27/08/2025
ما سيجنيه نظام الحقول على الطلبة…
طالب عمره ١٦ سنة ، هل فعلًا قادر يحدد مساره بالمستقبل بدون أي مقاييس أو أدوات قياس لمستواه؟
الطبيعي بالصف الأول الثانوي الأكاديمي يهتم بالمواد الوزارية الأربعة ، هون ما في مشكلة…
المشكلة الحقيقية إنه رح يطنّش مواد أساسية مثل الكيمياء ، الفيزياء ، الأحياء، الرياضيات ، شئنا أم أبينا… وهذا اللي بصير فعلا مش زي ما مكتوب على الورق .
الطالب طنشهم لأنه شايف إنه في مواد وزارية أهم بتحدد معدله ، وهذا منطقي.
لكن هيك صار في شرخ بمستقبل الطالب بمرحلة مفصلية و بالصف الثاني عشر (التوجيهي) برجع يأخذ هاي المواد بعد انقطاع سنة كاملة … وهو أصلاً معدله ٧٠٪ مبني عليها!
لهيك رح يصير في خلل بمستواه التحصيلي.
وبعدين يدخل بمتاهة اختيار الحقول … والاختيار مش مبني على مقاييس ، بس على العاطفة أو الهروب من مواد بده شغل زي الرياضيات والفيزياء .
مش غريب نسمع إنه ٤٧٪ من الطلاب رايحين على الحقل الصحي ، يعني تقريبًا ٦٠ ألف طالب بتنافسوا على ٣٠ تخصص بس .
المشكلة الثانية: الطلاب مش عارفين يختاروا المادتين الاختياريتين … يعني زي ما الوزارة حددت ٤ مواد إجبارية (المشتركة) بالصف الأول ثانوي، المفروض تحدد كمان الأربع مواد الأساسية بالتوجيهي .
ولا حول ولا قوة إلا بالله
#توجيهي
