Bataskóli Íslands

Ert þú til í að prófa ókeypis geðræktar-appið HappApp og gefa endurgjöf sem hjálpar okkur að þróa appið áfram?

Þú finnur appið hér:
iPhone: https://apps.apple.com/is/app/happapp/id6736366027
Android: https://play.google.com/store/apps/details?id=is.happApp.app&pcampaignid=web_share
(Ef þú ert í tölvu, geturðu skannað QR-kóðann á myndinni)

Hvernig fer prófunin fram?

📱 Þú sækir appið og byrjar strax að nota það.
🤳 Þú prófar eins margar æfingar og þú vilt gera.
📝 Eftir u.þ.b. 2 vikur færðu hlekk á nafnlausan spurningalista þar sem spurt er út í upplifun þína af appinu.

Við mælum með að kveikja á áminningum svo þú munir eftir því að nota appið. Það er alltaf hægt að slökkva á þeim.

✨Endurgjöf þín hjálpar okkur að þróa og bæta appið áfram✨

Þróun HappApp er hluti af evrópska samstarfsverkefninu MENTOR (Joint Action Mental Health Together). Nánari upplýsingar um verkefnið má finna á: https://ja-mentor.eu/
Appið er einnig þróað í samstarfi við Embætti landlæknis, sem er þátttakandi í MENTOR-verkefninu.

Takk fyrir að leggja þitt af mörkum 💛

Fyrsti tíminn í kvíðanámskeiðinu okkar er að hefjast á morgun þar sem þau Kristján og Rakel munu fjalla um einkenni og eðli kvíða og hvernig hægt er að finna leiðir til þess að láta kvíðann ekki stjórna lífi sínu og ákvörðunum.

Með jákvæðni og opnu hugarfari er okkur ekkert ómögulegt. Tilgangur námskeiðsins er að nemendur öðlist betri skilning á kvíða og að hann sé eðlilegur og geti jafnvel verið hjálplegur 💛

Á morgun fer svo fram fyrsti tíminn í Batahugmyndafræðinni þar sem þau Helga og Bergþór munu fjalla um meginhugtök batahugmyndafræðinnar, réttindi og samfélagsúrræði ásamt því að nemendur skilji væntingar sínar og stöðu gagnvart batahugmyndafræðinni.

Í dag, 13. mars, er Alþjóðlegur svefndagur. 😴

Þema dagsins þetta árið er Sofðu vel, það auðveldar lífið!

Í Bataskólanum kennum við einstaklega skemmtilegt námskeið um svefn og mikilvægi þess að ná góðum svefn.

Góð atriði til að hafa í huga þegar kemur að svefn er t.d. að hafa reglu á svefninum, hvenær maður vaknar og sofnar. Gott er að draga úr skjánotkun tveimur tímum fyrir svefn og hafa dimmt og hljóðlátt í herberginu.

Skráning á næstu önn í Bataskólann er í fullum gangi á bataskoli.is

Sofið vel í nótt! 😴😴

Verður þú með okkur í Bataskólanum í vor?

Opnað hefur verið fyrir umsóknir á vetrarönn sem hefst þann 7. apríl næstkomandi. Allar upplýsingar um skólann og lýsingar á námskeiðum er að finna á bataskoli.is en þar er einnig hægt að sækja um með því að smella á hnappinn "Sækja um".

Við hvetjum áhugasöm til þess að sækja um en Bataskólinn er nemendum að kostnaðarlausu. Þess má geta að skólinn er aðallega hugsaður fyrir einstaklinga með geðrænar áskoranir en er líka opinn aðstandendum þeirra ásamt starfsfólki á heilbrigðis- og velferðarsviði.

Hægt er að fá frekari upplýsingar um skólann í gegnum skilaboð hér á facebook eða í gegnum tölvupóst [email protected]

Á miðvikudaginn verður gestafyrirlestur í Bataskólanum.

Hún Hrefna Guðmundsdóttir ætlar að koma og ræða við okkur um hamingju.

Hrefna er vinnu- og félagssálfræðingur og sérhæfir sig í Jákvæðri sálfræði. Skrifaði hún bókin "Why are Icelanders so Happy". ✨

Allir skráðir nemendur í Bataksólanum eru velkomnir á gestafyrirlesturinn!

Í dag hefst námskeiðið Bati í umhverfinu með þeim Hafdísi og Páli þar sem farið verður í það hvernig hægt sé að nota náttúruna og þann frið sem þar er að finna til að öðlast meiri bata.

Unnið verður að því að virkja nemendur í að uppgötva hvernig vera og skynjun í náttúrunni getur leitt til innihaldsríkara lífs. Nýtum náttúruna í kringum okkur til þess að líða betur! 🌞

Í dag fer fram fyrsti tíminn í Virkni í samfélaginu þar sem þau Tara Björk frá Vinnumálastofnun og Bergþór jafningjafræðari og notendafulltrúi munu kynna þau tæki og tól auk úrræða sem bjóðast fólki með geðrænar áskoranir til að auka virkni sína í samfélaginu.

Á námskeiðinu verður fjallað um markmiðasetningu, valdeflingu og áhugahvöt, auk þess sem komið er inn á mikilvægi þess að hver og einn finni sína eigin leið. Atvinnumarkaðurinn er krufinn, bent á samspil bata og virkni í tengslum við vinnu og farið yfir ýmsar leiðir til stuðnings fyrir þá sem þurfa aðstoð við að taka fyrstu skrefin í átt að henni.

Þunglyndi er alvarlegur og algengur sjúkdómur sem ekki fer í manngreinarálit og allir geta lent í að upplifa einhvern tímann á æviskeiði sínu.

Það er hins vegar margt sem hægt er að gera til þess að sporna gegn þunglyndi, þar á meðal að læra að þekkja einkennin, koma sér upp leiðum og góðum ráðum til þess að koma sér úr þunglyndi og finna aftur gleðina í lífi sínu.

Þekktu þunglyndið hefst í Bataskólanum í dag en þetta er tilvalið námskeið fyrir alla til að öðlast betra líf 💛

Í dag hefst námskeiðið Allir geta lært þar sem þær Esther og Sigrún munu fjalla um nám, námserfiðleika og ýmiss konar bjargráð sem geta hjálpað nemendum að komast yfir hindranir í námi. Gott námskeið fyrir alla sem vilja bæta námsfærni sína!

Í dag hefst ný önn í Bataskólanum í Sóltúni 26 en í fyrsta tímanum munu þær Nína Rannveig Daðadóttir verkefnastjóri og Sigrún Sigurðardóttir jafningjafræðari kynna skólann og batahugmyndafræðina sem hann byggir á.

Á þessu námskeiði verður fjallað um hvernig nemendur móta sjálfir nám sitt í skólanum og fá stuðning við að setja sér markmið um það sem óskað er eftir að fá út úr náminu, en rætt verður um gagnrýna hugsun og vísindi, auk þess sem nemendur kynnast ýmsum námsstílum.

Við í Bataskólanum viljum vekja athygli á því að skólinn hefur fært sig um set, en ný önn hefst á morgun í Sóltúni 26. Inngangurinn er við götuna (ekki aðalinngangurinn á hlið hússins) en hurðin er merkt Bataskólanum.

Á morgun fer fram fyrsti tíminn, Velkomin í Bataskólann, þar sem þær Nína verkefnastjóri Bataskólans og Sigrún jafningjafræðari munu kynna skólann og batahugmyndafræðinni sem hann byggir á, en við mælum með því að allir nemendur velji sér þetta inngangsnámskeið.

Næsta önn í Bataskólanum hefst þann 6. janúar næstkomandi en ennþá eru örfá laus pláss fyrir áhugasama.

Markmið okkar í Bataskólanum er að styðja við einstaklinga sem glíma við geðrænar áskoranir með því að bjóða upp á fjölbreytt námskeið sem öll fjalla um geðheilsu, bata og leiðir til að efla lífsgæðin.

Hægt er að sækja um í skólanum á bataskoli.is/umsoknir eða með því að hafa samband á [email protected] en þess má geta að skólinn er nemendum að kostnaðarlausu.