Akwan for Holistic Learning أكوان للتّعلّم التّكاملي

  • Home
  • Jordan
  • Amman
  • Akwan for Holistic Learning أكوان للتّعلّم التّكاملي

Akwan for Holistic Learning أكوان للتّعلّم التّكاملي مركز يسعى لتنمية قدرات الأطفال واليافعين/ـات الفكريّة والنّفسيّة والجسديّة بنهج تكاملي. in clubs throughout the year and in summer and winter camps.

Centre for holistic - cognitive, emotional, physical - education for kids and teens. أكوان مركز تعلّم تكاملي يستقبل الأطفال واليافعين/ـات (6-18 سنة) في نوادي على مدار العام ومخيّمات صيفيّة وشتويّة. يأتي هذا المركز ليجمع بين خبراتنا وشغفنا في العمل مع الأطفال، وليوفّر مساحة نمو وتطوّر آمنة ومُحفّزة.
في عملنا نتّبع النّهج التّقاطعي التّالي: "عقل نقدي، قلب مُحب، جسد صحّي"، من خلال العمل على أنشطة تنمّي هذه العناصر الثّلاثة بالتّوازي وبطريقة متكاملة. وذلك لاعتقادنا بأنّ القدرة على معرفة الذّات والآخر وتكوين منظور نقدي للعالم المحيط، والقدرة على تحديد المشاعر والتّعبير عنها، وتنمية علاقة سليمة وصحيّة مع الجسد، هي عناصر أساسيّة في تكوين إنسان/ـة سليم/ـة ومتوازن/ـة، قادر/ة على التّفاعل بشكل مسؤول وحقيقي مع الذّات والعالم.
------
Akwan For Holistic Learning is a centre that hosts kids and teens (6-18 y.o.) This project is a result of our team’s passion and diverse experience of work in the education field, and a response to a need for a safe and motivating space for the youngest in the society to grow and progress. Our methodology is intersectional and is based on the following idea: “critical mind, empathetic heart, healthy body.” Through our activities, we cultivate these three elements in parallel, following a holistic approach. That is because we think that knowing the self, seeing the world through a critical lens, having capacity to define feelings and express them, and developing a healthy relationship with the body, are essential elements that form a balanced and healthy human being, able to interact with the self and the world truly and responsibly.

هاي السنة، في الدفعة التانية من ، عم نكمّل بناء علاقات مع أطفال سبق واشتغلنا معهم. بضعهم منعرفهم من أربع سنين، وبعضهم م...
11/11/2024

هاي السنة، في الدفعة التانية من ، عم نكمّل بناء علاقات مع أطفال سبق واشتغلنا معهم. بضعهم منعرفهم من أربع سنين، وبعضهم من سنة. بتجربتنا في هاد النادي في ، عم نكتشف إنه في راحة وسلاسة في عمليّة التعلّم يلي عم نخوضها سوا،؛ راحة وسلاسة مختلفة عن أي شي خضناه قبل.

فكّرنا شوي بالأسباب يلي عم تخلق هي الحالة، واستنتجنا إنه علاقات الثقة والفضول يلي بنيناها نحن والأطفال هي يلي عم توسّع مساحة الراحة والأمان، وعم تساعدنا نحن والأطفال نفوت بأبعاد جديدة من التعلّم مع بعض. وواحد من هدول الأبعاد عم يكون جهوزيّة الأطفال لاستخدام أدواتهم يلي عم يكتسبوها والتعامل بشكل مستقل مع ديناميّات المجموعة والمشاعر المختلفة يلي ممكن تفيّقها، من غضب أو حزن أو خذلان أو فقد أو حب. عم نشوف الأطفال عم يقدروا يعبروا عن احتياجاتهم العاطفيّة لبعض بشكل أوضح، عم يقدروا يحلّوا مشكلاتهم أحيانًا باستقلاليّة، عم يكونوا أكثر قدرةً على ضبط أنفسهم وإدراك إنهم جزء من مجموعة وبالتالي في تنازلات مضطرين يعملوها مرّات ومفاوضات لازم يدخلوا فيها مع الآخر من غير إلغاء أنفسهم واحتياجاتهم.

ونحن، الكبار بأكوان، عم نراقب هي الرحلة ونواكبها ونشعر برضا وامتنان إنه عم نختبر حالة بناء مجتمع أهلي صغير مع أطفال ملتزمين وجاهزين وحابّين - وعائلاتهم - لخوض تجارب تعلّم جماعيّة أصيلة وعضويّة. 💜✨️

التسجيل مفتوح في ! بتلاقوا جميع التفاصيل في المنشور، إذا عندكم أسئلة ابعتولنا أو اتّصلوا فينا! 💚
16/09/2024

التسجيل مفتوح في ! بتلاقوا جميع التفاصيل في المنشور، إذا عندكم أسئلة ابعتولنا أو اتّصلوا فينا! 💚

اشتقنالكم واشتقنا للأطفال! 💜نحن صيّفنا وارتحنا وارجعنا بحماس وطاقة على الجاية بأكوان وبرامجه وخطّطنا للنادي القادم. بك...
13/09/2024

اشتقنالكم واشتقنا للأطفال! 💜

نحن صيّفنا وارتحنا وارجعنا بحماس وطاقة على الجاية بأكوان وبرامجه وخطّطنا للنادي القادم. بكرا رح نفتح التسجيل في ونخبّركم بتفاصيله. استنونّا!


فريقنا طالع إجازة! بعد الانتهاء من تيسير آخر أندية وبعد التأمّل في يلي تعلّمناه وعشناه مع بعض ومع الأطفال وعائلاتهم، ق...
20/07/2024

فريقنا طالع إجازة!
بعد الانتهاء من تيسير آخر أندية وبعد التأمّل في يلي تعلّمناه وعشناه مع بعض ومع الأطفال وعائلاتهم، قرّرنا نطلع إجازة طويلة لنرتاح وناخد نَفَس قبل بدء وأنديته. ضلّوا بخير وارتاحوا بالصيف، قد ما تقدروا بالوضع الراهن.

نراكم في الخريف! 💜🌻
كلّ الحب

كتير من الأحيان منقول للأطفال إنّه بنحبهم، لكن تصرّفاتنا معهم ممكن تكون متناقضة مع هاد المفهوم. ممكن لأن نحن، البالغين و...
16/04/2024

كتير من الأحيان منقول للأطفال إنّه بنحبهم، لكن تصرّفاتنا معهم ممكن تكون متناقضة مع هاد المفهوم. ممكن لأن نحن، البالغين والبالغات، مش كتير متأملين بالحب وأشكاله  ومعانيه وطرق التعبير عنّه، أو ممكن لأن منستصعب نشعر فيه أصلًا، أو يمكن لأن ما اختبرناه في طفولتنا مع أهالينا والناس الكبار يلي ربّونا، أو لأسباب أخرى.

الأطفال بحاجة يشعروا بالحب ويفهموه ويتعلّموا يمارسوه مع أنفسهم والآخرين، وهالشي بيختبروه من خلال البالغين والبالغات، لهيك مهم نعبّر عن الحب بأقوالنا وسلوكنا معهم. مؤخّرًا، تناقشنا في إحدى جلسات عن مفهوم الحب وكيف بنحب نعبّر عنّه للأطفال. وطلع معنا إنّه الحضور معهم، والإصغاء بفضول لأفكارهم ومشاعرهم، والوثوق بحدسهم وقدراتهم، واللعب المشترك، وخلق مساحة آمنة للتجربة وارتكاب الأخطاء والتعلّم منها، والضحك، والاندهاش المشترك، مهمّين لإلنا ومن خلالهم بنعبّر للأطفال إنّنا شايفينهم وسامعينهم وبنحبهم وبنحب الوقت يلي منقضّيه معهم.

ليه الحب أساسي؟ لأنّه شعور خلّاق ولأن المساحات المُحِبّة بتولّد الأمان والسكينة والقبول يلي بنحتاجهم، كبار وصغار، لننمو ونستكشف أنفسنا والحياة ونعيش بتسامح واتّساق أكبر  مع ذواتنا الأصيلة.

كتار بيسألونا؛ كيف ما بتخافوا تطلعوا رحلات مع الأطفال بالطبيعة؟ الخوف شعور مهم ومنشعر فيه ببعض المواقف وقت نكون مع الأطف...
20/03/2024

كتار بيسألونا؛ كيف ما بتخافوا تطلعوا رحلات مع الأطفال بالطبيعة؟

الخوف شعور مهم ومنشعر فيه ببعض المواقف وقت نكون مع الأطفال، وهو مهم لأنه بيساعدنا نحط حدود لنكون بأمان ونحافظ على أمان وسلامة الأطفال. لكن ببعض الحالات الخوف بالتربية بيتحوّل لعائق في عمليّة التعلّم. كيف؟

وقت نسمح لمخاوفنا غير العقلانيّة وغير الواضحة للأطفال إنها تطغى على قراراتنا، منكون عم نمرّق للأطفال رسالة مفادها إنه العالم مخيف وغير جدير بالثقة، بالتالي منطلب منهم يحدّوا من حركتهم بالمكان أو ما يستكشفوا أشياء عندهم فضول تجاهها أو ما يحكوا مع ناس معينين، إلخ. ومع الوقت هاد بيصير سلوكهم المعتاد وبتخف رغبتهم بالتعرّف على ناس وأماكن ومفاهيم جديدة، وبيصيروا يفضلوا المألوف على المجهول، بالتالي بتقل فرص التعلّم وبناء الثقة بالنفس والشجاعة من خلال التعامل مع تحدّيات جسديّة أو نفسيّة أو فكريّة.

إطلاق العنان للأطفال ليستكشفوا ما بيعني إنه ما نحط إلهم حدود. لكن هي الحدود مهم تكون منطقية، يعني قبل ما نمنعهم يعملوا أي شي، مهم نسأل حالنا إذا هاد المنع جاية من خطر حقيقي رح يواجهوه ولا من خوف غير مبرّر نحن حاملينه. وهيك، الأطفال كمان بيتعلّموا يقيسوا مدى أمان الأماكن والمواقف يلي بيتعرضولها، ويحدّدوا مدى قدرتهم الجسديّة والنفسيّة إنه يتعاملوا معها.

القدرة على الشعور بالخوف مهمّة وأساسيّة للبشر، لكن الأهم هو القدرة على فهمه والتعامل معه حتّى ما يصير هو المتحكّم الأساسي بعلاقاتنا مع أنفسنا والأطفال.

من البرامج يلي رح تستمر في القادم في أكوان، ، يلي هو برنامج تجريبي بدأناه الخريف الماضي. بهاد النادي منشتغل مع مجموع...
28/02/2024

من البرامج يلي رح تستمر في القادم في أكوان، ، يلي هو برنامج تجريبي بدأناه الخريف الماضي. بهاد النادي منشتغل مع مجموعة ثابتة من الأطفال على مدار سنة كاملة لنواكبهم في نموهم العاطفي والفكري والاجتماعي بوتيرة مستلهمة من دورة الطبيعة.

بالخريف، مع السكينة يلي بتعيشها الطبيعة، غصنا مع الأطفال في عوالمنا الداخليّة وشخصيّاتنا من خلال التركيز على صناعات يدويّة فرديّة والزراعة، وكانت تجربة غنيّة وكثيفة ومسليّة.

والربيع القادم رح نصحى مع الطبيعة ونطلع نستكشفها كفريق ونتعرّف على نباتات صالحة للأكل ونطبخها ونلعب وناخد قرارات مع بعض ونختبر حالنا كجزء من مجموعة ونوثّق هي التجربة.

متحمسات ومتحمسين نرجع نشوف المجموعة بعد الإجازة الشتوية ونكمّل مشوارنا مع بعض. 💚

التسجيل في القادم للأعمار 7-9 سنوات بينتهي بعد أسبوع والمقاعد المتاحة الباقية قليلة. إذا بتحبّوا أطفالكم يعيشوا هاي ال...
23/02/2024

التسجيل في القادم للأعمار 7-9 سنوات بينتهي بعد أسبوع والمقاعد المتاحة الباقية قليلة. إذا بتحبّوا أطفالكم يعيشوا هاي التجربة وبدكم تعرفوا تفاصيل أكتر، شوفوا منشوراتنا السابقة وراسلونا أو حاكونا على 0796428257. 🌻

فتحنا التسجيل في لموسم الربيع القادم!بهالنادي رح نستكشف علاقتنا مع البيئة المحيطة، نعتمد على أنفسنا، نتعلّم نكون جزء م...
19/02/2024

فتحنا التسجيل في لموسم الربيع القادم!
بهالنادي رح نستكشف علاقتنا مع البيئة المحيطة، نعتمد على أنفسنا، نتعلّم نكون جزء من فريق وناخد قرارات جماعيّة، نقضّي وقت بالطبيعة، ونتعلّم بعض مهارات الكشّافة. بتلاقوا تفاصيل أكتر بالمنشور أعلاه. آخر موعد للتسجيل ١/٣. 💚

رجعنا من الإجازة الشتويّة بقلوب تقيلة. بالعادة، منرجع بطاقة متجدّدة وحيويّة على المواسم الجديدة، لكن هي المرّة الوضع مخت...
17/02/2024

رجعنا من الإجازة الشتويّة بقلوب تقيلة. بالعادة، منرجع بطاقة متجدّدة وحيويّة على المواسم الجديدة، لكن هي المرّة الوضع مختلف. مع هيك، بنعتقد إنّه مهم نحافظ على مساحة نموّ وتعلّم آمنة لأطفالنا ونتابع شغلنا، خاصّة بالوقت الراهن مع كل الأسى والعجز والتقل والغضب يلي عم نتعامل معه كلنا، كبار وصغار. لهيك عم نحضّر حاليًّا لبرامج القادم في ويلي رح يبدأ في شهر 3 ويمتد لشهر 5. تابعونا بالأيّام الجاية لتعرفوا تفاصيل أكتر عن الأندية المتاحة والتسجيل فيها.

Address

Lweibdeh
Amman
11181

Website

Alerts

Be the first to know and let us send you an email when Akwan for Holistic Learning أكوان للتّعلّم التّكاملي posts news and promotions. Your email address will not be used for any other purpose, and you can unsubscribe at any time.

Contact The School

Send a message to Akwan for Holistic Learning أكوان للتّعلّم التّكاملي:

Shortcuts

Share

Category