Tónskóli Sigursveins D. Kristinssonar

Kannast einhver við þennan fatnað? Þið getið sótt hann á Engjateig á morgun, föstudag, áður en við skellum í lás fyrir sumarið.

Við minnum á skólaslitin í Langholtskirkju á morgun kl. 17. Þar fá nemendur afhent prófskírteini og umsagnir eftir veturinn auk þess sem glæsileg tónlistaratriði verða flutt.

Glæsilegir útskriftartónleikar úr 8. 9. og 10. Suzukibók fyrir fiðlu þar sem fluttir voru m.a. þrír fiðlukonsertar eftir Mozart og Kavakevsky. Til hamingju með frábæran árangur og dásamlegan tónlistarflutning Særún Luna Solimene, Drífa Rán Solimene og Gerða Maria Zoega, Greta Guðnadóttir fiðlukennari og Ingunn Hildur Hauksdóttir meðleikari.

Tónskóli Sigursveins D. Kristinssonar leitar að tónlistarkennurum í afleysingar fyrir skólaárið 2026-27 í eftirfarandi störf og starfshlutföll:

Píanó Suzukikennsla 40%
Píanókennsla 40%
Saxófónkennsla 20 %
Trompetkennsla 40%
Forskólakennsla 20-40%
Meðleikur 20%
Tónfræði 40%

Hæfniskröfur :

Háskólapróf í tónlist eða tónlistarkennslu eða tónlistarnám sem nýtist í starfi.
Reynsla af kennslustörfum eða meðleik.
Lipurð og sveigjanleiki í samskipum.
Fjölhæfni og frumkvæði í starfi.
Sjálfstæð og skipulögð vinnubrögð.

Umsóknafrestur er til 31.maí n.k

Umsóknir sendist til skólastjóra á netfangið [email protected]

Á tónleikum tónsmíðaáfangans voru flutt verk fyrir strengjakvartett, fiðludúo og píanó eftir Aldísi Maríu Gylfadóttur og Elfi Gabríelu Szabó. Til hamingju með frábæran árangur, nemendur og Úlfar Ingi Haraldsson kennari.

Til hamingju með glæsilega framhaldsprófstónleika Baldur Kári og Jórunn Þórey Magnúsdóttir píanókennari.

Hinn árlegi DAGUR TÓNSKÓLANS er á morgun, laugardaginn 16. maí og hefst dagskráin kl. 10. Haldnir verða 8 tónleikar þar sem meira en 300 nemendur koma fram, þar á meðal forskólanemendur, Suzukihópar, gítarsveitir og rytmasveitir, auk fjölda einleiks- og samleiksatriða.

Tónleikarnir verða í Fella- og Hólakirkju og í sal Tónskóla Sigursveins í Hraunbergi 2

Fella- og Hólakirkja
kl. 10 Forskólatónleikar
kl. 11 Tónleikar Suzukideildar
kl. 14 Blandaðir tónleikar
kl. 15 Tónleikar framhaldsdeildar

Tónskóli Sigursveins - Hraunbergi 2
kl. 11 Blandaðir tónleikar
kl. 12 Tónleikar framhaldsdeildar
kl. 14 Blandaðir tónleikar
kl. 15 Blandaðir tónleikar

Verið öll hjartanlega velkomin í tónlistarveislu Tónskóla Sigursveins

Stoltir nemendur eftir frábæra frammistöðu á Suzuki útskriftartónleikum. Til hamingju með árangurinn nemendur, foreldrar og kennarar; Diljá Sigursveinsdóttir, Gréta Rún Snorradóttir og Sarah Buckley