Íþróttafræði HR

Íþróttakennarar úr Engjaskóla, Sjálandsskóla og Rimaskóla hlutu viðurkenningu íþróttafræðideildar HR fyrir framúrskarandi námsmat í skólaíþróttum. Viðurkenningin fór fram í Háskólanum í Reykjavík 28. maí sl. í annað sinn og mun verða endurtekið að ári.

Hér er nýjasta hlaðvarpsútspilið okkar. Það er þáttur um nálgun Tryggva Jóhanns Heimissonar íþróttakennara í Hrafnagilsskóla við námsmat í skólaíþróttum. Tryggvi fékk viðurkenningu íþróttafræðideildar fyrir umsóknina sína í fyrra. Í þættinum er komið inn á margt fleira er við kemur íþróttakennslu og áskorunum í þeim efnum. Endilega leggið við hlustir :)

Við megum til með að hvetja íþróttafræðinga til mætingar á þennan fund hér sem fer fram kl. 17-19 í Borgartúni 27 - Visku. https://www.viska.is/um-visku/i-frettir/opinn-fundur-fyrir-ithrottafraedinga

Opinn fundur fyrir íþróttafræðinga - Viska - stéttarfélag Opinn fundur félagsnets íþróttafræðinga í fundarsölum Visku – stéttarfélags, Borgartúni 27, þriðjudaginn 26. maí frá kl. 17:00 til 19:00.

Hér er áhugaverð umfjöllun um Jessicu Bartley, en hún kom og kenndi hjá okkur í námskeiðinu Klínísk íþróttasálfræði en það námskeið tilheyrir meistaranáminu og örnáminu í íþróttasálfræði.

Í meistaranámsáfanganum (M.Ed.) Námsefnisgerð I og II vinna nemendur að stóru lokaverkefni allan veturinn. Verkefnin eru fjölbreytt og það verður spennandi að draga frá tjöldin á opnum kynningardegi þann 28. maí nk.

Hér má sjá Kjartan Stefánsson taka upp kynningarmyndskeið fyrir verkefnið sitt í myndveri. Skemmtileg og krefjandi reynsla að lesa handrit í myndavélina.

KKÍ og íþróttafræði HR auglýsa kostaða meistaranámsstöðu
KOSTUÐ MEISTARANÁMSSTAÐA
Umsóknarfrestur er til 22. maí 2026
Laus er til umsóknar námsstaða í meistaranámi í íþróttavísindum og þjálfun (MSc) við íþróttafræðideild Háskólans í Reykjavík.

Staðan eru kostuð af Háskólanum í Reykjavík (HR) og Körfuknattleikssambandi Íslands (KKÍ) og mun nemandi ekki greiða skólagjöld meðan á námstíma stendur. Umsóknarfrestur er til 22. maí og mun nemandi hefja nám strax á haustönn, samkæmt skóladagatali.

Skuldbindingar nemanda eru eftirfarandi:
- Nemandi skuldbindur sig til að gera meistaraverkefni sem tengist landsliðum Íslands í körfuknattleik. Nemandi skrifar lokaritgerð í nánu samstarfi við leiðbeinanda (akademískan starfsmann HR), þjálfarateymi landsliða og KKÍ. Nemandi skuldbindur sig jafnframt til þess að kynna niðurstöður meistaraverkefnisins samkvæmt óskum KKÍ.

- Nemandi skuldbindur sig til þess að sjá um mælingar á yngri landsliðum í körfuknattleik undir handleiðslu þjálfarateymis landsliðanna og kennara íþróttafræðisviðs HR á meðan námstíma stendur.

- KKÍ og þjálfarateymi þeirra geta óskað eftir því að nemandi sjái um ráðgjöf er varðar líkamlega þjálfun fyrir leikmenn landsliða Íslands. Slík ráðgjöf yrði alltaf í nánu samstarfi við þjálfarateymi og undir handleiðslu kennara íþróttafræðideildar HR.

- Nemandi leitast eftir því að vinna eins mörg verkefni á námstíma og mögulegt er í tengslum við landsliðin og veita þjálfarateymi aðgang að verkefnum sínum. Dæmi um slíkt væri að gera frammistöðugreiningu á A-landsliðið kvenna í námskeiðinu Frammistöðugreining í íþróttum. Þá er nemandi skuldbundinn til að ljúka 10 ECTS eininga verknámi hjá KKÍ sem hluta af námi sínu.

- Nemandi skuldbindur sig til að halda eðlilegri námsframvindu og mæta samviskusamlega í kennslustundir ásamt því að taka þátt í kynningarstarfi á vegum HR sé þess óskað. Dæmi um slíkt væri viðvera á Háskóladeginum.

Umsóknir og fyrirspurnir skulu berast á tölvupósti til:
[email protected] og [email protected].

Opið til 8. maí fyrir tilnefningar!

Íþróttafræðideild Háskólans í Reykjavík auglýsir enn eftir umsóknum og tilnefningum fyrir úfærslu námsmats í skólaíþróttum. (sjá póst fyrir neðan). Við höfum framlengt frest til 8. maí.

Þetta er tilvalinn vettgangur fyrir skólana og íþróttakennara að draga fram það jákvæða og góða sem á sér stað í íþróttakennslu í grunnskólum og virkja fyrirmyndir innan starfsins.

Allar frekari upplýsingar má sjá í pósti hér að neðan og ef það eru einhverjar vangaveltur ekki hika við að spurja hér í pósti eða á [email protected].

með bestu kveðju
SÞ

ps. í athugasemd er hlekkur á þáttinn með Sillu sem fékk viðurkenningu í fyrra

Daði okkar með frábæra grein! Minnum líka á RIG ráðstefnuna sem verður á miðvikudaginn. Þar vera heimsklassa fyrirlesarar.

Vöru­væðing í­þróttanna og RIG ráð­stefnan um snemm­bundna af­reksvæðingu - Vísir Það er ekki ofsögum sagt að íslenskt íþróttalíf stendur á tímamótum. Sama hvort litið er til stjórnunnar, sjálfboðaliðastarfs, yngri flokka eða afreksstarfs þá eru íslensku íþróttafélögin eins og við þekkjum þau í núverandi mynd undir pressu úr mörgum áttum.

Ísland spilar sinn fyrsta leik í EM í handbolta á morgun, föstudag og Peter O‘Donog­hue, pró­fessors við íþrótta­fræði­deild er auðvitað búinn að spá í spilin. Vísir tók stöðuna á Peter. Sjá hlekk í athugasemd.