Nánari upplýsingar er að finna í síma 562-4884 milli 0800-1600 eða senda póst á [email protected] Flestir nemendur skólans eru starfandi á fiskiskipum.
Slysavarnaskóli sjómanna tók til starfa árið 1985, en markmið skólans er samkvæmt lögum að efla öryggisfræðslu sjómanna með öflugum skóla sem uppfyllir íslenskar og alþjóðlegar kröfur um þjálfun sjómanna og að auka þjónustu við sjómenn og fleiri aðila í tengslum við sjó og vötn. Samkvæmt íslenskum lögum ber öllum sem starfa á sjó að hafa farið í gegnum öryggisfræðslu. Einnig eru gerðar kröfur um a
29/05/2026
Í dag fagnar Slysavarnaskóli sjómanna 41 árs afmæli.
Í rúma fjóra áratugi hefur skólinn unnið að auknu öryggi sjómanna með fræðslu og þjálfun. Á myndunum má sjá brot af starfi skólans í dag, fjarnám smábátasjómanna, þjálfun í siglingahermum og verklegar æfingar í notkun líf- og léttbáta.
Við þökkum öllum nemendum, kennurum og samstarfsaðilum fyrir samfylgdina.
09/04/2026
Vorfundur smábátasjómanna fer fram á eftir.
VIð minnum á fundinn kl 17:00 í dag en að honum standa Landssamband smábátaeigenda, Samgöngustofa og Slysavarnaskóli sjómanna.
Fundurinn fer fram á netinu en hann verður einnig sýndur í húsakynnum Slysavarnafélagsins Landsbjargar víða um land. Þar gefst tækifæri til að hitta mann og annan yfir kaffibolla og fylgjast með fundinum.
Dagskrá fundarins, staðsetningar og hlekkur á streymi má finna á vefsíðunni island.is/vorfundur
04/02/2026
Samningur hefur verið undirritaður milli Slysavarnafélagsins Landsbjargar og nýsköpunarfyrirtækisins Alda Öryggi um notkun á öryggisstjórnunarkerfi Öldunnar um borð í björgunarskipum Landsbjargar og samvinnu um áframhaldandi þróun kerfisins.
Það er Slysavarnafélaginu einstaklega ánægjulegt að taka upp þetta samstarf, enda byggir það á frumkvöðlalausnum sem og hugmyndum sem kviknuðu um borð í Sæbjörgu, skólaskipi Slysvarnaskóla sjómanna.
Markmið samstarfsins er að vinna áfram að því að Íslendingar verði áfram leiðandi í öryggismálum sjómanna en ekki síst að færa öryggisstjórnun, þjálfun og yfirsýn um stöðu áhafna björgunarskipa og báta Landsbjargar inn í nútímalegt kerfi.
Það fellur einnig einstaklega vel að þeim áformum félagsins að taka yfir réttindakennslu áhafnameðlima í samræmi við nýlega lagabreytingu Alþingis.
Öryggisstjórnunarkerfi Öldunnar er nú þegar í notkun hjá stórum hluta íslenska fiskiskipaflotans og það er félögum í Slysavarnafélaginu Landsbjörg mikilvægt en jafnframt afar ánægjulegt að taka virkan þátt í áframhaldandi þróun kerfisins.
Meðfylgjandi er ljósmynd frá undirritun samningsins, á henni eru f.v. Bogi Þorsteinsson, skólastjóri Slysavarnaskóla sjómanna, Gísli Níls Einarsson, framkvæmdastjóri Öldunnar, Björn J. Gunnarsson, verkefnastjóri sjóbjörgunar hjá Slysavarnafélaginu Landsbjörg og Kristján Þór Harðarson, framkvæmdastjóri Slysavarnafélagsins Landsbjargar.
🛟⚓Hluti af grunnnámskeiði Slysavarnaskóla sjómanna er þyrluæfing með Landhelgisgæslunni.
Þar eru nemendur meðal annars hífðir frá báti og sjó upp í þyrlu LHG. Æfingin miðar að því að undirbúa nemendur fyrir þær hættur sem geta skapast á sjó og kenna þeim rétt viðbrögð við slíkum aðstæðum.
04/11/2025
Það var einstaklega rausnarleg gjöf sem Slysavarnaskóli sjómanna fékk við lok ársþings Sjómannasambands Íslands á dögunum.
Við þökkum Sjómannasambandinu, félagi skipstjórnarmanna og félagi vélstjóra og málmtæknimanna fyrir styrkinn. Hann mun koma að góðum notum, til dæmis í kaup á búnaði fyrir skólann.
Sjá nánar um styrkinn og tilefnið 👇
03/10/2025
⛴️ Þökkum VÍS kærlega fyrir heimsóknina og veglega gjöf.
Flotbjörgunarbúningarnir munu sannarlega koma að góðum notum í starfi Slysavarnaskóla sjómanna.
| Monday | 08:00 - 15:30 |
| Tuesday | 08:00 - 15:30 |
| Wednesday | 08:00 - 15:30 |
| Thursday | 08:00 - 15:30 |
| Friday | 08:00 - 15:30 |