Tamara Hussien

02/10/2025

أصبحنا بنعمة وكرم من الله، والحمدلله 🩵

#تماراحسين #أذكارالصباح #صباحات ☀️

29/09/2025

أربع تطبيقات بستخدمهم من سنين وفعلياً ما بستغني عنهم.

١- نوشن، التطبيق اللي كل حياتي فيه (بتلاقو شرح وافي عنه بالهايلايت)

٢- أذكار، معتمديته لأذكار الصباح والمساء، وعليه كتير أدعية تانية.

٣- Health، بزكرني أشرب أدويتي وتفاصيل تانية، نزلو التطبيق واكتشفوها.

٤- FittiCoin، تطبيق بنربطه بالبنك العربي بحسبلنا خطواتنا خلال اليوم، وبعد عدد من الخطوات بتتحول النقاط للبنك العربي.

خبروني شو في تطبيقات مفيدة بتستخدموها وبتنصحو فيها؟ بمختلف المجالات.

#تماراحسين

26/09/2025

أغلبنا عقدته كيف يلاقي شغل، خاصة لو كان لسا فريش!
اليوم جبتلكم خمس نصائح ممكن تساعدنا نلاقي شغل بإذن الله.
١- لا تحكي بدي شغل وخلص، حدّد ع شو بتدور، انتا Manual QA لا تقدم ع بوزشن Product Owner على سبيل المثال، أو Social Media Specialist ع أساس إنه بدي اشتغل اي اشي أو كله هو بعض!

٢- بعد ما تحدد مجالك بدك تبلش تكسب المهارات المطلوبة بهاد المجال، ابحث واقرأ وتعلّم وتدرب شو شغل المجال هاد وازرع مهاراته فيك.

٣- اعمل CV واضحة وشاملة خبرتك ودراستك ومهاراتك.

٤- تواجع وتفاعل عاللينكد ان، اللينكد ان عالم من الفرص اللي بدها مين يستغلها، وشخصياً وظيفتي الحالية حصلت عليها من اللينكد ان.

٥- اشتغل منيح على علاقاتك، لأنه العلاقات بتجيب فرص شغل أكتر من أي منصة توظيف، وبشكل شخصي اشتغلت بـ ٣ شركات بدون ما اقدملهم! كان يجيني الشغل من علاقتي بأشخاص بهاي الشركة.

والأهم من هاد كله اليقين والإيمان إنه هاي أرزاق من ربنا وبالوقت المناسب بتيجي بالشكل المناسب ❤️

#تماراحسين #مهارات

18/08/2025

واء كنت fresh QA, Junior, Senior أو حتى Team Lead في بعض الشغلات المهمة اللي لازم تعملها بس تبلش شغل جديد مع شركة جديدة:

1- افهم البزنس بتفاصيله ⬅️ مهارات الـ QA من ناحية تكنكال تقريباً متفق عليها وكل حدا فينا عارف شو مطلوب منه، بس شطارة الـ QA بتظهر أو بتختفي بناءً على فهمه للبزنس، لأنه كل ما فهمت بزنس أكتر كل ما قدرت تحلل السيستم أكتر وتوصل لـ Bugs أعمق وتكتشف Scenarios أكتر، وهون انتا رح تساهم بنسبة كتير كبيرة بنجاح هاد السيستم واكتشاف أكبر عدد ممكن من الـ Bugs قبل ما نطلع للـ Production.

2- تعرّف ع بروسيس الشركة ⬅️ لأنه حتى لو البوزشن نفسه بين كل الشركات لكن كل شركة عن التانية الها بروسيس خاصة فيها، مثلاً في شركات عندها QA Env بعدين PreProd بعدين Prod، أما شركات تانية بعد الـ QA بيجي الـ Prod مباشرة، في شركات عندها الـ BA بعمل Review للـ Test Cases بعد ما يكتبهم الـ QA أما شركات تانية بتكتفي بـ Review من الـ QA team lead أو ما بتهتم لإنه تعمل Review أصلاً، برضو موضوع الـ Bugs life cycle، بداية ونهاية الـ Sprint، الـ Bugs Severity، ... وغيرها كتير من الأمثلة اللي ممكن تختلف فيها البروسيس بين شركة وتانية.

3- تعرّف على التيم ودور كل شخص فيه ⬅️ ببساطة عشان تعرف لما تظهر معك Bug لمين تعمل فيها Assign، للفرونت اند ولا باك اند، أو لما يكون عندك استفسار عن البزنس أو بالديزاين تعرف لمين ترجع، ... معرفة الناس اللي بشتغلو معك ع نفس البروجكت بسهّل عليك إنك تمشي شغلك بطريقة صح وتوفّر وقتك وانتا بتدور لمين ترجع بسؤالك أو ملاحظتك.

شو بتحسو في أمور تانية لازم ننتبهلها لما ننتقل من شغل لتاني ع نفس البوزشن؟ شاركوني بالتعليقات ⬇️

14/08/2025

عندي قناعة تامّة إنه الـ Developer تطوره بيجي من استخدامه لأحدث الـ Technologies بينما الـ Tester تطوره بيجي من استخدامه لـ Tools تساعده بشغله وتسرعله إنجازه.

لهيك حبيت أشارك معكم 15 أداة ما بين موقع وبرنامج وتطبيق بستخدمها أثناء عملي بتساعدني أنجز شغلي بشكل أسرع.

طبعاً هاي الأدوات مش كلها Technical أو Business ، في منها اله علاقة بالـ Management أو الـ Communication.

خبروني شو بتستخدمو منهم؟ وهل في أدوات تانية بتستخدموها وبتستفيدو منها؟
شاركوني إياها بالتعليقات ⬇️

#تماراحسين

26/09/2024

09/09/2024

‎الحمدلله السنة الماضية أخدت شهادة الـ CTFL وصرت Certified Tester ونجحت فيها بعلامة نوعاً ما عالية، جبت ٨٥٪؜ ما يعادل ٣٤ من ٤٠، علماً إنه علامة النجاح ٢٦.
‎طيب كيف جبتها؟
‎أول شي خليت المصدر الأساسي لدراستي هوه الـ syllabus الموجود على الموقع الرسمي، كنت أدعم دراستي بفيديوهات من اليوتيوب عشان أفهم لكن الفيديوهات لحالها مش كافية، في كتير شغلات موجودة بالمادة مش موجودة عاليوتيوب.
‎تاني اشي افهم واحفظ، أبداً لا تحفظو اشي مش فاهمينه لأنه الأسئلة بتعتمد على فهمك للمادة مش حفظ بحت.
‎تالت اشي وهوه الأهم، حليت كمية أسئلة رهيبة على كل شابتر وعلى المادة كاملة.
‎والحمدلله ربنا وفقني وعديتها.
‎عندكم أي أسئلة بخصوص هاد الإمتحان؟
‎اتركولي إياها بالكومنتات أو بدايركت مسج وأنا جاهزة للإجابة. 🙏🏻 #تمارا حسين #اختبار _البرمجيات

09/09/2024

الحمدلله السنة الماضية أخدت شهادة الـ CTFL وصرت Certified Tester ونجحت فيها بعلامة نوعاً ما عالية، جبت ٨٥٪؜ ما يعادل ٣٤ من ٤٠، علماً إنه علامة النجاح ٢٦.
طيب كيف جبتها؟
أول شي خليت المصدر الأساسي لدراستي هوه الـ syllabus الموجود على الموقع الرسمي، كنت أدعم دراستي بفيديوهات من اليوتيوب عشان أفهم لكن الفيديوهات لحالها مش كافية، في كتير شغلات موجودة بالمادة مش موجودة عاليوتيوب.
تاني اشي افهم واحفظ، أبداً لا تحفظو اشي مش فاهمينه لأنه الأسئلة بتعتمد على فهمك للمادة مش حفظ بحت.
تالت اشي وهوه الأهم، حليت كمية أسئلة رهيبة على كل شابتر وعلى المادة كاملة.
والحمدلله ربنا وفقني وعديتها.
عندكم أي أسئلة بخصوص هاد الإمتحان؟
اتركولي إياها بالكومنتات أو بدايركت مسج وأنا جاهزة للإجابة. 🙏🏻

09/09/2024

مؤخراً أو خلينا نحكي من بعد ٢٠٢٠ الواحد تعلّم درس مهم وهوه إنّه ما يعتمد على مصدر #دخل واحد، ويعدّد بمصادر الدخل.
ببساطة #الراتب الشهري ممكن يتأخر، الشركة ممكن يتغير حالها، ممكن بيوم وليلة تسكر أو تقلل من الرواتب، ممكن يتكرر اللي صار وقت الكورونا وشغلك يتعطل، وممكن كتير أسباب تانية تصير، لهيك لازم دائماً نخلي عنا خطة بديلة في حال حدث أي طارئ.
لهيك حبيت اليوم أطرح ٣ طرق غير الوظيفة الثابتة ممكن الشخص يوفر منهم دخل وهمه #المهارات، #الهوايات، والعمل الحرّ أو #الفريلانس ، طبعاً في طرق غيرهم متل ، #الإستثمار، #التداول، …
برأيكم شو في طرق تانية لتوفير مصدر دخل تاني؟ وهل انتو اليوم محافظين ع وجود مصدر دخل تاني؟ #تماراحسين

08/07/2024

"لتدخل غزةُ التاريخ من أوسعِ أبوابِ المجد كأعظمِ نموذج حرّيةٍ عرَفتهُ البشرية في العصرِ الحديث وكمدرسةٍ ملهمةٍ لكلّ حرٍّ ومقاومٍ وإنسانٍ في العالم."

- أبو عبيدة
- اليوم ٢٧٠ من معركة طوفان الأقصى

05/12/2023

اللهمّ فرّج هم أهل غزة