Tækniskólinn

Þeir voru innmúraðir og sælir, félagarnir sem luku sveinsprófi í múraraiðn, síðastliðinn föstudag 👏👏👏

Slegið var til veislu í múraradeild Tækniskólans og sveinsprófsnefnd, kennarar og fyrrum nemendur skólans fögnuðu þessum merka áfanga saman😎

Til hamingju með að hafa lokið sveinsprófinu ⚒️ Næst er það Meistaraskólinn 👌

Tækni­skólinn tók nýverið við glæsi­legri gjöf frá Veitum þegar fyr­ir­tækið afhenti skól­anum tölvu­stýrðan renni­bekk af gerðinni HAAS TL‑2 ásamt veg­legum verk­færapakka til notk­unar í verk­legu námi nem­enda. Renni­bekk­urinn mun nýtast afar vel í kennslu hjá málmiðnaðardeild Vél­tækni­skólans, sér­stak­lega fyrir nem­endur í renn­ismíði ⚙️🔧

Afhending fór fram í Tækni­skól­anum í Hafnarfirði fyrr í vik­unni þegar full­trúar Veitna mættu á staðinn og afhentu gjöfina form­lega. Bjarki Bjarnason, kennari við Vél­tækni­skólann, veitti renni­bekknum viðtöku fyrir hönd skólans úr höndum Péturs Wil­helm, verk­efna­stjóra hjá Veitum og fyrrum nem­anda Tækni­skólans í stálsmíði og vél­virkjun. 🧰🔩

„Með gjöf­inni viljum við styðja við öfluga iðn- og tækni­menntun og gefa nem­endum tæki­færi til að kynnast nútíma­legum búnaði sem nýtist í atvinnu­lífi framtíðarinnar,“ segir Pétur. ✨

Víg­lundur Laxdal, skóla­stjóri Vél­tækni­skólans, segir gjöfina mikinn feng fyrir skólann.

„Þetta er ein­stak­lega höfðingleg gjöf frá Veitum og við erum mjög þakklát. Kenn­ar­arnir okkar eru mjög spenntir og hlakka til að nota renni­bekkinn í kennslu.“ Hann bætir við að ljóst sé að nýr og tölvu­stýrður búnaður af þessu tagi muni styrkja verk­lega þjálfun nem­enda veru­lega og tengja námið enn betur við það sem er að gerast í atvinnu­lífinu og þann búnað sem þar er notaður. ✨

Við afhend­inguna voru einnig viðstödd Hildur Ingvars­dóttir skóla­meistari Tækni­skólans og Víg­lundur Laxdal fyrir hönd Tækni­skólans. Fyrir hönd Veitna voru það Pétur Wil­helm verk­efna­stjóri, Sigríður Sigurðardóttir forstöðukona sta­f­rænnar umbreyt­ingar og Örn Jónsson deild­ar­stjóri reksturs vatnsmiðla.

Tækni­skólinn þakkar Veitum kær­lega fyrir veg­lega gjöf og áfram­hald­andi gott sam­starf. 👏👏👏

Sara Magnúsdóttir útskrifaðist úr kjólasaumi og klæðskurði frá Tækniskólanum. Áður hafði hán lokið námi í fatahönnun við AMFI í Amsterdam en fann fljótt að handverk og sérsaumur heilluðu mest. Það varð til þess að hán ákvað að bæta við sig kjólasaumsréttindum og dýpka þekkingu sína í faginu. ✂️📐

Á meðan á náminu stóð hefur Sara tekið þátt í fjölbreyttum verkefnum og meðal annars hannað búninga fyrir kabarett- og dragsenuna á Íslandi. Eitt af fyrstu verkefnum Söru eftir að hán flutti heim og stendur hán sérstaklega nærri er sérhannaður kjóll fyrir Margréti Erlu Maack. 🪡🧵

„Margrét kom til mín með fullan poka af „vintage“-bindum og bað mig um að gera kjól úr þeim. Ég var frekar efins í fyrstu en svo gekk þetta allt upp.“ ✨

Úr varð einstakur kjóll þar sem Sara hannaði og saumaði lífstykki og vann bindin inn í flíkina. Niðurstaðan var mikið listaverk eins og sjá má á meðfylgjandi myndum.
Innblástur sækir Sara meðal annars í kvikmyndir, tónlist, bókmenntir og safnaheimsóknir. Hán ólst upp í umhverfi þar sem handverk og sviðslistir voru stór hluti af daglegu lífi og segir það einnig hafa mótað áhugasvið sitt. 🎭

Eitt af uppáhaldsverkefnum Söru úr náminu er lokaverkefnið, kjóll sem Sally Cowdin klæddist þegar hún tók við verðlaunum fyrir Dans og sviðshreyfingar ársins á Grímuverðlaununum í vor. 🏆

Nú að námi loknu stefnir Sara á að halda áfram að vinna að sérsaumsverkefnum. Næst á dagskrá er meðal annars að hanna sirkusbúning á vinkonu frá Nýja-Sjálandi sem ætlar að sýna verk á Íslandi í sumar. 👏👏👏

Tækniskólinn óskar Söru innilega til hamingju með útskriftina og við hlökkum til að sjá hvert sköpunarkrafturinn leiðir hán næst. ✨

Kristjón Benedikt Hofstaedter útskrifaðist nýverið úr Skipstjórnarskólanum með framúrskarandi árangri. ⚓️

Kristjón er fæddur og uppalinn í Austurríki en móðir hans er frá Stykkishólmi. Hann eyddi því mörgum sumarfríum hjá ömmu sinni og afa í Hólminum og átti ófáar stundir með afa sínum á trillunni þar sem þeir sigldu um Breiðafjörðinn og veiddu í soðið. Kristjón fékk því snemma innsýn í lífið á sjónum. 🇮🇸 🇦🇹

Leiðin í skipstjórnarnám lá þó ekki beint fyrir. Þegar Kristjón skrifaði ritgerð um þorskastríðin í menntaskóla vaknaði áhugi hans á íslenskum sjávarútvegi og landhelgismálum. Það voru samtöl við ömmu hans um framtíðina sem urðu til þess að hann fór að horfa á nýja möguleika. Hún hvatti hann til að láta reyna á draum sem hafði lengi blundað undir niðri og í kjölfarið tók hann stóra skrefið, flutti til Íslands og hóf nám í skipstjórn. 👏👏👏

Sú ákvörðun reyndist farsæl. Kristján lauk námi með framúrskarandi árangri og segir góðan grunn í stærðfræði og eðlisfræði í menntaskóla, ásamt metnaðarfullum vinum og samnemendum, hafa hjálpað honum að ná markmiðum sínum. Það sem hafi þó staðið mest upp úr í náminu séu kennararnir og samfélagið í skipstjórnarnáminu ⚓️

„Þetta er lítill og náinn hópur þar sem allir eru tilbúnir að hjálpast að. Námið er persónulegt og samskiptin við kennarana allt önnur en ég hef vanist. Það var ekki óalgengt að geta einfaldlega hringt í kennarana ef maður þurfti aðstoð.“

Í sumar siglir Kristjón hjá Eimskipum um borð í Brúarfossi og er jafnframt að leysa af á Breiðafjarðarferjunni Baldri og siglir því um æskuslóðir sínar. ✨

Aðspurður hvað heilli mest við störfin á sjónum segir hann frelsi, ábyrgð og liðsheild. Hann minnist þess sérstaklega þegar hann leysti af um borð í togaranum Gullveri.

„Mér fannst það strax sérstök tilfinning að standa úti á dekki. Maður finnur fyrir ákveðnu frelsi en um leið er maður hluti af teymi með skýrt hlutverk og sameiginlegt markmið. Það er líklega það skemmtilegasta sem ég hef prófað.“ ✨

Við óskum Kristjóni hjartanlega til hamingju með útskriftina. 👌
p.s. Opið er fyrir INNRITUN í skipstjórn til og með 10. júní. ⚓️

Við sendum öllum sjómönnum og fjölskyldum þeirra hamingjuóskir með daginn 🇮🇸 Stígum ölduna saman ⚓️

Hildur Ingvarsdóttir, skólameistari Tækniskólans skrifar, í tilefni af 10 ára afmæli stúdentsbrautarinnar K2 🏔️

_______________________________

Árið 2016 hóf ný og metnaðarfull stúd­ents­braut göngu sína við Tækni­skólann. Brautin fékk nafnið K2 tækni- og vís­indaleið og frá fyrsta degi var markmiðið skýrt, að skapa náms­um­hverfi fyrir fram­sækna og metnaðarfulla nem­endur sem vildu nálgast nám með öðrum hætti en tíðkaðist í hefðbundnu bók­námi. Áherslan skyldi vera á tækni, vís­indi, nýsköpun, skap­andi hugsun og verk­efnamiðað nám sem end­ur­speglaði sam­félag framtíðarinnar.

„Mig langar til þess að skapa vettvang fyrir framúrskarandi nemendur sem fá tækifæri til þess að taka stúdentspróf á óhefðbundinn hátt. Hjálpa þeim að þroskast í takt við nútíma kennsluaðferðir, með áherslu á tækni og vísindi.“ ✨

Með þessum orðum Jóns B. Stef­áns­sonar, þáver­andi skóla­meistara Tækni­skólans, hófst vegferð K2 og haustið 2016 settist fyrsti hópur nem­enda á skóla­bekk. Tíu árum síðar hefur brautin fest sig í sessi sem ein fram­sækn­asta stúd­entsleið landsins.

Á þessum áratug hafa orðið gríðarlegar tækni­breyt­ingar. Gervi­greind hefur orðið hluti af dag­legu lífi, sta­f­rænn heimur tekið stakka­skiptum og nýjar áskor­anir kallað á nýja hugsun í menntun. K2 hefur frá upp­hafi verið byggð á þeirri hug­mynd að skóla­kerfið þurfi að þróast samhliða sam­fé­laginu sjálfu. Því hefur brautin lagt áherslu á sjálfstæði, gagn­rýna hugsun, lausna­leit, teym­is­vinnu og hæfni til að takast á við raun­veruleg verk­efni. 💡

Nem­endur á braut­inni hafa á þessum tíu árum látið veru­lega að sér kveða – bæði innan veggja skólans og langt út fyrir þá. Sem dæmi hafa nem­endur ítrekað náð framúrsk­ar­andi árangri í frumkvöðla- og nýsköp­un­ar­keppnum á borð við Unga frumkvöðla, þar sem lið frá K2 hafa unnið til verðlauna fyrir hugvit, tækni­lausnir og skap­andi nálgun. Þar hafa sprottið fram verk­efni sem sam­eina tækni, sam­fé­lags­ábyrgð og nýja hugsun með eft­ir­tekt­arverðum hætti. Þannig hefur brautin skapað vett­vang fyrir fjöl­breytt skap­andi verk­efni. Nem­endur hafa m.a. tekið þátt í heim­ilda­myndagerð, sam­fé­lags­legum umhverf­is­verk­efnum og rann­sóknum sem hafa vakið athygli bæði innan skóla­sam­fé­lagsins og utan þess. Þá hafa K2 nem­endur verið áber­andi í félags­lífi Tækni­skólans, tekið þátt í Gettu betur, kynnt skólann opin­ber­lega og verið virkir þátt­tak­endur í mótun öflugs skóla­sam­fé­lags.

Árangur braut­ar­innar sést ekki síst í því hvert nem­endur halda að námi loknu. Fyrrum nem­endur hafa haldið til náms í verkfræði, tölv­un­arfræði, lækn­isfræði og öðrum krefj­andi greinum bæði hér­lendis og erlendis. Nem­endur hafa farið í Háskóla Íslands og Háskólann í Reykjavík og þá lauk einn nem­andi nýlega námi í Har­vard háskóla í Banda­ríkj­unum. Aðrir hafa farið óhefðbundnari leiðir og látið að sér kveða á sviði lista og menn­ingar – meðal annars á sviði Evr­ópsku söngv­akeppn­innar. 😎

Ekki síður hefur árangur braut­ar­innar byggst á öfl­ugum hópi kennara sem hafa frá upp­hafi lagt metnað sinn í að þróa skap­andi og nútíma­lega kennslu­hætti. Kenn­arar á K2 hafa sýnt mikla fram­sýni, fag­mennsku og alúð í starfi og skapað náms­um­hverfi þar sem nem­endur eru hvattir til sjálfstæðrar hugs­unar, frumkvæðis og áræðni. Sú menning sem byggst hefur upp innan braut­ar­innar er ekki síst til komin vegna kennara sem hafa þorað að fara nýjar leiðir og lagt sig fram um að tengja námið við sam­fé­lagið, tæknina og framtíðina sjálfa. 🫶

K2 hefur frá upp­hafi verið meira en hefðbundin náms­braut. Hún hefur verið til­raun í því hvernig framtíðarmenntun getur litið út, náms­um­hverfi þar sem tæknin er verk­færi, sköpun drif­kraftur og nem­endur hvattir til þess að spyrja spurn­inga, prófa sig áfram og hafa áhrif á sam­fé­lagið í kringum sig. Á þessum tíma­mótum er ljóst að K2 hefur skapað sér sérstöðu í íslensku fram­halds­skólaum­hverfi. Brautin hefur þróast í takt við tímann en haldið fast í kjarnann sem hún var byggð á frá upp­hafi sem er að gefa ungu fólki tæki­færi til að vaxa, skapa og takast á við framtíðina af metnaði, þekk­ingu og hug­rekki. 👏👏👏

Þóra Guðmunds­dóttir, útskrift­ar­nem­andi í raf­virkjun, segist fljótt hafa fundið sig í náminu þrátt fyrir að hafa ekki vitað mikið um fagið þegar hún byrjaði. Þóra er fædd og upp­alin í í Kópa­vogi og gekk í Vatns­enda­skóla. Strax að loknum grunn­skóla ákvað hún að skrá sig í raf­virkjun við Tækni­skólann 👏👏👏

„Mig langaði að prófa eitthvað nýtt og öðruvísi. Ég var ekki mjög hrifin af hefðbundnu bóknámi í grunnskóla, en eftir að Rafmennt kynnti námið fyrir okkur á grunnskólakynningu fannst mér þetta strax hljóma spennandi.“ ✨

„Ég fór ein inn í þetta nám og þekkti engan í skólanum. En mér fannst þetta strax alveg geggjað.“ ✨

Karlar eru enn í talsverðum meiri­hluta í raf­virkjun en Þóra segir reynslu sína afar jákvæða ⚡️⚡️

„Ég mæli hiklaust með þessu námi. Þetta er ekki jafn ógnvekjandi og fólk heldur oft og mér finnst þetta bara eðlilegasti hlutur í heimi, að vinna á svona karllægum vinnustað.“ ✨

Hún segir góða stemn­ingu hafa myndast meðal nem­enda og hún hafi kynnst fullt af frá­bæru fólki í náminu 💛

Þóra starfar nú hjá Raf­volt samhliða því að und­irbúa sig fyrir sveins­próf og ljúka stúd­ents­prófi í fjar­námi. Hún segir að eftir að hún byrjaði í raf­virkjun hafi hún öðlast nýja sýn á iðnnám.

„Ef ég væri að velja aftur myndi ég alltaf fara í iðnnám. Þetta hentar mér miklu betur en hefðbundið bóknám.“ ✨

Að útskrift lok­inni hyggst Þóra halda áfram að afla sér mennt­unar. Hún stefnir á iðnmeist­ara­rétt­indi og fram­haldsnám sem nýtist henni samhliða raf­virkj­un­inni. Áður en að því kemur langar hana að gefa sér tíma í að ferðast um heiminn.
Þegar hún er spurð um framtíðardrauminn stendur svarið ekki á sér.

„Draumurinn er að reka mitt eigið fyrirtæki og hafa frelsi til að taka að mér fjölbreytt verkefni.“ ✨

Við óskum Þóru hjartanlega til hamingju með útskriftina 💛

p.s. Opið er fyrir INNRITUN í rafvirkjun til og með 10. júní ⚡️⚡️

Daníel Snær Rodriguez, af tölvu­braut, flutti ræðu fyrir hönd útskrift­ar­nem­enda við síðari athöfnina útskriftar Tækniskólans 👌

„Það sem stendur mest upp úr fyrir mér er að þessi ár hafa sýnt okkur að við getum meira en við höldum, og við ættum að taka það hugarfar með okkur í framtíðina. Við höfum öll lent í verkefnum, prófum eða tímabilum sem virtust yfirþyrmandi, en samt fundið leið í gegnum þau. „Þetta reddast” getur alveg verið ágætur hugsunarháttur. Við komumst í gegnum menntaskólann saman og ég veit að við munum líka takast á við það sem framtíðin ber í skauti sér.“ ✨

Daníel lagði áherslu á mik­il­vægi kennara og stjórn­enda skólans sem hann segir hafa sýnt nem­endum ein­lægan skilning, fag­mennsku, sveigj­an­leika og vilja til að hjálpa þeim að ná árangri 💛

Í ræðunni fjallaði hann einnig um hraðar sam­fé­lags­breyt­ingar og tækniþróun og þau tæki­færi sem bíði ungs fólks í framtíðinni. Hann sagði útskrift­ar­nem­endur vel í stakk búna til að takast á við verk­efni framtíðarinnar 💡

„Og þó við vitum kannski ekki nákvæmlega hvert lífið mun leiða okkur næst, þá held ég að við séum betur undir það búin en við gerum okkur grein fyrir. Við erum kynslóð sem hefur alist upp á tímum þar sem heimurinn breytist hraðar með hverju árinu sem líður, og ég held að það muni reynast okkar stærsti styrkleiki. Við erum vön að læra nýja hluti hratt, aðlagast breytingum og finna skapandi lausnir.“ ✨

Daníel lauk ræðu sinni á léttu nót­unum og sagði útskrift­ar­ár­ganginn einn þann glæsi­leg­asta sem skólinn hefði séð, bæði er varðar árangur og útlit, við mikinn fögnuð og hlátur viðstaddra 😅

Við óskum Daníel Snæ hjartanlega til hamingju með útskriftina 💛

p.s. Opið er fyrir INNRITUN á stúdentsbrautirnar tölvubraut og tölvubraut hönnun til og með 10. júní 👌

Framtíðin bíður með opnum örmum, sagði Alexandra Sif Galgana útskrift­ar­nem­andi á hönn­unar- og nýsköp­un­ar­braut, er hún flutti einlæga ræðu við útskrift Tækniskólans 💛

Alexandra minnti á að hindranir geti oft falið í sér ný tækifæri, þar sem hún sagði frá eigin reynslu af því að takast á við áskor­anir og yfir­stíga hindr­anir á náms­ferl­inum. Hún rifjaði upp hvernig hún hafði glímt við ýmsa erfiðleika á grunn­skóla­árum og síðar fengið stuðning frá kenn­urum, námsráðgjöfum og sérfræðingum sem hjálpuðu henni að finna styrk­leika sína og öðlast trú á eigin getu ✨

Í ræðunni lagði Alex­andra áherslu á mik­il­vægi þess að gefast ekki upp þrátt fyrir að á móti blási og minnti sam­nem­endur sína á að hindr­anir væru oft tæki­færi til þess að vaxa og þroskast ✨

„Munum bara að hindranir eru ekki settar fyrir okkur til að stoppa okkur, heldur móta þær okkur, styrkja og hjálpa okkur að finna út hvað við virkilega viljum og skiptir okkur máli. Ég vona að þið nýtið tækifærið núna og staldrið aðeins við og hugsið um það sem þið getið verið stolt af, því við höfum jú öll eitthvað til að vera stolt af.”

Alex­andra þakkaði Þórdísi námsráðgjafa og kenn­urum í hönn­unar- og hand­verks­skól­anum sér­stak­lega fyrir fag­mennsku, þolinmæði og þá trú sem þau hefðu sýnt nem­endum sínum 👏👏👏

„Þið hafið kennt okkur meira en bara fögin, þið hafið kennt okkur að treysta á eigin rödd, að skapa, að hugsa út fyrir kassann og gefast aldrei upp. Allt þetta gerðuð þið af alúð og án þess að láta okkur upplifa að þið væruð yfir okkur hafin. Þvert á móti voruð þið frekar eins og jafningjar sem vilduð miðla ykkar kunnáttu og reynslu og mörg hver gátum við litið á bara sem vini sem við berum mikla virðingu fyrir.“

Að lokum óskaði Alex­andra sam­nem­endum til ham­ingju með áfangann og hvatti þá til að horfa björtum augum til framtíðarinnar sem nú biði þeirra með opnum örmum.

Við óskum Alexöndru Sif hjartanlega til hamingju með útskriftina 💛

p.s. Opið er fyrir INNRITUN á stúdentsbrautina hönnunar- og nýsköpunarbraut til og með 10. júní 👌

Stefan Erlendur Ívarsson, útskrift­ar­nem­andi á K2, tækni- og vís­indaleið, er upp­alinn í Garðabæ og gekk í Sjá­lands­skóla áður en hann hóf nám við Tækni­skólann. Samhliða náminu hefur tónlist skipað stóran sess í hans lífi en Stefan hefur leikið á trompet í 11 ár og spilar meðal annars með Lúðrasveit Reykja­víkur og Ung­fón­í­unni 🎺🎶

„Ég var staðráðinn í að fara í annan skóla og síðan í verkfræði. En eftir að ég kom á opið hús skipti ég um skoðun og sótti um á K2. Mér fannst stærðfræði alltaf skemmtilegasta fagið í grunnskóla og ég hafði líka mjög gaman af lokaverkefnum í grunnskóla sem snéru mikið að verkefnavinnu. Þegar ég heyrði af því hversu stór þáttur verkefnavinna væri í náminu fann ég að þetta væri rétta brautin fyrir mig.“ ✨

Stefan segir námið hafa kennt sér mun meira en það sem er að finna í náms­skránni 💡

„Ég hef lært að vera ekki feiminn við að elta draumana. Það hljómar kannski furðulega en það er raunverulega þannig. Ástæðan er sú að kennararnir hvöttu okkur til að taka þátt í fjölbreyttum verkefnum og grípa alltaf tækifærin sem buðust. Við höfum tekið þátt í alls konar skemmtilegum viðburðum og ferðalögum í tengslum við námið.“ ✨

Eftir útskrift stefnir hann á verkfræðinám, annaðhvort í hátækni­verkfræði eða raf­magns- og tækni­verkfræði við Háskólann í Reykjavík eða Háskóla Íslands. Að því loknu er stefnan tekin á meist­aranám í háskóla erlendis. Þá er draum­urinn skýr: að vinna að róbotum hjá Nasa eða SpaceX 🦾

Við óskum Stefani hjartanlega til hamingju með útskriftina 🫶

p.s. Opið er fyrir INNRITUN á stúdentsbrautina K2 til og með 10. júní 👌