Breiðholtsskóli

28/09/2026

Komið sæl
Á föstudaginn 2. október er starfsdagur og því enginn skóli.
Mánudaginn 5. október eru foreldraviðtöl, opnað er fyrir skráningar á Mentor á morgun 29.9.2026 kl. 16:00.

Friday, October 2nd is a planning day for teachers and therefore no school.
Monday, October 5th, there will be parent interviews, registrations in Mentors will open tomorrow, September 29th, 2026 at 4:00 PM.
If you need interpreter you will be given specific time.

Bestu kveðjur /best regards
Ásta Bjarney

17/09/2026

Flottir unglingar sem fóru á Helgafell í Hafnarfirði og í Valaból og í hellaskoðun. Geggjaður dagur með flottum krökkum.

17/09/2026

Frábær ferð með miðstiginu á Mosfell.

08/09/2026

28/08/2026

Það var mikið fjör í Breiðholtsskóla í dag þegar félagar úr samtökunum Dans Afríka Iceland komu í heimsókn.
Nemendur nutu þessa ð horfa, hlusta og dansa með.
Virkilega skemmtilegur endir á fyrstu skólavikunni okkar.

26/08/2026

👉 Upplýsingasíða: Þjónusta í Breiðholti – Íþróttir og frístundir

https://sites.google.com/view/thjonustabreidholt/heim/%C3%AD%C3%BEr%C3%B3ttir-og-fr%C3%ADstundir


👉 Bæklingur með upplýsingum: Velkomin í Breiðholt

https://velkominnbreidholt.my.canva.site/dagfebic35e

20/08/2026

Skólasetning í Breiðholtsskóla verður mánudaginn 24. ágúst 2026 sem hér segir:

8:20 – 12:30 2. – 4. bekkur

9:00 - 11:40 5. – 7. bekkur

10:00- 11:30 8. – 10. Bekkur

Nemendur mæta með forráðamönnum sínum í hátíðarsal skólans og fara svo með umsjónarkennurum í stofur.

Nemendur í 2. – 7. bekk mæta með nesti fyrir morgunkaffið, allir fá mat í hádeginu áður en þeir fara heim.



Nemendur í 1. bekk hafa verið boðaðir í viðtal til umsjónarkennara með foreldrum sínum ýmist á föstudeginum 21. ágúst eða mánudeginum 24. ágúst.

Skólasetning 1. bekkjar verður þriðjudaginn 25. ágúst kl. 8:20 í hátíðarsal. Foreldrar fá um klukkustundar kynningu á skólastarfinu, strax að lokinni skólasetningu og nemendur fylgja umsjónarkennurum í stofu.



Hlökkum til að sjá ykkur!

10/06/2026

Gleðilegt sumar!!

10/06/2026

Í gær var 2010 árgangurinn útskrifaður úr Breiðholtsskóla með glæsibrag. Ísabella, Birgir, Jasmín og Jóhann fluttu hugljúfa ræðu fyrir hönd nemenda og Sif, Jóhann og Berglind kennarar fylgdu fast á eftir. Nokkur tár runnu við þessi fallegu orð á báða bóga. Birtir spilaði tvö lög á píanó og við fengum að sjá myndband með myndum af nemendum síðan þau voru að hefja skólagöngu sína í 1. bekk. Á eftir voru bornar fram veitingar í matsalnum. Við kveðjum þennan flotta hóp með söknuði en líka bjartsýni og óskum um frábæra framtíð.

Í dag voru skólaslit hjá 1. – 9. bekk þar sem sýndar voru myndir af fjölbreyttum viðburðum á skólaárinu.

Við þökkum ykkur öllum fyrir skólaárið og óskum ykkur gleðilegs sumars.

Skólasetning verður 24. ágúst 2026. Sjáumst hress þá!

09/06/2026

Í dag fóru fram árlegir Breiðholtsskólaleikar.

Breiðholtsskólaleikar eru fjölgreindarleikar byggðir á kenningum Howard Gardner þar sem áhersla er lögð á fjölbreytileg verkefni sem liðin (skipt þvert á árganga 1.-10.bekk) hjálpast að við að leysa.
Að lokum var haldið pulsu/pylsu-partý og foreldrafélag Breiðholtsskóla bauð nemendum upp á ís í eftirrétt🍧🌭