Foreldrafélag Sunnulækjarskóla

Hér kemur brakandi ferskt fréttabréf. Takk fyrir skólaárið💛

Þá er þessu skólaári lokið og börnin farin hoppandi út í sumarið☀️

Á þessum tímamótum ákvað stjórn foreldrafélagsins að gleðja kennara og annað starfsfólk Sunnulækjarskóla með því að bjóða upp á súkkulaðiköku með kaffinu með þökk fyrir veturinn. Við erum öll í þessu saman og það er gaman að geta sýnt þakklæti á þennan hátt😊
Á myndinni má sjá Dagnýju gjaldkera foreldrafélagsins afhenda Hermanni skólastjóra kökurnar í morgun.

Tenglar í 6. bekk stóðu að vel heppnuðu skemmti og spilakvöldi fyrir nemendur og forráðamenn 3. júní síðastliðinn. Mæting var frábær og það myndaðist mjög skemmtileg stemming að sögn viðstaddra😊

Við vonum að allir bekkir séu búnir að ná að halda viðburð vorannar þar sem krakkarnir hafa náð að njóta sín og foreldrarnir náð að tengjast. Gaman væri að fá sendar upplýsingar um vel heppnaða tenglaviðburði sem við getum deilt svo þeir geti verið öðrum innblástur fyrir haustönnina💪

Nú er aðeins mánuður eftir af skólaárinu og við viljum minna tengla á að fara að huga að seinni viðburði skólaársins ef hann hefur ekki nú þegar verið haldinn. Það er ýmislegt hægt að gera sem er auðvelt í framkvæmd t.d. að hittast í sundi, fara í skógarferð, grilla saman pulsur, halda spilakvöld, útbúa ratleik, fara í fjallgöngu eða kíkja í fjöruna á Stokkseyri.

Foreldrafélag Sunnulækjarskóla styrkir tenglaviðburði um allt að 10.000 kr og það eina sem þarf að gera er að senda okkur kvittun sem sýnir kostnaðinn.

Á myndinni hér að neðan má sjá snjalla krakka í 4. bekk sem hittust á tenglaviðburði í Gesthúsaskógi í síðustu viku og fóru í ratleik. Það má einnig geta þess að heyrst hefur að 7. bekkur hafi hist í Hellisskógi áðan og notið sín í frjálsum leik og útiveru. Foreldrar krakkana nutu sín ekki síður vel í spjalli og náðu að efla tengslin sín á milli😊

Okkur í Foreldrafélagi Sunnulækjarskóla áskotnuðust heill hellingur af miðum á leiksýninguna Skilaboðaskjóðuna hjá Leikfélagi Selfoss þann 19. apríl kl 16:00. Sýningin hefur fengið frábæra dóma og gleður unga sem aldna. Ekki amalegt að geta notið menningar í heimabyggð! 🤩

Sunnó miðarnir eru á sérstöku tilboðsverði eða 3000 kr á mann. Takmarkað magn í boði, fyrstur kemur fyrstur fær. Þeir sem vilja næla sér í miða á sýninguna skulu smella á hlekkinn hér að neðan og skrá sig þar.

Í kjölfarið þarf að leggja aðgangseyrinn inn á reikning foreldrafélagsins og þá er maður kominn á gestalistann🎭
Þess ber að geta að uppselt er á flestar sýningar svo um einstakt tækifæri er að ræða✨

Sunnulækjarskóli
https://www.eventbrite.com/e/skilaboaskjoan-me-sunnulkjaskola-tickets-1985130763552?aff=oddtdtcreator

Takk fyrir komuna á Foreldrapásuna í gær! Vonandi skemmtuð þið ykkur eins vel og við😊 PubQuizið hjá Má féll vel í kramið og móttökurnar á Byrja voru fyrsta flokks👌 Sjáumst vonandi síðar á samskonar viðburði🎉

Örstutt umfjöllun um Foreldrapásuna nk. fimmtudag á fréttavef sunnlenska.is 🥳
Hlökkum til að sjá ykkur sem flest á Byrja Selfossi í góðum gír 🥰

„Vonumst til að sem flestir taki sér smá pásu frá barnauppeldi“ Fimmtudagskvöldið 26. mars stendur Foreldrafélag Sunnulækjarskóla fyrir svokallaðri Foreldrapásu á veitingastaðnum Byrja á Selfossi. Viðburðurinn er að fyrirmynd skandinavískra foreldrafélaga en um…

Foreldrafélagið kom færandi hendi í Sunnulækjarskóla í dag og færði skólanum ýmis tæki og tól fyrir nemendur til að nota í frímínútum. Gjöfin innihélt 24 borðtennisspaða, 200 borðtenniskúlur, 12 borðfótboltabolta, píluspjald og pílur auk tveggja biljarðkjuða.
Félagið vill með þessu styðja við skemmtilega afþreyingu í símalausum skóla.
Á myndinni má sjá Guðmundu Ólafsdóttur ritara foreldrafélagsins afhenda Sólrúnu Sigurðardóttur deildarstjóra elsta stigs gjöfina. Með á myndinni eru hressir krakkar í 4. bekk sem voru að vonum spenntir fyrir þessu öllu saman😊