Sveitarstjórnarmál

Samráð sveitarfélaga við íbúa og hagaðila - nýtt námskeið

Þriðjudaginn 24. nóvember býður Stofnun stjórnsýslufræða og stjórnmála upp á nýtt námskeið þar sem fjallað verður um samráð sveitarfélaga við íbúa og hagaðila. Þátttakendur munu fá innsýn í hvernig velja má réttar samráðsaðferðir fyrir ólík verkefni, hvernig ná má til fjölbreyttra hópa og hvernig vinna má úr þeirri þekkingu og sjónarmiðum sem fram koma. Kennari í námskeiðinu er Sigurlaug Anna Jóhannsdóttir, sem starfað hefur í sjö ár að lýðræðismálum fyrir Reykjavíkurborg auk þess að vera stundakennari við Stjórnmálafræðideild HÍ.

Sjá nánar hér á vef stofnunarinnar:
https://stjornsyslustofnun.hi.is/is/samrad-sem-skilar-arangri-ibuar-hagadilar-og-sveitarfelog-nytt-namskeid

Stjórnmál & stjórnsýsla komið út - sjö ritrýndar fræðigreinar
Út er komið 1. tölublað 22. árgangs ritrýnda tímaritsins Stjórnmál & stjórnsýsla, í opnum aðgangi á vefnum irpa.is. Að þessu sinni koma út sjö ritrýndar fræðigreinar um fjölbreytt málefni sem tengjast stjórnmálum og stjórnsýslu, m.a. um innleiðingu svonefndra farsældarlaga. Sjá nánar hér á vef tímaritsins: https://www.ejournals.is/index.php/irpa/issue/view/448

Að vanda býður Stofnun stjórnsýslufræða og stjórnmála upp á fjölbreytt úrval hagnýtra stjórnsýslunámskeiða á komandi hausti. Dagskrá septembermánaðar liggur nú fyrir. Sjá nánar á heimasíðu stofnunarinnar: https://stjornsyslustofnun.hi.is/is/namskeid/namskeid-2026

Fjárhagsáætlanir sveitarfélaga - námskeið 1. september.

Stofnun stjórnsýslufræða og stjórnmála mun þriðjudaginn 1. september halda námskeið um fjárhagsáætlanir sveitarfélaga. Hátt á annað hundrað kjörinna fulltrúa sóttu námskeiðið á nýliðnu kjörtímabili og mikil ánægja ríki með það. Sjá nánar hér á vef stofnunarinnar: https://stjornsyslustofnun.hi.is/is/fjarhagsaaetlanir-sveitarfelaga-undirbuningur-vinnsla-og-eftirfylgni-fjarheimilda-sveitarfelaga

Kosningar 2026: Spurt að leikslokum - Upptaka af opnum hádegisfundi

Félag stjórnmálafræðinga hélt í dag, í samstarfi við Stofnun stjórnsýslufræða og stjórnmála, opinn hádegisfund um nýafstaðnar kosningar til sveitarstjórna. Fjallað var um úrslitin, dauð atkvæði / umframatkvæði, kosningabaráttuna, möguleg áhrif á stjórnmálin á landsvísu o.fl.

Með framsögu fóru Eva Marín Hlynsdóttir prófessor í stjórnmálafræði við HÍ, Hafsteinn Einarsson nýdoktor við Stjórnmálafræðideild HÍ og Bryndís Ísfold stjórnmálafræðingur og aðjúnkt við Háskólann á Bifröst. Fundarstjóri var Pétur Berg Matthíasson.

Sjá upptöku af fundinum hér: https://hi.cloud.panopto.eu/Panopto/Pages/Viewer.aspx... Sýna minna

Ofbeldi gegn opinberum starfsmönnum - hver er réttarverndin?

Nýtt námskeið sem Stofnun stjórnsýslufræða og stjórnmála heldur fimmtudaginn 21. maí. Leitast verður við að svara spurningum á borð við:
- Hver eru mörkin milli harðrar gagnrýni og áreitni?
- Hvaða breytingar hafa samfélagsmiðlar haft í för með sér?
- Hvenær ber stofnun skylda til að grípa til sérstakra ráðstafana?
- Hvaða lagalegu úrræði hefur stofnun þegar réttindi borgaranna stangast á við réttindi starfsfólks?
- Hvaða ábyrgð ber stofnun þegar málin fara úrskeiðis?

Sjá nánar hér á vef stofnunarinnar: https://stjornsyslustofnun.hi.is/is/nytt-namskeid-ofbeldi-gegn-opinberum-starfsmonnum-hver-er-rettarverndin

Notkun gervigreindar í stjórnsýslunni - möguleikar og takmarkanir
Minnum á þetta vinsæla námskeið sem Stofnun stjórnsýslufræða og stjórnmála heldur í þriðja sinn mánudaginn 27. apríl. Sjá nánar hér á vef stofnunarinnar: https://stjornsyslustofnun.hi.is/is/notkun-gervigreindar-i-stjornsyslunni-moguleikar-og-takmarkanir

Hvaða reglur gilda þegar ráða á starfsfólk hjá ríki og sveitarfélögum?

Minnum á þetta sívinsæla námskeið sem næst verður haldið þriðjudaginn 21. apríl í fjarnámi, með aðgangi að upptöku í kjölfarið. Sjá nánar hér á vef Stofnun stjórnsýslufræða og stjórnmála: https://stjornsyslustofnun.hi.is/is/hvada-reglur-gilda-thegar-rada-starfsfolk-hja-riki-og-sveitarfelogum-0