Norðlingaskóli

Norðlingaskóli óskar öllum gleðilegs sumars!

Skrifstofa skólans verður lokuð frá og með 19. júní og opnar 10. ágúst.

Sumarkveðja,

starfsfólk Norðlingaskóla

Gaman er að segja frá því Valdís Eir í 4. bekk í Norðlingaskóla vann smásögukeppni barnanna þann 30. maí síðast liðinn. Smá sagan hennar heitir Emma, Ísbjörnin og fjólubláa skóflan.
Einnig er viðtal við Ásgeir Atla í 7. bekk vegna leikritsins torgsins sem hann samdi sjálfur.
Hægt er að sjá þáttinn á Rúv:
https://www.ruv.is/sjonvarp/spila/sogur-verdlaunahatid-barnanna-2026/38772/bho8q1

https://www.ruv.is/frettir/menning-og-daegurmal/2026-05-11-tilnefningar-til-sagna-verdlaunahatid-barnanna-474586

Norðlingaskóli óskar þeim innilega til hamingju

Norðlingaleikar 2026 voru settir af stað en jafnframt þeir síðust sem Alla skólastjóri setur.
Eins og alltaf er mikil stemning og liðsandi í húsi þegar uppáhalds dagur starfsmanna og nemenda er haldinn.
Tilgangur leikanna eru að nemendur fái tækifæri til að sýna sínar sterku hliðar, sýna hvað þeir eru ólíkir, hvað þeir búa yfir mismunandi hæfileikum og hvernig mismunandi hæfileikar skila liðinu hámarksárangri. Nemendur æfa sig í að vera góðir liðsmenn og sýna samstöðu.

Alla skólastjóri og Helgi aðstoðarskólastjóri voru kvödd með pomp og prakt á þriðjudaginn í íþróttasal skólans, þeim til óvæntar ánægju. Nemendur færðu þeim blómvönd og bók að gjöf með verkum eftir nemendur skólans.
Starfsfólk og nemendur Norðlingaskóla eiga eftir að sakna ykkar starfa og vona að gæfan fylgi ykkur í framtíðinni.

Það er alltaf gaman að lesa fréttir um þegar nemendur skólans standa sig vel enn fyrr á árinu var Helgi Fannar í 2. bekk efstur á barnaskákmóti KR í janúar 2026 ásamt annarri stúlku.
Nemendum skólans finnst gaman að tefla og því er gaman að fjalla um þetta mót þótt seint sé.

Lesa má um mótið hér fyrir neðan.

Katrín Ósk og Helgi Fannar efst á barnaskákmóti KR í janúar 2026 Fyrsta barnaskákmót Skákdeildar KR á nýju ári fór fram laugardaginn 18. janúar sl. Þátttakendur voru 74 sem jafnar þann fjölda sem mest hefur áður verið. Keppt var tveimur flokkum 1.– 3. bekk og 4.…

Það var sólarblíða í dag og nutu nemendur þess að vera úti ásamt kennurum sínum.
Vonandi fáum við fleiri svona góða sumardaga.

Dagana 28. apríl – 4. maí stóð Norðlingaskóli fyrir sameiginlegum lestrarspretti þar sem allir nemendur skólans í 1.–10. bekk auk starfsfólks tóku þátt. Lestrarátakið var unnið í skemmtilegu samstarfi við íþróttafélagið Fylki og bar yfirskriftina:

„Lestur auðgar lífið – Við skorum með lestri“

Markmið verkefnisins var að efla lestrargleði, styrkja lestrarþol og skapa jákvæða sameiginlega upplifun innan skólans með því að tengja saman lestur, líðan og hreyfingu.

Nemendur söfnuðu „boltum“ fyrir lestur yfir vikuna þar sem hver bolti samsvaraði ákveðnum mínútufjölda eftir aldri. Boltarnir voru síðan settir í sameiginlegt mark í aðalsal skólans sem fylltist smám saman af litríkum pappírsboltum frá öllum árgöngum en hvert aldursstig átti sinn lit. Nemendur og starfsfólks skólans skoruðu og skoruðu með lestri og þurfti að útbúa annað stærra mark fyrir hópinn. Mörkin tvö eru falleg og litrík listaverk sem prýða nú skólann.

Við opnun lestrarsprettsins komu leikmenn úr meistaraflokki knattspyrnudeildar Fylkis, karla og kvenna í heimsókn í skólann ásamt þjálfara meistaraflokks kvenna. Þau ræddu mikilvægi lesturs fyrir andlega og líkamlega heilsu, sögðu frá uppáhalds bókum sínum og lásu upp úr þeim fyrir nemendur.

Á lokadegi verkefnisins heimsóttu leikmenn Fylkis nemendur aftur og afhentu sameiginlega viðurkenningu frá skólanum og Fylki sem og fótbolta að gjöf fyrir hvern árgang. Þá var einnig efnt til sameiginlegrar pizzuveislu fyrir nemendur og starfsfólk.

Verkefnið vakti mikla ánægju meðal nemenda og starfsfólks og sýndi vel hvernig skapandi samstarf skóla og íþróttafélags getur styrkt bæði lestrarmenningu og samfélagsanda.

Skemmtileg frétt sem birtist á RÚV um barnamenningarhátíðina. Nemendur í 4. bekk voru í sviðsljósinu í Hörpu syngjandi kátir.
Viðtalið byrjar á 4:18 mín.

Krakkafréttir - Spilari RÚV Ungt fréttafólk flytur fréttir alla vikuna! Í dag er það Emilía sem heilsar ykkur úr fréttastúdíóinu. 1. Opnunarhátíð Barnamenningarhátíðar 2. VÆB með lag Barnamenningarhátíðar 3. Hvað fannst krökkum í salnum?

Dagana 28. apríl - 4. maí, fer fram sameiginlegur lestrarsprettur í Norðlingaskóla þar sem allir nemendur í 1. -10. bekk og starfsfólk skólans taka þátt í. Markmið verkefnisins er að efla lestrargleði, styrkja lestrarþol og skapa jákvæða sameiginlega upplifun innan skólans.
Að þessu sinni er lestrarspretturinn unninn í skemmtilegu samstarfi við fótboltadeild Fylkis, þar sem lestur, líðan og hreyfing eru tengd saman á lifandi hátt. Lestrarspretturinn ber heitið:
Lestur auðgar lífið - Við skorum með lestri

Markmiðið er að fylla sameiginlegt mark í Mörkinni, aðalsal skólans, af pappírsboltum sem búnir eru til í skólanum í mismunandi litum eftir árgöngum.
Allir nemendur fá sérstakt skráningarhefti þar sem lestur er skráður, bæði heima og í skóla. Nemandinn les eins mikið og hann getur (upphátt og/eða í hljóði) og lesturinn er skráður í skráningarhefti þ.e. mínútufjöldi í skóla og heima ásamt heiti bóka. Forráðamenn eru beðnir um að ýta undir heimalestur og aðstoða börn sín við skráningar í heftið. Umsjónarkennari tekur saman mínútufjölda lesturs og merkir skammstöfun sína inn í skráningarheftið sem sýnir nemandanum hversu marga bolta hann hefur náð. Nemandi má lita boltana (sbr. lit árgangs) í sínu hefti.
Þegar að lesið er fyrir nemendur á einnig að skrá þær mínútur.

Opnunarhátíð lestrarspretts 28. apríl kl. 09:15
Skólastjóri setur hátíðina í aðalsal skólans. Þjálfarar meistaraflokks karla/kvenna í fótbolta koma og ræða áhrif lesturs á líkama og sál. Leikmenn í meistaraflokki karla/kvenna segja stuttlega frá uppáhalds barna- og/eða unglingabókum þeirra og lesa brot úr bókunum.

Lokadagur lestrarspretts 4. maí
Þjálfarar og leikmenn koma aftur í skólann inn á námssvæði nemenda og afhenda viðurkenningu (sameiginlega frá skóla og Fylki) með kennurum og stjórnendum. Starfsfólk og nemendur eru hvattir til að klæðast litum síns árgangs þennan dag (sjá liti hvers árgangs hér að ofan). Einnig verður boðið upp á pítsuveislu í hádeginu fyrir nemendur.

Við hvetjum ykkur til að styðja við lestur barna ykkar heima, hver mínúta skiptir máli.

Lestur auðgar lífið, nú skorum við saman með lestri.

Með bestu kveðju,

stjórnendur og kennarar í Norðlingaskóla.

Lokahátíðin í upplestarkeppninni í Reykjavík var haldin í Guðríðarkirkju í dag.

Okkar keppendur voru Ásgeir Atli og Birna Karítas. Stóðu sig bæði afar vel en Birna Karítas hlaut annað sætið í keppninni. Við óskum henni innilega til hamingju með árangurinn