Qur'an video's collections

HINDI KAKAUSAPIN NI ALLAH SA HULING ARAW ANG TAONG NAGKAKAIT NG TUBIG❗❗❗

👉 Ang pagkakait sa bagay na Ipinagkaloob ni Allah para sa lahat tulad ng tubig ay kabilang sa masamang pag-uugali at pagiging maramot.

Parurusahan ni Allah ang magkakait nito sa araw ng paghuhukom.

👉 Sinabi ng Mahal na Propeta (sumakanya ang biyaya at kapayapaan):
“Tatlong uri ng mga tao ang hindi kakausapin ni Allah sa araw ng paghuhukom at hindi Niya lilingunin… kabilang rito ang isang tao na IPINAGKAIT NIYA ANG TUBIG SA KANYANG KAPWA.

Sasabihin sa kanya ni Allah: “Sa araw na ito Ipagkakait ko sa iyo ang Aking Kagandahang-loob (biyaya) tulad ng paano mo ipinagkait ang biyaya na hindi naman gawa ng iyong mga kamay” Inulat nila Imam Albukhari at Imam Muslim

-Ang kahulugan ng hindi kakausapin ay: Hindi kakausapin sa bagay na magbibigay kasiyahan at pakinabang sa kanya

-Ang kahulugan na hindi lilingunin ay: hindi maaambunan ng Habag at Awa.

Kapag ang tao ay hindi kakausapin at hindi lilingunin ng kanyang Panginoon sa araw ng paghuhukom ay kabilang sa mga talunan at kaawa awa!

Nawa ay ilayo tayo ni Allah sa mga ganitong asal na tao (pagkakait ng tubig)!

Paalaala:

♦️ Ang tinutukoy rito ay ang tubig na pangkalahatan tulad ng balon o ilog, sapa, dagat etc.

♦️ Hindi po kabilang rito ang mga nagbebenta ng mga mineral water etc..

♦️Hindi rin kabilang rito ang tubig mula gripo na binabayaran (water district)

♦️ Ikaw na umiigib ng tubig sa lupa na pagmamay ari ng iba, magpaalam sa may-ari at panatilihin ang kaayusan balon, puso etc.. ingatan masira ang gamit sa pag igib ng tubig.

PINAGKUHANAN SA USAPIN:

حديث: "ثَلَاثَةٌ لا يُكَلِّمُهُمُ اللَّهُ يَومَ القِيَامَةِ، وَلَا يَنْظُرُ إِلَيْهِمْ: ....وَرَجُلٌ مَنَعَ فَضْلَ مَاءٍ، فيَقولُ اللَّهُ: اليومَ أَمْنَعُكَ فَضْلِي كما مَنَعْتَ فَضْلَ ما لَمْ تَعْمَلْ يَدَاكَ".أخرجه البخاري (2369)، ومسلم (108)

✍️ Zulameen Sarento Puti