Reykholtsskóli

PEERS® – félagsfærninámskeið fyrir börn og foreldra/forsjáraðila

Við fengum sendar þessar upplýsinar sem er hér með komið á framfæri.
PEERS®, gagnreyndu félagsfærninámskeiði fyrir börn sem vilja efla færni sína í félagslegum samskiptum og vinatengslum.

Á námskeiðinu læra börnin meðal annars leiðir til að eignast vini, viðhalda vinatengslum, taka þátt í samtölum og takast á við ýmsar félagslegar aðstæður. Foreldrar/forsjáraðilar taka virkan þátt og fá verkfæri til að styðja barnið áfram í daglegu lífi.

Námskeiðið fer fram í fjarkennslu og rannsóknir sýna að PEERS® í fjarnámi skilar sambærilegum árangri og staðnám.

Nánari upplýsingar og skráning:

Námskeið - Lífsbrunnur Námskeið Archive - Lífsbrunnur

Þessar gömlu bækur hafa þjónað tilgangi sínum hjá okkur og leita eftir hilluplássi annarsstaðar.
Ykkur er velkomið að koma til okkar í dag, 12. júní til kl. 14 og eftir helgina og velja ykkur eintök.

Skólaárinu lauk formlega í dag með skólaslitum og útskrift 10. bekkjar.
Útskriftarathöfnin fór fram í Aratungu að viðstöddum fjölskyldum útskriftarnema og starfsfólki skólans. Umsjónarkennari útskriftarbekkjarins á síðasta skólaári var Katrín Guðjónsdóttir.
Við athöfnina flutti Agla Snorradóttir kveðjuræðu en hún lætur nú af störfum eftir 27 ára starf við Reykholtsskóla og 43 ára farsælan starfsferil sem grunnskólakennari.
Maggý í Hrosshaga steig í pontu fyrir hönd Kvenfélags Biskupstungna og afhenti útskriftarnemum gjöf sem mun nýtast þeim vel á nýjum tímamótum.
Nemendur fluttu einstaklega fallegt sameiginlegt ávarp þar sem þeir þökkuðu starfsfólki skólans fyrir samfylgdina, stuðninginn og veganestið út í lífið.
Takk fyrir þitt ómetanlega framlag, Agla, og gangi þér vel á nýjum vettvangi.
Til hamingju með áfangann, kæru 10. bekkingar og fjölskyldur. 🎓

Myndir úr fjallgöngum dagsins... Miðstigið fór upp á Kerhól og skoðaði námuna þar einnig... Unglingastigið fór upp á Vörðufell.

Skólaslit og útskrift þriðjudaginn 9. júní...

Undirbúningur haustuppskeru er hafinn þar sem 3. bekkur gróðursetti og sáði fyrir kartöflum, gulrótum, radísum og káli.

Minnum á að það er starfsdagur á morgun!

Í aprílmánuði var hér á síðunni sagt frá ljósmyndakeppninni „Bláskógabyggð með augum barna" sem haldin var í tilefni Barnamenningardaga.

Í dag tóku Þorleifur Máni Guðjónsson í 5. bekk og Thelma Rán Ægisdóttir í 6. bekk við viðurkenningu fyrir þátttöku í keppninni úr hendi Gunnars Gunnarssonar, íþróttafulltrúa Uppsveita og verkefnastjóra Heilsueflandi samfélags. Thelma og Þorleifur fengu líka afhentar myndir sem þau höfðu sent inn í keppnina, útprentaðar á gæðapappír.

Ættum við að biðja þau um leyfi til að fá að birta á síðunni okkar eina mynd Þorleifs og eina mynd Thelmu?

Þessi frábæri hópur nemenda á unglingastigi tók þátt í Skólahreysti síðastliðinn miðvikudag og stóð sig með miklum sóma. 💪

Þau sýndu samstöðu og jákvætt viðhorf, gerðu sitt allra besta og voru umfram allt einstaklega hress, lífsglöð og skemmtileg. Takk fyrir ykkar framlag 🏋️‍♀️

Við erum stolt af okkar fólki og ekki síður þeim hópi nemenda sem kom með og studdu hópinn með góðum hvatningarorðum.
Bestu þakkir til Freydísar og Helga sem fóru með hópinn í Mosfellsbæinn.
Áfram þið🏅
Á myndinni eru Lísa Bríet, Hulda Brá, Adda Sóley, Róbert Þór, Jambó og Mylo.