Endurmenntun LBHÍ

21/09/2026

Hvað verður í fóðri búfjár og eldisfisks – eða á disknum þínum – eftir 10 ár? Skordýr. Örþörungar. Einfrumuprótein?

Kannski hljómar það framandi í dag – en nýjar próteinuppsprettur eru þegar orðnar hluti af þróun framtíðar í matvæla- og fóðurframleiðslu.

Á nýju hálfs dags námskeiði Endurmenntunar LBHÍ, Nýprótein og skordýraræktun – framtíð matvæla og fóðurframleiðslu, skoðum við hvað er raunverulega að gerast á þessu spennandi sviði.

🐛 Geta skordýr orðið mikilvæg próteinuppspretta?
♻️ Getum við nýtt hliðarstrauma og vannýtt hráefni betur?
🌱 Hvaða hlutverki gegna nýprótein í sjálfbærari matvælakerfum?
🔬 Og hvernig verða nýjar hugmyndir að raunverulegum matvælum og fóðri?

Gestafyrirlesari er Sumaya Naser El Deen, rannsakandi hjá Wageningen University & Research, sem fjallar um skordýraræktun og nýtingu skordýrapróteins í alþjóðlegu samhengi.

Margrét Geirsdóttir, matvælafræðingur og verkefnastjóri hjá Matís, tekur síðan við og fjallar um rannsóknir og nýsköpun á sviði skordýra-, örþörunga- og einfrumupróteina – allt frá næringargildi og matvælaöryggi til nýtingar vannýttra hráefna.

Og svo förum við að skoða skordýrin 🐛 Í lok námskeiðsins fá þátttakendur að heimsækja skordýraræktunaraðstöðu Landbúnaðarháskóla Íslands og sjá hvernig ræktunin fer fram.

📅 21. október 2026 | kl. 13:00–16:30
📍 Keldnaholt, Reykjavík
💳 Verð: 25.000 kr.
⏰ Opið fyrir skráningar til 20. október

Námskeiðið hentar fólki úr landbúnaði, fiskeldi, matvæla- og fóðurframleiðslu, nýsköpun, rannsóknum og ráðgjöf – og öllum þeim sem eru einfaldlega forvitnir um hvaðan prótein framtíðarinnar munu koma

👉 Skráning og nánari upplýsingar:
https://endurmenntun.lbhi.is/nyprotein/

07/09/2026

🌲 TRJÁFELLINGAR OG GRISJUN – ÞRIGGJA DAGA NÁMSKEIÐ

Á námskeiðinu fá þátttakendur bæði bóklega fræðslu og mikla verklega þjálfun undir leiðsögn tveggja reyndra kennara. Lögð er rík áhersla á öryggi, rétta tækni og góða líkamsbeitingu við trjáfellingar og grisjun.

Námskeiðið hentar bæði byrjendum og þeim sem vilja bæta færni sína, öðlast meiri öryggi og vinna af meiri fagmennsku með keðjusög.

📅 9.–11. október
📍 Hvanneyri og skóglendi í Borgarfirði
💰 99.000 kr.

👉 Tryggðu þér sæti– aðeins 16 pláss í boði. Skráningarhlekkur í fyrstu athugasemd 👇

Landbúnaðarháskóli Íslands
Land og skógur

01/09/2026

🌿 Á þriðja tug nemenda hefja nú réttindanám í meðferð varnarefna hjá Endurmenntun LBHÍ.

Námið er unnið í samstarfi við umhverfis- og orkustofnun og Vinnueftirlitið og er ætlað þeim sem þurfa réttindi til að starfa við meðferð og notkun varnarefna.

Boðið er upp á ólíkar námsleiðir eftir starfssviði og þörfum þátttakenda, meðal annars nám í plöntuvernd, meindýravörnum og nám fyrir ábyrgðarmenn í markaðssetningu varnarefna.

Námið hefst 3. september og fer alfarið fram í fjarnámi. Nemendur geta því skipulagt námið að miklu leyti eftir sínum hentugleika áður en kemur að prófi í lok september.

Það er ánægjulegt að sjá góðan hóp leggja af stað í námið og við óskum öllum góðs gengis! 🌱

Landbúnaðarháskóli Íslands

29/08/2026

29/08/2026

Í dag stendur yfir námskeið Endurmenntunar LBHÍ um sveppi og sveppatínslu.

Þátttakendur fræðast um ólíkar sveppategundir, læra að þekkja þær og fá innsýn í hvernig má nýta það sem íslensk náttúra hefur upp á að bjóða.

Hér má sjá smá sýnishorn af þeim fjölbreyttu sveppum sem hópurinn fær að skoða og smakka á í dag. 🍄🌿

12/08/2026

🌱 Þarftu réttindi til að nota eða meðhöndla varnarefni?

Nú er opið fyrir umsóknir í réttindanám í meðferð varnarefna hjá Endurmenntun LBHÍ.

Námið er ætlað þeim sem þurfa að afla sér réttinda – eða endurnýja núverandi réttindi – vegna notkunar, meðferðar eða markaðssetningar plöntuverndarvara og útrýmingarefna.

💻 Námið fer alfarið fram í fjarnámi og þú getur nálgast fyrirlestra og námsefni þegar þér hentar.

Fjórar námsleiðir eru í boði:
• Fullt réttindanám - plöntuverndarvörur og útrýmingarefni
• Meindýravarnir - meðferð útrýmingarefna
• Plöntuvernd - notkun í landbúnaði og garðyrkju, þ.m.t. garðaúðun
• Markaðssetning varnarefna - fyrir ábyrgðamenn

📅 Námið hefst 3. september
📝 Rafrænt próf 24. september
⏰ Umsóknarfrestur er 31. ágúst

👉 Kynntu þér námið og sæktu um á endurmenntun.lbhi.is/varnarefni/

13/07/2026

✨NÝTT Í REIÐMANNINUM – FRUMTAMNINGANÁM✨
Frumtamninganám Reiðmannsins er hagnýtt 8 vikna lotunám fyrir hestafólk sem vill fá meiri þjálfun og reynslu í tamningum unghrossa.

Á námskeiðinu vinna nemendur markvisst með eigið unghross undir leiðsögn reyndra reiðkennara og tamningamanna. Verkleg kennsla, heimavinna og regluleg eftirfylgni á Teams mynda samfellda heild þar sem þú færð stuðning í gegnum allt ferlið.

Áhersla er lögð á:
• Traust, ró og örugg samskipti
• Grunnvinnu og hringteymingu
• Að lesa viðbrögð hestsins
• Undirbúning fyrir fyrstu skref undir knapa
• Grunnábendingar: Áfram, stopp og stefnubreytingar
• Fyrstu reiðtúra utandyra ef hesturinn er tilbúinn
• Einstaklingsmiðaða framvindu án þess að flýta ferlinu

Námið hentar bæði þeim sem eru að taka sín fyrstu skref í tamningum og þeim sem hafa einhverja reynslu en vilja bæta við sig þekkingu, öryggi og markvissari vinnubrögðum.

Kennslustaðir og kennarar
📍 Hestamannafélagið Sprettur í Kópavogi
Kennari: Henna Siren
📍 Vesturkot í Skeiða- og Gnúpverjahreppi
Kennari: Þórarinn Ragnarsson

Námið er metið til 4 fein og er ætlað þátttakendum 18 ára og eldri.

Námsfyrirkomulag:
• 12 verklegar kennslustundir
• 3 leiðsagna- og stuðningstímar á Teams milli verklegra tíma
• Sjálfstæð og markviss vinna milli kennslutíma
• 1 fræðsluerindi á Teams um atferli hrossa
• Þátttaka í Fræðsludegi Reiðmannsins

Skráningarfrestur til 31. ágúst. Skráningar og nánari upplýsingar: https://endurmenntun.lbhi.is/frumtamningar/
Verð: 135.000 kr.

Landbúnaðarháskóli Íslands
Áshildur Bragadóttir
Birna Tryggvadóttir
Reiðmaðurinn

Við bjóðum upp á fjölbreyttar námsleiðir og námskeið á sviði landbúnaðar, matvælaframleiðslu, skipulags og umhverfisvísinda. Einnig sérsníðum við námskeið fyrir fyrirtæki og stofnanir á fagsviðum Landbúnaðarháskóla Íslands.

11/07/2026

Gömul handverksþekking lifnar við í Hvalfirði - Um helgina fer fram verklegt námskeið Endurmenntunar LBHÍ í grjóthleðslu við hina fornu lögrétt Kjósverja við Fossá í Hvalfirði.

Undir leiðsögn Unnsteins Elíassonar hleðslumeistara kynnast þátttakendur undirstöðuatriðum grjóthleðslu og vinna saman að endurhleðslu gamallar fjárréttar. Um leið fá þeir innsýn í þá aldagömlu verkþekkingu sem mótaðist af náttúru landsins og þeim efniviði sem hún gaf.

Mikill áhugi hefur verið á námskeiðinu, en er þetta annað námskeiðið í sumar þar sem biðlisti myndaðist.

Hér má sjá nokkrar skemmtilegar myndir frá helginni.

Landbúnaðarháskóli Íslands

09/07/2026

📣 Viltu dýpka skilning þinn á lögum, stjórnsýslu og ákvörðunum sem móta skipulag, framkvæmdir og byggðaþróun?

Endurmenntun LBHÍ býður upp á námskeiðið Skipulagslögfræði og stjórnsýsluramminn, háskólanámskeið á meistarastigi sem er metið til 6 ECTS eininga.

Námskeiðið hentar sérstaklega þeim sem starfa við eða hafa áhuga á:

- Skipulagsmálum og stjórnsýslu
- Sveitarstjórnarmálum og opinberri ákvarðanatöku
- Mannvirkjagerð og leyfisveitingum
- Arkitektúr og landslagsarkitektúr
- Verkfræði, hönnun og framkvæmdamál
- Sveitarstjórnarmálum og opinberri ákvarðanatöku
- Umhverfis- og náttúruverndarmálum

Á námskeiðinu verður farið yfir þann lagalega og stjórnsýslulega ramma sem hefur áhrif á skipulagsgerð, byggingarleyfi, framkvæmdaleyfi, umhverfismat, náttúruvernd, eignarrétt og úrlausn ágreiningsmála.

Þátttakendur fá innsýn í raunveruleg dæmi, dóma og úrlausnir úr íslenskri og evrópskri réttarframkvæmd og öðlast betri skilning á því hvernig lög, stjórnsýsla og faglegar ákvarðanir fléttast saman í skipulags- og byggingarmálum.

👩‍🏫 Kennari er Ásta Sóley Sigurðardóttir, lögmaður og eigandi Mannvirkjamála lögmannsstofu, með víðtæka reynslu af lögfræðilegum álitaefnum tengdum mannvirkjagerð, skipulagsmálum og stjórnsýslu.

📍 Kennsla fer að mestu fram í fjarnámi á Teams, með staðlotum hjá LBHÍ á Keldnaholti í Reykjavík.
⏱️ 46 fyrirlestratímar á 12 vikna tímabili
🎓 6 ECTS einingar
💰 Verð: 55.000 kr.

👉 Skráning og nánari upplýsingar: https://endurmenntun.lbhi.is/skipulagslogfraedi/

Aðeins örfá pláss í boði.