Norðlingaskóli

21/09/2026

Helgina 18. - 20. september var haldin ráðstefna sem heitir UTís online og er haldin á netinu annað hvert ár.
Þetta er mjög góð endurmenntun sem hinir ýmsu fræðimenn geta sótt með fjölbreyttum fyrirlesurum. Hátt i 30 kennarar í Norðlingaskóla sóttu þessa ráðstefnu og hittust flestir hér í skólanum. Hægt er að lesa meira um hana á: https://www.utis.online/

17/09/2026

7. bekkur fór í heimsókn í Borgarleikhúsið í grenjandi rigningu og lét hana ekki stoppa sig. Fékk hann að skyggnast á bak við tjöldin.

Ferðin var bæði fróðleg og skemmtileg en nemendur fengu meðal annars að skoða öll svið leikhússins, kynnast því hvernig sviðsmyndir verða til og heimsækja búningadeildina.
Það var einstaklega áhugavert að fá að sjá allt það mikla starf sem fer fram á bak við hverja leiksýningu.
Við þökkum Borgarleikhúsinu kærlega fyrir frábærar móttökur.

17/09/2026

Heilsulausnir, í samstarfi við Krabbameinsfélagið, Heilsugæsluna og Reykjavíkurborg, hélt erindi í 8. bekk í Norðlingaskóla upp á gjaldfrjálsa nikótín forvarnarfræðslu á dögunum.
Markmið fræðslunnar er að efla þekkingu ungmenna á skaðlegum áhrifum nikótíns á heilsu og líðan.

14/09/2026

1. - 7. bekkur ætlar að taka þátt í svakalegu lestrarkeppninni sem hefst 15. sept til 6. október.
Sá skóli sem les í flestar mínútur (deilt með heildar nemendafjölda) vinnur glæsileg verðlaun og titilinn svakalegasti lestarskóli landsins 2026!
Lesa má allt um keppnina hér:

Svakalega lestrarkeppnin er lestrarátak fyrir börn í 1. - 7. bekk. Grunnskólar á Íslandi keppa um titilinn Svakalegasti lestrarskóli landsins.

03/09/2026

Skemmtileg frétt um hlaupið okkar í Norðlingaskóla

Ólympíuhlaup Íslands fór fram við Norðlingaskóla í Reykjavík í gær en um 500 manns tóku þátt í hlaupinu í ár.

01/09/2026

Í dag var haldið hið árlega Ólympíuhlaup í frábæru veðri undir handleiðslu íþróttakennarateymis skólans.
Gaman var að sjá hve margir komu til þess að hvetja nemendur og hlaupa með þeim. Einn hringur er 5 km og hægt var að hlaupa fleiri.
Takk kærlega fyrir skemmtilegt hlaup!

17/08/2026

Kæru nemendur og forráðamenn!
Skólasetning verður í Björnslundi mánudaginn 24. ágúst klukkan 16.

Nemendur í 1. bekk mæta kl. 09:00 á Suðurvelli. Snagarnir þeirra eru í Nesi, hliðina á bókasafninu á 1. hæð skólans.

Kennsla hefst svo samkvæmt stundaskrá þriðjudaginn 25. ágúst.

Skólaboðunargögn eru á vefsíðu skólans:
https://nordlingaskoli.reykjavik.is/frettir/2026/skolabodunargogn-2026-2027
Við hlökkum til að sjá ykkur,
starfsfólk Norðlingaskóla

15/06/2026

Norðlingaskóli óskar öllum gleðilegs sumars!

Skrifstofa skólans verður lokuð frá og með 19. júní og opnar 10. ágúst.

Sumarkveðja,

starfsfólk Norðlingaskóla

09/06/2026

Gaman er að segja frá því Valdís Eir í 4. bekk í Norðlingaskóla vann smásögukeppni barnanna þann 30. maí síðast liðinn. Smá sagan hennar heitir Emma, Ísbjörnin og fjólubláa skóflan.
Einnig er viðtal við Ásgeir Atla í 7. bekk vegna leikritsins torgsins sem hann samdi sjálfur.
Hægt er að sjá þáttinn á Rúv:
https://www.ruv.is/sjonvarp/spila/sogur-verdlaunahatid-barnanna-2026/38772/bho8q1

https://www.ruv.is/frettir/menning-og-daegurmal/2026-05-11-tilnefningar-til-sagna-verdlaunahatid-barnanna-474586

Norðlingaskóli óskar þeim innilega til hamingju

06/06/2026

Norðlingaleikar 2026 voru settir af stað en jafnframt þeir síðust sem Alla skólastjóri setur.
Eins og alltaf er mikil stemning og liðsandi í húsi þegar uppáhalds dagur starfsmanna og nemenda er haldinn.
Tilgangur leikanna eru að nemendur fái tækifæri til að sýna sínar sterku hliðar, sýna hvað þeir eru ólíkir, hvað þeir búa yfir mismunandi hæfileikum og hvernig mismunandi hæfileikar skila liðinu hámarksárangri. Nemendur æfa sig í að vera góðir liðsmenn og sýna samstöðu.