Barnaheimilið Ós

✨Barnaheimilið Ós auglýsir eftir leikskólastjóra.✨

Barnaheimilið Ós er lítill sjálfstætt starfandi leikskóli með stórt hjarta. Leikskólinn er sjálfseignarstofnun og eini foreldrarekni leikskólinn í Reykjavík. Starfsmenn eru að jafnaði um 15 og börnin um 40. Lögð er áhersla á heimilislegt umhverfi og tækifæri foreldra til að taka þátt í starf leikskólans með það að markmiði að virk tengsl séu milli heimilislífs barnanna og lífsins á Ósi.

Einkunnarorð Óss eru samvera, leikur og gleði!
Leitað er að manneskju sem hefur brennandi áhuga á kennslu barna og býr yfir leiðtoga- og skipulagshæfileikum, vinnur vel í teymi og getur leitt gott og metnaðarfullt starf á Ósi.
Barnaheimilið Ós hélt í fyrra upp á 50 ára afmæli. Saga skólans er bæði löng og falleg og starfið hefur mótast og þróast í takt við breytta tíma. Nýjum leikskólastjóra mun gefast færi á að byggja á þeim góða og gamla grunni sem þegar er fyrir hendi og móta framtíðarstefnu Ós og leiða þannig áfram frekari þróunarvinnu.

Meginhlutverk leikskólastjóra:
✨ Stýrir og ber ábyrgð á rekstri og daglegri starfsemi leikskóla
✨ Faglegur leiðtogi og mótar framtíðarsýn í samræmi við lög um leikskóla og aðalnámskrá leikskóla
✨ Veitir skólanum forstöðu á sviði kennslu, þróunar og skipulagningu uppeldisstarfsins
✨ Ber ábyrgð á starfsmannamálum, s.s. ráðningum, starfsþróun og vinnutilhögun
✨ Tekur þátt í ýmis konar samstarfi um leikskólamáls
✨ Náið samstarf og samvinna við stjórn og foreldra

Menntunar- og hæfniskröfur:
⭐️Leikskólakennaramenntun eða leyfisbréf kennara
⭐️ Reynsla af kennslu barna
⭐️ Reynsla af stjórnun æskileg
⭐️ Sjálfstæð og skipulög vinnubrögð
⭐️ Jákvæðni og færni í mannlegum samskiptum
⭐️ Og síðast en ekki síst brennandi áhugi á að starfa með börnum og vinna að málefnum þeirra.

Upplýsingar um starfið veitir Sigríður Harðardóttir, stjórnarmaður í stjórn Barnaheimilisins Óss, s: 866-0720. Áhugasöm eru hvött til að hafa samband með spurningar.
Umsóknir skulu berast með tölvupósti á netfangið [email protected]

Umsóknarfrestur er til og með 15. apríl 2024.
Umsóknir skulu innihalda starfsferilskrá og kynningarbréf sem greinir frá helstu áherslum sem viðkomandi sér fyrir sér í starfinu.

Við á Ósi erum að leita af starfsfólki sem að getur komið í okkar frábæra starfsmannahóp í vetur. Endilega verið í sambandi ef þið hafið áhuga.

Heimilisfang: Skerplugata 1
Sími: 552-3277
Netfang: [email protected]

Ljósið í deginum
Í tilefni þess að Ós okkar allra fagnar 50 ára afmæli þá fengum við boð frá Reykjavíkurborg um að setja upp sýningu í gróðurhúsinu niður á Lækjartorgi. Allir kjarnarnir tóku þátt og fékk sýningin heitið Ljósið í deginum. Á "nýja" Ósi er útsýnið yfir Reykjanesskaga algerlega frábært og ljósadýrðin í skammdeginu dásamlegt. Þau upplifa og fylgjast með mismunandi litum sem að breiða sig yfir himininn þegar veðrið er gott. Börnin á Krummakjarna langaði að gera líkan af Ósi og fóru í könnunar ferðir í kringum húsið og settu síðan saman sína útgáfu af húsinu. Kríukjarni fylgdist með ljósa dýrðinni og gerðu svo saman himininn fyrir ofan Ós Krummana. Krílin á Lóukjarna blönduðu síðan rauðum og bláum með tækninni blaut í blaut og fylgdust með því hvernig litirnir runnu saman í dásamlegar lita súpur. Ofurkrílin á Hreiðrinu eru svo með sýnishorn af því hvernig þau vinna með skynfærin sín á skapandi hátt. Auðvitað er síðan hinu dýmæta samstarfi foreldra og starfsfólks gerð góð skil. Síðasti dagur uppsetningarinnar er á morgun og við hvetjum alla Ósara bæði gamla og nýja að koma og sjá.
Njótið aðventunnar kæru vinir!

Njótið helgarinnar kæru vinir 🧡

🥳 Sjáumst á morgun á 50 ára afmælishátíð Óss á Skerplugötu 🥳

Fjölskyldudagskráin stendur frá 14:00 - 17:00 og er eftirfarandi:

14:00 - Hátíð hefst.
Á meðan hátíð stendur verður hægt að fá andlitsmálningu, gera grímur, skoða yfirlitssýning um 50 ára sögu Óss og listasýningu barnanna á Ósi og fá nýtt lógó Óss prentað á föt og klæði sem hvert og eitt kemur með að heiman.
14:15 - Afmælisræður frá núverandi og fyrrverandi Ósurum og ný námskrá Óss kynnt.
14:35 - Tónlistaratriði frá Teiti
Sýrlensk matarveisla og kökuboð hefst
15:00 - Sýning frá sirkushópnum Hringleiki í listigarðinum fyrir framan Ós. Á eftir geta börn og fullorðnir fengið að prufa ýmis sirkusáhöld.
15:30 - DiskÓS ft. DJ UNI&ÖDDI. Sápukúlur, stuð og stemming.
16:00 - Tónlistaratriði frá Geimleikunum og ísbíllinn frá Valdísi.
17:00 - Fjölskyldudagskrá lýkur.

Fullorðinsdagskráin stendur frá 20:00 - 22:00 á Skerplugötu þar sem fullorðnir eldri og yngri Ósarar geta komið saman, rifjað upp góða tíma og skálað fyrir stórafmælinu. BYOB

𝗘𝗿𝘂𝗺 𝘃𝗶ð 𝗮ð 𝗹𝗲𝗶𝘁𝗮 𝗮ð þ𝗲́𝗿? ☺️

🔸Okkur vantar kennara/leiðbeinenda í okkar frábæra starfsmannahóp.
🔸Við erum í yndislegu húsi í Litla Skerjafirðinum, þar sem ríkir hlýr andi og faglegt starf.
🔸Hafðu samband: [email protected]
🔸Hlökkum til að heyra frá þér! 🌿🌿