20/02/2025
Í Eddu - húsi íslenskunnar, er öflugt fræðslustarf að fara í gang, m.a. í tengslum við sýninguna Heimur í orðum sem opnaði þann 16. nóvember á síðasta ári.
Á laugardaginn verður boðið upp á fyrstu fjölskyldusmiðju ársins í Eddu en þær verða á dagskrá síðasta laugardag í mánuði fram að sumarfríi.
Til stendur að stofna ungmennaráð í haust og vonumst við til þess að ungmenni í næsta nágrenni sýni því áhuga.
Þau ykkar sem viljið fylgjast með má nálgast allar frekari upplýsingar um safnfræðsluna, skólaheimsóknir og fleira á heimasíðu sýningarinnar Heimur í orðum
Á handritasýningunni Heimur í orðum gefst fólki kostur á að sjá íslensku handritin sem geyma dýrmætan menningararf. Þar eru fornar sögur og fræg kvæði en einnig ýmsir aðrir textar sem spegla hugmyndir fyrri kynslóða um líf sitt og samfélag. Á sýningunni er kappkostað að opn...
