Prakta - praktískt tónlistarnám

Hér er hægt að horfa á konuna á bakvið Prakta - praktískt tónlistarnám sem áður hét Praktísk söng, lagasmíða og píanókennsla, Þóru Gísladóttur þar sem hún kemur fram með frumsamda tónlist sína í nýrri þáttaröð um íslenskar tónlistarkonur. Þátturinn verður aðgengilegur í sarpinum hjá rúv til 15 júní. Ef vel er að gáð kemur Björn Sigurðsson bassa- gítar og raftónlistarkennari einnig fram með hljómsveit hennar í þættinum. http://ruv.is/sarpurinn/ruv/eldsmidjan/20160516

Eldsmiðjan Ný íslensk þáttaröð í þremur hlutum um s*x konur sem koma saman í smiðju á Patreksfirði og semja tónlist í heila viku. Dagskrárgerð: Eggert Gunnarsson. Framleiðandi: Immi ehf.

Vegna fyrirspurna hefur söng, lagasmíða og píanókennarinn okkar ákveðið að bjóða upp á einkatíma í maí og júní. Hægt er að koma á 10 vikna námskeið sem byrjar fyrstu vikuna í maí og svo verða síðustu tveir tímarnir tvisvar í viku til að ná að klára öll 10 skiptin fyrir byrjun júlí. Einnig er hægt að hafa tímana með styttra millibili fyrir fólk sem fer erlendis/út úr bænum á þessum tíma. Skráning á [email protected]

Mánudaginn 25 apríl verða vortónleikar söngdeildarinnar í Lindakirkju kl 18. Einnig verða opnir tímar á sköpunar og samspils námskeiðinu á venjulegum námskeiðstíma þennan dag. Aðstandendur hjartanlega velkomnir :)

Í dag verður opinn tími fyrir foreldra/forráðamenn hjá þeim sem hafa verið hjá okkur á föstudögum í Sköpun og samspili. Við tökum vel á móti ykkur. :)

Við erum að vinna í nýrri vefsíðu prakta.is
Hún verður tilbúin fljótlega.

Velkomin á glænýju síðuna okkar. Nýja NAFNIÐ okkar er PRAKTA! Við hétum áður Praktísk söng, lagasmíða og píanókennsla en ákváðum að einfalt væri einfaldlega betra :)

Námskeiðin eru þau sömu en við höfum bætt við okkur raftónlistarnámskeiði og sumarnámskeiðum sem við munum auglýsa fljótlega. Við látum námskeiðs upplýsingar og verðskrá fylgja með hér fyrir neðan.

Prakta - praktískt tónlistarnám er klæðskerasniðið að hverjum nemanda eftir áhuga & getu. Hægt að nota FRÍSTUNDASTYRK á öll 10 vikna námskeið. Takmörkuð pláss í boði. Skráning fer fram á [email protected].

VERÐSKRÁ Á HAUSTÖNN 2015:
10 einkatímar í söng,lagasmíðum & píanóleik/söng & lagasmíðum/söng & píanóleik: 62.900 (55 mín.)
10 einkatímar í söng (55 mín): 57.900
10 hóptímar í söng (55 mín) 16 ára og eldri (2-4 í hóp): 42.900
10 hóptímar í söng & lagasmíðum (55 mín.) (2 í hóp): 47.900
Unglinganámskeið í söng 13 - 16 ára (3-4 í hóp) 10 tímar (50 mín.): 37.900
Krakkanámskeið í söng 6-8 ára og 9-12 ára (3-4 í hóp)10 tímar (50 mín): 37.900
Athugið: hópnámskeiðin eru aðeins í boði ef næg þáttaka næst.

NÁMSKEIÐS-LÝSINGAR:
10 vikna KRAKKA- eða UNGLINGANÁMSKEIÐ Í SÖNG sem endar á söngupptöku á einu lagi í hágæða hljóðnema. Helstu atriði sem farið verður í eru raddbeiting, öndun, stuðningur, upphitunartækni, túlkun og hljóðnematækni. Nemendur velja lag fyrir hvern tíma sem þeir æfa heima og farið verður í. Fyrir lengra komna verður einnig æft hvernig hægt er að syngja í röddum og nemendur fá að spreyta sig á að syngja laglínu og rödd. Hver tími er 50 mínútur og skiptist jafnt á milli nemenda. Söngupptakan fer fram "live" í síðustu kennslustundinni. Tónleikar verða í lok námskeiðs fyrir þá sem þess óska.
Verð: 37.900 (hóptímar)

10 VIKNA SÖNG-NÁMSKEIÐ sem endar á söngupptöku í hágæða hljóðnema. Söngnámið er einstaklingsmiðað en helstu atriði sem farið verður í eru raddbeiting, öndun, stuðningur, upphitunartækni, túlkun og hljóðnematækni. Í boði eru einkatímar og hóptímar þar sem tveir eru saman og báðir einstaklingar fá að njóta sín. Hver tími er 55 mínútur, hóptíminn skiptist jafnt til helminga. Söngupptakan fer fram "live" í síðustu kennslustundinni. Tónleikar verða í lok námskeiðs fyrir þá sem þess óska. Athugið að hóptímar fyrir eldri en 16 ára eru einungis í boði fyrir tvo til fjóra aðila saman ef næg þáttaka næst og unglinga og krakka einungis fyrir þrjá til fjóra. Sjá verðskrá fyrir unglinga- og krakkahópnámskeið.
Verð - Einkatímar: 57.900
Verð - Hóptímar: 42.900 (16 ára og eldri)
Verð - Hóptímar Krakka/Unglinganámskeið: 37.900

10 VIKNA SÖNG & LAGASMÍÐA-NÁMSKEIÐ er einnig einstaklingsmiðað. Helstu atriði sem farið verður í eru raddbeiting, öndun, stuðningur, túlkun, hljóðnematækni, lagasmíðar, form og uppbygging. Stefnt verður að því að nemandi semji lag en útkoman fer eftir iðjusemi nemanda þ.e.a.s. hvort hægt verði að taka upp fullklárað lag í lok námskeiðs. Ef ekki, er hægt að velja annað lag til upptöku í staðinn. Hver tími er 55 mínútur, hóptíminn skiptist jafnt til helminga. Söngupptakan fer fram "live" í síðustu kennslustundinni með píanóundirleik. Tónleikar verða í lok námskeiðs fyrir þá sem þess óska. Athugið að hóptímar eru einungis í boði fyrir tvo saman ef næg þáttaka næst.
Verð - Einkatímar: 62.900
Verð - Hóptímar: 47.900

10 VIKNA SÖNG & PÍANÓ-NÁMSKEIÐ. Helstu atriði sem farið verður í eru raddbeiting, öndun, stuðningur, upphitunartækni, túlkun, hljóðnematækni, píanóleikur eftir hljómum, hljómar kenndir í sinni einföldustu mynd upp í flóknari hljóma, grunnur lagður að því að spila eftir eyra þar sem þekkt dægurlag að eigin vali er notað til að hlusta eftir laglínu, takti, bassalínu ofl. Nýtist öllum sem vilja geta spilað undir eigin söng eða annarra, æft kórnótur (nótnalestur) svo eitthvað sé nefnt. Upptaka fer fram "live" í síðustu kennslustundinni. Ef næg þáttaka næst verða tónleikar í lok námskeiðs fyrir þá sem þess óska. Hver tími er 55 mínútur. Aðeins einkatímar í boði.
Verð - Einkatímar: 62.900 (12 ára og eldri)
(Ath! Hægt er að óska eftir undanþágu fyrir yngri börn og metið verður hvort það þetta námskeið henti barninu.)

Staðfestingargjald 20.000 kr er greitt við innritun til að tryggja pláss og er óendurkræft. Kennt er í Uppsölum 3, 201 Kóp (aðstaða í Lindakirkju), Hátúni 2, kjallara (aðstaða í Fíladelfíu) og í efra Breiðholti. Þessi námskeið tengjast ekki kirkjustarfsemi og eru sjálfstætt starfandi. Nánari upplýsingar: [email protected] eða 771-6259. Kennarar eru Þóra Gísladóttir og Björn Sigurðsson.