Ökukennsla Ólafs

Stutt kynning á mér ökukennaranum :)

Ég heiti Ólafur Gunnar Sævarsson og er fæddur árið 1980. Ég er fjölskyldumaður og bý í Breiðholti. Er giftur Unni Maríu Sólmundsóttur, kennara. Ég á stjúpson á þrítugsaldri og eigum við Unnur saman tvö börn sem eru í famhaldsskóla.

Ég hef starfað í lögreglunni síðan 2002, í almennri deild, í rannsóknardeildum og í umferðardeild. Síðastliðin 18 ár hef ég starfað í umferðardeildinni þar sem ég sinni fyrst og fremst umferðarlöggæslu á mótorhjóli þegar veður til þess leyfir :) Ég kenni og þjálfa lögreglumenn á höfuðborgarsvæðinu í akstri með forgangi (forgangsakstur). Þá kenni ég lögreglunemum forgangsakstur nokkrum sinnum á ári hjá Mennta -og fræðslusetri lögreglunnar. (MSL).

Ég hef verið starfandi ökukennari síðan 2018 og hefur mér. gengið vel í ökukennslunni sem er mjög gefandi og skemmtilegt starf. Hef ég fólki á öllum aldri og á meðal nemenda minna er fólk sem sest hefur hér að frá Asíu, Afríku, Bandaríkjunum og víðar. Í þeim tilfellum hefur kennslan oft farið fram á ensku.

Ég legg mig fram við að vera með hlýja og góða nærveru og er mjög þolinmóður og kurteis. Góð samskipti ökukennara og nemanda skipta miklu máli og til þess að nemanda líði vel þarf ökukennari að hafa þessi atriði í góðu lagi. Nemanda sem líður vel í ökutímum gengur betur í akstrinum og að læra alla þessa nýju hluti sem tengjast akstri í umferðinni. Ég hef mikla reynslu af því að kenna nemendum sem eru með ADHD og einhverfu. Þessir nemendur náðu góðum árangri hjá mér.

Ég hef gaman af gönguferðum og útivist. Þá hreyfi mig reglulega með því að stunda hlaup, hjólreiðar, brasilískt ju jitsu og lyftingar. Þá er ég mikill áhugamaður um umferðaröryggismál, bíla, körfuknattleik o.fl.

Call now to connect with business.

Nú þegar haustið nálgast og myrkrið fer að skella á er mikilvægt að keyra með ljósin kveikt og kanna hvort ljósabúnaður bíla sé í lagi.

Algengt er að fólk átti sig ekki nógu fljótt á því að perur og LED ljós séu hætt að loga. Þetta á sérstaklega við að aftan.

Mikilvægt er að gæta að því að ökuljósin séu kveikt að framan og að aftan.

Allt of algengt er að fólk sé með ljósarofann stilltan á AUTO. Ekki nota AUTO stillinguna þvi þá loga ökuljósin ekki í dagsbirtu, og þú ekur um ljóslaus að aftan og með smá týru að framan (Dagljós/stöðuljós)

Ljósaskylda er á Íslandi allan sólarhringinn allt árið um kring. Að aka um einungis með með dagljósin/stöðuljósin kveikt að framan er þess vegna ólöglegt.

Hér er ágætis myndband frá Samgöngustofu um þetta viðfangsefni.

Ljósabúnaður - fræðslumynd Ökutæki með ljósin kveikt eru mun sýnilegri í umferðinni. Auk þess lýsa þau upp endurskin gangandi og hjólandi vegfarenda. En ertu viss um að öll ljósin á bí...

Nú þegar sumarið er að byrja er rétt að hafa mótorhjólin í huga úti í umferðinni. Sumarið er tími mótorhjólanna og sýna þarf ökumönnum þeirra sérstaka tillitssemi sökum þess hve ökumenn bifhjóla eru berskjaldaðir ef þeir lenda í umferðaróhöppum. Þeir eru ekki í lokaðri stálskel með öryggisbelti og öryggisloftpúða eins og ökumenn bifreiða. Þá eru ökumenn bifhjóla margfalt líklegri en ökumenn bifreiða til þess að slasast alvarlega eða láta lífið í umferðaróhöppum.

Bílar og bifhjól - Samgöngustofa Hér er fjallað um þær hættur sem geta skapast í umferðinni milli bifhjóla og bíla. Fjallað er um atriði sem gott er fyrir bifhjólamenn að hafa í huga.

Það er alltaf gleðistund fyrir ökunema þegar þeir standast verklega bílprófið. Hann Breki stóðst prófið með ágætum fyrir stuttu og var hann að sjálfsögðu afar kátur með það :)

Það hlaut að koma að því.
Þetta mikið framfaraskref og til þæginda fyrir ökumenn...

Ökuskírteini í símann Í vor verður hægt að fá ökuskírteini í síma. Fjölmargir nota nú símann sem greiðslukort, flugmiða og fleira. Stafræn ökuskírteini verða til hagsbóta fyrir

Ég óska öllum gleðilegs nýs árs og þakka fyrir árið sem er að líða :)

Ertu ennþá á sumardekkjunum ?

Ef svo er skaltu skipta við fyrsta tækifæri um dekk og setja vetrardekkin undir. Dekkin eru eitt mikilvægasta öryggistæki bílsins.

Góð vetrardekk minnka líkurnar á því að þú missir veggripið og lendir í umferðaróhappi. Lágmarks mynstursdýpt á veturna er 3 mm. (1 nóv - 14 apríl). Enginn ætti samt að aka um á dekkjum með 3 mm mynstursdýpt á veturna. 3 mm mynstursdýpt þýðir að 78 % af dekkinu er búið að eyðast og dekkið að verða ónýtt.

Kíkið á þetta ágæta myndband frá Samgöngustofu um undirbúning vetraraksturs og mikilvægi góðra vetrardekkja.

38 Undirbúningur fyrir vetrarakstur - Hjólbarðar - Samgöngustofa Hjólbarðar eru án efa mikilvægasta öryggistæki bifreiðarinnar og ekki hvað síst þegar vetrarfærð er á vegum. Hér er fjallað um ýmiss mikilvæg atriði sem skip...