناس الي أكبر منك بحكولك حول أحسنلك والقصص الي رح تضل تسمعها طول حياتك خلال الطب، فالنصيحة الأهم في هذا الوقت امسح كل الأفكار السلبية الي براسك، طول ما نظرتك سلبية للتخصص ودراسته ومستقبله رح تتغلب وتتعب مع الوقت، فحاول تلاقي اشي إيجابي يدفعك للإستمرار.

أكيد الطب ليس بالتخصص السهل و طريقه ليست بالهينة و ساعات التي ستقضيها بالدراسة ليس بالقليلة ولكن إياك تدفن حالك في الطب وكتب الطب، وتضيع أجمل فترة في حياتك في الدراسة فقط. كون جزء فعال في مجتمعك اعمل أنشطة احضر ندوات نمي مهاراتك ومارس هواياتك الي كنت تمارسها قبل الطب، الي بحكيلك ما في وقت لا ترد عليه الوقت كثير الفكرة كيف تنظمه.
في الطب عنا أفضل فريق كرة قدم في الجامعة عنا رياضيين على مستوى عالي، عنا شعراء وعازفين ومثقفين وسياسيين وغيرهم الكثير، حلو تكون دكتور شاطر لكن الأجمل إنك تكون دكتور مثقف ومنفتح على عالمه.

خلال الأيام القادمة رح يتم تقسيمكم إلى طب وطب أسنان، إن شاء الله كل حدا بحصل التخصص الي بباله وببدع وبتميز فيه.

و كل التوفيق لكم بما هو قادم

----------

تابعونا لتطّلعوا على برامجنا الجديدة في القادم من الأيّام

دمتم بخير
فريق Doctor's Aid