Hólabrekkuskóli

Á þessu skólaári hefur verið öflugt og flott réttindaráð starfrækt hér í skólanum. Réttindaráðið samanstendur af fulltrúum frá öllum árgöngum skólans ásamt starfsfólk skólans, Álfheimum, Hraunheimum og Hundraðogellefu. Réttindaráðið hittist tvisvar í mánuði þar sem hin ýmsu málefni voru rædd ásamt því að nemendur útbjuggu hugmyndakassa. Hugmyndakassarnir vöktu mikla lukku meðal nemenda, nemendur voru duglegir að skrifa hugmyndir sínar niður og setja í kassana. Búið er að framkvæma nokkrar hugmyndir nú þegar og er stefnan á næsta skólaári að koma fleiri hugmyndum í framkvæmd.
Við hlökkum til að halda áfram að vinna með þessu flotta réttindaráði og stefnum á að klára innleiðinguna og gerast Réttindaskóli, -frístund og -félagsmiðstöð á næsta skólaári.

Útskrift 10. bekkjar fór fram við hátíðlega athöfn á sal skólans🤎

Óskilamunir á Sjónarhóli
Endilega kíkið á óskilamunina á skólalitunum á morgun.

Gönguferð 5. bekkjar að Seljatjörn


Leikur að læra
5. bekkur fór í frábæran göngutúr að Seljatjörn. Krakkarnir léku sér, bjuggu til blómakransa, veiddu síli og fóru að vaða í tjörninni.

3. bekkur á ferð og flugi🌷
3. bekkur fór í sumarferð Þar sem samvera, leikur og náttúra voru í fyrirrúmi. Þau tóku strætó niður í Fagralund í Kópavogi þar sem var hoppað, leikið, rólað, vaðið, grillaðar pylsur og notið góða veðursins. Frábær dagur í alla staði 🌞

9. bekkur skellti sér í Nauthólsvík í dásemdar veðri og skemmti sér vel💛 Flestir fóru í pottinn og einhverjir í sjóinn - haldið var blakmót á ströndinni og grillaðar pylsur🩷Fullkominn dagur með frábærum krökkum🩵