Executive MBA í Háskóla Íslands

Viltu styrkja þig sem leiðtoga, víkka sjóndeildarhringinn og mynda dýrmæt tengsl við fólk úr ólíkum geirum?

Þá gæti MBA-námið verið rétta skrefið fyrir þig 🔑

Skrifstofa Executive MBA-námsins verður lokuð frá 8. júlí til og með 4. ágúst.

Öllum fyrirspurnum varðandi laus pláss í náminu verður svarað eftir 4. ágúst.

Þjónustuborðið á Háskólatorgi er opið í allt sumar, frá mánudegi til föstudags, milli kl. 8.30 - 15.00.

Við hlökkum til að taka á móti nemendum, nýjum og núverandi, á komandi skólaári.

Starfsfólk Executive MBA

Valdís Fjölnisdóttir fékk á dögunum styrk frá Byggðastofnun en verkefnið var eitt af þremur meistaraverkefnum sem stofnunin styrkti.

Verkefnið fjallar um hvernig nýsköpunarsetur, samvinnurými og störf án staðsetningar geta stuðlað að jákvæðri og sjálfbærri byggðaþróun á Íslandi. Megináherslan er á að skoða hvort slík rými geti skapað forsendur fyrir fjölbreyttara atvinnulíf, aukin lífsgæði og meiri möguleika fólks til að búa á landsbyggðinni án þess að fórna atvinnutækifærum.

Til hamingju Valdís 💫

Nýsköpunarsetur og störf án staðsetningar. Lykill að jákvæðri byggðaþróun | Byggðastofnun Nýverið lauk Valdís Fjölnisdóttir við meistaraverkefni til MBA-gráðu i viðskiptafræði hjá Háskóla Íslands sem nefnist Nýsköpunarsetur og störf án

40/40 listinn 2026 💫

Góð samskipti hafa gefið út nýjan lista yfir 40 efnilega stjórnendur í íslensku viðskiptalífi, 40 ára og yngri.

Executive MBA á þar tvo fulltrúa:

🔹Gísla Kristjánsson, framkvæmdastjóra Vignis G. Jónssonar og MBA 2025.

🔹Vordísi Eiríksdóttur, forstöðumann vindorku hjá Landsvirkjun og MBA 2026.

Við óskum Gísla og Vordísi innilega til hamingju með þessa verðskulduðu viðurkenningu.

Listann í heild má sjá hér:

40 efnilegir stjórnendur Góð samskipti gefa út nýjan lista yfir 40 efnilega stjórnendur í viðskiptalífinu sem eru 40 ára og yngri.

Gleðilegan þjóðhátíðardag 🇮🇸

Óskum landsmönnum öllum til hamingju með daginn!

Við hátíðarathöfn Executive MBA við Háskóla Íslands eru veittar viðurkenningar til nemenda. 💫

Viðskiptafræðistofnun verðlaunar dúx og semi-dúx og nemendur velja úr hópi samnemenda í nokkrum flokkum. 🎓

Veitt eru verðlaun fyrir besta lokaverkefnið en það er MBA HÍ Alumni sem velur það verkefni sem best þykir hverju sinni.

Á meðfylgjandi myndum má sjá viðurkenningarhafa úr MBA árgangi 2026, ásamt umsögn um viðurkenningarhafa.

Brynhildur Lilja Björnsdóttir, forstöðukona MBA-námsins afhenti nemendum viðurkenningar.

Við óskum viðurkenningarhöfum innilega til hamingju með verðskuldaðan árangur. ✨

Kennari árgangs MBA 2026 🌟

Hefð er fyrir því að útskriftarárgangur MBA-námsins velji þann kennara sem hefur skarað fram úr og veiti viðurkenningu við hátíðarathöfn námsins.

Kennarahópur MBA-námsins er framúrskarandi og það endurspeglaðist svo sannarlega í vali nemenda að þessu sinni. Fjölmargir kennarar voru tilnefndir og niðurstaðan varð sú að tveir kennarar voru hnífjafnir. Þeir deila því heiðrinum sem kennarar árgangs MBA 2026. Það eru þeir Kristján Markús Bragason, kennari í námskeiðinu Lestur og túlkun ársreikninga og Úlf Viðar Níelsson, kennari í námskeiðinu Fjármál fyrirtækja.

Svo skemmtilega vill til að þeir kenna báðir námskeið sem nemendur óttast gjarnan hvað mest í upphafi námsins og hafa jafnvel fyrirfram ákveðið að hljóti að vera þurr og leiðinleg. Það er heldur betur misskilningur þegar þessir tveir kennarar eru við stjórnvölinn, eins og umsagnir nemenda bera glöggt vitni um.

Í umsögnum nemenda um Kristján Markús kom m.a. eftirfarandi fram:

„Kristján er úrvalskennari, hress og mjög peppandi. Hann kom efninu einstaklega vel frá sér á skýran og skiljanlegan hátt og náði til nemenda óháð bakgrunni þeirra. Hann lagði línurnar í upphafi námsins og tók á móti okkur með virðingu og fagmennsku. Hann var alltaf til halds og trausts og hafði jákvæð áhrif á hópinn frá fyrsta degi.“

„Kristján sameinaði það að vera mjög vel að sér í efninu, g*t útskýrt það og miðlað því vel og náði að halda góðum takti og góðri stemningu í sínum kennslutímum.“

„Alltaf tilbúinn að aðstoða og útskýrði allt vel. Hann var fljótur að svara, skemmtilegur og hvatti til virkra umræðna í tímum sem voru mjög fræðandi fyrir nemendur. Með hóp eins og MBA-nemendur, þar sem margir búa yfir mikilli reynslu og þekkingu á ólíkum sviðum, er mikilvægt að skapa umræðu sem miðlar þekkingu milli nemenda. Kristján náði sérstaklega vel að styðja við slíkar umræður og bætti við eigin innsýn með dæmasögum og öðru áhugaverðu efni, þannig að allir gátu lært meira.“

Í umsögnum nemenda um Úlf Viðar kom m.a. eftirfarandi fram:

„Rosalega vel skipulagður og faglegur kennari. Náði að halda athyglinni okkar á ótrúlega þurru og leiðinlegu efni, og við lærðum helling!“

„Hann tók efni sem ég var fyrirfram búin að ákveða að yrði þurrt og gerði það mjög skemmtilegt, þetta fag var það sem kom mér mest skemmtilega á óvart.“

„Úlf var framúrskarandi í því að koma efninu sem hann var að kenna þannig fram að skilningur myndaðist.“

„Honum tókst mjög vel að ná til hópsins, var mjög skipulagður, náði
að blanda saman umræðum og hefðbundinni kennslu á skemmtilegan hátt.“

Við óskum Kristjáni Markúsi og Úlf Viðari innlega til hamingju með viðurkenninguna.

Sigurjón Rúnar Vikarsson tekur við starfi framkvæmdastjóra birtingahússins Mediacom á Íslandi.

Sigurjón útskrifaðist með MBA próf frá Háskóla Íslands árið 2024.

Við óskum Sigurjóni velfarnaðar í nýju starfi. ✨

Sigur­jón nýr fram­kvæmda­stjóri Mediacom - Vísir Sigurjón Rúnar Vikarsson hefur tekið við starfi framkvæmdastjóra birtingahússins Mediacom á Íslandi.