Vinnuskóli Reykjavíkur

Skráningar í Vinnuskóla Reykjavíkur eru þegar orðnar 3300, núna 8. maí, en það er met á þessum tíma. Nemendum 8., 9. og 10. bekkja býðst að koma til starfa við fjölbreytt verkefni sem flest snúa að garðyrkju og umhirðu í borginni. Frétt í fyrstu athugasemd. 😀

Í næstu viku byrjum við að raða í hópa fyrir sumarið.
Það verður samt opið fyrir skráningar í allt sumar.

Vala vinnuskóli - Umsóknarvefur Vala vinnuskóli - Umsóknarvefur

Kæru foreldrar og forsjáraðilar,

Skráning í Vinnuskóla Reykjavíkur fyrir sumarið 2026 hefst 7. apríl nk. í gegnum skráningarkerfi Vinnuskólans, https://vinnuskoli-umsokn.vala.is/login

Meginhlutverk Vinnuskólans er að veita nemendum úr efstu bekkjum grunnskóla uppbyggileg sumarstörf og fræðslu í öruggu starfsumhverfi. Öllum nemendum 8., 9. og 10. bekkja býðst að koma til starfa við fjölbreytt verkefni sem flest snúa að garðyrkju og umhirðu í borginni.

Hver nemandi fær úthlutað vinnu á einu starfstímabili sumarið 2026.

11. júní - 2. júlí
3. júlí - 23. júlí
24. júlí - 14 .ágúst

Vinnudagar á hverju tímabili eru fimmtán. Unnið er alla virka daga hverrar viku. Ekki er unnið á lögbundnum frídögum. Nemendur í 8. bekk vinna í 3,25 klst. dag en nemendur í 9. og 10. bekk í 6,5 klst. á dag.

Vinnuskólinn er útiskóli og flest öll verkefni skólans snúast um umhirðu gróðurs og beða víðs vegar í borgarlandinu og á stofnanalóðum. Helstu verkfæri sem notuð eru í starfi eru ýmis smá handverkfæri til beðavinnu, skóflur, hrífur og hjólbörur.

Vinnuskólinn vekur athygli á því að áfram verður haldið með það verkefni að auka fjölbreytni starfa hjá nemendum úr 10. bekk. Hluta þeirra nemenda sem hafa áhuga á að starfa við annað en garðyrkju og umhirðu í hefðbundnu hópastarfi skólans mun bjóðast að starfa við m.a. aðstoð á leikskólum, frístundaheimilum og á fleiri starfsstöðum borgarinnar.

Allir nemendur sem skrá sig í vinnuskólann fá starf en ef skráningar berast seint minnka líkur á því að hægt sé að koma til móts við óskir nemenda um starfsstaði, tímabil og/eða sérverkefni.

Nánari upplýsingar um Vinnuskólann má finna á vef skólans, www.vinnuskoli.is

Vinnuskólinn Skráning í Vinnuskólann fyrir sumarið 2026 hefst 7. apríl. Fyrirspurnum sem berast á tölvupóstfangið [email protected] verður svarað jafnóðum.