Breiðholtsskóli

Í gær var 2010 árgangurinn útskrifaður úr Breiðholtsskóla með glæsibrag. Ísabella, Birgir, Jasmín og Jóhann fluttu hugljúfa ræðu fyrir hönd nemenda og Sif, Jóhann og Berglind kennarar fylgdu fast á eftir. Nokkur tár runnu við þessi fallegu orð á báða bóga. Birtir spilaði tvö lög á píanó og við fengum að sjá myndband með myndum af nemendum síðan þau voru að hefja skólagöngu sína í 1. bekk. Á eftir voru bornar fram veitingar í matsalnum. Við kveðjum þennan flotta hóp með söknuði en líka bjartsýni og óskum um frábæra framtíð.

Í dag voru skólaslit hjá 1. – 9. bekk þar sem sýndar voru myndir af fjölbreyttum viðburðum á skólaárinu.

Við þökkum ykkur öllum fyrir skólaárið og óskum ykkur gleðilegs sumars.

Skólasetning verður 24. ágúst 2026. Sjáumst hress þá!

Í dag fóru fram árlegir Breiðholtsskólaleikar.

Breiðholtsskólaleikar eru fjölgreindarleikar byggðir á kenningum Howard Gardner þar sem áhersla er lögð á fjölbreytileg verkefni sem liðin (skipt þvert á árganga 1.-10.bekk) hjálpast að við að leysa.
Að lokum var haldið pulsu/pylsu-partý og foreldrafélag Breiðholtsskóla bauð nemendum upp á ís í eftirrétt🍧🌭

Í dag var fótboltamót á unglingastigi ⚽️🥅
Keppt var í riðlakeppni sem endaði á úrslitaleik á mi8lli 8.VSJ og 9.PLG. Að lokum stóð lið 8.VSJ uppi sem sigurvegarar mótsins 🏆🥳

Frábær gleði og mjög gaman á vorhátíð Breiðholtsskóla í dag. 🥳

Leikfélag Breiðholtskóla sýnir leikritið Óvitar. Allir nemendur fá miða á sýningar og lausir miðar fást frítt á skrifstofu skólans.

Miðvikudaginn 20.maí er lokaæfing og þá bjóðum við fjölskyldum leikaranna, starfsmönnum skólans og fjölskyldum þeirra og nemendum í unglingadeild að koma kl. 17:00.

Fimmtudaginn 21. maí er sýning fyrir nemendur í 4. - 7. bekk kl. 13:00 og fyrir nemendur í 1. - 3. bekk kl. 16:00. Einnig verða lausir miðar á seinni sýninguna fyrir aðra gesti vorhátíðar.

Hlökkum til að sjá ykkur sem flest.

Vorhátíð Breiðholtsskóla verður haldin fimmtudaginn 21. maí kl 17:00-19:00.
Líkt og síðustu ár sjá foreldrar, nemendur og starfsfólk Breiðholtsskóla og Bakkasels um að halda uppi stemningunni, en það verður alls konar fjör í boði.

🌻Hlökkum til að sjá ykkur! 🌻

Á fimmtudaginn 30. apríl er starfsdagur og á föstudaginn 1. maí er dagur verkalýðsins. Það er því enginn skóli þessa daga. Nemendur mæta aftur í skólann mánudaginn 4. maí samkvæmt stundatöflu.

Thursday, April 30th is Teachers prepperation day and Friday, May 1st is Labor Day. There will be no school on these days. Students will return to school on Monday, May 4th according to the schedule.

Gleðilegt sumar!
Á morgun fimmtudaginn 23. apríl er frí í skólanum.

Föstudagurinn 24. apríl er skertur skóladagur sem við ætlum að nýta í að spila saman og hafa gaman, nemendur fara heim kl. 12:00.

Þeir sem eru í Bakkaseli verða áfram í skólanum þar til að Bakkasel byrjar.

🌈☀️Vor í lofti! ☀️🌈
- hluti nemenda úr 2. bekk nýtti sólina og fóru út að týna rusl og kríta
- 1. bekkur fór í heimsókn í Ráðhús Reykjavíkur