Fræðslumiðstöð atvinnulífsins

👉 Góðar fréttir fyrir leiðsögufólk – nú er hægt að fara í raunfærnimat á móti námskrá Leiðsöguskólans sem starfar í Menntaskólanum í Kópavogi.
Þetta er langþráð tækifæri fyrir þau sem hafa byggt upp mikla reynslu í starfi og vilja fá staðfestingu á færni sinni, hvort sem er til að styrkja stöðu á vinnumarkaðnum eða stytta leiðina í námi.
Skilyrði:
✔️ 23 ára eða eldri
✔️ Að lágmarki 3 ára starfsreynsla í greininni
✔️ Stúdentspróf eða sambærileg menntun
Raunfærnimat eykur sýnileika á færni, styður við fagmennsku og hefur jákvæð áhrif á gæði íslenskrar ferðaþjónustu.
Hæfnisetrið var ráðgefandi við undirbúning verkefnisins en framkvæmd raunfærnismats verður í höndum Mímir Símenntun.
➡️ Nánar má fræðast á vef leiðsögufólks hjá VR.

Ársskýrsla Fræðslumiðstöðvar atvinnulífsins fyrir árið 2025 er komin út á rafrænu formi. Þar má lesa um starfsemi FA, helstu verkefni og árangur á liðnu ári.
Árið einkenndist af mikilli eftirspurn eftir námi, þar sem þátttaka jókst um 9% og nærri 3.000 einstaklingar luku námi. Breytt samsetning nemendahópsins er einnig áberandi, en erlendir ríkisborgarar eru nú meirihluti þátttakenda. Þessi þróun undirstrikar mikilvægi sveigjanlegs og aðgengilegs náms sem tengist beint störfum og skilar beinum ávinningi á vinnumarkaði.
Um leið og framhaldsfræðslan sækir í sig veðrið blasir við skýr áskorun: fjármagn nær ekki að fylgja eftir vaxandi þörf.
👉 Lesið ársskýrsluna hér:

Ársskýrsla FA 2025 komin út - Fræðslumiðstöð atvinnulífsins Ársskýrsla Fræðslumiðstöðvar atvinnulífsins (FA) fyrir árið 2025 er komin út á rafrænu formi. Í árskýrslunni er farið yfir starfsemi FA og árangur starfsins á árinu. Árið 2025 hjá FA einkenndist af mikilli eftirspurn eftir símenntun, fjölgun í námi og breyttum nemendahópi...

Hvernig mætir Ísland vaxandi eftirspurn eftir sérhæfðri færni?

Þessari spurningu var velt upp á vefstofunni Færni, framtíð og Evrópa: Stefnumótun og tækifæri Íslands fór fram þann 6. maí síðastliðinn. Vefstofan var hluti af ársfundi Erasmus+ þar sem færni og framtíðarþarfir vinnumarkaðarins voru í brennidepli.

Vefstofan þótti afar gagnleg og veitti mikilvæga innsýn í tengsl menntunar, færni og þarfa vinnumarkaðarins á Íslandi. Ljóst er að áframhaldandi samstarf menntayfirvalda og atvinnulífs verður lykilatriði til að mæta þeim áskorunum sem fram undan eru.

Nánar frá vefstofunni í fyrstu athugasemd ⬇️

Í nýrri grein í Gátt, veftímariti framhaldsfræðslunnar, fjallar Steinunn Björk Jónatansdóttir, náms- og starfsráðgjafi og deildastjóri hjá Miðstöð símenntunar á Suðurnesjum, um vel heppnað verkefni sem miðaði að því að ná til og efla konur af arabískum uppruna sem eru innflytjendur hér á landi.

Markmið þessa verkefnis var að bjóða uppá námskeið sem væri valdeflandi rými fyrir konur þar sem áherslan var meðal annars á sjálfstyrkingu, starfsfræðslu og heilsueflandi fræðslu þátttakendum til hagsbóta. Í verkefninu tóku þátt konur með fjölbreyttan bakgrunn. Sumar höfðu þegar einhverja reynslu af íslenskum vinnumarkaði, aðrar voru að stíga sín fyrstu skref en engin þeirra var í föstu starfi þegar þær komu á námskeiðið. Verkefnið var unnið í nánu samstarfi við félagsþjónustu Reykjanesbæjar og Vinnumálastofnun.

Lesið um þetta á vef Gáttar:

Kraftur til framtíðar - valdefling arabískra kvenna á Suðurnesjum - Gátt Samkvæmt Hagstofu Íslands árið 2025 var hlutfall íbúa með erlent ríkisfang á Suðurnesjum rúm 30%1 (Hagstofa Íslands, 2025). Þar á meðal er hópur kvenna af arabískum uppruna, með margvíslegan bakgrunn, menntun og starfsreynslu. Margar þeirra eiga það þó sameiginlegt að hafa e...

Framkvæmdastjórar allra 14 fræðslu- og símenntunarmiðstöðva landsins komu nýverið saman til vinnufundar hjá Fræðslumiðstöð atvinnulífsins (FA):

Samstaða í framhaldsfræðslunni - Fræðslumiðstöð atvinnulífsins Framkvæmdastjórar allra 14 fræðslu- og símenntunarmiðstöðva landsins komu nýverið saman til vinnufundar hjá Fræðslumiðstöð atvinnulífsins (FA). Auk þeirra sátu fundinn fulltrúar eigenda FA, frá Samtökum atvinnulífsins (SA) og Alþýðusambandi Íslands (ASÍ), ásamt formanni ...

,,Færni á vinnumarkaði opnar ekki einungis ný tækifæri fyrir nemandann, heldur vinnumarkaðinn, menntakerfið og samfélagið. Við erum eitt samfélag með fjölbreytta færni og mikilvægt að allir finni til sín í lífi, námi og starfi. Við þurfum því að tryggja þessu námi varanlegan farveg."

„Ekki gefast upp“ – Árangur í starfsnámi sýnir fram á nauðsyn samfellu í kerfinu. - Fræðslumiðstöð atvinnulífsins Starfstengda námskráin Færni á vinnumarkaði hefur veitt einstaklingum sem hafa staðið höllum fæti, tækifæri til að fara út á vinnumarkaðinn og nýta sína færni. Færni á vinnumarkaði er starfstengd námskrá sem lítur að námi og þjálfun til að efla færni fatlaðra einstakli...

Í umsögn Samtaka atvinnulífsins, Alþýðusambands Íslands og Fræðslumiðstöðvar atvinnulífsins um drög að tillögu til þingsályktunar um framkvæmdaáætlun í málefnum innflytjenda 2026–2029 er bent á að hlutverk og ábyrgð FA séu óskýr í drögunum því Fræðslumiðstöðin gegnir lykilhlutverki í framhaldsfræðslukerfinu á grundvelli þjónustusamnings við mennta- og barnamálaráðuneytið og hefur víðtæka reynslu af þróun náms, raunfærnimats og ráðgjafar fyrir fólk á vinnumarkaði, þar á meðal innflytjendur:

SA og ASÍ kalla eftir skýrara hlutverki Fræðslumiðstöðvar atvinnulífsins SA og ASÍ telja að með nánara samstarfi og markvissu samráði megi styrkja innviði fræðslu fyrir innflytjendur og stuðla að aukinni þátttöku þeirra í námi, starfi og samfélagi.

Minnum á súpufund með fagfólki í fullorðinsfræðslu, þriðjudaginn 24. febrúar kl. 11:30-13:30 á Nauthóli.

Flutt verða erindi frá hagaðilum sem eru með reynslu af óformlegri fræðslu og notkun skapandi námsrýma.
Nánar og skráning í fyrstu athugasemd⬇️

https://frae.is/thjalfun-vegna-raunfaernimats-namskeid-i-mars/

Þjálfun vegna raunfærnimats - námskeið í mars - Fræðslumiðstöð atvinnulífsins Fræðslumiðstöð atvinnulífsins (FA) heldur námskeið vegna raunfærnimats til styttingar á námi 9. og 10. mars 2026. Námskeiðið er ætlað matsaðilum, verkefnastjórum og ráðgjöfum sem koma að raunfærnimatsverkefnum. Einnig eru hagsmunaaðilar sem vilja kynna sér framkvæmd raunfæ...

Í fyrstu grein ársins í Gátt fjalla Hildur Betty Kristjánsdóttir og Fjóla María Lárusdóttir um verkefni sem er að fara af stað hjá FA um aðlögun og innleiðingu á verkfærinu Tungumálafulltrúi á vinnustað í samstarfi við hagaðila. Verkfærið byggist á sænskri fyrirmynd en um norrænt samstarf er að ræða.

Tungumálafulltrúi er starfsmaður sem hefur það hlutverk að styðja við samstarfsfólk sitt í að læra ríkjandi tungumál vinnustaðarins. Þetta verkefni hefur gefið góða raun í Svíþjóð og Noregi og hafa nú um 55.000 tungumálafulltrúar verið þjálfaðir í þessari aðferð í Svíþjóð og um 200 í Noregi víðsvegar í atvinnulífinu.

Lesið meira um verkefnið á vef Gáttar:

Tungumálafulltrúi á vinnustað - leið til að efla vinnuumhverfið - Gátt Fræðslumiðstöð atvinnulífsins (FA) undirbýr nú aðlögun og innleiðingu á verkfærinu Tungumálafulltrúi á vinnustað í samstarfi við hagaðila. Verkfærið byggist á sænskri fyrirmynd en um norrænt samstarf er að ræða sem miðar jafnframt að sameiginlegri þróun þess innan st...