Íþrótta- og heilsufræði

👉 Svefn
👉 Hreyfing
👉 Þrek
👉 Andleg líðan

Heilsuhegðun ungra Íslendinga er langtímarannsókn á stöðu heilbrigðisþátta ungra Íslendinga og tengsl þeirra við svefn, hreyfingu og skólaumhverfi. Rannsóknin er unnin af vísindamönnum við Háskóla Íslands.

Nýjustu niðurstöðum rannsóknarinnar er nú miðlað á sérsíðu á Facebook.

Heilsuhegðun ungra Íslendinga Heilsuhegðun ungra Íslendinga er langtímarannsókn á stöðu heilbrigðisþátta ungra Íslendinga og tengsl þeirra við svefn, hreyfingu og skólaumhverfi. Rannsóknin er unnin af vísindamönnum við Háskóla Íslands.

Þórdís Gísladóttir, dósent við HÍ, hefur rannsakað hreyfingu grunnskólanema í 6., 8. og 10. bekk ásamt samstarfsfólki sínu. Niðurstöður þeirra sýna að einungis einn af hverjum fimm nemendum nær viðmiðum um ráðlagða daglega hreyfingu. Þórdís ræddi við umsjónarmenn morgunþáttarins á Bylgjunni um niðurstöður rannsóknanna.

Börn hreyfa sig of lítið samkvæmt nýrri rannsókn - Vísir Þórdís Lilja Gísladóttir, dósent í íþrótta- og heilsufræði við Menntavísindasvið Háskóla Íslands ræddi við okkur

Birna Varðardóttir, doktorsnemi við HÍ, vinnur nú að rannsókn um næringarástand íslensks íþróttafólks.

Birna var í ítarlegu viðtali í helgarblaði Fréttablaðsins.

Íþróttafólk upplifir pressu vegna útlits og þyngdar Birna Varðardóttir vinnur nú að rannsókn um næringarástand íslensks íþróttafólks. Sjálf þekkir hún af eigin raun sem íþróttakona hver áhrif ófullnægjandi næringar á árangur geta verið en á unglingsárunum glímdi hún við átröskun.

Erlingur Jóhannsson, prófessor við HÍ, segir að ungmenni sofi og hreyfi sig of lítið. Þetta sýna rannsóknir sem gerðar hafa verið á heilsuhegðun ungra Íslendinga. Töluverð breyting, til hins verra, verður á milli skólastiga og hafa vísindamenn við Háskólann rætt við skólayfirvöld um hvað sé til ráða. Meðal annars að seinka skóladeginum til klukkan 9.

Erlingur var gestur á Morgunvaktinni á RÚV.

Hlusta á viðtalið 👉 https://bit.ly/2XxS1lA

„Þrátt fyrir þessar sláandi niðurstöður þá engu að síður náði 83% nemenda að hreyfa sig að minnsta kosti þrisvar í viku og við ályktum að skólaíþróttirnar skipti þar höfuðmáli,“ segir Þórdís Gísladóttir, dósent við HÍ. „Við vitum að mjög margir skólar eru að reyna að auka við hreyfingu fyrir utan þessa þrjá lögbundnu íþróttatíma.“

Rannsókn á hreyfingu skólabarna var kynnt á nýliðinni Menntakviku.

Fjórir af hverjum fimm krökkum hreyfa sig ekki nóg Fjórir af hverjum fimm nemendum í 6., 8. og 10. bekk uppfylla ekki viðmið um ráðlagða daglega hreyfingu. Þetta sýnir ný rannsókn. Strákar hreyfa sig meira en stelpur og skólaíþróttir skipta sköpum fyrir börn sem ekki eru í skipulagðri hreyfingu.

„Breytileiki í svefni kemur þegar einstaklingur er að fara að sofa og vaknar á mjög óreglulegum tímum yfir vikuna. Þessi breytileiki hefur áhrif á holdafar hjá íslenskum ungmennum. Augljóst er að meiri breytileiki sést á svefni þeirra nemenda sem greina frá meiri skjátíma og þeirra sem mælast með minni hreyfingu, sérstaklega meðal drengja,“ segja þau Erlingur Jóhannsson, prófessor við HÍ, og Rúna Sif Stefánsdóttir, doktorsnemi við skólann

Annað sem kom þeim verulega á óvart í niðustöðum rannsóknarinnar var að nemendur sem stunda nám í fjölbrautakerfi sváfu lengur á skóladögum en nemendur í bekkjakerfi. „Aftur á móti fóru nemendur í bekkjakerfi fyrr á fætur og það gerði að verkum að þeir nemendur voru að sofa að meðaltali um 25 mínútum styttra. Hins vegar sást enn meiri breytileiki í svefni ungmenna sem voru í fjölbrautakerfi miðað við bekkjakerfi."

Meira um rannsóknina Heilsuhegðun ungra Íslendinga í Fréttablaðinu í dag.

Íslensk ungmenni fara of seint að sofa Niðurstöður rannsóknarhóps í íþrótta- og heilsufræði við Menntavísindasvið Háskóla Íslands sýna að svefntími unglinga styttist milli 15 og 17 ára aldurs.

📌 Hvernig eigum við að kynna mat?
📌 Hvers vegna eigum við enn langt í land með að auka ávexta- og grænmetisneyslu?
📌 Hvað er vistkerafæði?
📌 Hverjir hafa áhrif á fæðuval?
📌 Hvernig virkjum við öll skynfæri þegar við borðum?

Í sjöunda þætti vísindahlaðvarpsins Heilsuhegðun ungra Íslendinga eru mataræði, næring og heilsa til umræðu. Viðmælendur þáttarins eru Anna Sigríður Ólafsdóttir, prófessor í næringarfræði og Baldur Steindórsson, nemi við Menntaskólann í Hamrahlíð.

Næring er rauður þráður í lífi okkar allra. Sterkustu áhrifavaldararnir þegar kemur að fæðuvali ungs fólks eru foreldrar. Þegar neikvæð fæðuhegðun er annars vegar þá benda rannsóknir til að vinir hafi meiri áhrif. Þau Anna Sigríður og Baldur velta því fyrir sér hvernig efla megi mataræði og meðvitund ungs fólks um hollan mat. Orkudrykkir, grænkerafæði, matvendni og unninn matur koma einnig við sögu.

Rannsóknir Önnu Sigríðar eru á sviði næringar, heilsu og lífshátta. Heilsuhegðun og þyngdarstjórnun eru meðal viðfangsefna þar sem horft er til heilsueflingar, forvarna og meðferðar. Hún hefur meðal annars unnið að rannsóknum á gildi skólamáltíða í grunnskólum á Norðurlöndum, heilsueflingu í framhaldsskólum og Heilsuskólanum - fjölskyldumiðaðri meðferð við offitu barna. Síðustu ár hefur Anna Sigríður meðal annars stýrt rannsóknunum Bragðlaukaþjálfun og UPRIGHT.

Þetta og miklu meira í sjöunda þætti vísindahlaðvarpsins Heilsuhegðun ungra Íslendinga.

https://spoti.fi/2WYM8gW

Umsjónarmaður hlaðvarpsins er Markús Þór Þórhallsson útvarpsmaður.

Hvað ertu að borða? Ertu að borða nóg?

Reglubundin hreyfing og þátttaka í skipulögðu íþróttastarfi hefur margvísleg jákvæð áhrif á heilsu, líðan og árangur í leik og starfi. Að mörgu er þó að huga og miklu máli skiptir að þjálfunarmagn, orku- og næringarefnainntaka, sem og önnur heilsuhegðun, styðji sem best við heilsu- og árangurstengda þætti. Sé það ekki raunin er hætt við að jákvæð áhrif íþróttaiðkunar geti með tímanum snúist upp í andhverfu sína.

Birna Varðardóttir, aðjúnkt og doktorsnemi í íþrótta- og heilsufræði, var gestur í Bítinu á Bylgjunni.

Hægt er að kynna sér nánar doktorsverkefni Birnu á vefnum https://redi.hi.is/

Ertu að borða nóg? - Vísir Birna Varðardottir aðjunkt og doktorsnemi í íþrótta og heilsufræði ræddi við okkur

📌 Hver eru áhrif umhverfis á heilsu?
📌 Hvað þýðir „heilsa“?
📌 Á siðfræðin meira erindi við okkur nú en áður?
📌 Er umhverfi okkar heilsusamlegra en það var?
📌 Er ungt fólk í dag duglegt við að knýja fram breytingar?
📌 Hafa samfélagsmiðlar straumlínulagað hugmyndir um hlutverk okkar?

Í sjötta þætti vísindahlaðvarpsins Heilsuhegðun ungra Íslendinga er rætt um áhrif umhverfis á heilsu. Ástríður Stefánsdóttir, læknir og dósent í siðfræði og Katrín Ólafsdóttir, doktorsnemi við HÍ ræða saman og skiptast á skoðunum um ólíka þætti í þjóðfélaginu sem hafa raunveruleg áhrif á líðan og heilsu fólks. Óljós hlutverk okkar í flókinni samfélagsgerð nútímans hefur meðal annars haft það í för með sér að vaxandi þungi er á siðfræðimenntun fagstétta.

Ástríður hefur lengi tekið virkan þátt í umfjöllun um siðferðileg álitamál í samtímanum á opinberum vettvangi. Katrín vinnur nú um stundir að viðamikilli rannsókn um upplifun geranda af ofbeldi í nánum samböndum.

Þetta og miklu meira í sjötta þætti vísindahlaðvarpsins Heilsuhegðun ungra Íslendinga.

https://spoti.fi/3lEkuOQ

Umsjónarmaður hlaðvarpsins er Markús Þór Þórhallsson útvarpsmaður.

Menntavísindasvið býður áhugasömum grunn- og meistaranemum sem hafa hug á að taka að sér forystuhlutverk í þágu Háskólans að taka þátt í leiðtoganámskeiði hjá Dale Carnegie.

Námskeiðið hentar einkum þeim sem:

👉 hafa hug á að taka virkan þátt í starfi nemendafélaga innan HÍ
👉 hafa áhuga á að taka þátt í kynningarstarfi á námi sinu
👉 hafa hug á að sitja deildar- eða námsbrautarfundi innan Menntavísindasviðs fyrir hönd nemenda

Námskeiðið gefur þátttkendum verkfæri til að auka sjálfstraust sitt, sýna leiðtogahæfni og vera óhrædd við að tjá skoðanir sínar. Einnig vinna þátttakendur verkefni sem hafa það markmið að auka samskipta- og tjáningarhæfni. Þá er áhersla á að stækka þægindahringinn hvað varðar tjáningu á fundum og á kynningum, t.d. í framhaldsskólum.

Æskilegt er að nemendur hafi lokið a.m.k. einu ári í námi sínu.

Skráning fer fram á 👉 https://bit.ly/3zwqMWn

📌 Hvernig bætum við eigin líðan?
📌 Hvað getum við lært af heimsfaraldri kórónuveirunnar?
📌 Hvers vegna hefur kvíði og þunglyndi aukist meðal ungmenna?
📌 Hversu óholl er kyrrseta fyrir heilsuna?
📌 Hvernig aukum við hreyfingu í daglegu lífi?

Í fimmta þætti vísindahlaðvarpsins Heilsuhegðun ungra Íslendinga er rætt um andlega líðan, kyrrsetu og skjánotkun ungs fólks. Sunna Gestsdóttir, lektor í íþrótta- og heilsufræði, og Elfa Óskarsdóttir, nemi við Fjölbrautaskólann í Garðabæ, skiptast á skoðunum um hvernig við styrkum andlega heilsu. Tölvunotkun, skyndibiti og félagaþrýstingur er meðal þess sem ber á góma.
Rannsóknir Sunnu hafa einkum snúist um þrek, hreyfinu og andlega líðan. Sunna segir mikla viðhorfsbreytingu hafa átt sér stað í samfélaginu síðustu ár varðandi umræðu um andlega líðan. Aftur á móti hafi dregið úr hreyfingu og kyrrseta fólks almennt aukist.

Þetta og miklu meira í fimmta þætti vísindahlaðvarpsins Heilsuhegðun ungra Íslendinga.

https://spoti.fi/36basNP

Umsjónarmaður hlaðvarpsins er Markús Þór Þórhallsson útvarpsmaður.

Næsti þáttur verður á dagskrá í ágúst.