21/04/2026
❤️1.300 leikskólabörn syngja, fimm tónlistarskólar, 117 tónlistarnemar og 73 hljómsveitarnemar flytja tónlist eftir Dr. Gunna - Gunnar Hjálmarsson í útsetningum Haraldar Vignis Sveinbjörnssonar í Eldborg í Hörpu í dag.
🤩Börnin eru búin að vera að æfa lög Dr. Gunna í vetur og syngja nokkur vel valin lög eftir hann í Eldborgarsalnum. Það er mikil eftirvænting meðal barnanna og þau voru mjög prúð og stillt á meðan á atriðinu stóð og sungu fullum hálsi.
💕Tónleikarnir eru meðal fastra dagskrárliða á Barnamenningarhátíð og alveg einstakt að sjá börnin, sem eru á sjötta ári, syngja af innlifun á sviðinu og unga tónlistarfólkið sér um undirspil. Og Eldborgarsalurinn er þéttsetinn af foreldrum, ömmum, öfum, frænkum og frændum.
🤝Söngvavor er samvinnuverkefni Tónskóla Sigursveins, Tónskólans í Reykjavík, Tónmenntaskóla Reykjavíkur, Allegro Suzukitónlistarskóla, Tónskóla Eddu Borg, 62 leikskóla í Reykjavík og Barnamenningarhátíðar í Eldborgarsal Hörpu.
🙌Ungu söngvararnir, tónlistarfólkið, starfsfólk leikskóla og tónlistarskóla og skipuleggjendur eiga öll hrós skilið fyrir frábæra dagskrá!
Barnamenningarhátíð í Reykjavík
