Fjölmennt

Fyrir nokkru bárust okkur þær fregnir að Skúli Steinar Pétursson væri látinn. Við hér í Fjölmennt minnumst Skúla Steinars sem mikils baráttumanns fyrir námstækifærum fyrir fatlað fólk. Hann tók þátt í mörgum frumkvöðlaverkefnum með okkur í Fjölmennt og lét til sín taka í baráttuhreyfingunni. Það munaði svo sannarlega um hans framlag.

Skúli var mikill talsmaður réttinda fatlaðs fólks og tók þátt í ýmsum frumkvöðlaverkefnum hér í Fjölmennt sem og annars staðar. Hann var í fyrsta hópi þeirra sem útskrifaðist úr diplómanámi fyrir fólk með þroskahömlun við HÍ. Áður hafði hann skrifað greinar og lagt áherslu á mikilvægi þess að fötluðu fólki stæði til boða nám á háskólastigi.

Skúli var einnig með fyrstu umsjónarmönnum sjónvarpsþáttarins "Með okkar augum," sem byrjaði sem námskeið í þáttagerð í Fjölmennt. Hann var einn af sendiherrum Sameinuðu þjóðanna um réttindi fatlaðs fólks, verkefni sem var sett á laggirnar í samstarfi við Þroskahjálp og síðar Velferðarráðuneytið. Verkefnið var virkt á árunum 2011-2019, þar sem sendiherrarnir kynntu samning Sameinuðu þjóðanna um réttindi fatlaðs fólks og unnu einnig með réttindagæslunni. Skúli var sérstakur baráttumaður fyrir aðgengi að námi, sérstaklega háskólanámi. Verkefnið hlaut Múrbrjótinn árið 2011.

Skúli var einnig öflugur meðlimur í hljómsveit sem starfrækt var í Fjölmennt og spilaði á mörgum tónleikum. Meðfylgjandi mynd er einmitt af Skúla á hljómsveitaræfingu fyrir nokkrum árum.

Við vottum fjölskyldu og öðrum ástvinum Skúla dýpstu samúðarkveðjur.

Eigum laust pláss í Tölvuleikjagerð

Skoðaðu námskeiðið hér:

Tölvuleikjagerð með Scratch - nýtt Scratch er þróað af MIT tækniháskólanum og er verkfæri sem gerir forriturum kleift að skapa og læra að forrita.

viltu prjóna í samfélagshúsinu? Það er enn hægt að bætast við hópin sem hittist í samfélagshúsinu og prjónar.
Upplýsingar um námskeiðið hér fyrir neðan

Prjónum saman Námskeiðið er kennt á miðvikudögum kl 12 - 13 í Samfélagshúsinu Bólstaðarhlíð 43. Strax á eftir eða kl 13 er prjónahittingur á vegum samfélagshússins á sama stað og því kjörið að sitja aðeins lengur með prjónana.

Upptaka af vortónleikum Fjölmenntar 2026! Tilvalið fyrir þau sem misstu af eða vilja sjá aftur:)

Vortónleikar Fjölmenntar 2026 00:00 Moonshine (forspil)10:01 Egill Steinþórsson12:55 Pálmi Sveinsson16:38 Jón Hlöðver Loftsson19:13 Ólafur Viggó Lárusson 22:18 Sunna Ósk Stefánsdóttir25:1...

viltu læra að gera myndasögur? stutt hagnýtt námskeið sem hefst í lok maí

Langar þig að læra myndasögugerð?

Opið er fyrir umsóknir í Starfstengt diplómanám

📸Nokkrar myndir frá Vortónleikum Fjölmenntar í Fella og Hólakirku mánudaginn 11.maí. Á tónleikum flutti tónlistarfólk Fjölmenntar tónlist sem það hefur unnið að á önninni🥳🙌🫶🎸🎤

Viltu prjóna í góðum félagskap og kynnast starfsemi samfélagshúsa í leiðinni?

Prjónum saman er nýtt námskeið í samstarfi við Samfélagshúsið Bólstaðarhlíð þar sem markmiðið er að kynnast starfsemi samfélagshússins með það að markmiði að geta nýtt aðstöðu samsamfélagshúsins.

Hér getur þú lesið meira um námskeiðið
https://www.fjolmennt.is/is/namskeid/nanar/prjonum-saman

Langar þig að læra að gera myndasögur?

Opið fyrir umsóknir í hagnýtt stutt námskeið í myndasögugerð!

Hér getur þú lesið meira um námskeiðið
https://www.fjolmennt.is/is/namskeid/nanar/myndasogugerd-med-inga-runari