قائمة النشامى - الاردنية

بمرتبة الشرف… ابن النشامى فراس كردش يحصل على درجة الماجستير بمعدل 4 / 4
فخر ❤️

تودّع الجامعة الأردنية اليوم البروفيسور الدكتور يوسف أبو حميدان من كلية الآداب، بعد مسيرة حافلة بالإنجاز والعطاء وذلك بعد بلوغه سن التقاعد.
الله يعطيك العافية ❤️

الدكتورة منى عوقل تكتب :

يشهد الله اني كل مرة بساعد فيها طالب او طالبة بحس ان ربنا هو اللي ساقهم الي عشان اعمل اشي بسيط بقدر عليه ويمكن يكون يفرق معهم

اليوم خلال الامتحان انطلب مني فاين من اكثر من طالب وطالبة واخر اشي صرت انادي مين بده فاين 😂 والحمدلله اني كنت حاملة معي بكيت صغير

وكمان واللي بضيع قلمه وبده قلم واللي بده محاية واللي بده آلة حاسبة لانه اللي معه بطلت تشتغل واللي بكون عطشان وبده مي كلهم بدبرهم من قلب محب وبلا ضجر ولا تسميع او تجريح

هاي التفاصيل الصغيرة يمكن ناس تشوفها عادية لكنها بالنسبة الي الها معنى كبير لاني بشوف بعيون الطلاب قديش بكونوا متوترين ومحتاجين حدا يطمنهم او يساعدهم بشي بسيط

وبتذكر مرة من سنين خرب التكييف بالقاعة وكان عند طلابي امتحان والدنيا نار من الشوب

ما قدرت اتحمل اشوفهم بهالحالة واستأذنت من زملائي وركضت على الكفتيريا واشتريت كاسات مي وطلبت مين يساعدني نوصلهم وصرنا نوزعها على الطلاب

وقتها كنت ادعي بيني وبين حالي يا رب هون عليهم وسهل عليهم

والحمدلله مرت الامور على خير

يمكن بحياتي كتير شفت ظلم وشفت كسر خاطر وشفت إقصاء لجهودي وإبعادي عن الصورة وشفت مواقف وجعتني وما كنت أتوقعها ولا قدرت ارفعها عنّي

بس بنفس الوقت شفت جبر الله بطريقة بتخليني كل يوم اوقن اكثر انه ما بضيع عنده لا معروف ولا كلمة طيبة ولا دمعة انقهرت فيها ولا خاطر جبرته لوجهه الكريم

يمكن اجمل عوض رزقني فيه ربنا هو محبة ابنائي الطلبة❤️

هاي المحبة الصادقة اللي بلا مصلحة واللي بلا تصنع واللي بحسها بكل دعوة صادقة وبكل رسالة وبكل موقف

ودايما بقول بيني وبين نفسي مثل ما ربنا بيسرني لخدمة الطلاب اكيد راح يسخر لاولادي ناس طيبة تيسر امورهم وتوقف معهم وين ما كانوا

ما في اشي عند ربنا بضيع ابدا

ولا معروف بينسى

ولا قلب طيب يروح تعبه هدر

من كلية الطب… حسام القضاة أمينًا لسر اتحاد طلبة الجامعة الأردنية.
ألف مبارك ❤️

محمد الوخيان أمينًا لصندوق اتحاد طلبة الجامعة الأردنية
ألف مبارك ❤️

محمد العياصرة نائبًا لرئيس اتحاد طلبة الجامعة الأردنية
ألف مبارك ❤️

لأول مرة في تاريخ اتحاد الطلبة… انتخاب 3 طالبات ضمن الهيئة التنفيذية.

- الطالبة ليان رباح رئيسة لجنة الأنشطة الطلابية.
- الطالبة رنيم الطويسي رئيسة لجنة العمل التطوعي.
- الطالبة حلا المراشدة رئيسة لجنة قضايا الطلبة.

النشامى ❤️

رسميًا | ابن النشامى وحلف الوطن عبدالجليل العبادي رئيسًا لاتحاد طلبة الجامعة الأردنية.
ألف مبارك ❤️

الأستاذ الدكتور ينال شفاقوج والأستاذ الدكتور فيصل محمد كعادتهما بعد انتهاء الدوام يجوبان أروقة الجامعة بخطى هادئة ويتبادلان الأحاديث والذكريات ويسترجعان محطات من رحلة طويلة قضياها في خدمة العلم وطلبته.

صديقان جمعتهما سنوات طويلة من العمل والعلم والعطاء في كلية الطب بالجامعة الأردنية فكانت المهنة شاهدة على علاقة تجاوزت حدود الزمالة إلى صداقة راسخة امتدت عبر السنين.

كل التقدير والاحترام لهما ❤️

عاجل | بدء تقديم طلبات الانتقال من تخصص أعلى إلى تخصص أدنى في الجامعة الأردنية اعتبارًا من اليوم وتستمر لغاية 30-6-2026 والتقديم إلكترونيًا.