Lögrétta, félag laganema við Háskólann í Reykjavík

Stéttarfélag Lögfræðinga er nú stoltur styrktaraðili Lögréttu!

Auður Bjarnadóttir, formaður, og Bjarki Snær Sigurðsson, gjaldkeri, undirrituðu nýlega samstarfsamning við Stéttarfélag Lögfræðinga, en í tilkynningu þeirra kemur eftirfarandi fram:

Við erum afar ánægð með að hefja þetta samstarf og hlökkum til að styrkja tengslin við laganema strax á námsárunum.

Markmið samstarfsins er að kynna starfsemi Stéttarfélags lögfræðinga fyrir nemum og veita þeim innsýn í þau réttindi og þá þjónustu sem standa þeim til boða þegar þau hefja störf á vinnumarkaði.

Félagið veitir m.a. ráðgjöf:
– við fyrstu ráðningar
– um ráðningasamninga
– fyrir launa- og starfsþróunarviðtöl
– um túlkun kjarasamninga

Nemar eru hjartanlega velkomnir í félagið, sama hvar þeir starfa – og geta strax byrjað að ávinna sér réttindi í sjóðum félagsins. Við hlökkum til samstarfsins við Lögréttu.

Á myndinni má sjá Bjarka Snæ, gjaldkera, og Auði Bjarnadóttur, formann Lögréttu, ásamt Jóhanni Gunnari Þórarinssyni, formanni SL, og Önnu Margréti Steingrímsdóttur, leiðtoga stafrænnar þjónustu, félags- og markaðsmála Stéttarfélags Lögfræðinga.

Dr. Hafsteinn Dan Kristjánsson, prófessor við lagadeild HR birti í dag Selecta-greinina: Leiðir regluna í H 7/2026 (áfrýjunarfrestur) af eðli máls?

Þann 17. mars var lagabreytingafundur Lögréttu haldinn. Um var að ræða fyrsta lagabreytingafund í tæp 11 ár, en seinasti fundur var haldinn 27. mars 2015.

Alls voru 29 breytingartillögur lagðar fram á fundinum og allar tillögur voru samþykktar að undanskildum fimm tillögum, en þær voru samþykktar eftir breytingartillögur frá félagsmönnum.
Helstu breytingarnar voru þær að embætti markaðsstjóra Lögréttu bættist við stjórn félagsins og lögfest var frekari fyrirhyggja í fjármálum félagsins í tengslum við embætti gjaldkera. Nýju lögin má finna í heild sinni á heimasíðu félagsins undir flipanum „Um Lögréttu“ og „Lögin“.

Boðun til lagabreytingafundarins og framkvæmd fundarins fór eftir þágildandi 49. gr. laga Lögréttu (núgildandi 50. gr.).

Við þökkum þeim félagsmönnum sem sóttu fundinn kærlega fyrir komuna og fyrir vel heppnaðan fund!

Skattadagur Lögfræðiþjónustu Lögréttu fór fram 8. mars sl. og heppnaðist einstaklega vel. Fjölmargir mættu og fengu ókeypis aðstoð frá laganemum við gerð skattframtala. Við viljum færa Grant Thornton endurskoðun ehf. okkar bestu þakkir fyrir dýrmæta aðstoð, sem og öllum þeim sjálfboðaliðum sem hjálpuðu til við framkvæmd dagsins.
Við hlökkum til að sjá ykkur aftur á næsta ári!

Framkvæmdastýrur Lögfræðiþjónustu Lögréttu, Elísabet Kristjánsdóttir og Hulda Fanný Pálsdóttir var boðið í viðtal hjá Rás 2 í morgun til þess að ræða gerð skattframtala í tilefni af Skattadegi Lögfræðiþjónustu Lögréttu sem er framundan. Takk kærlega fyrir boðið og sjáumst á sunnudaginn!

https://www.ruv.is/utvarp/spila/morgunutvarpid/23822/bilibd/logretta-hjalpar-med-skattframtalid?fbclid=IwY2xjawQWb7VleHRuA2FlbQIxMQBzcnRjBmFwcF9pZAEwAAEeDEBQ-lz7Ml_yAxO7TvBzn4AZ0-4IqgqS5J00cZY_r878RhlmuAiazRB-WTA_aem_q4EzOcJ_Ln8Z8KHSFF0i6A

Morgunútvarpið - Spilari RÚV Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.

Lögrétta hitti nýverið ELSA Westminster og ELSA Queen Mary til að skapa tækifæri til tengslamyndunar milli breskra og íslenskra laganema. Viðburðurinn var haldinn á háskólasvæði Westminster-háskóla, þar sem hvor hópur fyrir sig hélt kynningu um háskólalíf og réttarkerfi heimalands síns.
Kærar þakkir fyrir að taka svona vel á móti okkur og sýna okkur hlýjar móttökur! Við hlökkum til framtíðarviðburða.

Áhugaverð frétt um málþing Málfundafélags Lögréttu “Umbrotatímar í Norðri, alþjóðalög og Ísland” 💙

Málfundafélag Lögréttu stóð fyrir hádegisfundi í vikunni með yfirskriftinni “Umbrotatímar í norðri, alþjóðalög og Ísland”. Framsögumenn voru Rachael Lorna Johnstone, Dr. Þórdís Ingadóttir og Pawel Bartoszek. Við þökkum öllum kærlega fyrir komuna.

Nú á dögum var Selecta-greinin „Hver á Grænland? Nýlendustefna og afnám nýlendustjórnar” birt vef tímaritsins.

Höfundur greinarinnar, Rachael Lorna Johnstone, er prófessor í lögræði og brautarstjóri heimskautaréttar við Háskólann á Akureyri, og aðjúnkt prófessor við Háskólann í Grænlandi. Hún hefur kennt þjóðarétt við Háskólann í Grænlandi í fimmtán ár.

Nálgast má greinina hér: https://www.timaritlogrettu.is/selecta/aXYvYhEAAB8ANGeu

Dr. Jur. Arnljótur Ástvaldsson, lektor við lagadeild Háskólans í Reykjavík hefur birt fræðigreinina: Ábyrgð hluthafa samkvæmt íslenskum hlutafélagarétti: um meginregluna um takmarkaða ábyrgð hluthafa og ábyrgð hluthafa samkvæmt lögfestum og ólögfestum reglum hlutafélagaréttar.

Nálgast má greinina, auk annarra á https://www.timaritlogrettu.is/

Eiríkur Elís Þorláksson, dósent við lagadeild HR og Hafsteinn Dan Kristjánsson, prófessor við lagadeild HR birtu í dag Selecta-greinina: Er heimilit að hafa aðeins uppi frávísunarkröfu fyrst í flýtimeðferðarmálum?

Lögrétta hvetur áhugasama að kynna sér þetta einstaka tækifæri!

Kynningarfundur – EES-málflutningskeppnin

Kynningarfundur fyrir EES-málflutningskeppnina verður haldinn miðvikudaginn 22. október 2025, kl. 15:15, í stofu M102. EES-málflutningskeppnin er skipulögð af Eftirlitsstofnun EFTA (ESA) í Brussel og í ár fer keppnin fram á Íslandi, í húsakynnum Hæstaréttar Íslands, dagana 14.-15. mars 2026. Hildur Hjörvar, lögfræðingur hjá ESA, verður á staðnum og segir nánar frá keppninni. Um er að ræða einstakt og spennandi tækifæri fyrir áhugasama nemendur við lagadeild HR til að öðlast alþjóðlega reynslu og þjálfun í úrlausn raunhæfra álitaefna á sviði Evrópu-/EES-réttar og í málflutningi. Lið lagadeildar HR sigraði keppnina fyrir tveimur árum eftir spennandi viðureignir við aðrar lagadeildir frá Noregi og Íslandi, auk þess að hljóta verðlaun fyrir bestu skriflegu greinargerðina og málflutningsmann keppninnar. Sigurvegarar keppninnar hljóta glæsileg verðlaun, sérstaka ferð til Brussel og Lúxemborgar þar sem helstu stofnanir eru heimsóttar.

//

Introductory meeting – The EEA Moot Court Competition

Introductory meeting for the EEA Moot Court Competition will be held on 22 October 2025, at 15:15, in room M102. The EEA Moot Court is organised by the EFTA Surveillance Authority (ESA) in Brussels, and this year the competition takes place in Iceland, and will be hosted at the Supreme Court of Iceland, on 14-15 March 2026. Hildur Hjörvar, Legal Adviser at ESA, will be present and tell us more about the competition. This is a unique opportunity for motivated students to gain international experience and deal with topical legal issues in EU/EEA law, as well as experience in litigation. Two years ago, the team from Reykjavik University won the competition, and also received prizes for the best speaker and the best written pleadings The winners of the moot court will receive a fantastic prize: a VIP trip to Luxembourg and Brussels, where institutions such as the Court of Justice of the European Union, the EFTA Court and the EFTA Surveillance Authority will be visited.